Sunday, March 30, 2008

خواطر صباحية

ساعات بنبقى مبسوطين من نفسنا
وانا عندى الشعور ده اليومين دول
السبب؟
ابتديت من فترة نظام غذائي منضبط، مش القصد منه إنقاص وزنى، لأنني والحمد لله من المحظوظين بجسم طبيعي مائل للنحافة مهما تناولت من طعام (غالبا السبب وراثى) ، ولكن الهدف من الدايت هو جعل طعامي صحي بشكل أكبر، لانى حسيت الشهور اللى فاتت انى "هبلت" قوى فى الأكل، شوكولا و جاتو وكل الاكل المليان كربوهيدرات وسعرات حرارية

عشان كده قررت تضبيط أكلى
وجباتى بقت بشكل أساسي خضروات وفاكهة وفراخ مسلوقة أو سمك على البخار دا فى الغدا، والفطار جبنة قريش وعيش أسمر، العشا يوك، يعنى مفيش عشا ولو فعلا الجوع قرصنى يبقى برتقال، ودا نظامى من سنين

لكن فى الويك اند ببحبحها شوية وآكل البتزا والمكرونات اللى بموت فيها

الجيم برضه بحاول انتظم فيه أكتر، يعنى مرتين أسبوعيا، لكن المشاغل ساعات بتمنعنى من الانتظام

بالمناسبة أنا لا أدخن ولا أطيق رائحة الدخان
ــــــــــــــــــــــــــــــــــــــــــــــــــــــــــــــــــــــــــــــ
.
فيه موقف حقيقى حصل وأعرف (أو على الأصح شفت) بعض أطرافه
الموقف غير عادى، ففكرت الأول أكتبه على شكل حوار من غير ما أقول أنه حقيقى
وبعدين لقيت أنه هيكون حوار غير واقعى بالمرة واللى بيقروا هيقولوا عليه ابتديت أخرف (يعنى أنا يمكن برضه ساعات بخرف، بس عادتا تخاريفى مبتوصلش للدرجة دى)
الموقف ببساطة أطرافه تلاته زوج وزوجة وصديقة للزوجة
الزوج بيشتكى أن الزوجه وصديقتها متلازمين طول الوقت ومبيفترقوش عن بعض، ويعنى أنا شخصيا ممكن أفهم صداقة قوية كده
الزوج ابتدا يتذمر ويقول لزوجته تخف شوية من صاحبتها، وده برضه مفهوم
الزوجة كان ردها ان الصديقة دى فى الغربة هى صاحبتها الوحيدة ومالهاش غيرها والوحيدة اللى بتفضفض معاها وده كمان مفهوم
الخناقات زادت جدا بسبب الموضوع ده

لب الموضوع والطريف بقى ان الزوجة عرضت على الزوج جديا أنه يتجوز صاحبتها كحل لهم هم الثلاثة وحتى لا تبتعد عن صديقتها لانهم همه الاتنين ميقدروش يستغنوا عن بعض

الزوج قلب الموضوع فى دماغه شوية وبعدين رفضه فى النهاية، وأنا بصراحة معرفش أيه السبب الحقيقى اللى خلاه يفكر فيه شويه أوخلاه بعدين يرفضه

الحكاية ميه فى الميه حقيقية وزى ما قلت فى الأول أنا شفت الزوج والزوجة قبل كده ولحد دلوقتى الخلافات لسه مستمرة، على الاقل لحد تلات اسابيع فاتت لما جمعتنى الظروف بيهم فى مناسبة ما

بجد مش من الحكايات النادرة واللى تستحق الكتابة عنها؟

مهما كان الخيال غريب، فى الحياة حاجات أغرب، وده أنا على اقتناع بيه الف فى الميه
ـــــــــــــــــــــــــــ
الرسومات المسيئة اتنشرت تانى رغم التظاهر والمقاطعة و"الا رسول الله"

مصرى مسلم اخد الجنسية الايطالية ويشغل منصب مرموق فى الصحافة الايطالية تحول للمسيحية والبابا بنفسه قام بتعميده الاسبوع اللى فات فى احتفال عام (رأيى الشخصى مبروك للمسيحية بيه، فده اختياره وهو حر، ولو إنى شخصيا بعد ما قريت كتير عنه وعن أراءه ، بشوفه أقرب لليهودية، لكن ما علينا، كل واحد حر فى اختياراته، بنفس المنطق اللى بتتباهى بيه وسائل الاعلام عندنا والمؤسسات الدينية لو تحول مسيحى للاسلام)

الفيلم الهولندى شاهده عشرات الالاف على الانترنت فى خلال ساعات قليلة جدا، بعد ما منعت الحكومة الهولندية عرضه وادانت المخرج، والمخرج قال لو اتمنع الفيلم من النت هيحطه على سى دى ويقف فى شوارع هولندا يوزعه بنفسه (وانا على يقين ان طوابير بالالاف هتستنى فى الشوارع للحصول على نسخة ولو كنت فى هولندا كنت أكيد برضه هعمل كده)
يعنى الحكومة الهولندية وقفت موقف ضد الفيلم اقوى من موقف الحكومة الدانمركية من الرسوم، والمخرج ادان حكومته وقال ان الدانمرك اشجع من هولندا

السؤال بقى

كل ده ميخلناش نعيد التفكير فى صحة وجدوى وموضوعية ومعقولية مواقفنا وردود افعالنا فيما يخص دينا فى الزمن اللى احنا فيه؟؟؟

.

30 comments:

مثليه said...

أنا محظوظه جدا عشان يكون لي عظيم الشرف اني اكون اول كومنت

مثليه said...

نرجع للبوست طبعا بتسلسل
اولا بشجعك جدا على النظام الغذائي وأأمل انه يكون في نظام غذائي في حياة كل المصريين لأننا بنميل للأكل اللي كله دهون و مفيهوش فوائد غذائيه و ايضا ياريت نعمل حمله لكل سيدة مصريه ان تخصص ولو 20 دقيقة يوميا للرياضة خاصة المشي حتي لو داخل المنزل وده هيغير كتير من شكل الانثى المصرية و هيعطيها نشاط حقيقي بس اهم شيئ المداومة والاصرار

ثانيا موضوع الزوجين والصديقة مستغربتوش ابدا لأني لي صديقة حدث لها نفس القصة ولكني اعلم بأنها تحب صديقتها واضطرتها الظروف للزواج كأي امراءة عربيه تحكمها الضغوط العائلية ولكنها لم تنقطع عن حبيبتها و هذا ادى الى مشاكل بينها و بين زوجها شبيهة لمشكله اصدقائك ولكن الطريف هنا قصة عرضها لزوجها بالزواج من تلك المراءة و هذا ما استغربه لأنهن و افترض انهن في قصة حب اعمتهن عن الواقع و جعلتهن لا يطيقا الفراق ولكن ما ذنب الزوج في هذه الحالة اما اذا كانتا صديقتين عاديين فأنا من رأئي انهن اوشكا ان يقعا فالحب و ربما لا يدركان هذا وربما تجد هذه الزوجة ما تفتقده مع زوجهاولكن ارجع لنفس النقطة ما ذنب الزوج؟ طبعاهذه وجهة نظري الفردية وربما للموضوع ابعاد اخرى لا ندركها
اما بانسبة لموضوع الديانات فأنا ايضا اوافقك الرأي بانها حريه شخصيه بحته و كل انسان حر في اختياره مع احترام عدم تجريح الآخرين و اما عن الفيلم وموقف هولندا فأنا لا اعلم ما المادة التي بالفيلم و يجب علينا المنطقيه في ردود الفعل و لا يكون الرد عشوائي كما يحدث دائما مما يعكس انطباع عنا بأننا ارهابيين و اتمنى ان ارى هذا الفيلم واذا ما كان هذا المخرج قد سب عشوائيا ام انه يعرض وجهة نظر لابد
لابد ان نرى الفيلم اولا ثم نفكر فالرد المنطقي الحضاري و ليس العشوائي الهمجي
ألست معي؟
دمتي بكل سلام

Desert cat said...

جميل اوى تنظيم الوجبات
وصحى ومفيد جدا للجسم
بالنسبة للزوج والزوجة فموقف الزوجة غريب جدا جدا
معقول فى صداقة بالشكل ده
مش عارفه بس انا فهمت من موقفها ده فهمت غلط خالص وانا اصلا نيتى وحشة
بالنسبة للمصرى المسلم اللى اتحول للمسيحية فانا راى فى الموضوع ده مش بيتغير احنا بنتولد على الفطرة وكل واحد اهله اما ينصرانه او يسالموه
وهو له حرية الاختيار بس يبقى مقتنع بالدين مش بيختار الدين لغرض شخصى
تحياتى

مـ~ـاجدولين said...

الوضوع الاول تنظيم الوجبات اليوميه جميل والرياضه ترفع المعنويات وتقلل
من الاكتئاب
الثاني مش فاهمه هو انا زي كات نيتي وحشه

حضرتك عادي صح ؟؟ مش مثلي

اصلي مش بحب ادخل في متاهات


اما الفيلم

فهوا حاجه تحرق الدم

وحطيت صوره له في مدونتي

تحيتي لك

Anonymous said...

BCR

جميل ذلك النظام الصحى .. الحمدلله أننا لن نظهر فى اعلانات ولا أفلام

أنا متعجب لموقف الزوجة جدا .. وإن كانت حياتى علمتنى أن أبعد الأشياء عن خيالنا ممكنة

مسألة التحول لأى دين تختاره هى حرية شخصية .. المهم أن تكون أنسانا بمعنى الكلمة مع الجميع .. أنا لاأحب الانفعال والصياح اذا كان ذلك غير مفيد

تحياتى لهذا الكوكتيل المتنوع

الطائر الحزين said...

ليست العبرة فى اى شىء بكثرتة

قل يستوي الخبيث و الطيب و لو أعجبك كثرة الخبيث

المهم النوعيه فى كل شىء


لماذا ساد المسلمون الارض قديما

مع قل عددهم

لان نوعيتهم افضل



بارك الله فيك

يمكن بعدت شوية لكن رأيت التدوينة من هذا المنظور

someone in life said...

عزيزيتي بلاك كايرو روز

سعيده لحالتك النفسية الراضية عنك و انشاء الله دايما و حقيقي كثرة الطعام و عدم الحفاظ علي الجسم احيانا يسبب حالة نفسية
Siz Turkiya de yasiyorsunuz?

بالنسبة للزوجه ارجو ان تحكم قلبها و عقلها لانها ستندم على هذا القرار لاحقا اذ ربما يميل الزوج للمرأه الأخري و يهملها فكرني هذا الموقف بقصة لكوليت خوري اسمها ايام معه و انتهت بفقدان الصداقه و انهيار الزواج اما اذا كانت الزوجه تبغي شيئا ما من صديقتها لما لا تنفصل عن زوجها و تعيش كما تحب مع صديقتها لان في هذه الحاله الزوج سيكون مظلوما

لي صديق سويسري تحول للاسلام بعد قراءة و قناعه اهلا به مسلما و اي انسان اخر حر ان يختار ما يحلو له لكن الاهم عن اقتناع و ليس لمصالح شخصيه و كم شاهدت من أناس خرجوا من مصر لدوله علمانيه و غيروا من دينهم و شكلهم لاسباب داخل نفسهم

أحب أن أقول شيئا بالنسبة لموضوع الرسوم و الكرتون (الكلاب تعوي و القافلة تسير )

يجب ان نكون على ثقة ان مهما فعلوا ان الدين ثابت لن يضره فيلم او رسم و لكن العيب كل العيب في بعض معتنقي هذا الدين العظيم مما يفعلون من افعال بحق تشين و تشوه صورته و ان كانوا يتهمون الاسلام بالعنف فمن اصحابه و ليس جوهره و لي اعتراض مثلا علي احد اعلام الدول العربيه باقران السيف بالشهادتين من قال هذا كثيرون اعتنقوا الدين لرحمته و ليس بشدته و من اوروبا نفسها .. تحياتي

روابط said...

هاى روز .. بالنسبة لموضوع التنظيم الغذائى ,انا معاكى خصوصا ان انا كمان مهما اكلت برضه جسمى نحيف

بالنسبة لموضوع الزوج والزوجة وصديقتها , الرجل بيفهم ومعه حق يرفض

موضوع الرسومات والأفلام التى تسئ لرسولنا الكريم موضوع لن ينتهى حاليا لأنهم ناس ماشية بمبدأ خالف تعرف .. بس اللى ( هيجننهم ) انه رغم كل هذا مازال الأسلام الديانة الأسرع أنتشارا فى العالم

تعرفى انهم فى بريطانيا فى اثناء احتفالات تنصيب الملك يجعلوه يقسم على حماية حقوق البروتستانت ولكن نظرا للزيادة المطرده فى اعداد المسلمين حاليا سوف يضيفوا كلمة المسلمين الى القسم اعتبارا من الملك التالى للملكة الحالية

تحياتى للخواطر الصباحية

عين فى الجنة said...

ازيك
طلب الزوجة ان زوجها يتزوج صديقتها فى منتهى الابداع وتستحق عليه جائزة الشجاعة لو كان فى جائزة بالشكل ده
الغريب ان زوجها رفض العرض

kasber said...

اعتقد ان من يتحول للمسيحيه ينطبق عليه الآيه الشريفه (إنك لا تهدي من أحببت ولكن الله يهدي من يشاء
..................................
اما بالنسبه للرسوم المسيئه للرسول(صلي الله عليه وسلم)
أعجبني ما قرأته لجلال عيسي هو يقول اننا اكتفينا بالمظاهرات وبتعليق لافته الا رسول الله الله وكأن الرسول اقرب لمرشحي الحزب الوطني الذين نتملقهم مجبرين او منافقين
فأقترح ان نجعل يوما لاجل الرسول
لايرتشي الموظف في الحكومه يوم واحد لاجل رسول الله
نتقن عملنا يوم واحد لاجل رسول الله
لا نتملق رؤسنا يوم واحد لاجل رسول الله
نقول كلمة حق يوما واحد لاجل رسول الله
اتمني لو تقرئي المقال في جروب سحاب

maria said...

جميله خواطركِ الصباحيه..ورائع هو تحديد برنامج غذائي نكائتاً بمن يقول
"هي موته والسلام"
مع انني ادخن وليس للاسف لانني احبها
الا انني اهتم بعض الشئ بما اكله
ااكل كل شئ بحدود المعقول والمهم هو احساسي بأنني لست متعبه هذا مايحدده وزني ايضاً مع شعوري بالرضاء واعتقد ان هذا مايتوجب علينا فعله

اما بخصوص الزوجين فلست ادري ضحكت ثم ارتبكت..لاشئ مستحيل ولكن هناك اشياء غير اعتياديه مختلفه وهي التي نكتب عنها كما لانهمل هامش الملل والرتابه
هي لاتحبه بجذاره..الغربه لاتؤدي دوماً الى مرض الهوم سك ولكنها تقوى على صنع مسخ منا..الغربه هنا بانواعها
الشعور بالوحده يجعلنا نلتصق باي شئ كيفما اتفق
ام الغربه او الشعور بها يجعلنا تماماً
كمن يتأرجح على الهاوي..حلم ما لكنه غير مفهوم..ولامنطقي..داخلياً اقصد

اااه اكره ان احلل شئ ما ولكنني ارد على خاطرتك كما لو انني اتحدث بصوت مرتفع

الدين..موضوع شائك لهذا يأخذ منا الكثير من الوقت ونحن كـ مجتمعات مازالت عاجزه على ان تحترم فكر بعضها البعض وعلى تقبل اختلافها وخلافاتها بشكل انساني..لهذا يصبح هذا الوقت المضاعف كل مايرده ويرسم له من ليس لديهم الوقت




تحياتي

blackcairorose said...

مثلية
الفيلم موجود على اليوتيوب وأسمه
Fitna
ولا يخرج عن الانتقاد المعروف والمعتاد على الاسلام والذى يتمثل فى

الايات التى تنص عل قتل اعداء الاسلام

ممارسات ختان الأناث

النظرة الدونية للمرأة

قتل المثليين او الدعوة لقتلهم

الخ

أما بالنسبة لقصة الزوجين
فلا أعرف حقيقة الاوضاع، ولكن مجرد مبدأ عرض الزوجة على زوجها أن يتزوج من صديقتها ـ أيا كانت طبيعة العلاقة بينهما ـ هو ما يثير اندهاشى بشكل أساسى

وفى النهاية
أنا لعندى سعادة أنك تمرى وتقرأى وتعلقى
وأطيب تحياتى

blackcairorose said...

أهلا قطة الصحراء

مع الكم الهائل لديك فى المدونة من قراء ومعلقين وموضوعاتك الساخنة جدا، تجدى الوقت المرور والتعليق شكرا جزيلا

ودايما بقرأ لك حتى لو لم أعلق

وشكرا يا قمر

موضوع الزوجين كما قلت لمثلية فى ردى هو مفتوح لكل الاحتمالات

blackcairorose said...

أهلا مجدولين ومرحبا بيكى فى المدونة

والفيلم متحيز ولكنه أيضا يضع على المسلمين مسئولية للرد لأنه إما أن نقول أن ديننا هو ديننا حتى لو لم يعجب الغربيين،

واما ان نحاول تصحيح المعلومات الخاطئة عن ديننا ولكن عندئذ يجب علينا فى هذه الحالة أن ندرس ونفهم أى نقوم بواجبنا نحو استيعاب الدين بالشكل الصحيح

والموضوع طبعا أكبر وأعمق من الوصول لرأى فيه بشكل فردى

ويسعدنى مرورك مجددا

blackcairorose said...

أهلا شريف

أوافقك على ما طرحته

ولماذا عدم الظهور فى افلام او اعلانات؟؟ لول

blackcairorose said...

أهلا الطائر الحزين

النوعية كانت أفضل

وربما فى تفسيرى أن هذه الافضلية يمكن جزئيا ارجاعها الى احساسهم بعدم وجود تناقض بين الحياة فى زمنهم وبين تعاليم الدين

اما الآن فهناك الآف الاسئلة والمستجدات التى لا يجد الكثيرون جوابا عنها، وحتى من يدعون بوجود اجابات لديهم عنها غير قادرين على اعطاء جوابات مقنعة لا تنسى أننا نعيش فى عالم مواصفاته ومعطياته كذا وكذا

إما أن نكون قادرين على ادراك ومواجهة هذا التحدى بالتناقض ـ الظاهرى ـ بين كثير من التعاليم الدينية وبين حياتنا المعاصرة وايجاد اجابات شافية ومقنعة

وإما ستظل النوعية من سىء الى أسوأ

blackcairorose said...

Someone in life

اتفق مع كل ما ذكرتيه

ولم أقرأ قصة كوليت خورى، ولكن أتذكر انى سمعت أجزاء من المسلسل الذى قامت به سعاد حسنى من زمان مع حسين فهمى عن نفس القصة

خالص التحية ودمت دائما

blackcairorose said...

حازم

موضوع القسم مثير للاهتمام وأكيد لن يتم اضافة المسلمين فقط، ربما الكاثوليك واليهود والهندوس أيضا، بما أن المجتمع الانجليزة الحالى تتعدد فيه الاديان

وعموما المواقف البريطانية فيما يخص القضايا الاجتماعية والدينية هى أكثر اتزانا من مواقف دول غربية أخرى

وخالص التحية

blackcairorose said...

أهلا راجى

ازيك انت؟

جائزة الشجاعة؟

من يدرى؟ ربما الزوج لا يعنى لها الكثير

شكرا جزيلا بالمناسبة على شرف وضع احدى تدويناتى ضمن التدوينات المفضلة عندك

شكرا يا عزيزى

blackcairorose said...

كاسبر

المقالة فعلا ممتازة، وقد قرأتها وعلقت عليها عند اجندا حمرا

وقلت أنى لو حاولت التعليق بكتابة رأيىى ما كنت سأكتب أفضل مما كتب ابراهيم عيسى

تحياتى القلبية

blackcairorose said...

مار

الشعور بالوحدة يجعلنا نلتصق بأى شىء

فعلا هذه الجملة صادقة حتى أطراف أصابعها، فكم من صداقات نشأت فى الغربة وكنا نظنها صداقات أبدية لنكتشف بعد ذلك أن أكبر أسبابها كان مجرد شعور الطرفين بالغربة والوحدة، واللحظة التى انتفت فيها هذه الاسباب صارت الصداقة صفحة مطوية وبعيدة

تكرهين التحليل؟؟

أنا أعشقه!

Unknown said...

عزيزتي روزا

بالنسبه لموضوع الفيلم الهولندي راجعي هذا المقال

http://www.islamonline.net/servlet/Satellite?
c=ArticleA_C&cid=1203758613801&pagename
=Zone-Arabic-ArtCulture%2FACALayout

و بالنسبه للزوج و صديقة زوجته سمعت بقصه مشابهه قبلا فلا أستغرب
أحيانا بل كثيرا ما أشعر بأن المرأه أقرب للمرأه حتى من زوجها ذاته

مبروك على النظام الغذائي الجديد تغيير

Anonymous said...

مبروك على الانبساط والارادة
بس انا خايف عليك
مشيها شوية عقل وشوية موش عقل
وبعدين موقف الزوجة فكرنى بمثل بلدى ظريف شوية بيقول مركب السلايف غارت ومركب الضراير عامت
السلايف هما زوجات الاخوة
الضراير هم زوجات الشخص الواحد
انا شايف انه موش غريب بل هو موقف شجاع وجرئ لمواجهة زوجها باحتياجاتها وقد تكون احتياجاته ايضا اى كانت طبيعة العلاقة مع صديقتها
انما كان يبقى ايه الموقف لو الزوج هو الى عرض عليها ان يتزوج بصديقتها
وعجبى
منذر

سمـــــــــا said...

والله برافو عليكى انك بتواظبى على الاكل الصحى والجيم وبحيكى جدا لانك بتفكرينى بيا لانى كنت زيك كده طول عمرى الا الــ 9 شهور اللى فاتو سيبت الجيم واهملت اكلى وبقيت اكل من الشارع ومتحركش كتير فطبعا زدت حوالى 6 كيلو ماشاء الله . انا بحب الرياضة والالتزام بالاكل الصحى اوى بس حيث انى شخصية ملولة ومش بثبت على شكل ولا وزن واحد فاول ما ابقى رفيعة اقول لأ كده بقى رفيع اوى اتخن شوية بقى ولما اتخن شوية اقول ايه دا مين البطة دى لأ كده وحشة فارجع رفيعة تانى والحمد لله انا من الناس اللى بتخن بسهولة بس بخس بسهولة برضه لما بداوم على الرياضة يعنى مش بضطر انى اغير نظام اكلى علشان اخس لانى بطبعى مش بحب الحلويات ونادرا ما اكل شيكولا او جاتوهات بس طبعا ضعيفة موووووووووت قدام المكرونات والبيتزا زيك

بس موضوع انى ماكلش بالليل دا صعب اوى لانى غالبا وجبتى الاساسية مش بتكون قبل 10 او 11 بالليل لانى معظم اليوم برة البيت وبفطر فى الشغل متأخر يعنى على 2 مساءا وساعات ممكن اتغدى انا وناردين على 7 مساءا وساعات مش باكل لغاية ما اروح فمش بيكون قبل 10 بالليل فلو مشيت على مبدئك معناه انى مش هاكل غير مرة واحدة اللى هى الفطار وساعتها احتمال يجيلى انيميا واقول انك انتى السبب

بس انشاء الله هشترك فى جيم من الشهر دا وناردين هتيجى معايا علشان نشجع بعض انا اقول لها يالا هوووووب تقولى لأ هووووووب انتى

بالمناسبة برضه انا بدخن شيشة للاسف من سنين طويلة ومش قادرة ابطلها حتى وانا فى الجيم بس اتمنى ابطلها لانى خايفة من اضرارها على صدرى اوى :(


انا مش فاهمة الزوج متضايق ليه من صديقة مراته ؟
طبيعى جدا ان اى زوجة او اي ست بيكون ليها صديقة قريبة منها ومعاها على طول
وانا شخصيا حصلى انا الموقف دا بشكلين مختلفين :

الاول: كنت مرتبطة زمان بواحد وكانت ليا واحدة صاحبتى كانت انتيمتى من ايام المدرسة اللى حكيت لك عليها المرة اللى فاتت اللى سافرت دولة عربية وانا مبقتش مهتمة بيها زي الاول ، دى يا ستى وقتها زمان كنا اصحاب جدا ومش بنفترق لما ارتبطت هى كانت غيرانة جدا من اللى انا مرتبطة بيه وكانت بتتعصب جدا لما يتصل بيا وهى معايا او لما نعرف اننا هنخرج سوا لكن لما كنت بفكر كنت بقول احتمال هى حاسة بغيرة لانى ارتبطت وهى مش مرتبطة فحاسة ان فيه واحد ممكن يشغلنى عنها وياخد جزء من وقتى معاها بس سيبته بعدها والحمد لله

التانى : مع نفس البنت برضه لما هى ارتبطت واتخطبت خطيبها بقى كان بيغير منى جدااااااااااااا وكل لما تبقى معايا يفضل يتصل كل 3 دقايق ولو عرف اننا هنتقابل فى يوم ممكن يخترع اى حجة علشان يخليها تكنسل ميعادها معايا وتخرج معاه هو . وهى طبعا يا حرام كانت بتبقى محتارة بينى وبينه والحقيقة هو حصل موقف احتمال ابقى احكيه بعدين دا كان الاساس اللى خلانى ابدأ اتعامل معاها ببرود وخلاص متبقاش عندى زي الاول ( مع العلم لا هو ولا هى يعرفو انى مثلية واصلا وقتها انا مكنتش مثلية من الاساس علشان يغير منى كل الغيرة دى )

بس الحقيقة انا شايفة ان اى بنت محتاجة انها تكون لها صديقة قريبة ياكلو ودان بعض ويحكوا ويخرجوا مع بعض لانى معتقدش انهم لو حتى كانو مثليات هيكون فيه اى خطورة لا على علاقتهم ولا على علاقة واحدة فيهم مع جوزها وانا عمرى كله عيشته غالبا بيكون ليا انتيمة قريبة جدا من حياتى ومعتقدش ان حصل بينى وبين اى حد فيهم اى مشاعر ولا اتحولت الصداقة بينا لاى حاجة تانية لان اللى يقول ان اى بنتين يقربو من بعض اوى هيحصل بينهم حاجة حتى لو كانو مثليات يبقى حد متخلف وعقله بين رجليه .


موضوع مجدى علام انا قريت فيه شوية بس شايفة انه حرية شخصية لان الانسان بيتولد على دين اهله لكن من حقه انه يختار لما يكبر الديانة اللى يرتاح لها حتى لو فضل من غير ديانة خالص فدى حرية شخصية وفى الاخر ربنا اللى هيحاسبنا كلنا فمش من حقنا من وجهة نظرى اننا نحاسب اى واحد على ديانته كانت ايه وبقت ايه وزى من المسلمين بيهللوا ويفرحو لما واحد مسيحى يسلم وبتتعمل بروباجندا كبيييييرة فطبيعى انه يحصل العكس برضه ، لكن اعتقد اللى المفروض المسلمين يعملوه انهم يحاولو يحسنوا من صورتنا اللى بقت مثال للعنف والهمجية والعدوانية فى كل الدول الاوربية بدل مهاجمة مين اتنصر ومين رسم ايه والافضل ان كل انسان يهتم بشئونه ويحاسب نفسه الاول ( فمن يرى نفسه بلا خطية فليلقى تلك المرأة بحجر)

معرفش ايه موضوع الفيلم بصراحة فياريت توضحى

تحياتى يا جميل وطبعا موضوع مميز وشيق كالعادة

Anonymous said...

صباح الفل اولا

كيف الحميه الغذائيه؟ماشي الحال؟
بحييكي عليها و فعلا مش لازم نعمل بس الدايت عشان نخس الصراحه اغلبيه اكلنا مش صحي و ده من رتم الحياه السريع

و كويس انك بتروحي عن نفسك في الويك اند عشان ماتزهقيش

بخصوص الموقف اللي قابلتيه
فعلا هو موقف غريب و مش كتير زوجات بنلاقيهم بيعملوا كده لأن كل واحده بتكون عايزه جوزها ليها و بس
و موقف الزوجه غريب حبتين بس بيحصل يمكن مش كتير لكن بيحصل
و الدنيا ياما حنشوف فيها

بس دي شكلها بتحب صاحبتها اوي و مش طايقه فراقها بس ماعتقدتش جوزها حيوافق و اكرمله انه مايوافقش

لأنه بكده حيخسر احترامها له

اما بخصوص من يتنصر و من يسلم فبحب اقول ان كتير من كلتا الديانتين بيدخل يقول حاجه و فعله بيكون حاجه تانيه لما بيسمع ان فيه واحد اتنصر او واحد اسلم
يقولك ياعم في ستين داهيه لا الاسلام حيهمه انه يزيد واحد و لا المسيحيه حيهمها انها تنقص واحد و نفس الشخص اللي بيقول كده تلاقيها عمال يسب و يلعن في اللي ساب دينه و تحول و عايز يموته
يعني مهتم ؟يعني مش مش هامه و في دماغه

طالما الانسان مقتنع باللي هو عليه يبقي ايه المشكله؟الناس تحاسب بعض ليه؟
تحياتي علي الموضوعات المثيره للجدل اللي دايما بتقدميهالنا ياجميله

blackcairorose said...

شكرا مياسى على المقالة

وهى تبشر بنوع من العقلانية المطلوبة فى وجهة نظرى

انا ايضا بتفق انه هناك جوانب كثيرة جدا فى حياة اى إمرأة لن تفهمها الا إمرأة أخرى

خالص الود ياعزيزتى

blackcairorose said...

سما

ازيك يا قمر

كلامك كله دسم ـ بما اننا بنتكلم بقى عن الاكل ـ ومحتاج تعليق على كل جملة

اولا سته كيلو فى كام شهر بجد كتير قوى، يللا كده اتنشطى زيى وعليكى بالاكل والجيم، أما موضوع العشا المتأخر ده فمشكلة المشاكل، متقدريش مثلا تعوضى باى سندويتشات خلال النهار فى الشغل؟ ولا شغلك مفيهوش الكلام ده؟

انتى عارفى انا بقيت اخد معايا لنش بوكس فيه سلاطة اساسا واكلها فى وسط النهار وبالذات الجزر لانه بحس انه بيسد النفس شوية وبيملى المعدة

ويللا انتى وناردين جهزوا للهيلاهوب بعد امتحاناتها ان شاء الله

موضوع الزوجة والصديقة، زى ما قلت معرفش حقيقته تماما بس متهيألى الزوجة وصديقتها بينهم رابطة قوية جدا جدا، و طبيعى ان الجوز حاسس بغيرة، ولكن عرض الزوجة متهيألى معناه انها حاطة علاقاتها مع صديقتها اولوية عن علاقتها بجوزها، وبالتالى مستعدة انها تشاركها فى جوزها على حساب علاقة الزوجة نفسها بجوزها

وهو منطق غريب، بس موضوع ان الزوج والزوجة يكون ليهم علاقة بشخص تالت ده موضوع طبعا مبنسمعش عنه كتير، ولو انى فى فرنسا مرة تعرفت على كوبل زوج وزوج كانوا يبحثوا عن رجل مشترك همه الاتنين يقيموا معاه علاقة، ودا كان فى المعهد اللى بدرس فيه وعرفت الموضوع من كذا شاب عربى قالولى بعدين ان الزوجة كانت تحدد معهم موعد ويفاجئوا بان الزوج كمان جاى معاها او مستنيهم الاتنين ييجوا البيت

عجايب بس الدنيا مليانة، وىخرها حاكم ولاية امريكية هو مراته كانوا على علاقة بنفس الشاب، والموضوع كان فى كل وسائل الاعلام الامريكية من كام اسبوع بس

وطبعا بتفق مع كلامك عن الدين والتحول

سلام يا قمر واطيب تحياتى

blackcairorose said...

العزيزة اجندا

انتى نبهتينى لموضوع مجاش فى بالى اتكلم عنه لما حكيت حكاية الصحفى مجدى علام اللى تحول للمسيحية

انتى ذكرتى نقطة مهمة جدا جدا هى ان فيه ناس بتقولك مش هاممنا ان فلان يغير دينه، ولكن يرجعو يشتموا ويقولا كذا وكذا

انا معاكى ميه مية ان ده تناقض ويعكس ان الموضوعية او تفتح الافق اللى بيدعوه مش صحيح

بس احب برضه بالنسبة لموقفى افرق بين حاجتين

الاولى

انا وبما ان الاسلام دينى منكرش انى بستغرب لما الاقى حد ساب الاسلام لديانه تانية، وبعتبر ان قراره ده من وجهة نظرى غير مفهوم وغير صحيح

ولكن الحاجة التانية

بقول ان هذا الشخص له الحرية فى الاختيار وانا لا املك ان امنع او اطالب او اؤيد فكرة منع اىة شخص من التحول لاى دين تانى هو مقتنع بيه

ولابد من المساواة فى التعامل مع حق الافراد من الانتقال من او اى دين

تقدرى تقولى ان شعورى بيبقى زى شعورى لما بشوف شخص لابس بنطلون احمر وقميص لونه اصفر فاقع، بقول لنفسى ايه ده، ازاى قدر يلبس كده ويخرج بالمنظر ده، ولكن بالتاكيد هو حر فى اختياره ولبسه ولو شايف ان ده احسن لبس فى الدنيا يبقى ربنا يكمله بعقله

واخدة بالك ياعزيزتى من النقطتين

وحاجة كمان ان كل الناس المتدينة بشكل عام من اى ديانه بتحب وبتزعل لو حد تحول لدينها او ساب دينها

ويمكن لو شفتى مسلسل

sex and the city

لما واحدة فيهم حبت الدكتور اليهودى واتحولت لليهودية علشان خاطره رغم انه كان صعبان عليها انها مش هتحتفل بالكريسماس زى ما هى متعودة من طفولتها

وكذا فيلم امريكى يبين اصرار العائلة اليهودية على ان مرات ابنهم تبقى يهودية زيهم علشان تتجوز الولد، مفتكرش اسم الفيلم يمكن يكون فيلم لوودى الان

يعنى حتى الغرب اللى بنقول عليهم ليبرالى وموضوعى، هتلاقى فيهم الناس المتدينة اللى بتعتبر الدخول فى دينها او الخروج منه له دلالته

الفرق انهم بيحترموا رغبة الاخرين ومبيلجأوش لقوانين تحرم ده وتحلل ده

وطبعا باراك اوباما اكبر مثل، الراجل عمال يحلف بكل الايمانات انه مش مسلم وعمره ما كان مسلم علشان يزيل النقطة السوده دى فى سبيل كسب اصوات فى انتخابات الرئاسة لمجرد ان باباه كان كينى مسلم

وشكرا على كلامك يا اجنده ومنورانى دايما

blackcairorose said...

منذر

اهلا بيك فى المدونة

المثل طبعا صح فى مضمونه ان ربما اكتر الناس المتوفع انهم يختلفوا بيكونوا احيانا على وفاق

شرفت وفى انتظار مرورك مرة خالص

واطيب تحيانى

المرأة التى ضحكت اخيرا فضحكت كثيرا said...

العزيزة روز ازيك انتى يا جميلة

كلامى دسم وشكله هيزود وزنى كمان 6 كيلو :)

بس هقولك انا اعتقد ان وزنى قل كتير اوى ف الفترة اللى كنت تعبت فيها لانى مكنتش باكل تقريبا وخسيت اوى فعلا بس بعد ما خفيت انطلقت فى الاكل تانى ووزنى زاد بس مش زي الاول فنقدر نقول انى دلوقتى ميديم ومش محتاجة اخس كتير يعنى يدوبك ممكن يكون اتنين او تلاتة كيلو بس انا عايزة ارجع الجيم للرياضة نفسها لانى بستمتع باحساس الطاقة والحيوية جدااا وخصوصا بعد يوم شغل بايخ بخرج بعدها عندى طاقة و راحة نفسية كبيرة

و زي ما قلت لك فى تعليقى الاول انا مش بفطر فى البيت الصبح بفطر غالبا فى الشغل بس بيكون حوالى الساعة 2 مساءا ولو بعد الشغل اتغديت مع ناردين بيكون على 7 او 8 مساءا فطبعا بتكون دى الوجبة الاساسية ومش باكل فى البيت بعدها لكن لو مأكلتش مع ناردين بضطر اكل لما ارجع البيت ودا بيكون متأخر اوى ، بالنسبة لفطورى فى الشغل فبيكون اكل صحى غالبا يعنى بيكون جبن وخيار وكابوتشا ، على رأى مديرى بيقولى قربتى تتحولى ارنب من كتر الخضار اللى بتاكليه بس فكرة حلوة بتاعة الجزر اللى قلتيها دى انا هضيفه للقائمة علشان لما يقولى ارنب اقول له عندك حق والله واقطمله الجزرة ، بس انتى عارفة انا بحب الجزر بس بزهق منه علشان بياخد وقت فى المضغ ودا احتمال علشان كده بيشبع لان اللى بياكله اكيد بيزهق فنفسه بتتسد اتوماتيكلى :)

موضوع ان يكون فيه زوج وزوجة وفيه طرف تالت دا سمعت عنه فى مصر يعنى سمعت عن راجل ومراته والراجل كان عارف ان مراته مثلية فكان لو شاف واحدة حلوة عادى جدا انها يروح يعرض مراته عليها . وفيه كمان موضوع الثرى سوم ودا سمعت عنه برضه من ناس اعرفهم ان يبقى الزوج والزوجة وطرف تالت زي قصتك بس انا دايما بشوف الموضوع دا محرج جدا مش عارفة ليه لان العلاقة الجنسية بحسها لازم تكون فيها خصوصية مش مشاع كده .

تحياتى يا قمر وهروح جرى اقرى موضوعك الجديد شكله قوى