Saturday, November 22, 2008

الشتاء

أفتقد الشتاء

برودة الجو
الشمس الهزيلة
قطع القطن الرمادية فى السماء
لسعة الهواء فى وجهى
شوربة العدس وحمص الشام
البالطو والكوفية
بخار زفيرى على الزجاج
قعدة النادى فى الصباح
أصابع قدمي المثلجة ليلا
الخمول تحت شمس الظهيرة
خلو الشوارع من المارة ليلا
الحنين لدفء البيوت
اختلاط الروائح فى الغرف المغلقة
روب بابا الصوف الكاروه الأزرق وشال ماما الصوف البيج فى اسود
عدم البحث عن مكان ظليل لركن السيارة
مج الكاكاو وسخونته فى كفي
الأباجورة المضاءة من العصر
الطاقية التريكو ومن تحتها شعرى الطويل
نقرات المطر على جهاز التكييف
نظارة الشمس المتربة فى جرابها بدرج السيارة
الغسيل المبتل لأيام على الحبل
بيات أوانى الطعام خارج الثلاجة
منور العمارة الرطب والمظلم
الحذاء البووت
الدفء اللذيذ تحت البطانية فى الصباح
رؤية الشارع من النافذة لأن الشجر عارى
استحالة نومى مرتدية شراب مهما كانت برودة الجو
الدقائق المثلجة بعد خلع الملابس وقبل الاستحمام
سعال السيارة صباحا قبل إدارتها

أفتقد الشتاء

44 comments:

الطائر الحزين said...

أحب المطر والشتاء وبرودة الماءفيه

مثليه said...

روز
صورتي الشتاء اللي عيشتيه و حبتيه وكل واحد فينا عنده نفس الحاجات الجميله اللي بيفتقدها لما الشتاء بيروح او بيقرب
انا من مواليد و عشاق الشتا لكن افتقد احيانا دفاء الشمس واتمتع بحرارتها تلامسني في الظهيره
كل شتاء و انتي بخير يا عزيزتي

karakib said...

:) الاستيقاظ صباحا بعد نوم عميق في ليل هاديء دافيء بنعومة الاغطية الشتوية و اول سيجارة صباحية مع جو الشتاء المنعش في الفجر
صباح الخير

someone in life said...

احب الشتاء عندما يكون لي رفيقا استنشق انفاسه و استمد الدفء منه و اشعر ببرودته كلما كنت وحيدة لاشعرار جسدي و برودة اطرافي
احب في الشتاء اناقته و اكثر ما اكرة ان اذهب للمطبخ لاعداد الطعام

تحياتي

زمان الوصل said...

و هذا التناقض بين البروده على الوجه و دفء الأيدى و الجسد داخل القفّازات و الملابس الثقيله :)

هذا الإحساس بالانتصار الصغير مع العوده للمنزل فى يوم ممطر أو شديد البروده .. كأنّنا لن نغادر البيت مرّه أخرى خلال ساعات قليله :)

انتصار آخر مع الوصول للعمل متأخّرا بعض الشئ فى يوم ممطر و صعوبة العثور على تاكسى مغامر يقبل الذهاب للزمالك !!

بس إمتى يأتى الشتاء بقى :( تأخّر كثيرا هذا العام

انا حره said...

ياستى هانت كلها شويه ويجى للاسف مبحبش فيه غير ماج الكاكاو وليله الطويل عشان بنام كتييييييير وبس لكن بحب الصيف المشمش الملون اكتر

Amira said...

أنا الأخرى أحب الشتاء و احب السير تحت المطر

جميل وصفك له و لن تشتاقي كثيرا فهاهو ذا على الابواب

shalimar said...

مش مطول كتير الشتا ...
انا ما بحبو كتير مع اني ولدت فيه كمان متل ما قالت مثلية تبحث عن ذاتها ..

FOrty said...

الشتاء جميل فى بلادنا و الصيف حارق و رطب
باحب الشتاء اكتر و استنشاق رائحه الجو النقى بعد المطر و الهواء لسه مغسول و نظيف و كنت بعشق الف بالعربيه تحت المطر و انا فاتح الشبك للهواء المنعش لما اكون لوحدى اما اذا وجد رفيق فالزجاج مغلق و انفاسنا محبوسه داخل العربيه و الزجاج عليه بخار المياه و الدفء المستمد من اللى قاعد جنبك و اختلاط رائحه البارفان مع السجاير و كفايه كده

سمراء said...

انتظر الشتاء لاني انتظر التغيير
فلم احب الشتاء يوما
لاني احتاج للدفء

أسفة على الازعاج
سمراء

Enbee said...

سيدتي أميرة المدونة

لا يعرف الشوق إلى عبق الشتاء إلا من أفضت بهم سبل الحياة إلى العيش - بعد الأوطان - في بلدان لا تعرف من الفصول الأربعة سوى صيف دائم بتنويعات ثابتة على مقياس الحرارة: حار وحار جداً ومعتدل الحرارة

ولا يعرف الشوق إلى ارتداء الملابس الشتوية الثقيلة إلا من امتلأت خزانة ملابسه بكل ما روعي عند شراءه أن يكون خفيفاً مهوى ، لا يحتفظ بالحرارة

إلا أن الشوق للشتاء هو نفحة من الحنين إلى الماضي حين كانت - مقاومة برد الشتاء - في دفئ العيش بين أحضان الأحباء

تحياتي العطرة

Anonymous said...

الشتا مات
قتله الصيف بتحريض من مصر :(

سمـــــــــا said...

جميل اوى البوست دا يا روز وطول ما بقراه فاتحة بوقى ومنشكحة اوى

لانى كائن شتوى بحت بعشقه وبكره الصيف وشمسه وحره ولبسه، لكن الشتا حبيبى طبعا ملك الاناقة

انتى نسيتى مع العدس وحمص الشام والكاكاو البطاطا وابو فروة :)


انا مش بقدر اقف فى الشمس اكتر من 5 دقايق حتى فى الشتا لانها فعلا بتضايقنى
وبرضه صعب البس شراب وانا نايمة ولو رجلى ثلجت اوى افضل لابساه تحت البطانية وبعد 5 دقايق اقلعه


هارية نفسى انا طواقى فى الشتا ببقى شبه سنوومان :)

وكمان البالطو والكوفية دول اساسى معايا طول عمرى وكانو زمان فى جزء من اجزاء مسلسل المال والبنون مسميينى اميرة العرابى اللى هى كانت شرين سيف النصر لانها كانت مميزة فى الدور دا بلبسها للبالطو :)


انتى عارفة انى مش بحب الاباجورة طول عمرى مش عارفة ليه وعمرى ما ذاكرت عليها وحتى فى مكتبى عمرى ما فتحتها حتى لو مش شايفة !!


وكمان نسيتى نقرات المطر على راسنا لما ننسى الشمسية فى البيت واحساسك انك هتموتى من الغيظ لو لسة دافعة دم قلبك عند كوافير او حتى لسة غاسلة شعرك وعاملاه فى البيت وتفكيرك انك مضطرة تغسليه وتعمليه من الاول تانى فى البرد دا :)


وكمان جنونة اننا نقرر ننزل من البيت فجأة اول ما المطر يبدأ والناس يبقوا عايزين يروحو بيتهم بأى طريقة وانتى نازلة من البيت وسعيدة بأنك حاسة ان الدنيا كلها مغسولة ومحدش فى الشارع غيرك


كنت زمان ايام ثانوية عامة اول ما المطر يقرب يقف انزل جرى وانا لابسة جاكت تقيل واحط ايدى فى جيبى وافضل ماشية من اول بيتى وكان وقتها يعتبر فى وسط المدينة لغاية شارع غمرة واحمد سعيد والعباسية وبعدين ارجع والف تااانى بس من الاتجاه المعاكس وارجع على بيتنا

بس كنت دايما بحب امشى لوحدى مش مع حد

وقتها كنت بحس انى حرة والدنيا كلها ملكى وهو الهوا الساقع بيلفح وشى وشعرى طويل طاير لورا ومناخيرى ساقعة اوى :)


ومنكرش انه مازلت عندى نفس لحظات الجنون مع المطر بس من وقت للتانى مش دايما

بجد البوست دا بسطنى اوى ورجعنى لايام حبيتها ومتتعوضش لكن ذكراها جميلة فى قلبى

إيمان قنديل said...

أه على جمال الوصف


لقد أصبح الشتاء بالنسبة لي كم من الذكريات فالبلد الذي اعيش فيه لايأتي اليه الشتاء

تحياتي

Anonymous said...

انا مثلك
شتوى الطباع والمزاج

بل اننى اكون فى اوج نشاطى فى هذا الفصل
حقيقى هو النقاء .. والاناقة .. والبرفان العالق فى كل ما تلبس

حتى رائحة الهواء أحلى .. مع فنجان القهوة فى الصباح

احس انه فصل اقرب الى الجنة

Anonymous said...

Don you mind passing your mail to me.. mine is on my profile

Really touched

Unknown said...

روزا

جد جد أنا اكتأبت أكتر

ما تزعلي أوكي؟؟

صحيح: وين الإهداء تاعي؟؟!!!

Unknown said...

على فكره
أنا كتبت بوست مخصوص ردا على هذا البوست في مدونتي؛ ابقي مري وشوفيه أوكي؟

Rain_Drops said...

لم أكن أعرف أن هناك من يفتقد الشتاء في نوفمبر غيري !
http://cloudno5.blogspot.com/2008/09/blog-post.html

مثليه said...

روز
تعالي عزماكي على بوست عندي و ماتتأخريش

طارق هلال said...

الشتاء .... الذكريات
عندما ارتجفت لنسمة فى انتظارك
فأتيت بدفء ابتسامتك
فأشتاق لكل برد الدنيا
عساك تضمنى لصدرك

الشتاء ... الوحدة
تمطر وتبرق
وأنت الوحيد ترعد
صمت الدنيا خوفى
وهمس الليل جنونى
ليتك ما غبت
ليتك خالفت ظنونى

الشتاء ... الصلح
تقسو الشمس على الصحراء
تقسيها وتصهرنى
وأتوه ببصرى فى السماء
عساها سحابات تنجينى
وعندما حل الشتاء
ترانى صارخا أطفو
على سيول قد انهمرت
روت الصحراء وأغرقتنى

الشتاء ... الشجن
تتناغم على احساس الدفء
ارتعاشات كانت تأخذنى
بفرح يتراقص حزنى
ويتغير فلا يعرفنى
فى كازينو الدفء المعتاد
وفى ظهر عصرى المذهب
وقطرات المطر ترسمنا
على الزجاج وبحروفنا يلعب
وتتسائل زهرة بيننا
عن وحدتها الأبدية
تمد يداك إليها
تسريها بقبلة وضمة
وتهديها إلى وتوصينى
هى روحى .... فلا تدعيها تذهب

------
أحب الشتاء كذلك .. الشجن والذكريات
الحنين للدفء
------------
تحياتى لك روز

Desert cat said...

سبحان الله كنت لسه بتلكم فى الموضوع ده من شوية مع صديق بقوله انا المطر واحشنى اوى حاسة ان مفيش شتاء السنة دى فى مصر نوفمبر قرب ينتهى والجو خريفى ودافى كمان
قالى خلاص هاجرى لاى بلد فيها مطر
ووقتها اتمنيت انى اهاجر لندن حياتى عاصمة الضباب
:)

emad.algendy said...

جميعنا نتشارك نفس الشتاء
لكن من منا استطاع ان يلتفت لهذه التفاصيل الصغيرة
احسست انك تصفي ادق تفاصيل شتائي
اجمل ما يعجبني في الشتاء هو خلو الشارع من المارة ليلا
تلك فرصة للاستمتاع بجمال وبساطة

لماذا ذكرتني تدوينتك بسابقتها
عن اول سيارة امتلكتها واول حفلة لفيروز واول قبلة الاحلى من الشيكولاتة
ربما يجمعهما تفاصيل انسانسة تنسج حياتنا
دمت بخير
تحياتي

Eskenderllawy said...

الوان الشتاااااا .......... الوان السما ...... الوان القلب ... بشمسه ومطره ببرده ودافى اللى ممكن تحسيه... هو الشتاااا.
حلو البوست اووى يا روز

سمـــــــــا said...

روز الجميلة

عاجبك يعنى انى بعد لما اقول انى مش هرد علي التعليقات اطلع عيلة ؟؟ ههههههههه لأ كده انا مبقتش الريس حنفى خالص وكلامى بقى ينزل الارض وعلشان خاطر غلاوتك انا جيت لغاية عندك ارد عليكى

بصى يا قمر

انا مش قافلة البلوج علشان انا متضايقة من اى حاجة لأ خالص لان مفيش حاجة فى الدنيا تستاهل انى اتضايق أصلا وانتى اكيد عشرة السنة اللى فاتت دى تقولك انى عمرى ما بنسحب من حاجة وانا مهزومة ابداااااا بس كل القصة انى عايزة اقفل حاجات كتير فى حياتى والبلوج كان حاجة منهم

واحتمال فى يوم من الايام ارجع تانى مين عارف !!


موضوع التعليقات هيبقى صعب لكن وعد منى اى موضوع جديد هتكتبيه تأكدى انى ان شاء الله هقراه من اى مكان فى الدنيا


أسمحيلى استعير جملة مثلية تبحث عن ذاتها واقول ان الجملة بتاعة ................................ انا الفضول قاتلنى وافهمها لان اول مرة ذكائى يخوننى :))


بخصوص الموضوع التانى : انا مش عايزاكى تضايقى ابدا وهو فعلا نصيب بشكل بحت وانتى عارفة احنا بنعمل اللى علينا ونجتهد لكن النتيجة بتكون بتاعة ربنا واكيد لو حظك مجاش فى دى ان شاء الله قريب تجيلك فرصة احسن من دى مليون مرة ،

بس اوعى تضايقى ابدا ولا تفكرى فى اى مشاعر سلبية فكرى فى حاجة احسن تانية ولو مجتش فكرى فى غيرها المهم متسيبيش نفسك ابدا لمشاعر سخيفة وانا عارفة انك قدها وقدود يا قمر

وابقى تعالى فرحينى علشان ازئطط معاكى انا كمان انا بحب اهيص اوى :))


بجد يا روز انتى انسانة جميلة وحقيقى غالية عندى واتمنالك السعادة من كل قلبى واكيد لو حبيتى تنمنمى معايا فى اى حاجة انتى عارفة طريقى :)

سلام يا اجمل روز

سمـــــــــا said...

انا نسيت أضيف .. انا عايز اضيف انا :)) .. واضح انك كنتي متعصبة من بداية اليوم امبارح مش بعد الضهر بس. وعلشان كده نصيحة شريرة مني إنتي لازم تتهوري فعلا وفي أسرع وقت :))

إيمان قنديل said...

روز عندي بوست جديد

اقصوصه said...

حل الشتاء!

فلا داعي ان تفتقده!

Anonymous said...

شتاء ايه اللى حل ياأقصوصة؟ قصدك الصيف بقى
النهارده كان ولعة

blackcairorose said...

خالص الشكر لكل من تفاعل مع الموضوع وعلق عليه، ولكل من زارنى وخاصة للمرة الأولى

أطيب تحية

Unknown said...

أهـا

شكلك قرفانه عالآخر!!!

شو في؟!

Anonymous said...

i wish you feel better now

warmest regards

Anonymous said...

عندما يكون الانسان فى حالة من القهر والشعور بقلة الحيلة على حد قول بعضهم ينظر الى الجوانب السلبية فى حياته ، ولكن لماذا لا ينظر الشخص الى الجوانب المضيئة فى حياته كالحب مثلا اذا كان هناك حبيب - وكحب الحياة ذاتها وانى لاراها جديرة بأن تمسح الحزن اذا كنا نحب الحياة ونتمسك بها ـ وحب الاخرين كحب الكثيرين لكى من خلال المدونة رغم عدم سابق المعرفة
اهناك اجمل من ان يهتم بكي انسان لا يعرفك فقط من خلال كلماتك؟

أليس ذلك كافيا بأن تبتسمى من أجل الحياة وتنفضى عن قلبك اى شعور أخر ؟

تحياتى دائما
شادو

someone in life said...

بلاك كايرو روز

فعلا قلقانه عليكي انشالله تكوني احسن خاصة انت قفلتي التعليق و ما فيش اي ايميل اطمن عليكي فيه
احنا معاكي و حواليكي دايما و من ساعه ما قرات لك و انا احس انك قريبه مني ارجوكي مش تزعلي و ارجو ان تكوني بخير

تحياتي

Anonymous said...

لم اجد سوى هذا المكان لاكتب مرة ثانية .. فقد اقفلت بابك

ربما تحتاجى لان تغيرى شيئا .. وربما كان اصدقاؤك يستطيعون شيئا حيال ذلك

لكنك حتى تتوارين .. ولك الحق ياروز فى كل ما تفعلين اذا كان هذا يحقق لك سلامك النفسى

وربما كان لدى احدهم فكرة يريد ان يهمس بها اليك .. ليست فكرة .. ولكنها يجوز مفتاح سحرى قد يساعدك على استعادة البسمة الجميلة وروحك المرحة ثانية

المشكلة انك تنسحبين فورا بلباقتك المعهودة .. وانا اقول لك بما تملكين من حكمة وعقل مفتوح تستطيعى ان تختارى من بينهم من تحبى ضمهم الى قائمة اصدقائك المقربين .. وليس اصدقائك فقط

جربى .. وتأكدى انك لن تخسرى شيئا .. كونى اشجع من قرار قديم اتخذتيه لتحمى نفسك والان اصبح لالزوم له ..وتذكرى أيضا أن حياء بعضهم قد يمنعهم من الالحاح

كل امنياتى لك بان تزول تلك الفترة الداكنة لتعود لحياتك الوانها

سمـــــــــا said...

وبعدين يا روز ؟؟

هتفضلى فى القوقعة دى كتير ؟؟

انتى بدأتى تكئبينى انا شخصيا وانا عمالة اضحك كده :))


مش المفروض بقى تجبيلى خروف ليا انا بس لوحدى العب بيه ويفضل يقولى ماااء ماااء وادبحه عقابا له علشان يبطل ينادينى مرة تانية :))


بصراحة انتى المفروض بمناسبة دخول العيد تكتبى لنا بوست عن ذكرياتك مع الخروف وانتى صغننة وطقوسك الخاصة يوم الوقفة وايام العيد

شفتينى وانا بتغرغر بيكى وبحرضك على الكتابة :))


عوودى يا هاااميس أتووون يناديكى عوددى الى أخيتاتووون :))


ادينى رجعت اعلق اهو تانى وانتى اللى لسة عاملة حذر تجول حتى على الكومينات


ينفع الكلام دا ؟؟ انا شكلى كده هتهور وبصراحة مش عارفة هعمل ايه :)))


كل سنة وانتى طيبة يا رورو ، وعيد سعيد عليكى

someone in life said...

العزيزة بلاك كايرو روز

رغم اختفائك المفاجئ و اغلاقك للكومينات و عدم وجود بقال تحت بيت حضرتك نتصل بيه يطمنا عليكي كل يوم باعدي و لا حس و لاخبر

اتمني ليكي عيد سعيد و ايام مبهجة و عودة سريعه لاصدقائك عبر الصندوق السحري ايضا اشتقت لتعليقاتك في مدونتي المتواضعه
اقولك لو زهقانه مننا قوي اعملي مدونه جديدة يمكن تلاقي اصحاب غيرنا او لو تقدري تسافري و تروحي لمكان فيه بحر ازرق فاتح يبقي خير و بركة اصل الازرق الغامق مع البلاد الحر مش بيكون لطيف
مفروض انك تفرحي انك مرتاحه من ريحه الخرفان هنا و الله خلاص سنصاب بالاختناق او نتقلب خرفان احنا كمان

طيب اكتبي و لو كلمتين انا بخير .. الحاله نص نص .. الحاله راحت

أسفه طولت عليكي بس بجد نفسي اعرف انك بخبر و كويسه
انا ماليش اخوات و مش بافهم علاقه الاخوات ازاي لكن باحب الاصدقاء المقربين حتي و لو بالكتابه
ارجوكي طمنينا

تحياتي و عيدك سعيد انشالله

Unknown said...

مش عارفه بس حبيت أحكيلك اني فاقدتك جدا و كل يوم بحكي لعل و عسى!!!

بتمنى المرحلة الرماديه و لا الزرقا و لا مش عارفه شو تكون خلصت؛ واذا لسا تخلص بسرعه

بتفهم اذا كنت مكتئبة و بدكيش تشوفي حد بس رجاء ابقي طمنينا عليكي

و كل عام وانتي بخير يا بطه؛أضحى مبارك يا عيني بس حبينا نسلم:)

تحياتي و تمنياتي بأيام أفضل

مثليه said...

روز وحشتيني
كل سنه و انتي طيبه و بكل خير يارب
انا قلقت عليكي والله ارجعي بقى عندي حكاوى كتير دا غير ان البلوج عندي منتظرك بقالك كتير مازورتينيش

سمـــــــــا said...

على فكرة احساس لطيف جدا وانا بكلم نفسى كده ههههههههه

المهم يا قمر خدى وقتك ورتبى امورك وان شاء الله كله يبقى تمام ، وعلى فكرة بخصوص البرنامج اللى قلتيلى عليه اللى لازم تنزليه دا فأى حاجة تحتاجيها فيه انا فى الخدمة والله بتكلم بجد برضه مش عزومة مراكبية .

ومتختفيش كده اديكى شفتينى اجدع واحدة اقرف من الدنيا وكبيرى كام يوم وارجع اتنطط تانى فاتعدى منى احنا داخلين على سنة جديدة وعايزة اشوف ابتسامة الموناليزا دايما :)

كل سنة وانتى يا قمر وعيد سعيد عليكى ومستنياكى

Anonymous said...

hey:
kol sana wenty tayeba
farfeshy keda ya benty
el 7ayah baseta l o mesh mestahla aslan
3ala ra2y temoon o semba
hakoona matata
salam

emad.algendy said...

لا اعلم ماذا اكتب
اتمنى ان تتجاوزي كل ما مررت به
كل ما نعيشه يتغير
لاتستقر لحظة على حالها
يقينا نمر بدوائر من فرح يعقبها حزن وكدر لفرح مرة اخرى
اتمنى ان تقهري كل ما تمرين به وتعودي لنا
قرات تدونتك بعد ساعة من نشرها لكن لم اجد بابا للتعليق
اتمنى ان تعودي
او حتى ان تكتبي كل ما تمرين به
فقط خففي الحمل عنك
تواصلنا معهم يجددنا ويحيينا
يارب يكون العيد سعيد عليكي

nudy said...

البوست جميل ودافئ مع انه بيتكلم عن الشتاءانا شفت الصورة مرسومة وملونة بالكلمات شكرا لك

someone in life said...

صديقتي العزيزة
أتسمحين بأن أناديك صديقتي بينما لا نعرف بعضنا البعض اولا ارجوا ان تكوني متابعه البلوج و لو من حين لأخر ربما تكونين مرتاحه لاحدهم و تراسله و يعرف او تعرف عنك و لكن اصدقائك هنا لا يعلمون عنك شيئا و انا منهم
عزيزتي
دعك من ألامك انت يا من نصحتيني كثيرا ان الله موجود و يعوض كثيرا عما نفقدة و ان الحياة بها الحلو و المر
لا تقارني نفسك و لا حياتك بأحد يا روز ربما انت افضل من كثيرات انا الا اعلم ان كنت متزوجة و هل لديك اطفال ام لا هذا شئ يخصك وحدك تذكريه او لا فهم ملكك وحدك و لكن اقول لك شيئا
لو غير متزوجه لا تقارني باحد الكثيرات متزوجات و يعانين كثيرا و لو متزوجه غيرك غير متزوج و ربما يتمني الزوج لو لك حبيب او حبيبه لا فرق فهذا جميل و ان لم يكن لك فانت في مأمن من عذاب الحب و الامه او من الخيانه او الفراق و اذا كان لديك طفل ربما يملا جزأ من الحياة و ان لم يكن ايضا احمدي الله لانه ربما يكون عاق و يتعبك في كبرك
يا روز انت امراءة ناجحه فيما يبدو حققت خطوات جيدة ربما لا يستطيع كثيرون من تحقيقها حاولي تخطي محنتك و ارجعي الي عالمك الجميل علي الاقل كنا نلتقي بك مرة اسبوعيا من خلال حوار في كومينت
انشالله تكوني بخير الان لان حالتك ستأثر علي عملك و حياتك .. اتمني لكي كل السعادة