Monday, May 14, 2007

! رسالة هامة فى زجاجة فى محيط

الجمعة كالعادة ملتقانا
اللمة وسط أفراد العائلة الكبيرة بشخصياتهم المتنوعة وظروفهم الاجتماعية المختلفة. وشوشة وضحك
وهزار ورغى فى السياسة والفن ولا مانع من بعض الدموع عند اللزوم، وكله بين صراخ الأطفال وتحضيرات الغداء من كل أنواع الدسم
كانت الجمعة قبل الماضية فرصة لاستكشاف جوانب لم أكن أعرفها عن أشقائي! نعم..فنحن يمكن أن نظل نكتشف جديد حتى فى أقرب الناس لنا (بل وفى أنفسنا) رغم السنوات، ربما من أسباب هدا الاستكشاف أيضا أنني أقل أفراد العائلة استقرارا فى مصر
ما علمته أن بعض من أخوتي أنهم ـ رغم الانشغالات والعمل والأسرة وضجيج الحياة فى القاهرة ـ مازال لديهم بعض الوقت لكتابة انطباعات شخصية وأحاسيس ومشاعر على الورق من حين لآخر.
ما وجدنا أنفسنا مشتركين فيه أن أغلب هده الكتابات تكون عادتا عن مشاعرنا إزاء أقرب الأشخاص لنا. مشاعر حب وتقدير أو لوم وعتاب وأحيانا حتى طيف كراهية، ولكن ما وجدناه غريبا أننا ليس بالضرورة نبلغ هده المشاعر للأشخاص المعنيين. يعنى شقيقتي يمكن أن تكتب عن لومها لزوجها فى أمر ما، ثم تضع الورقة فى مكان لا تصل له يد أحد ولا يعلم زوجها أساس باللوم أو بمشاعرها! أي أن الكتابة بالنسبة لنا
أصبحت بديل عن التواصل فى حين أنها من المفروض أن تكون مكملا أو سببا للتواصل
وهكذا..عواطف وأشواق وربما حرمان يتم شحنهم فى ورقة نضعها فى رسالة ونلقى بها فى المحيط وننتظر أن تصل للشخص المعنى
...آفة عائلية

5 comments:

اجندا حمرا said...

عزيزتي
blackcairorose
شدتني اوي القصه اللي حكيتيها فقد جعلتي الكلمات تنبض بالواقع و كأننا حاضرين معكي
كمان شدني اوي جملتك عندما ذكرتي نحن يمكن ان نظل نكتشف الجديد حتي في اقرب الناس لما بل و في انفسنا رغم السنوات و يمكن ده بيفرسلي حاجات كتيره في شخصيتي لأني فعلا بلاقي نفس بعد مرور سنوات عديده اني بكتشف حاجات كتيره فيا مختلفه عن زمان و ماكنتش اعرفها كمان بلاقي نفسي النهارده غير امبارح غير من ساعتين فاتوا حتي في اسلوب كتابتي للبوستات بحس اني لو كتبت بوست معين دلوقتي ممكن لو جيت اكتبه بعد ساعتين حكتبه بأسلوب تاني يمكن نفس الروح بس بشكل تاني
عجبني كمان في اللي قلتيه لما اتكلمتي عن الكتابه و بصراحه انا معاكي الكتابه مفروض انها تكون مكمله للتواصل مش بديل عنه و لو ان فيه ناس كتيره بتجد راحه في التنفيس عن نفسها علي الورق و مش بتقدر تعبر عن اللي جواها لاقرب الناس مع اني شايفه ان طالما انا اطلقت عليهم اقرب الناس يبقي اكيد حيفهموني و مش حيكون حكمهم عليا ظالم بس مش دايما اللي بنفتكره بيكون صح؟
تحياتي ليكي علي بوستك المعبر فعلا و بتمنالك التوفيق في مدونتك و طبعا بعد اذنك قمت باضافه مدونتك الرقيقه لمدوناتي المفضله مش معقوله اكون بزورها بأستمرار و ماضفهاش صح؟
تحياتي ليكي ياجميله

blackcairorose said...

يا خبر أبيض! دا شرف كبير بجد انى أكون من مدوناتك المفضلة
وخالص الود

Integrated Functions said...

طيب لية؟ بجد لية؟

لية مش بنقدر أننا نوصل مشاعرنا وانفعالاتنا وأفكارنا للآخر, والمشكلة أنه الآخر دة بيكون قريب جداً؟؟؟

هل انسجامنا مع الأوراق والأقلام أكبر من أنسجامنا مع البشر؟

والا أحنا منسجمين مع أنفسنا ونسبياً مع الآخر؟

مشكلة الحكاية دي على فكرة

!!

اجندا حمرا said...

blackcairorose
الشرف ليا انا يافندم و ربنا يوفقك دايما في كل حاجه بتعمليها
مع احترامي و مودتي

اجندا حمرا said...

integrated functions
فعلا شئ غريب تساؤلك ليه مش بنرف نوصل لاقرب الناس لينا مشاعرنا
يمكن عزيزتي عشان بنخاف لو صارحناهم بمكنون انفسنا حيبعدوا ؟مش حيفهموا؟حيحكموا علينا ؟يمكن بقينا بنستسهل القلم و الورقه عن التعبير شفاهيه عن مايدو في انفسنا
يمكن بقينا متقوقعين علي انفسنا و بقينا بنحاول ننسجم اكتر مع نفسنا علي اعتبار انها حتكون فاهمانا اكتر
مشكله حقيقيه زي ماقلتي
تحياتي ليكي