Sunday, February 3, 2008

قصيدة وذكرى

My life closed twice before its close -

-It yet remains to see

If Immortality unveil
A third event to me
So huge, so hopeless to conceive
As these that twice befell.
Parting is all we know of heaven,
And all we need of hell.



هذه القصيدة البديعة لاميلى ديكنسون لها ذكرى طريفة معى
.
من عادتي حين أقرأ ديوان أو مجموعة شعرية أن أقوم بوضع علامة أمام أكثر الأبيات التى أعجبتني أو أثرت فى بشكل ما، وحين أشتريت كتاب مختارات للشاعرة للمرة الأولى وبدأت فى قراءته أثار انتباهي ومشاعري البيتان الأخيران من هذه القصيدة القصيرة فوضعت علامة اكس صغيرة أمامهما
.
القصيدة بشكل عام تتحدث عن حادثتي موت لأشخاص مقربين فى حياة أميلى ديكنسون، ويبدو أنه خلال حياتها الحزينة للغاية كان هناك حالة موت ثالثة تتوقعها (البعض يفسرها على أنها موت أميلى نفسها) وتنهى الشاعرة قصيدتها بالبيتين الجميلين قائلة أن الفراق هو جل ما سنعرفه فى الجنة (أي أنها ستفترق عن أحبابها فى الجنة ربما لأنها لن تكون معهم بها) والفراق أيضا هو كل ما تريده من النار ( أى أنها تتمنى ألا تجتمع بمن تحبهم فى النار)
.
اليوم التالي لشرائي هذا الكتاب كان من المفروض أن أشاهد مع صديقة فيلم سينمائى كان جديدا آنذاك من أخراج وبطولة العبقري وودى آلان أسمه ظلال وضباب، الفيلم جميل للغاية ومن أفلامه غير المعروفة رغم أنه يجمع عدد كبير من الممثلين البارزين (مادونا تظهر فيه فى لقطتين أو ثلاثة مثلا) الفيلم مختلف عن أجواء وودى آلان المعروفة لأنه يجرى فى أوروبا وليس نيويورك وفى زمن قديم ربما بدايات أو منتصف القرن الماضي ومصور بالأسود والأبيض
.
المهم أنه أثناء متابعتي للفيلم فى أجوائه الأسطورية الغامضة إذا بكيفين كلاين يقول وهو يبحث عن حبيبته فى إحدى المشاهد المقطعين الأخيرين من القصيدة! طبعا لو لم أكن قد قرأتها فقط اليوم السابق ما كانت لتثير اهتمامي فى الحوار
.
!صدفة
.
مثل هذه المصادفات الحلوة الصغيرة تحدث معي بكثرة على فكرة
.
!عقبال المصادفات الحلوة الكبيرة
.
.

22 comments:

Sola said...

good evening:
well may be u've the 6 sence,and im serious im not kiddin sometimes i feel that i have the 6 sence also
i like the poet alot
yala good night ba2a

مثلية تبحث عن ذاتها said...

الصدفة مش دايما بصدق انهاصدفة أحيانا بحس انها علامة أو رسالة من السماء

اجندا حمرا said...

قعلا ساعات بتحصل صدف و بتكون أجمل من لو كان الموضوع مترتب لأن عنصر المفاجأه بيضفي اثاره علي الموقف

عجبتني الكلمات اللي اختارتيها من قصيده ايميلي
و يمكن كمان بتفق معاكي في موضوع اني بحط خط ساعات كتيره لما اكون بقرأ قصه علي الأجزاء اللي بتأثر فيا و بتثير انتباهي عارفه بتكون زي كوتاشين ممكن الواحده تتبعها في الحياه

استمتعت بقراءه موضوعك الشيق و في انتظار موضوعاتك الجميله القادمه
مرسي ياقمر

blackcairorose said...

Not really Sola. It only happens with trifle minor events. I wish I could have the 6th sense when it comes to the big events! lol

Pleased for your passage and comments

blackcairorose said...

مثلية

أنا أيضا لى نفس الرأى بشكل عام أن المصادفات أحيانا تكون ترتيب من القدر له رسالة ومعنى معين، ولكن أحيانا المصادفات تكون صغير وتافهة

فقط من يومين لا أدرى لماذا تذكرت أغنية قديمة لفريق أمريكى أسمها

Mr. Wendall

والفريق كان مشهور فى أوائل التسعينات وانفصل من زمان وأسمه

Arrested development

آخر مرة استمعت للاغنية منذ سنين طويلة ولا أدرى لماذا تذكرتها من يومين ففوجئت بها على الراديو وأنا اقود السيارة اليوم التالى، الأمر بجد كان بالنسبة لى غريب جدا

بتحصل!

blackcairorose said...

أجندا

مفيش أجمل من صدفة سعيدة كبيرة فى حياة البنى آدم

بس متهيألى انا محصلتليش صدفة كبيرة سعيدة، يمكن الحاجات الحلوة فى حياتى جت بشكل طبيعى ومتوقع الى حد ما

يعنى

يمكن لسه بستنى صدفة كبيرة وسعيدة

دعواتك

سمـــــــــــا said...

من ناحية الصدف فبتحصل كتير

زمان اوى يجى من 10 سنين كنت اتعرفت على بنت صدفة وطلعت بتشتغل فى شركة جنب شركتى بس الحقيقة انا كنت لسة بريئة اوى ومعرفش حاجة فى الدنيا لكن ساعات كنت بحس انها مريبة او كدابة المهم كنت دايما احس ان فيها حاجة غلط مش عارفة هى ايه لكن هى طول الوقت كانت بتحسسنى انها اتظلمت فى الدنيا وانا طبعا سيد من يتعاطف مع الدموع والآهات ففضلت فى حياتها لغاية ما فى يوم اتخانقنا وانا ما صدقت ورحت قاطعة علاقتى بيها ( العلاقة بينا كانت مجرد صداقة عادية مش اكتر )

ويشاء القدر انى اتعرف على ولد صدفة برضه ومرة بطلبه فى التليفون فلما رد عليا قالى ايه دا رقمك شبه رقم بنت اعرفها كنت فاكرك هى بتشتغل فى شركة كذا واسمها كذا قلت له انا اعرفها او بالاصح كنت اعرفها فاستغرب وقالى انتى ازاى كنتى تعرفيها دى كذا وكذا وكذا وجاب لى تاريخ حياتها منذ نعومة اظافرها وطبعا كانت كدابة فى كل حاجة هى حكتهالى وطلعت كل شكوكى ان وراها مصايب صح واخيرا تحررت من عقدة الذنب من احساسى انى اتلككت لها فى خناقة وسيبتها هههه

وقيسى على كده صدف كتير بس معظمها مش سعيد معظم الصدف كشفت لى حاجات مكنتش احب اعرفها عن ناس كنت اعرفهم فبقيت اتشائم من موضوع الصدف دا هههههههه


على فكرة انا خلصت تارى من كاسبر ورسمتها امبارح هههههه وهددتها انى هفتح بلوج مخصوص علشان انشر صورتها دى بس دا طبعا كان عقابا ليها على انها رسمتنى برضه امبارح فى شكل كاريكاتيرى مسخرة فقلت مبدهاش بقى ورحت مشمرة كومى واديتها الرسمة التمام وتحفظت على الرسممة فى شنطة ناردين لغاية ما انشرهالها فى الاهرام انشاء الله هههههههه


انتى قلتى ان الابيات دى اثرت فيكى بشكل معين علشان كده علمتى عليهم رغم انها ابيات حزينة شويتين ، فهل هى اثرت فيكى بشكل شخصى لسبب ما ؟ واللا كانت مجرد تعاطف مع احساس الشاعرة ؟

مثلية تبحث عن ذاتها said...

هي طبعا بتحصل و معايا انا بتحصل كتير و بحس احساس مثير بحث اني شفافة والله دة مش غرور لكن بيبقى احساس جميل قوى وقت ها بنفكر فى حاجة و تحصل أو في حد ونلاقيه قصادنا أو فيلم نفسنا نشوفه و نقلب القناة نلاقيه شغال ممكن دي برضه غير انها تكون علامة أو نذار من السماء ممكن تكون مكافأة أو زي شوكلاتاية من السماء تغير مودنا لو متضايقين أو شايلين همموم كتير مش عارفين نواديها فين
أنا شاكلي بخرف أصلي عندي سخونةو عيانة هئ هئ هئ هئ
تحياتي

جسور سرية said...

العزيزة بلاك روز
تحية طيبة
علي فكرة انا من الذين يؤمنون بالتفسيرات الباراسيايكلوجية للظواهر و ليس تفسيرها علي انها مجرد صدف عابرة.
من الكتاب الذين تأثرت بهم كثيرا في هذا الامر الكاتب الانجليزي الرائع كولون ويلسون الذي كتب عده كتابات في هذا المجال منها علي سبيل المثال : (الانسان و قواه الخفية) و (الحاسة السادسة)
كل هذه الظواهر تعود الي التشابكات المعقدة بين العقل الباطن و العقل الواعي
اتمني لك حظا سعيدا مع تشابكاتك الخاصة التي جعلتك تحسين كأننا نعرف بعضنا منذ زمن !
:)

Sola said...

i came now 2 tell u something so weired happened 2 me and i swear it always happen 2 me and it scare me alot
the thing is that sometimes i see things and lately it happened and is like i know what will happed next,i dont know how is that happening to me it hapened 2me 2day i felt that im gonna go 2 work and the maneger will ask me 2 go home a its slow in the resturant i work in and that im gonna fight with him coz he didnt call me b4 i go
ad i swear to god it happned to me exactly as wha i saw
am i crazy or what
did u ever felt that or anybody here felt the same thing b4
yalla salam ba2a

blackcairorose said...

سما

يمكن لان شخصيتى حذرة بحس انى مبتخمش كتير فى الناس لانى دايما بدى نفسى وقت طويل للتقرب من اللى حواليه

ده ميزة وعيب فى نفس الوقت لانه ممكن يخلينا نفقد صداقات او معارف مش هيفضلوا مستنينا لحد منفحص ونتمحص

علشان كده صعب افتكر حاله اتخميت فيها فى حد قريب

يمكن يكون فيه ناس بتعمل ظريفة وحبوبة وتقول كلام مالوش علاقة بحقيقتها، صح ، ده شفته وعرفته بس الحمد لله لم اتقرب منهم بالدرجة اللى تخلينى احس بخيبة أمل منهم وده برضه لانى اخدت وقت طويل فى معرفتهم

بالنسبة للشاعرة ياعزيزتى انا حسيت بالتعاطف مع شعرها لانها شاعرة جبارة والبعض بيعتبرها افضل شاعرة امريكية فى التاريخ الادبى الامريكى

وده رفم انى فقدت والدى ووالدتى على مدار السبع سنين الماضية لكن حبى للقصيدة مكنش له علاقة بوفاتهم

وبيسعدنى دايما مرورك وكلامك يا سما

blackcairorose said...

سلامتك يا مثلية

انا برضه من نفس الرأى بشكل عام، بس احيانا ضرورى الواحد يحط المواقف فى مكانها الصحيح وبلاش نحلل الامور ونحملها اكتر مما تستحق

اعرف ناس كل ما تحصل لهم حاجة وحشة يبرروها بان السبب انهم عملوا كده او كده فى الماضى، بس بصراحة انا مش بشوف الامور بالشكل ده، لان فيه امثلة كتيره فى الدنيا لناس كويسه وحصلت لها مصايب، وناس برضه وحشة وامورهم ماشية فل

فصعب اننا نلاقى خيط واحد بيسير امور وحياة الناس بنفس الشكل

يعنى

متهيألى

blackcairorose said...

جسور

فيه حاجة فى اسلوب كتابتك بيحسسنى كما لو كنت قرأت لك من قبل

ولو متعتبريهاش وحشه فى حقك اقول لك يمكن بحس ان لينا اسلوب كتابه متشابه شوية وده حسيته بالذات فى بوستك الاخير

وخالص الود

blackcairorose said...

Sola
Can't believe it! God you should make profits from your future reading talent. Gosh, if you ever know something about me just let me know ya amar!

سمـــــــــــا said...

قبل اى شىء عايزة اقولك الباقية فى حياتك وربنا يجعلها اخر الاحزان بس احمد ربنا انى مش بقولك الكلام دا فيس تو فيس لانى اكيد كنت مش هعرف اجمع الكلمتين دول او كنتى هتلاقينى بقول كلام تانى خااااالص ملوش اى علاقة بالموقف .. احم

انا مكنتش هرد على موضوع قربك من الناس علشان مبقاش رغاية وبقعد اكل ودانك على الفاضى والمليان بس انتى عارفة انا زي طلقة الرصاص مقدرش اسكت :)

بصى انا شايفة ودى وجهة نظر شخصية بحتة برضه ان الحذر مطلوب بس مش للدرجة اللى فعلا ممكن تفسد علاقتك بالناس يعنى يمكن انا عكسك تماما انا سهل انى اتعرف على الناس واتكلم وارغى واخرج مش معنى كده انى وقعت فى غرامهم ولا متيمة بشخصيتهم لكن انا شخصية اجتماعية بطبعى فلازم يكون فيه ناس ومش دا انا بسميه صحوبية مش صداقة والاصحاب دول انا ببقى بحبهم وكل حاجة لكن مش هتوجع لو اكتشفت انهم طلعو مش كويسين لانى حطاهم فى كادر معين والله التجربة والعشرة اثبتت انهم يستاهلو انى اقول عليهم اصدقاء اهلا وسهلا ولو اثبتت عكس كده هيبقى فيه حلين اما هيفضلو فى مرتبة الصحوبية والخروج والتهريج او هيلاقو نفسهم بقدرة قادر برة حياتى وكانت فرصة سعيدة جدا :)

اللى اقصده اننا نندمج مع الناس دا شىء جميل لكن بأى قدر وبأى شكل ومين اقدر اقول عليه صديق محترم يستحق انه يشوف سما من جوة مش سما اللذيذة اللى الناس بتحب تكلمها وتخرج معاها والدليل ان انا اعرف كذا بلوجر لكن معنديش منهم غير صديقة واحدة

سؤال اخير بقى انتى برج السرطان ؟؟ ولو لأ انتى برج ايه ؟

Sola said...

mmmmm mashy ya black cairo rose:
i think that everybody have the same taent if its a talent bcoz i called my mam i gypt and i told her about what happened and she told me that everybody have the 6 sence if just u let it out,anywa ya gamiel i'll go 2 my school now and ia when im back i'll prdict ur future,be ready
hahahahaat the begenig 2odamek seket safar
hahahaha
salam ya rose

جسور سرية said...

العزيزة بلاك روز
تحية طيبة مرة اخري
لا يضايقني تماما ان تتشابه اساليبنا في الكتابة .......بالعكس يزيدني شرف فأنتي تتمتعين بقدرة رائعة علي السرد
راسليني اذا لم يكن لديك مانع

Sola said...

an geet mn el school ahoh o gaya 2a2olek el future beta3ek ya black ya bent el 7ag cairo,
bosy a sity i went 2 a phicik b4 2ah walahy bgad bcoz i wanted 2 know my fustur i thinkik evrybody think about the future in an insatiable way,so anyway i paid 60 dollars kol dolar yenta7 dolar and she didnt say anything knew she spoke about the past and the present all what she said that i suffere alot the last 2 years and that im abbanded from my family and that my new family in he state lioves me more tha me real family,and then she said that i have a talent and a ,kinda of powers like her ya3ny 7a'fo meny besara7ah,and then she said 2 me u onna marry an american white guy so i said oh yeah white trash and then i said tht im lesbian so i dont think that what u r saing ios true so she insisit that im gonna marry b4 the end of 2008 ama neshouf 2eh elly haye7sal,anyway do u know what she used ,she used stufff for jewesh and negmet ya3qob and a weird cards with jesus pictures and blood on the pictures of the cards
so what i think that nobody can predict the future in a right way but they cac predict the past or may be the present
yalla salam ya gameil o 2eb2y 3ady mara keda o ana hadfa3 el tayarah
salaomz

Sola said...

hey
i changed the link of my blog,this is the new link,

http://egyptiangirl-1981.blogspot.com

chao

soska said...

القصيدة بصراحة نكد بس الصدفة هي اللي حلوة و موضوع ان الواحد يقرا حاجة و بعدين يلاقي حد تاني بيقولها فوقت قصير مع انه قبلها لا سمع عنها ولا عرفها دي فكرتني بمواقف كتير حصلتي شبه القصة دي و بستغرب قوى من القصة دي بس بلاقيها حكاية حلوة وانا صغيرة مرة جدتي ماتت و ماما كانت بتقوللي لما تفكري فيها كتير هتشوفيها فالحلم وفعلا كان بيحصل فالموضوع لزق في نافوخي واللي سبته اكتر اني مرة كنت بفكر في بابا و كان مسافر و لقيته دخل علينا و مرة تانية كنت بتفرج على برامج ماما نجوى بتاع صباح الخير و قاعدة قدام لازقه فالتلفيزيون و لقيت ماما بتندهلي وبتزعق اني مقربة قوي من التلفزيون كدة وانا مطنشاها فلقيت ماما نجوي بتقول في نفس اللحظة اسمعي كلام ماما و قومي بعيد عن التلفزيون و طبعا اتخضيت وطفيت التلفزيون و قعدت فترة كبيرة مبشوفش البرنامج لأني مقتنعه ان ماما نجوى بتتصنت علينا و بتشوف كل اللي بيحصل فالبيت و حاكيت لماما و ياريتني ماعملت كدة بقيت كل حاجة تقولي ماما نجوي هتكلمك على الموضوع الفلاني ماما نجوي بكرة هتيجي تزعقلك عشان معملتيش الواجب لما كرهت ماما نجوي وبقلظ كمان
ههههههه يااااااااه انا رغيت ولا حاجة؟

blackcairorose said...

عقرب يا سما

blackcairorose said...

سوسكا

أهلا بيكى فى المدونة

فعلا موقف طريف جدا، وأى حد مكانك كان هيفتكر ان الكلام موجه ليها

وطبعا الامهات ما يصدقوا يلاقو اى حاجة تخلى الاطفال تخاف وتسمع الكلام
لول