Sunday, June 10, 2007

غطس وشغل وشوية غيظ



غطست لمدة اسبوع وهو ليس غطس فى المياه ولكن غطس فى مجال العمل
.
سمعت خلاله حكايات كثيرة يمكن أكثر من عشر حكايات يومية
.
قابلت وجوه لم أرها منذ سنوات وأيضا وجوه جديدة
.
رحبت بناس وودعت ناس
.
القيت كلمة قصيرة، ولكن بصراحة أحسست بصوتى مهزوز شويتين وتوقفت أكثر من مرة خلال القاء الكلمة وهو ما ضايقنى والأسخف أن صديقتى وزميلتى المقربة أ رغبة منها الا تضايقنى أكدت لى ان كل شىء كان جيدا، طبعا لم يكن جيدا
.
بصراحة عندى حالة غيظ من زميلتى، طيب لما تحتاج رأيى فى عملها هرسم ابتسامة مجاملة وسوف أقول ممتاز طبعا، وهى هتفهم... معنديش غل ولا حاجة بس هو أنا لم أقل من قبل أنى عقرب؟؟ لول
.
متى يدرك الاصدقاء أننا نريد منهم الصراحة، ظريف أن يكون الاصدقاء عونا والا يضايقونا دون اعتبار لحساسية البعض ولكن بالتأكيد هناك لحظات نطلب فيها الحقيقة من اصدقائنا حتى لو كانت ستضايقنا
.

1 comment:

اجندا حمرا said...

استوقفني عزيزتي
blackcairorose
ماكتبتيه
بصي انا حقولك رأيي بكل صراحه
انا شخصيا بتضايق ساعات لما حد من صحابي يكون صريحا اوي و بزياده و اقصد بشكل فج بدون مراعاه لأحاسيسي و مشاعري
انا معاكي احنا بنكون محتاجين من صحابنا انهم يقولوا رأيهم بصراحه في مواقف كتيره بنتعرض ليها بس طريقه عرض الموضوع و مناقشته بتكون الطف لو اتكلموا معانا بشكل ودي اكتر من انه يكون شكل هجومي
يعني انا ممكن اقول رأيي بصراحه بكذا طريقه ممكن طريقه توصل للي قدامي اللي عايزه اقوله بدون مااجرحه مش لازم اني اكون قليله الذوق و جلياطه و انا بقول رأيي بصراحه لصاحبتي صح؟اكيد متفقه معايا في الكلام ده
اكيد الصراحه مهمه و مهمه اوي كمان بس ممكن نقولها بدون مانسبب احراج لأصحابنا و نحسسهم بأنهم بني ادمين و احنا بنخاف عليهم
صح؟