Sunday, November 16, 2008

سوسو

عملنا معا لمدة عام تقريبا منذ سنوات مضت
طويلة نحيفة لها ملامح فرعونية وشعر قصير، اجتماعية، ومن أبرز صفاتها التي أجمعنا عليها فى العمل أنها فتاة "جدعة"، لن تقصدها فى خدمة مهنية أو شخصية إلا وتنفذها وتستنفذ فى تحقيقها وقتها ومجهودها

لمدة شهرين لم نقترب من بعض كثيرا، حتى أتاحت لنا الفرصة الاحتكاك المباشر فى العمل، وهو ما يعنى السفر معا والإقامة لمدة يومين فى إحدى المدن الغريبة، وهو ما تكرر بعد ذلك وعمق من معرفتي بها

سوسو كانت مستقلة فى حياتها للغاية، ومجتهدة جدا، فمن يراها لن يدرك التواضع الشديد لخلفيتها الاجتماعية ولا أن لغتها الانجليزية الممتازة هى نتاج مجهود شخصي ودوؤب منها، وهى لا تنكر شيئا ولا تخجل من شيء

إذا كانت في علاقة حب جادة تكون مخلصة لمن تحب، وإذا لم تكن هناك علاقة جادة، فعلاقاتها عابرة تقصر أو تطول أحيانا مجرد ليلة وأحيانا تمتد لأسابيع، ولكنها تأمل دائما كما تقول فى حب حقيقي ينتهي نهاية تليق بجدية العلاقة

ذات مساء ممطر فى ذلك الفندق فى المدينة الغريبة كنا نشعر بفراغ وملل، أحسست ان مزاجها متعكر كثيرا على غير العادة، وطلبت منى أن نجلس سويا فى إحدى زوايا الفندق، ولاحظت أنها بدأت تشرب كأسا وراء الآخر ودخان سيجارتها حاجز بينى وبينها وأنا أحاول أن أشيح بوجهي عن الدخان وأمواجه المتعاقبة

أخذنا نتحدث فى مواضيع شتى ونأتي على ذكر هذا أو ذاك، ذكرت أنا عرضا اسم رجل ما فقالت لى فورا
ـ أكره هذا الاسم، فالرجلان اللذان سببا لي أكبر ألم فى حياتي كانا يحملان بالصدفة نفس الاسم

صمت فأنا لا أدرى هل هى مقدمة منها لتحكى ما فى صدرها، أم مجرد تعقيب لا يحتمل المزيد، ولكن سوسو واصلت بعد نفس ورشفة
ـ الأول اغتصبني وأنا في آخر سنة فى الجامعة، كنا معا ولكنه يومها أراد أن يأخذ أكثر مما اعتدت منحه، وبالقوة حصل على ما يريد، وستظل الحادثة محفورة فى ذاكرتي
والثانى عرفته لمدة عامين، وأقسم لك يا روز أنه كان يقبل قدمي كل ليلة ويبكى بالدمع إذا قلت له مازحة أنى أشك فى صدق حبه، ومع ذلك كان أجبن من أن يواجه أهله من أجلي، ألا ترين غرابة الصدفة أن يحمل الاثنان نفس الاسم رغم أنه غير شائع؟

استمرت جلستنا متوترة، هى متعكرة المزاج وحزينة لا تتوقف عن التدخين والشراب، وأنا صامتة أسمع كعادتي وتختزن ذاكرتي الأسماء والأفعال،
ومضت تحكى أنها تفعل ما تريد، فهى حرة فى حياتها وليست مدينة أو دائنة لأحد، ولكنها أيضا تحمل لوحدها مسئولية حريتها، فلم ولن تلجأ لأحد أيا كان ـ حتى أسرتها ـ فى حل مشاكلها
عندئذ وجدتني بلا وعى أتذكر ابن خالتي الذي يكبرني بعدة سنوات، وهو كان بمثابة أخ ثان لى أنا وشقيقاتي، وكان مشهورا فى العائلة بلقب الدون جوان، واللقب مصدر فخر له، ومصدر تسلية للعائلة، كان دائما يمازحنا ويحكى لنا مغامراته وآراءه فى الحياة والبنات، وكان أول من سمعته يقول ضاحكا: البنات الصايعة دايما يتبقى جدعة
خطر لى وقتها خاطر غريب أليس من الممكن أن يكون ابن خالتي هو مثلا الشخص الأول الذي حكت عنه سوسو؟ من يدرى؟
استمرت سوسو فى ذكرياتها الكئيبة، وشردت أنا أيضا بأفكاري بعيدا أسمعها ولا أنصت، سرحت فى ابن خالتي الذي أصبح زوجا وأبا، وتساءلت هل يا ترى يقول الآن لأبنته الجامعية ما اعتاد أن يقوله لنا "الصايعة دايما بتبقى جدعه"؟

15 comments:

مثلية تبحث عن ذاتها said...

يااااااااه قصه حزينه سمعت من صديقه لي نفس القصه وكانت عن اغتصابها من واحد عربي في بلد عربي كانت تعمل بها وسبب لها الامر امراض نفسيه لا حصر لها تعاني منها على مدار اكثر من 5 سنوات تحولت من هادئه ملاك الي انسانه اخرى شرسه تريد ان تنتقم من كل الرجال وتتمتع حين تحطم قلوبهم و تدوسها بحذائها على حد تعبيرها برغم انها متزوجه الان ولكني اشعر انها احيانا تنتقم حتى من هذا الزوج
اتمنى ان لا تكون صديقتك لازالت تعاني من هذا الحدث وان تكون قد تخطت هذه المرحله
اما عن ابن خالتك فنحن لا نرى في اقاربنا الا ما يظهروه و كثيرا ما فكرت فالامر عن ابن عمتي انا الاخرى لأن كلامه كان مشابه بعض الشيئ ولكني كنت اعرض عن التفكير حين اصل ان كل الرجال يبحثون عن غريزتهم و كل الشرقيين المرأة بالنسبه لهم نقس الشيئ
تحياتي عزيزتي

karakib said...

صايعة يعني ايه ؟ ممكن تكون صايعة عند الاستاذ ص يعني بتشرب سجاير
و عند الاستاذ س يعني بتلبس قصير
و عند الاستاذ م يعني بتتكلم مع شباب كتير
و عند الاستاذ ج يعني فتاة ليل
و عند الاستاذ ه يعني في منتهي الذكاء الاجتماعي
و تختلف الاراءو الخلفيات و المرجعيات و يظل التعبير واحد
صايعه
يعني ايه بقي صايعه اللي كان الدون دجوان بيقول عليها
و يعني ايه صايعه اللي في دماغك
و يعني ايه صايعه اللي في دماغ صاحبتك
و يعتي ايه صايعه اللي في دماغي انا و انا باقرا و في دماغ كل واحد جه يقرا التدوينه دي !؟ الموضوع واسع اوي
بس الكلمة واحدة
صايعه
بس خلاص

انا حره said...

مقدرش احكم ياروز

اصلى متعاملتش مع بنات صايعه قبل كدا بصراحه

هههههههههههه

انتى مختفيه فين بقى من فتره

Desert cat said...

اعتقد ان البنت المسماه بالصايعه من يطلق عليها هذا اللقب هو نفسه من يفعل اى شيئ فى سبيل رضاها عنه وان ناله يوصمها بالصايعه حتى وان كان هو من اوقعها فى براثنه بوعود زائفه

soska said...

البنت الصايعه ايه مقايسها ؟
وليه يتحكم عليها انها صايعه و من وجهه نظر مين

Sola said...

hi ya rose:
tab ana 3ayza 2a3raf ana keda say3a wala la2 mana 3aysha l wa7dy f usa,o sherebt alchol before,o sa7ebt welad,o bashrab sheshah yeb2a ana keda say3a wala 2eh el nezab
bgad ana mesh fahma ya3ny 2eh say3a

زمان الوصل said...

مش آراء كل الناس هى التى يمكن الاستماع إليها و إعطائها أى قدر من الأهميّه :) مع -بعض الاحترام- لابن خالتك طبعا لكن مؤخّرا اكتشفت إن الإنسان ممكن يزعّل نفسه عشان آراء لا تستحق حتى أن يفكّر فيها .. دون الدخول فى معمعة مناقشة من هى البنت الصايعه و من هو الشاب الضايع !!

someone in life said...

عزيزتي

عدم الاستقرار في العلاقات مؤلم
عدم وجود من تعتمدي عليه في وقت الحاجة مؤلم
نظرة الاخرين و همزهم و لمزهم صراحة او في الخفاء مؤلم
نظرة الرجل للمرأه بعد استمتاعه بها احيانا تكون مؤلمه لو فقدت الاحترام
سلب الحريه و التربص بكل كلمه و لفته يخنق
مسكينه هي صديقتك اتمني ان تجد الحب و الاستقرار
تحياتي

سمـــــــــــا said...

انا جيييييييييت

أعتقد دا الموضوع اللى قلتيلى هتكتبيه لما اتناقشنا قبل كده على مفهوم كلمة الصياعة

ماشى يا ستى

نمسك الموضوع من أوله

انا معاكى ان فيه ناس صعب نحكم عليهم الا اذا احتكينا بيهم وقربنا منهم بس فيه ناس ممكن من طلة تحسى انهم تعابين حتى ولو ادولك وش الملايكة ونزلو دمعتين التماسيح

بس اللى زي صاحبتك دى تعجبنى اوى مش لانها بس جدعة لان فيه ناس كتير جدعة لكن علشان زي ما قلتى مجتهدة ومش بتتكسف انها تقول ان كل حاجة وصلت لها كانت بمجهوداتها الشخصية بعيد عن محسوبيات العائلات والوساطة ،اللى زي دى احترمها واعتز بيها لانى بحسها شخصية حقيقية هاند ميد مش صناعة تايوانى تتكسر مع اول ضغط

كمان قلتى انها لما بتكون فى علاقة حب جادة بتكون مخلصة وأكيد لما بتكون فى علاقة عابرة فهى بتبقى عارفة انها عابرة مش بتخدع حد ودا معناه انها انسانة واضحة وصريحة فى علاقاتها

ورغم انها مستقلة وتقدر تعيش الحياة بالطول والعرض الا انها بتدور على الحب الحقيقى والعلاقة المستقرة مش مجرد التسلية واللعب وبرضه دا يخلينى احترمها

........................

اما الانتكاسات اللى اتعرضت لها فى حياتها فهى اكيد قوية وخصوصا التجربة الاولى ، بس فيه جملة قلتيها خليتنى برضه اقول انها مشاركة فى المسئولية مع صاحبها الاولانى
( كنا معا ولكنه يومها اراد ان يأخذ اكثر مما اعتدت منحه )
يعنى واضح ان كان فيه بينهم علاقة جنسية من نوع ما ولكن غير كاملة واعتقد ان احيانا بعض الرجالة فى لحظات معينة مش بيقدرو يسيطرو على غريزتهم فحصل اللى حصل

وأكيد الراجل اللى اخد حاجة من ست بالقوة وكان قبلها فيه بينهم بالفعل علاقة جنسية بشكل ما هى سامحة بيها ، فأعتقد النوعية دى من الرجالة بتفكر بمبدأ طيب وانا ايش عرفنى انها معملتش مع غيرى نفس اللى عملته معايا ؟؟ طب وانا اخد ليه واحدة سهلة ؟ انا عايز واحدة اسيبها فى بيتى وانا متطمن

اللى زي دا صعب دلوقتى نلومه او نلومها انها اصلا سمحت بالعلاقة الجنسية المحددة دى ، لكن نلوم المجتمع اللى خلى الراجل يشوف الست اللى ممكن فعلا يكون هو اول راجل فى حياتها ست سهلة لو سلمته نفسها بارادتها بدافع الحب ، وحتى لو هو اللى إغتصبها فى الاخر برضه هيبعد عنها لانه هيفضل شايفها سهلة واللى عملته معاه لو كان غيره برضه كانت هتعمله


اما التانى فهو زي الاولانى لانهم خلاصة نفس المجتمع فلا تعليق معين عليه

......................

اللى زي دى محتاجة راجل بجد مش النوع فى البطاقة فى خانة الجنس يعنى محتاجة راجل متفتح وفاهم وبيحترم الست ويقدر يعنى ايه ست .. بمعنى انها كيان وفكر وشخصية مستقلة ومشاعر مش تابع ولا مقلب زبالة لعقده وطلاسمه

بس للاسف معتقدش ان فيه كتير من النوعية اللى بتكلم عنها الا اذا كان غير شرقى

.....................

بصى انا لغاية دلوقتى مش قادرة احدد مفهوم البنت الصايعة لان الصياعة من وجهى نظرى نوعين زي ما قلت لك قبل كده :

انها تكون واحدة صايعة بالمعنى الدارج اللى هى ممكن تعمل اى حاجة مع اى حد علشان هدف فى دماغها او من غير هدف ودى انا بشوفها حد منحرف ومستحيل اختلط بيه

اما واحدة صايعة يعنى لفت فى الدنيا وفهمتها كويس بمعنى انها تكون شخصية حادة الذكاء وفهماها وهى طايرة زي ما بيقولو

انتى بقى ايه مفهوم الصياعة من وجهة نظرك ؟

....................

انا شايفة ان صاحبتك فى صراع ما بين اللى هى نفسها فيه من مشاعر واستقرار واحتواء وبين اللى وصلت له نتيجة نوعية الرجالة اللى صادفتهم فى حياتها ودا اللى بيخليها تقنع نفسها انها عايشة حياتها وانها حرة ودا لاحظته من جملة انا حرة لا دائنة ولا مديونة لحد ، لكن لما بتواجه روحها بتلاقى ان مش دا اللى هى عايزاه ودا بيرجعها للمود الكئيب والشرب علشان تنفث عن حالة من الاحتياج وفى نفس الوقت الغضب على نفسها والمجتمع والاخرين

مش عارفة ليه فجأة قلبت على أحمد عكاشة :))

MAKSOFA said...

القصة مؤلمة حقا، تعاطفت كثيرا مع تلك الفتاة التي عانت من نذالة الرجال





أما حكاية البنت الصايعه بتبقى جدعه


أعتقد أنه يقصد البنت الناصحه اللي محدش يقدر يضحك على عقلها


برم يعني

Anonymous said...

أنا طبعا لا أستطيع أن أتكلم عن ابن خالتك و مايقصده بالبنت الجدعة الصايعة لأنه هو الوحيد اللي عارف يقصد إيه :)
بس البنت في قصتك أقدر أقول بثقة إنها صايعة
واحد خد منها أكثر بشوية من اللي كانت متعودة تعطيه له
و سجاير و خمر و علاقات عابرة بس الحمدلله هي واضحة وصريحة مع نفسها إنها عابرة الحمدلله الحمدلله
آسفة
لم أتعاطف معها

مياسي said...

مممم

قصه حزينه ربما بس أنا بدي أعلق على جزئية الأول؛ يعني هي جزئيا مسؤوله عن اللي صار معها؛ الزلمه كان بدو أكتر و لما ما أخدهوش بالزوق أخده بالعافيه!!


نيجي للمفهوم؛ يعني إحنا عنا هون في مصطلحين رئيسين بيوصفو البنت: -فايعه: يعني هي فري؛ بس مش منحله أخلاقيا
المصطلح التاني: هامله أو داشره: هاي يعني اللي سلامتك ما فيش منها أمل يمكن هاد المصطلح بيقابل : صايعه بالمصري ممكن

بس يعني؛ هو فعلا كلمة صايعه زي أي كلمه؛ أكيد الها تصنيف معين؛ و التصنيف بيختلف حسب الشخص و بيئته الاجتماعيه؛ يعني مثلا البيئه المحافظه جدا بالنسبه الهم غير المحجبه قد تعتبر صايعه و بشكل كبير كمان و هكذا

في بنات بعرفهم من بيئات شعبيه جدا و مع ذلك عندهم ممارسات لا تمت للمحافظه بصله

بس أتوقع انو مشكلة البنت هاي الرئيسيه مش في كونها صايعه قد ما المشكله في كونها من بيئه شديدة التواضع؛ صدقيني لو كانت من بيئة أعلى ما كان واجهت أي مشكله في حياتها وكانت مشيت طبيعي تمام-عندك قصة هند الحناوي مثلا

بس مع هيك؛ ممكن نعذر الناس بس صعب نعذرهم كتير لما يكونو مسؤولين جزئيا عن وضعهم اللي وصلولو بإيديهم

الله يعينها و يعفي عننا؛ بالآخر بحبش أحكم على حد و لا أحاكم حد ؛ كل واحد عليه هم كافيه-يكفيه يعني

بش مش عارفه ليه حسيتك زي -البار مان- و لا مؤاخذه الناس بتشرب و بتفضفض و انتي بس ساكته:)

السؤال اللي طرحتيه في مكانه فعلا؛ يعني الرجال اللي بتجارب سابقه كيف بيعاملو بناتهم؛ يعني يا ترى بنفس الطريقه؛ و لا المواضيع بالنسبه الهم غير؛ يعني بفكر: إذا شدد مع بنته بيكون متناقض مع فكره اللي كان ماشي عليه؛ وإذا سمحلها تكون "صايعه" بيكون خربها مش هيك؟؟
ورطه فعلا!!!

Sherif said...

عرضك دائما شيق ومتدفق وتلقائى
ايوه .. كل دول
لماذا دائما حين نحاسب انفسنا نسأل عن بنتك او اختك ؟

العواطف متباينة والمقارنة لاتجوز

كانك تقول انت تزوجت من احببت .. فهل يمكن ان تتزوج بنتك؟

لا .. لايمكن ان اتزوج ابنتى .. لكن يمكنى ان احب واتزوج من هى فى سن ابنتى .. الكيمياء مختلفة .. والرسول شخصيا تزوج أكثر من واحدة .. وحين تقدمت عائلة تريد ان تخطب عليا زوج فاطمة .. رفض

اعتقد ان اى بنت تحب ولد .. تحب ان تعطيه كل شئ .. لكن بشكل مضبوط .. مستمر ومستقر

اما ان تعطى ولا تحصل على شئ فهذا جرح عميق تحكيه سوسو

ادعو الله ان يعوضها ماخسرته فتشعر بانسانيتها .. مع شخص افضل منن حصل على رغبته منها وهرب

على فكرة .. ربما كان مايقوله دون جوان من باب الخيال .. اقول .. جائز .. لأن البنات ليسوا سهلين الى هذه الدرجة

SaMraA said...

Dear BCR
i have to say this i got negative view towards men,as i know most of them objectify women.
iwould say ppl make mistakes,women shouldnt....
thats what our community say.
going out,having b4 marriage affairs doesnt go againest that fact that women can be good or bad,as men as all human beings....
its not even related....
i would say woman have the ability to change how community think...
its us who raise children...
yet we just do nothing about it.
this is complicated...
i hope soso finds her expectation and have what she deserve
:)
have a good day.

OverFOrty said...

طب يا جماعه الكل اسهب فى تعريف من هى الصايعه و ما هى مواصفتها
بس محدش شغل نفسه يقول لنا مين هى الجدعه ؟؟؟؟؟؟

هل هى الجريئه

ام مشاركه فى مشاكل المحيطين و بتساعد

او بتعمل مشاكل و محدش يقدر يدوس لها على طرف

او بتاخد حقها بدراعها و مش مستنيه قانون

اعتقد المغزى من القصه ان كل صايعه تبقى جدعه يعنى كل واحده وصفها الناس بصفه سلبيه و هى الصياعه ليها جانب مشرق محمود و هو الجدعنه
هذا و الموضوع محير شويه و مساحات الاختلاف فيه واسعه كلنا فينا حته صايعه و حته جدعه بس المهم ايهما اكبر و ايهما تتغلب على الاخرى