Sunday, March 16, 2008

كلام من بعيد

قرأت أن بلدانا أوروبية تسعى لمزيد من التعرف على التجربة السويدية للتعامل مع قضية الدعارة باعتبارها جريمة يرتكبها الرجل أو "الزبون" و القواد (أو الجهة التى تنظمها) ولكنها تبرأ المرأة التي تمارسها باعتبارها ضحية. الخبر الذى نشرته بعض المواقع أشار إلى أن القانون السويدي، الذي تم إقراره منذ تسع سنوات، أثار في بدايته السخرية ولكن بمرور الوقت بدأت دول أوروبية فى إدراك ايجابياته وتأثيره فى تحجيم تجارة الدعارة، القانون أيضا له منتقديه بالطبع

أول ما أثار انتباهي مباشرة بعد قراءة الخبر أن القانون مناقض تماما لموقفنا القانوني والشعبي فى مصر بتجريم الفتاة التى تمارس المهنة، واعتبار الرجل مجرد شاهد

لن أدخل طبعا فى فخ التساؤل من الجاني ومن الضحية، أم أن كل منهما جاني وضحية في نفس الوقت

بالمناسبة
غالبية الدول الأوروبية تسمح بالدعارة ولكنها تجرم عملية تنظيمها من خلال قوادين أو بيوت دعارة (باستثناء الدانمرك وهولندا وألمانيا)
ـــــــــــــــ
وعلى السيرة
كنت مرة أسير فى شارع سان دونى فى باريس وهو مزار سياحي لمن يريد مشاهدة فتيات الليل فى العاصمة الفرنسية وكان معى صديقتان من مصر بالإضافة لصديقة رابعة (مصرية أيضا) تعرفنا عليها فى باريس وكانت ترتدي الحجاب، المهم كنا كبقية السياح نسير نشاهد السيدات والفتيات من كل لون وسن وهن منتظرات على الرصيف، ثم مر أمامنا رجلان لم نحتاج وقتا طويلا لنخمن أنهما مصريين، وحيت تقاطعت مسيرتنا قال أحدهما للآخر بصوت عال مقصود أن يصلنا:
وهو مش برضه الحجاب حرام يمشى فى الحتت دى

طبعا تجاهلنا الأخين الشنفين (مثنى شنف) وقلنا يعنى ماشيين فى الشارع ده ومش قادرين يبطلوا يحاضروا في الحلال والحرام
ـــــــــــــــ
أول مرة أسمع عن المسرحية المصرية "كلام فى سرى" التى طلب أحد أعضاء مجلس الشعب استجواب فاروق حسنى بسببها، وحين حاولت البحث عن أية معلومات عنها وجدت أنها مأخوذة من نص مسرحية لبنانية أسمها "حكى نسوان" وأن المسرحية اللبنانية متأثرة بشكل ما بمسرحية
The Vagina Monologues
والتى سبق تقديمها على مسارح نيويورك ولندن
المسرحية المصرية (وكذلك المسرحية اللبنانية) تدور حول ثلاث شخصيات نسائية تحكى عن تجاربهن مع التركيز على الجنس والمثلية الجنسية
المسرحية المصرية عرضت فى مهرجان المسرح التجريبي

أحب أن توجد فى مصر أعمال فنية تبحث وتتكلم عن كل شيء دون تابوهات، وجميل أن نرى فنانات وفنانين مصريين (وبالذات فنانات) يتحدين الجو العام والمناخ الثقافي والاجتماعي السائد

هل شاهد أحد المسرحية؟ أى معلومات إضافية عنها؟
ـــــــــــــــ
فرق أن أقول أنى أحب فلانا حين يتصرف بهذا الشكل، وبين أن أقول أنى أحب أن أرى كل الناس تتصرف بهذا الشكل
يعنى
حين تتحدث صديقة عن الجنس بشكل مكشوف، قد تعجبني جراءتها ووضوحها وقدرتها على مخالفة الشائع فى المجتمع
ولكن هذا لا يعنى أن من رأيي أن كل السيدات يجب (أو من الأفضل) أن يتحدثن بنفس الطريقة

وحين شاهدت تيتو المصري الذي يرقص بلدى بطريقة حلوة جدا (أجمل من رقص فيفى عبده بمراحل) على اليوتيوب، أعجبني رقصه وتعبيرات وجهه وجسمه التى توحي بعشقه للرقص البلدى واندماجه، لكن ما إن صرحت بهذا الرأي حتى وجدت الأغلبية تردد: مقزز، ليس رجل، الرجل من المفروض أن يتصرف كذا وكذا

ومن قال أنى أدعو جميع الرجال للرقص مثل تيتو؟ تيتو حالة فردية وأكيد مختلفة وسواء أحببناه أم لا، هذا لا ينفى أنه يرقص بامتياز

لا أدرى لماذا يغيب هذا المفهوم البسيط عن الكثير من الناس؟ كثيرون يعتبرون أن أي خروج فردى عن المألوف هو دعوة للجميع للخروج عن المألوف، وهو بالتأكيد استنتاج خاطئ، فلا يجب أن يتحدث أو يتصرف الجميع بنفس الأسلوب، وما يصلح لشخص قد لا يصلح لآخر لاعتبارات الاختلاف في الشخصية والنشأة والقناعات الأخلاقية والدينية الخ

نعم، ولكن فى حدود؟
المشكلة الكبرى هي من له الحق فى وضع سقف الحدود؟ إذا تركت الحدود للدولة ستضيق أو توسع من هذه الحدود وفقا لمصالحها، ولو تركتها لرجل الدين سيلتزم نصا بمرجعيته الدينية، وإذا تركناها وفقا لما اعتدنا عليه فى السابق فنصير محلك سر

ليس لدى حل لهذه المشكلة، وحتى نجد حلا فإن الحل أن يضع كل شخص حدوده بمعرفته وليتحمل نتائجها أيضا لوحده
.

38 comments:

الطائر الحزين said...

لس دوما الخروج على المألوف خطأ

وليس فى الغالب صح

تحياتى

Lasto-adri *Blue* said...

لا أستوعب فكرة أن يعجبنى شئ خارج عن مبدئى

يعنى.. إن كنت أكره الرجل الراقص.. فكيف أعجب فرد آخر

ومع هذا فأنا -تقريبا- أتفق مع اغلب ما قلتى دون فقرة رقص تيتو.. ومن هو تيتو يا ترى؟

مثليه said...

استمتع للانصات لرأيك و افكر في حل فكلنا أصبحنا في صندوق مغلق و اخشى ان نفقد مفاتيحه
يجب على كل منا ان يضع بصمته الشخصية بطريقته و ان يكون ذاته

Anonymous said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Celular, I hope you enjoy. The address is http://telefone-celular-brasil.blogspot.com. A hug.

جسور سرية said...

العزيزة بلاك روز
خارج الحدود:
فكرت ان اقرأ بوستك هذا بتمعن دون اضيف شيئا تعليق او ماشابه فهو حقيقي عميق و مستثير للذهن و التفكير بشكل بديع الا انني لم استطع الوقوف خارج الحدود.
:)

داخل الحدود:
قادني بوستك هذه لمراجعة نقاش محتدم و مستمر مع اصدقائي المشاكسين حول كيفية الخروج من المأزق الذي اوقعت فيه ما بعد الحداثة نفسها عندما جاءت بنفس مشاكل الحداثة التي انتقدتها
عندما ظهرت الحداثة فى أعقاب العصر الوسيط الذى كانت تشكل فيه الكنيسة موقفاً دوغمائياً اطلاقياً يتأسس على الدين وينبنى على ثنائية ناجزة تجعل الظلام فى جانب والنور فى جانب آخر، الشر والخير، الباطل والحق، الكفر والإيمان، ...إلخ موقف يجعل الحقيقة والصواب دائماً فى جانبه بينما الكذب والخطأ دائماً فى الجانب الآخر المختلف أياً كانت درجة إختلافه، فلم يكن غريباً أن تشكل الحداثة موقفاً اطلاقياً دوغمائياً مضاداً يتأسس على العلم وينبنى على ثنائية ناجزة مغايرة تجعل العقل فى جانب والحواس فى جانب آخر لذا عندما جاءت ما بعد الحداثة لحل هذا الاشكال فانها جاءت بمعضلة اخري ففى مقابل الحقيقة المطلقة فى الحداثة اعتبرت ما بعد الحداثة الحقيقة نسبية فإذا كانت الحقيقة المطلقة تدعى الوصول إلى المعرفة الكاملة فإن النسبية لا تصل إلى أية معرفة فهى تقول بصحة أية حقيقة أو حكم أو قول
و انا شخصيا اجد نفسي علي النقيض من الموقفين السابقين....وانا لا اؤمن بجود حقائق مطلقة و لكن في نفس الوقت لا يمكن ان اقبل بحالة من النسبية تجعلني اقبل بصحة كل الحقائق و من مثل هذه المواقف التي تحدثتي عنها كمثال تيتو المصري فقد توصلت لتبني التعددية العقلانية النقدية التي تعنى أن هنالك حقائق متعددة ومختلفة وكلها يمكن أن تكون صحيحة عن ذات الموضوع، تأويلات مختلفة وتطبيقات مختلفة وفهم مختلف للمجموعة شبه الكلية للحقائق والقيم. ولكن هذا لا يعنى أنها تتبنى موقفاً نسبياً، أى أنها لا تدعى أن كل ما يقال صحيحاً أو أن كل الإدعاءات المختلفة حول قضية ما هى كلها إدعاءات صحيحة. فالموقف التعددى العقلانى النقدى يقول بصحة بعض الحقائق وليس كلها، بينما النسبية هى التى تقول بصحة أية حقيقة أو حكم أو قول ولذلك فهى لا تصل إلى أية معرفة

اسفة جدا للاطالة لكنها دائما مواضيعك تستفز عقلي ليفكر بشكل ارحب

طارق هلال said...
This comment has been removed by the author.
Anonymous said...

المسألة فى رأيى ليست قوانين فى السويد .. أو قواعد أخرى فى ألمانيا أو هولندا وغيرها
It takes two to the Tango

ببساطة الاتنين مسئولين .. ده من جهة الحكم ..ومن جهة كل الاديان كمان

لكن ليه بيحصل ؟ كل حاجة لازم تتدرس على حدة حسب ظروفها .. من هنا نستنتج من الضحية .. ومن المعتدى ..ولايصلح التعميم

فى بلادنا لان الجنس احتياج زى الاكل والهواء .. والزواج اصبح صعب جدا .. لم نفكر فى بدائل ترضى أخلاقنا وطباعنا وتشبع ذلك الاحتياج فى الوقت نفسه

انا لااعتقد فى مسألة ان مافيش حل .. فقط

We didn't do our exercise ..

ولااجتهدنا ولاأى حاجة .. فقط نشكو ونتألم

أيضا أوافقك تماما ونهائيا أنه لايجب ان يكون هناك أى تابوهات تحت اى ذريعة .. الفكر فى الاصل حرّ وآسف لكل واحد عاوز يعمل وصى .. الحرية اساس النضوج المجتمعى

فى بوست قديم لدى حكيت ليه هاجرت بأولادى .. بس عشان موضوع الحرية ده

اولادى وهم بنات عمر بابا ماقال لهم اعملوا ده وماتعملوش ده .. او تدخل فى حياتهم نهائيا الا اذا هم اذنوا لى

اعتقد انه بهذا ينشأ جيل واثق .. قوى .. مقاوح وعنيد.. وهذا بالطبع ما اعانى منه الآن كثيرا .. يختار لانه مقتنع ..برأيه

مفتوح على الدنيا .. مثقف وبالاخص فى هذه الناحية الهامة لصحته وصحة رفيقه فى الوقت نفسه

اما مسألة الرقص .. فمن وجهة نظر فنية بحتة وكموسيقى .. اعتقد ان البنت اجمل ميت مرة من الرجل ..
فهى انعم مهما حاول .. كذلك فاعضلات لاتناسب الرقص الشرقى .. هناك دربون بارعون مثل ظاظا الشهير .. لكنه لو رقص فى حفلة سيذهب الزباين ..

آسف للإطالة .. لكنك التى تختارين موضوعات تخاطب عقلى .. فلاتلومينى

تحياتى

Anonymous said...

"ليس لدى حل لهذه المشكلة، وحتى نجد حلا فإن الحل أن يضع كل شخص حدوده بمعرفته وليتحمل نتائجها أيضا لوحده"

انت سألت السؤال و أجبت عنه في ذات الوقت

هذا هو الحل فعلا ان يتحمل كل شخص نتائج مواقفه

المشكله تكمن في أن العواقب في أحيان كثيره تكون وخيمه و السبب أن المجتمع لا يحتمل من يخالفه في اراء كثيره قد لا تكون صحيحه و لكنها في عرف المجتمع "بديهيات" حتى لو كانت خاطئه

إلى أن نتعلم أن نفتح عقولنا و قلوبنا للاخر علينا أن نقطع شوطا كبيرا في مساحة التفكير

أوافقك جدا ان ما قد يصلح لشخص لا يصلح للاخر و هناك ما يلخص ذلك:
"في ناس بيلئلهم و ناس لأ"
بما معناه أن هناك أناس كما ذكرتي لهم أن يتكلموا في موضوع ما بينما غيرهم لا يتقبل ذلك من غيرهم

على كل شكرا على الموضوع متميز كالعاده يا عزيزتي

تحياتي
mais

Anonymous said...

صديقتي العزيزه بلاك كايرو روز

بخصوص الموضوع الأول انا كمان بستعجب من قوانينا العربيه و اللي بتخاللي المرأه في الموقف ده هي الجاني و الراجل شاهد مع ان الأتنين مشتركين في الموضوع
و طبعا مفيش اكتر من اللي بينصحوا و مابعملوش بالنصيحه خودي من ده كتير اوي حتي بره مش بس في بلادنا العربيه

ماكل واحد يبص لنفسه ليه دايما بنبص لغيرنا و ننصح و النصيحه احنا مش بنعمل بيها بنحط فعلا حدود و احنا اول ناس بنكسرها

عوده حميده و موضوعات دائما جريئه صديقتي
تحياتي ليكي

سمـــــــــا said...

مواضيع من بعيد اينعم بس كلها تابوهات فى الصميم برضه

فى موضوع الدعارة و بعيد عن رأى الدين والقانون وعن انها حرية شخصية فى رأى الا انى برفضها مش علشان حرام وحلال ولكن علشان القرف يعنى ازاى حد يقدر يستوعب انه يكون مع واحدة وهو عارف ان سبقه حد او هيجى بعده حد ، دا احنا بنقرف نشرب فى الكوباية مكان حد يبقى هعمل كده مكان واحد تانى بجد حاجة يععععع اوى ، يعنى انا لو كنت راجل مش هقولك انى هتحلى بالفضيلة علشان هبقى كدابة اكيد كنت هتحلى بالفضيحة ههههههه بس مع ناس اعرفهم مش اى فستان معدى ومش بالفلوس كمان لان الكلام دا هيبقى مفتقد للمشاعر واكيد صعب حد يعمل حاجة من غير مشاعر ايا كانت نوعها والا هتبقى الست دى عبارة عن مقلب زبالة واكيد انا محبش اكون مع مقلب زبالة .

وعلى فكرة انا معترضة على القانون اللى بيجرم المرأة فى مصر وبيعتبر الرجل شاهد انا شايفة ان اما يكون الاتنين مُدانين او الراجل بس هو اللى مُدان لان اكيد محدش ضربه على ايده وقالو يروح بيت دعارة وهو برىء يا حرام ميعرفش هو رايح هناك يعمل ايه هو راح بمزاجه ودفع فلوس لمتعته يبقى هو المُدان الاول فى نظرى .


بالنسبة لموضوع الرجلين المصرين اللى كانو ماشيين فى الشارع دا فكرنى بأول موضوع كنت كتباه على البلوج بتاع تحرش الرجالة واسلوبهم السخيف وتعليقاتهم الاسخف واديت مثل لما اكون ماشية فى الشارع وواحد جاى من بعيد عينه راشقة فى كل حتة فيا واول ما يقرب جنب رجلى يقولى استغفر الله العظيم وغالبا بيكون ردى ربنا ياخدك انت وامثالك راجل مقرف صحيح وابص له بامتعاض وممكن اكمل قصيدة الشتيمة باتفووو :)))) بصراحة انا لو كنت مكانك كنت خليتهم عِبرة ومخليتهومش يحطوا رجلهم فى المكان دا تانى واحتمال يسيبوا البلد كلها ، بس كويس انتى ماشية بنظرية ناردين التجاهل هو افضل رد للنوعية دى من البشر.

مسرحية كلام فى سرى انا شفت اجزاء منها وقت المهرجان بس الحقيقة وقتها ماما كانت عمالة ترغى معايا فمبقتش عارفة اركز ولا اسمع حاجة ومكنتش عرفت قصتها غير بعد كده بس اللى شفته انه كان على المسرح 3 بنات وعاملين سبوت لايت عليهم وباقى المسرح ضلمة بس للاسف مركزتش ايه الموضوع ولا بيقولو ايه
وسمعت زيك برضه انها من ضمن الاعمال اللى اتحطت فى جلسة مجلس الشعب هى وبدلة الرقص بتاعة فيفى عبده فى مسرحية روايح بس متابعتش برضه ايه اللى تم لكن اللى فاكراه انى لما عرفت الكلام دا قلت ايه الناس الفاضية دول بقى سايبين المجازر اللى بتحصل على طوابير العيش كل يوم ما بين خناقات وقتل وجروح وعمالين يتناقشو فى بدلة الرقص مفتوحة واللا مقفولة قال يعنى لو فيفى عبده بعتت دعوة لاى باشا من دول مش هيروح جرى يتفرج ويقول المثل القديم كنت فيه يا خشب ايام ما كنت انا مسمار . حاجة تفرس بجد

فى موضوع تيتو المصرى انا رغم انى اكس لارج واوبن مايندد الا انى بشمئز اوى من الراجل اللى يرقص ويهز وسطه بأى حال من الاحوال بحس انى نفسى اروح الطشه قلم ارجعه راجل تانى ، اينعم هو بيرقص احلى من اى رقاصة وبيعبر بجسمه وكل حتة فيه بس انا فى نظرى الراجل لازم يكون راجل كده عايز يرقص ممكن يرقص نوع تانى غير البلد باليه مثلا او رقص الفرق الشعبية زي فرقة رضا يعنى انا بحب اوى الولد اللى اسمه احمد يحيى اللى هو راقص مصر الاول انا بيعجبنى لانه بيرقص وبيعبر بس مش بيهز وسطه ويتقمص دور الست نواعم بيرقص ايوة لكن راجل اوى

نسيت اقولك الصورة فعلا بتاعتى وميرسى يا قمر على مجاملتك الرقيقة وناردين بتبلغك سلامها

عين فى الجنة said...

الخروج عن المألوف هو الذى صنع التاريخ فكل الانبياء والعلماء والفنانين الذين غيروا تفكير الناس خرجوا عن المألوف

جسور سرية said...

العزيزة بلاك روز
تحياتي مرة اخري
اود ان استعير منك مساحة اخري احاور فيها العزيزة سما و اتمني ان لايحرف ذلك البوست عن مساره
العزيزة سما
اولا ياخ رجعي البلوق بتاعك عشان نعرف نتكلم معاكي بدل احتلال بلوقات الجيران بالشكل ده
:)
كتبتي عزيزتي سما(بس انا فى نظرى الراجل لازم يكون راجل

اولا احب ان اقول في البدء و من وجهة نظري انك كأمرأة مثلية لابد ان يكون لديك مقدار اعظم من التسامح تجاه الاخر المختلف ببساطة اذا لم يكن لدينا هذا التسامح لما نطالب الاخرين بتقبلنا؟
ثانيا ماهو تعريف الرجولة في نظرك؟
انا شخصيا ارفض مصطلحات رجولة و انوثة و استبدلهما بمصطلحات خشونة و نعومة....ببساطة لان المصطلحين الاولين هما تعبيران اجتماعيان متوهمان يلصقان صفات النعومة و الخشونة بالانوثة و الرجولة بشكل طبيعي و بالتالي اي رجل مثل تيتو الناعم يصبح مش راجل !!! من هنا ينطلق المغايريين في مهاجمتهم للمثلية الجنسية باعتبارها خروج عن الطبيعي و بالتالي تصنيفها كشذوذ
انا اقول ان الخشونة و النعومة طريقة سلوك و تفكير و نمط اجتماعي يمكن ان تتصف به امرأة و يمكن ان يتصف به رجل و العكس ايضا ينطبق علي الخشونة
لذلك انا شخصيا لا يضيرني ان اري رجلا ناعما و امرأة خشنة...رجلا خشنا و امراة ناعمة
كلها صفات انسانية وسايكلوجية سلوكية طبيعية جدا
اعتقد انك وقعتي في شباك التصنيفات الاجتماعية المتوهمة التي تسيطر علي عقولنا الغير واعية عندما نقييم الاخرين
انا لا اطلب منك او من اي شخص اخر هنا ان يغيير وجه نظره في الامر كل ما ارغب فيه ان تنظروا للامر من زاوية اخري و ربما ترون ما اري
و لكم كل الود

He and She said...

Post gameel. I really missed to read to you

He and She said...

watch this video and you won't admire Tito anymore

http://www.youtube.com/watch?v=dHxE6PbZQrI

روابط said...

فى موضوع الدعارة انا اظن ان الطرفين مدانيين تماما وقبل منهم المجتمع , وصحيح اننا يجب الا نفكر بتابوهات مسبقة الا ان كونك تعرفين ان المسرحية تتحدث عن المثلية الجنسية , فالجواب باين من عنوانه
على فكرة مش حل ان كل شخص يصنع حدوده بنفسه , مش كل الناس عندها التزام ذاتى او اخلاقى او عقلى , او التزام تجاه حريات الأخرين

سمـــــــــا said...

العزيزة روز

معلش بقى هستلف ركن فى البلوج الجميل بتاعك ارد فيه على الغالية جسور سرية

عزيزتى جسور سرية
اولا اتمنى تكونى بكل خير وياجميل دا انا افتح لك بلوج مخصوص علشان نقعد نتناقش فيه ، ولو سمحتى اوعى يكون حد اخد مكانى فى كومينت كبار الزوار :)

نرجع بقى لرأى ولردك :-

حقيقى انا قلت ان الراجل لازم يكون راجل وانا بأكد عليها تانى واحب اوضح لك الاتى :

اولا : موضوع انى كأمرأة مثلية لابد ان يكون لدى مقدار من التسامح تجاه الاخر

انا فعلا بتقبل الاخر فى كل حاجة يعنى عادى ان يكون لى صديق مثلى عمرى ما حسيت ان فيها مشكلة طالما انسان على خُلق ومحل احترامى ، لكن مش شرط على فكرة ان كل المثليات يتقبلو فكرة المثليين الرجال لان فيه مثليات كتير مش بيتقبلوا المثليين نفسيا ودى برضه انا شايفاها مشاعر فردية وحرية شخصية .

انما فيما يخصنى اكيد انا مش عنصرية تجاه الاخر لانى بالفعل لى صديق مثلى من سنين طويلة وبيعتبرنى صديقته الوحيدة اللى بيلجأ ليها فى اى مشكلة او حاجة تخصه وعلى فكرة هو ميعرفش انى مثلية اساسا يعنى بيحيكلى بكامل ارادته وانا بسمع له وبقف جنبه بكامل ارادتى بعيد حتى عن اى اعتبارات لفكرة المثلية عموما .

ثانيا : بالنسبة لتعريف الراجل من وجهة نظرى وفكرة النعومة والخشونة :
اكيد تعريف الراجل فى نظرى مش مرتبط بالخشونة وعلو الصوت وشخطة سى السيد احمد عبد الجواد لانى ببساطة شايف ان الرجولة هى الراجل الهادى الموزون اللى يقدر يحتوي المرأة ويعتمد عليه وتبقى الانثى مطمئنة ان هو ضهرها وسندها فى الدنيا ، ومن وجهة نظرى الشخصية البحتة زي ما ذكرت قبل كده مش هقدر استوعب التعريف دا فى الراجل الناعم لانى مبحش الرجالة الناعمة ومبقدرش استوعبهم واكيد لو مكنتش مثلية عمرى ما كنت هرتبط براجل ناعم لانى بينى وبين نفسى مش هقدر احترمه ودا وجهة نظرى الشخصية وطباعى ومش معنى كده ان واحدة تانية مش هتتقبله بالعكس ممكن يقابل واحدة يكون هو دا طلبها ، وينطبق دا برضه على البنت الخشنة وزى ما فى البلوج عندنا زمان قلت انى مبحبش البنت الخشنة انا الانثى بالنسبة لى لابد ان تكون انثى بكل ما تحمله الكلمة من معنى مش معنى كده انها تكون جميلة لكن بحب الست اللى بتهتم بنفسها وانوثتها ، وبرضه عادى جدا انها تقابل حد يتقبلها زى ما هى ويكون هو دا طلبه وعايزها خشنة زى ماهى .

اما بالنسبة للراجل اللى بيرقص ويهز وسطه زي الستات سواء فى فرح او تكون مهنته زي الاخ تيتو فأكيد انا مش متقبلاه ولا هتقبله بأى حال من الاحوال وانا حقيقى بشمئز منهم وعمرى ما بتقبل راجل يرقص بميوعة ويهز بطنه ووسطه دى حاجة بتصبينى بالغثيان.

وهسألك سؤال :

انتى لو مكنتيش مثلية واتقدم لك واحد زي تيتو دا ممكن توافقى تتجوزيه ؟
وسؤال تانى سخيف ياترى لو تيتو دا والدك او اخوكى وبيطلع على المسرح كل يوم يرقص بالمنظر دا هيكون احساسك ايه ؟

فى النهاية زي ما قلت كل دا مجرد طباع وفروق شخصية اللى انا اقبله مش شرط غيرى يقبله والعكس صحيح .

تحياتى للجميع وسامحونى بقى على التطويل

جسور سرية said...

العزيزة سما
اولا اتمني ان وجهة نظري ما تكون ضايقتك او سببت لك ازعاج من اي نوع.....و كما يقولون اختلاف الرأي لا يفسد للود قضية و لا مش كده؟
:)
انا فهمت وجهة نظرك و محترماها لانها ببساطة مسألة تفضيلات شخصية
اما عن اسئلتك ان امكن ما كان اوافق اتزوج تيتو بس مش لاني بأشمئز منه لكني لاني كنت حافكر انه ممكن يكون رجل مثلي و ما ينفع اني كأمراة مغايرة اتزوج من رجل مثلي
السؤال التاني انا فعلا سألت نفسي ليه قبل كده و مش باحس انه سخيف و لا حاجة...انا حتي قبل كده كنت بناقش اصدقائي و صديقاتي المثليات انو موقفهم بيكون شنو لو اكتشفوا ان اولادهم مثليين.......و انا باقول ليك انا ما عندي اي مشكلة اني يكون زول قريبي ناعم بس كل اللي بيهمني سلامته الشخصية في مجتمعات زي مجتمعاتنا التي تحتقر الرجل الناعم و تتحرش به لدرجة قد تصل الاعتداء علي سلامته الشخصية
من حيث المبدأ لا اعتقد ان واجبي ان امنع والدي او اخوي او اي زول قريبي يكون علي الفطرة التي اراده بها الله لكن من واجبي ان اعلم الناس انهم كيف يحترموهم و يتسامحوا تجاه اختلافهم ده
عارفة يا سما انا احيانا باحس ان عقلي ما عندو حدود في تقبل الاخرين و وجهات النظر المختلفة لدرجة احيانا بحس اني كده مش كويس عشاني
:)
اعتذر منك عزيزتي بلاك روز علي التطويل لكن مثل هذا النقاش لا ينحصر بيني و بين سما انما هو وجهة نظر شخصية احب ان انقلها للغير

Heart Beat said...

بيعجبني في الدول الغربية انهم بيسعوا لمعرفة سر نجاح بلد اخر في تناول امر حيوي و هام في تقدم البلد و ده طبعا عكس ما يحدث عندنا في العالم العربي

احنا ممكن نستميت لمعرفة ازاي الحاكم ده فضل يحكم بلده فوق التلاتين سنة او ياترى السجون و المعتقلات عندهم شكلها ايه لكن اننا نحاول مجرد محاولة نفهم هم ماعندهمش طوابير عيش زي اللي عندنا ليه .... ده شيء مستحيل

اعذريني على المقدمة ام دم تقيل دي

يمكن سعي الدول الاروبية دي لمعرفة اثار التجربة السويدية في تناول موضوع الدعارة بسبب احترام الدول دي للمرأة بشكل عام حتى لو كانت تعمل في الدعارة في الاول و الاخر هي امرأة و هم يحترمون المرأة هناك

كل شيء جديد و غير مألوف قد يثير السخرية في اوله لكن ان اثبت نجاحه فهو ينال كل الاحترام و التقدير و اعتقد ان نجاح التجربة السويدية في تطبيق هذا القانون باعتباره يلاحق المتسبب الحقيقي و ليس الضحية هو دليل على التقدم و الرقي في تلك البلاد بغض النظر عن ديانتهم او معتقداتهم

في الدول العربية الرجل عمره ما بيغلط ابدا ... و حتى لو حصلت خيانة لزوجته مثلا بيقولها انتي السبب خلتيني ابص لواحدة تانية يعني برضه المرأة هي السبب

عندنا الرجل الشرقي متدلع شوية بسبب القوانين الوضعية السائدة

و على الرغم من انه شريك في الجرم ده الا انه لن يكون مدان ابدا ... هي عادات و تقاليد توارثناها و لن تتغير لان العقلية اللي عندنا مابتتغيرش ابدا
----------

بالظبط كده عندنا الرجل الشرقي ضليع في اعطاء المحاضرات عن الحلال و الاحرام لكن تطبيقها بيكون صعب عليه هو شخصيا لكن اي حد تاني مطالب بانه ينفذ ما جاء في تلك المحاضرات

بمعنى اخر احنا ناس بتوع كلام و بس ... ده حتى فطاحل الشعر كانوا من العرب يبقى ورانا ايه غير الكلام و الرغي و مهما حصل تطور برضه هاتفضل عقلية الرجل الرشقي زي ما هي مفعمة بهواء و اتربة و غبار الصحراء

---------
طبعا انا لم اشاهد المسرحية فلن استطيع ان اتحدث عنها و لكن في نقطة انتقاد عضو مجلس الشعب للمسرحية بسبب ما تتناوله المسرحية من افكار ... فده لان عندنا في مصر بننظر للامور بالشكل السطحي ده و نعمل من الحبة جبل مش قبة بس ... تخيلي دي عقلية ممثل الشعب في مجلس الشعب يبقى الشعب نفسه تفكيره ازاي

احنا عندنا نطالب بتكسير رأس اللي فكر في المسرحية و حرق المسرح ممكن كمان ... لكن ان واحد يتبرع و يطالب بتكسير راس عز و اعوانه لا طبعا ازاي ده واحد منهم

بمعنى اخر بنيجي ع الهايفة و نتصدر و نعمل فيها رجالة بيحموا شرف البلد

----------

لم اشاهد تيتو ايضا و لكن كنقاش للموضوع فمن الممكن ان اقول ليس عيبا ان يكون تيتو برع في الرقص و ان قام بتقليده شخصا اخر هذا ليس معناه اننا سنقابل كل الرجال في الشوارع يرقصون تقليدا لتيتو مثلا

على الاقل تيتو فعل ذلك و لم يستحي او يخشى نقدا هناك الكثير من الرجال بشنبات كما يقولون و يفعلون كل ما هو خاطىء من خلف الجدران ثم ينتقدون من يفعل ذلك و لكن هذه المرة امام الناس يعني بيعملوا علينا اسود و هم قطط

هذه النوعية من الرجال اكرهها بمعنى الكلمة لانني اكره المنافقين بهذا الشكل

في قصيدة طائر النورس تناول جيد لمسئولية كل انسان عن افعاله

لقد قام هذا البحار بقتل طائر النورس و في محاولة منه على ما اتذكر للصق هذه الجريمة بشخص اخر او ربما تبرير فعلته هذه فكانت الابيات تقول

Instead of the cross the albatross was hanged around his neck

اذا لقد تحمل وزر فعلته و اصبحت طوقا حول رقبته بدلا من رمز الايمان الذي كان يعلقه

كل انسان فينا يجب ان يتحمل نتيجة افعاله خطأ ام صواب يجب ان نكون مسئولين عنها جميعا

نكون قد صنعنا حدودنا بأنفسنا و تحملنا نتيجة ذلك بكل شجاعة

بنقول في مصر كل واحد عقله في راسه يعرف خلاصه

arsenalwy said...

ماشى يابلاك روز

بس العادات والتقاليد بتحكم ميمنعش ان احنا نتكلم عن الجنس بس نتكلم فى محاولة لعلاج مشكلة ما مش نتكلم وخلاص

وانا سعدت بمرورى على مدونتك وباثارة رايك بصراحة وموضوعية

Anonymous said...

dear black cairo rose:
انتي اتكلمتى عن 3 مواضيع مرة واحدة و باسلوب شيق جدا بجد,انا شايفة ان الدعارة سببها الاحتياج يعنى الست محتاجة فلوس و الراجل محتاج جنس و بردوا شايفة ان دي حرية شخصية القانون مش المفروض انة يحاسب عليها عارفة فيلم pretty girl الفيلم دا بيبين سبب الدعارة اية بصورة حلوة جدا و السبب واحد في دول العالم الاول و دول العالم الثالث ولا ينبغي معاقبة الذكر او الانثى علي الاطلاق
المسرحية انا بصراحة مش سمعت عنها خالص انا تقريبا بقيت عايشة في كوكب تاني بس لو لقيتها هاتفرج عليها و اقولك راي
اما بالنسبة لتيتو برضة انا مش كنت سمعت عنة غير لما جيت هنا عندك في البلوج و طبعا رحت عاليوتيوب و اتفرجت علي الرقص بتاعة كلة و انا شايفة انه حالة جميلة جدا و موهوب و فنان و عرف موهبتة فين و نماها و عمل بيها فلوس و بعدين رقصة مش مايع خالص بالعكس
مرسي خالص يا فندم عال 3 معلومات دول مرة واحدة

سمـــــــــا said...

عزيزتى جسور سرية

يا جميل انا متضايقتش خالص بالعكس انا بحب المناقشة وان اللى قدامى يعرض وجهة نظره وانا اعرض وجهة نظرى ومش بزعل حتى لو كل اللى حواليا اختلفوا معايا لان طالما انا ليا قناعة معينة فدا بيعمل لى راحة نفسية بشكل او بأخر بــــس برضه انا حابة اكد عليكى انى مش ضد الرجال المثليين ولا ضد ان يكون فيه حد من العيلة مثلى بالعكس انا اكتر حد بيساند فى المواضيع دى لانى شايفة انها حرية شخصية وميول جنسية طبيعية وعمر ما كون الراجل مثلى قلل من احترامى له كانسان لانى فى الاخر بتعامل معاه كشخصية انسانية مش جنسية .

انا اللى مش بتقبله الراجل اللى يرقص بلدى حتى لو مكنش مثلى لان مش شرط كل الرجالة اللى بيهزو وسطهم مثليين فيه رجالة طبيعين بيحبوا الرقص ودول بقى اللى بيصيبونى باشمئزاز حتى لو واخدين الاوسكار فى الفحولة :)

مبحبـــش الرجالـــــــة اللــــــى بترقـــــص بلــــدى يا نااااااااااس
اموت نفسى علشان ترتاحى يا جسور ؟؟ هههههههههههههههههه

تحياتى يا جميل وميرسى على المناقشة الشيقة وبجد مفيش زعل اتمنى انك بس تكونى فهمتى وجهة نظرى صح

وتحياتى ليكى يا روز للمرة التالتة

جسور سرية said...

العزيزة سما
يا جميل كلامك ريحني رغم اننا مازلنا مختلفين في وجهات النظر بس برضة انا ما يخلصني انك تموتي نفسك
ناردين تجي تقتلني انا و اروح في شربة مية زي ما بيقولوا هههههههههه
سعيدة انا بالتحاور معك و اتمني انو نقاشنا يكون صب في لب الفكرة التي كتبتها عزيزتنا بلاك روز و ان لم يكن كذلك اعتذر مرة اخري
اخيرا و ليس اخرا اختلاف الرأي لا يفسد للود قضية و مناقشتك يا سما اهم عندي من اتفاقنا في رؤية واحدة
دمتي بخير و تحياتي للعزيزة ناردين

blackcairorose said...

الطائر الحزين
اتفق معك، ولكن أعتقد أن كثرين
سيختلفون بشأن ما هو الخروج عن العرف والذى يعتبر مقبولا ومستحبا أو غير مقبول ومدان

وهنا تكمن المشكلة

خالص التحية

blackcairorose said...

لست أدرى

أهلا بك ومرحبا فى المدونة وشكرا على المرور والتعليق

وأفهم عدم استيعابك لفكرة الاعجاب بشىء خارج مبادئك أو قناعاتك
أما بالنسبة لى فهو أمر عادى وله أمثلة أحيانا بسيطة ولكنها ستعطيك فكرة أوضح عما عنيته

قد أحب جدا فستان للمغنية أليسا ولكن أن ارتديه شىء آخر
قد أعجب بشجاعة مسلمة منقبة تعيش فى نيويورك رغم أن فكرة الحجاب ولا أقول النقاب بالنسبة لى فكرة غير واردة بتاتا
أحب التراتيل الكنسية الكاثوليكية فهى تعطينى احساس بالجمال والروحانية رغم أن قناعاتى بدينى الاسلامى والحمد لله قوية

وهكذا
خالص التحية وفى انتظار مرورك مرة أخرى وعلى فكرة فى بحث اليوتيوب ضعى اسم تيتو و

Male belly dancer
وستجدى العديد من الكليبات

blackcairorose said...

مثلية تبحث عن ذاتها

الثمن الذى يمكن أن ندفعه لتفردنا وخروجنا عن المفاهيم السائدة ليس هينا
ولا أدعى هذه الشجاعة، ولكنى على الأقل لا أدعى مالا أفعله وهو أضعف الايمان أحيانا

ومن هنا أيضا تقديرى الكبير لمن يواجه المجتمع فى سبيل ما يؤمن به ويراه حقه

ودمتى

blackcairorose said...

جسور سرية وسما

تابعت حواركما وكنت أود المشاركة فيه من أوله لولا أن الايام الماضية كانت ايام مشغولة جدا
المهم

أنا أيضا لدى بعض النقاط التى أحب التأكيد عليها

1ـ اعتقد اننا جميعا نؤمن أن هناك فرق بين شيئين هامين

الاول هو المساواة بين الناس من ناحية الحقوق والواجبات والحق فى الحياة والحرية والعيش بكرامة وبدون تحيز أو تمييز بين كل افراد المجتمع سواء كانوا ستات او رجالة من أى دين او من اى شكل أو لون أو هوية جنسية أو "بأى صفات تتفق أو تخالف انماط الانوثة او الرجولة التقليدية والمعروفة"

والثانى هو الذوق الشخصى بالاعجاب او عدم الاعجاب بأى صفة أو سمة ظاهرة أو غير ظاهرة فى أى فرد
بمعنى انى لو قلت انى أرى أن اصحاب البشرة السمراء اكثر جمالا من غيرهم أو العيون الخضر هى الاجمل أو المرأة الانثى هى فى نظرى الاحلى أو أن الرجل الخشن بالمعنى التقليدى هو فقط من يثير اعجابى، كل هذه التفضيلات هى طبيعية وليس فيها شبهة عنصرية أو تمييز أو نظرة دونية للآخرين، وكلنا نحب ونعجب بستايل وشكل معين ولا يعجبنا ستايل أو شكل آخر دون أن يعنى أننا نرى أن النوعيات الاخرى لا تستحق الاحترام أو يجب ان لا تكون لها نفس الحقوق للآخرين

2ـ الانماط السلوكية المتعلقة بالمفاهيم الشائعة للرجولة والانوثة هى بدرجة غير صغيرة موجودة فينا منذ ولادتنا، وبعض منها مكتسب خلال حياتنا
قد نعدل من تصرفاتنا احيانا ونرى انه لسبب أو آخر من الملائم أن نتصرف هكذا أو نجلس هكذا أو أو أو أو ولكن لا يمكننا أن نحيا اربعة وعشرين ساعة فى اليوم ونحن نتصنع حركات معينة لانها تتوافق مع ما يجب أن نكون عليه ، او مع ما يرى المجتمع اننا يجب ان نكون عليه

فالرجل الذى بطبيعته "مايع" مهما حاول من تصرفات ان يقلد الرجل الخشن ستظل ميوعته كلحوظه حتى فى أقل التصرفات التى ربما هو نفسه لا يلاحظها وطبعا نفس الكلام بالنسبة للمرأة التى لها مظهر وحركات رجولية واضحة

وادراكنا لهذا الامر يجب ان يجعلنا اكثر رحمة بالاخرين، وندرك فى النهاية أنا مثلما نولد بلون بشره وبلون عين معينة وميول جنسية معينة، فاننا ايضا الى حد ما نولد بطريقة معينة فى حركاتنا ونظراتنا وطريقة المشى او القعاد او الكلام الى آخره، واقول هنا الى حد ما وليس مائة بالمائة لان بعض من هذه الصفات بالتأكيد مكتسب خلال نمونا واحتكاكنا بالناس حولنا

blackcairorose said...

ارابيك ايد

موضوع الجهر بالمعصية يثير تساؤلات وتعليقات كثيرة بداخلى
1ـ افهم هذا المطلب الدينى اذا كان الفرد مقتنع من داخله ان ما يفعله خطأ ولديه النية ويعمل فعلا على ان يتوقف عن هذا الخطأ، وبالتالى فان هذا الشخص لا يعلن قيامه بالمعصية،

2ـ هناك فرق لا يدركه الكثير هو ان عدم الاعلان عن ارتكاب المعصية يختلف تماما عن الادعاء بعمل عكسها
يعنى
من يزنى لا يجب حين يسمع سيرة الزنا يبدأ فى الادعاء بانه لا يزنى لان الزنا حرام الخ
لانه فى هذه الحالة منافق وكاذب
يمكن له ان يصمت ولا يحكى تجاربه الجنسية لكن أن يدعى عكس ما هو فيه أمر مختلف

ولكن للا سف هذا الفرق كما قلت غير واضح لدة الجميع، وكثيرون يظنون ان الادعاء بعكس ما يفعلونه هو من باب عدم الجهر بالمعصية

3ـ لو سأل رجل خطيبته قبل الزواج عما اذا كان لها تجارب جنسية أم لا، وطبعا لو سألت فتاة خطيبها اذا سبق له تجارب جنسية قبل الزواج أم لا، هل نجيب بالحقيقة ام هى جهر بالمعاصى؟ هل نكذب ونقول لا ونصبح عندئذ ننفذ تعليمات الدين؟
اعتقد هذا الموضوع فيه كلام

يعنى هذه بعض تساؤلات والموضوع اكبر من مجرد تعليق فى رأيى

بس قلى يا ارابيك ايد الموضوع ده انت اثرته بمناسبة أى فقرة فى بوستى؟
وخالص التحية

blackcairorose said...

شريف

فى موضوع الدعارة طبعا الكلام كثير، واتفهم جدا ما كتبته

وكمان

خلينا نفتح شوية ابواب واحب اسألك الاول ما الذى يخطر ببالك عند الحديث عن الحلول؟

والا ترى يا صديقى ان الزواج العرفى و"ابو ورقة" والمسيار وكل الانواع اللى بقينا نسمع عنها هى نوع من الحلول؟ تحت غطاء ان الدين لا يمانعها؟

وطبعا تعلم ان فى الماضى كانت مجرد كلمة جواز عرفى حاجة عيب قوى والناس بتكسف منها، وانا شخصيا كانت لينا واحدة نعرفها زمان كنا نسمع انها متجوزة عرفى وكانت هى بتخبى ومحدش عارف وياي

لكن دلوقتى هناك على الاقل فى محيطنا نسمع عن تلات حالات جواز عرفى والتلاته كل المقربين منهم عارفينه، والتلاته برضه بيعتبرو نفسهم متدينيين وملتزمين وانهم مبيعملوش حاجة غلط، والزواج بالنسبة لهم مجرد ليلة او ليلتين فى الاسبوع وتليفونات وقت اللزوم
ده تعريفه أيه؟

blackcairorose said...

ميس

طبعا باتفق مع كلامك وأن العواقب احيانا او كثيرا تكون وخيمة لان المجتمع لا يقبل الخروج عن انماطه

ولكن الشوط الكبير الذى نحتاجه لفتح عقولنا وقلوبنا أمام تقبل الآخر وتقبل المختلف أشعر انه بعيد المنال، وهو مايجعل معاناة الشجعان الذين يتحدون الاعراف السائدة شجاعة لها قيمتها ولكنها مع الاسف تكاد لن ترى نهاية النفق

شكرا عزيزتى عل كلامك الحلو واهلا بك دائما فى المدونة

blackcairorose said...

اجندا

شكرا يا قمر على الكلام الحلو
وبحاول اكتب فى موضوعات انت استاذة فيها بجرأتك المعهودة
وخالص الود دائما

blackcairorose said...

راجى
الخروج عن السائد صنع التاريخ فى الماضى
والآن عدم الخروج عن السائد يجعل من حاضرنا ماضى

معادلة صعبة

blackcairorose said...

He&she
Wow..am really impressed, I would still nominate Tito for the award of best male belly dancer. Go Egypt..lol

blackcairorose said...

حازم سويلم
أن يضع كل فرد حدوده بمعرفته هى الحل الامثل المتاح فى ظل الغياب المتزايد لقيم يتناها المجتمع ككل أو بتقدير واقعى يتبناها غالبية افراد المجتمع

المجتمعات الأكثر تطورا لن تجد اختلافا فى مفاهيم ابناءها حول القيم والممارسات الاساسية للمجتمع، فتاة فى العشرين من وسط فقير أو فتاة فى العشرين والدها مليونير سيتفقان على اغلب المفروض وغير المفروض فى المجتمع، الفارق سيكون فى تميز مستوى حياة كل منهما

ولكن لدينا فى مصر شقيقتان من نفس الاسرة قد تختلف مفاهيما بشكل كبير واسلوب حياتهما

ليس كل الناس لديها التزام كما قلت، صح

ولكن فرض التزام من نظام حكم، او من سلطة دينية أو من المجتمع أيضا ستأتى على حساب الحريات الشخصية وبالتأكيد بالتالى على حساب تطور المجتمع كما أراه طبعا

blackcairorose said...

هارت بيت
بتفق أيضا مع كل ما قلتيه

وبالنسبة للقانون السويدى، بدأت النرويج فى تطبيقه هذا العام
وبريطانيا تدرسه الآن بشكل أكثر جدية وفقا لما ذكرته المصادر الرسمية وليس مجرد تقديرات موقع الكترونى

والله انا أيضا ساعات بقول لنفسى يخرب بيت كده، البلد فيها بلاوى وفى نفس الوقت ناس شايفه أن دينا هى المتسببة فى الانهيار الاخلاقى، ومسرحية هى اللى جايبانا لورا، ورسوم من دانماركى جاهل شاغلة تفكيرنا ليل ونهار ومظاهرات ومقاطعات

بحس انه مفيش الحد الادنى من ترتيب الالولويات،
ممكن نفكر بعض الوقت فى امور هايفه، لكن أن تكون الامور الهايفة هى كل ما نفكر فيه هذا شىء آخر

blackcairorose said...

أرسنلاوى
أهلا بيك وشرفت المدونة

أرى أحيانا الكلام لمجرد الكلام أمرا ليس خطأ، خصوصا اذا كنا تتحدث فى موضوع ليس من المعتاد أن تتحدث فيه الناس علانية، عندئذ المبادرة بالحديث العلنى فى حد ذاتها علامة ايجابية من وجهة نظرى

العلاج أو الاشارة الى العلاج ليس من مهمة العمل الفنى بالضرورة خاصة فى القضايا الاجتماعية التى تحتاج لوقت ودراسة ومحاولة تغيير تدريجى فى القوانين من ناحية وفى العقول من ناحية أخرى
ولكن التنبيه الى ظاهرة او تناولها والحديث عنها يمكن ان يكون من صميم دور العمل الفنى

blackcairorose said...

سولا
أنا برضه بجد عاجبنى رقصه
وأول مره سمعت عنه من اختى لانها شافته فى سهرة فى فندق فى الغردقة

وبعدين لقيته على اليوتيوب

واللى اكتشفته بعد كده ان فيه اكتر من راقص غير تيتو، منهم واحد بيرقص فى بعض الملاهى فى الساحل الشمالى فى الصيف،

والظاهرة موجوده وفيه ناس زي حالتك وحالتى كده مش شايفين فيها مشكلة

ولكن فيه ناس مش حابه الموضوع ده، وده برضه عادى

ولكن لما الاقى حد بيتكلم انه عايز يدبح تيتو ده وشايف انه بداية انهيار الاخلاق العامة فى جمهورية مصر العربية، ده اللى بستغرب له وبشوفها من مجمل التشنج الاخلاقى السائد

ونورتى دايما

Unknown said...

وهو مايجعل معاناة الشجعان الذين يتحدون الاعراف السائدة شجاعة لها قيمتها ولكنها مع الاسف تكاد لن ترى نهاية النفق
-------

صحيح مئه بالمئه عزيزتي انتي لخصتي الموضوع تمام

ع فكره يا بلاك
mais = meeso82us

بس أنا بعد ما نشرت التعليق اتذكرت انو نسيت اكتب اسمي اللي بتعرفيه

ع كل أنا عملت مدونه خلاص و حليت هالمشكله و أتمنى تشرفيني فيها مع أنو حاسه أنو و لا الها دخل بس معلش شو بدنا نعمل ؟

تحياتي ليكي عزيزتي كمان مره

mais => meeso82us

طارق هلال said...
This comment has been removed by the author.