Sunday, August 31, 2008

العصاية الكهربائية

أنا من ساعة ما شفت العصاية الكهربائية اللى فى الفيديو الشهير بتاع خناقة شارع فيصل، وانا الموضوع ده دخل دماغى قوى وعايزة واحدة

وكده بقى محدش هيقدر يهوب ناحيتى فى الشارع لحسن بلمسه سحرية يلاقى نفسه اتكوم على الأرض

ويهوب ليه؟ حتى من غير ما يهوب، اللى مش عاجبنى شكله أو بصته هلمسه بالعصاية وخلاص

بس نفسى بقى فى حاجة، انهم يطوروا العصاية دى يخلوها بالليزر ، يعنى من غير ما اقرب من الشخص وانما مجرد اصوب الشعاع ناحيته من بعيد يقع على طول من الصدمة

الله بجد حاجة حلوة، انا ماشية فى شارع زحمه والعصايا فى ايدى والرجالة اللى عينهم طالعه ولسانهم مش ظريف عمالين على اليمين والشمال يتكوموا قدامى على الأرض

أهى دى فعلا اللى تنفع فيكى يا شوارع مصر
ماليش دعوة عايزة عصاية من دول

34 comments:

مثلية تبحث عن ذاتها said...

اولا كل سنه واتي طيبه يا قمر
ثانيا العصايه دي انا شفتها من حوالي 15 سنه عند اختي كانت جايباها من امريكا عشان الظروف اللي بتحكي عنها دي بس عمرها ما اساتعملتها حاولت انا بقى اهوب عليها واضربها منها بس للأسف معرفتش
هي فكره شريره خصوصا انها لو اتصوبت عالقلب القلب ممكن يقف اللي اخدها يتكل بس بيني وبينك ممكن تودي في داهيه لكن لو الموضوع مفيهوش اي حاسابات
ياريت
دانا كنت ظبطت بيها حاات كتيييير اوي
ههههههههههههههههه

رئيس جمهوريه نفسى said...

اولا كل سنة وانتى طيبة ورمضان كريم
ثانيا: والله الحل مش فى العصاية الحل فى عودة الاحترام للشارع المصري تانى لانى ده الاهم

Sherif said...

كل سنة وانت طيب ياجميل

طبعا اختراع جميل وصيره يبقى تجارى بعد فترة

يعنى احنا .. اللى فهمته نعمل زى ماحنا عاوزين .. وبعدين الرجالة الغلابة نشاور عليهم يتكوموا فى الارض؟
مع ان المثل بيقول
Cherchez la femme
يبقى ده عدل؟

حازم سويلم said...

سايق عليكى النبى ياروز فى الايام المفترجة دى, لو جبتى لنفسك .. تجبيلى معاكى واحدة
ايام مباركة وكله بثوابه

العصايا .. العصايا .. العصايا

بنت القمر said...

دي تبقا ولا حرب الكواكب
ممكن تستعمل لو اتعممت في السرقه التهديد الابتزاز
مصيبه ان تكون البلطجه هي الحل
رمضان كريم

someone in life said...

ايه دي يا روز انتي بقيتي شريرة في رمضان ههههه
حاضر نشوفلك حد في امن الدوله يجيب ليكي واحده هديه

فكرتيني بافلام الكارتون و المتحولون و بعدين استني بليز مش تموتي الرجاله كلهم دلوقتي مش يمكن الاقي واحد ينفع ههههه
و لا اقولك يالا يغوروا كلهم نصابين

تحياتي

someone in life said...

ايه دي يا روز انتي بقيتي شريرة في رمضان ههههه
حاضر نشوفلك حد في امن الدوله يجيب ليكي واحده هديه

فكرتيني بافلام الكارتون و المتحولون و بعدين استني بليز مش تموتي الرجاله كلهم دلوقتي مش يمكن الاقي واحد ينفع ههههه
و لا اقولك يالا يغوروا كلهم نصابين
كل سنه و انتي طيبة
تحياتي

maxbeta3zaman said...

مادمت من حملة الصواعق والعصى المزهقة للأنفس فلا بد من عمل
scanning for your posts
الواحد مايضمنشى واحد ليزر فى الشبكية , واحد فلفل فى النني
هو انا دخلت بلوج مليان أمن مركزى ومظاهرات ؟؟ لالا أنا موش معاهم
تحيا مصر تحيا مصر عاش عاش عاش عباس
يحيا الوزير مع الغفير
يحيا الرجال مع الحريم
يحيا الهزال مع السليم
كل عام وانتم بخير شرفونا فى الدكان المجاور والعنوان مايتوهشى بجوار بوستة العتبة مباشرة

صباح الخير يا مصر said...

blackcairorose
***************
حاضر..حاضر...هاجيبلك عصايه بس مش كله بالعياط كده

كل سنه وانتى طيبه

soly88 said...

العزيزه بلاك روز
ضحكتينى بجد بس شفتى البنت شرشوحه ازاى وهيه بتقوله لو انت شارب من .....
بس البنت ابوها قائد طابيه انت برده كده
خليكى فى البخاخه أأمن

مياسي said...

"الله بجد حاجة حلوة، انا ماشية فى شارع زحمه والعصايا فى ايدى والرجالة اللى عينهم طالعه ولسانهم مش ظريف عمالين على اليمين والشمال يتكوموا قدامى على الأرض"

هههههههههههههه

عن جد متخيلتك ماسكه العصايه و طاخ طيخ هون وهناك و الطايح رايح:)

ليه كده بس؟؟ كل ده كان مستخبي فين؟؟

تاري عندك نوايا شريره و احنا مش عارفين!!

goodman said...

حلوة اوى حكاية العصاية دى
شعارنا
عصاية لكل مواطن
بالمناسبة ليكى عندى تاج
بانتظارك

راجى said...

wishful thinking
ممكن فى ليلة القدر
:))

جسور سرية said...

العزيزة بلاك روز
رمضان كريم و كل سنة و انتي شريرة ههههههه
اقصد طيبة
طيب ايه رأيك انا بافكر في اختراع اكثر تطورا ....انو بمجرد ما الواحد تجي ليهو فكرة مش كويسة في دماغه الشعاع بتاع الليزر يطلع من العصاية و يضربه من غير حتي ما انتي تتعبي يعني
هههههههههههههههههه
:)

سمـــــــــــا said...

كل سنة وانتى طيبة يا رورو

ايه موضوع العصايا دى ؟؟ محدش قالى عليه .. ازاى حاجة تحصل فى البلد وانا فى غفلة من أمرى ؟؟

أكيد كنت بتفرج على سعد الدالى

بجد احكيلى ايه موضوع العصايا الكهربائية دى؟؟ .. بس الله بجد اموت انا فى الشر دا وتلاقى ديلى اتهز


بمناسبة التكنولوجيا لغاية فترة قريبة كنت بقول نفسى يطلعوا تفافة بالكهربة بدل ما انا برهق بوقى فى انى اتف على اى حد مش عاجبنى اهو مجهوداتى لاى حاجة مفيدة :))


خلاص احنا لما نقدم فى ستار اكاديمى انا وانتى نجيب لنا طقم عصيان نقضى بيهم على المتسابقين التانين ونفضل انا وانتى بس ، فاقضى عليكى واكتسح انا اللقب :))

كل سنة وانتى طيبة يا قمر ورمضان كريم

Sola said...

basha:
tasawary el fetar hena at 7:18 pm,7aram walahyyy,ya ba7't el nas elly fa masr,3omoma2 kol sana o enty tayeba ya sokarah,o kol sana o enty b se7ah good
bomonasbet el 3asaya ana mesh seme3t 3anha aslan before 2a7'er 7aga wesletly howa el self defnse o mesh bate2oh,kont mara bal3ab beha hena fe el home in usa o hoppa la2et el 7ayah kolaha shatah o ana 2a3da ba3tas o 3eny wermet keda zay tayson,o 2eh kama ez be 2afoga2 en el table kan 3aleha chocholate o ana gaya bakol mn el chocholate deh la2etha meshatshata mot o ana mesh ba2dar akol shatah aslan,:)
yalla mesh moshkelah ,2olely bas el 3asaya deh agebha mneen 3ashan adrab beha my gf law za3aletny hehe
ana ray7a el immegration ya gamiel 3ashan 3andy interview 3ashan 2a3mel work permit mesh visa ya amar
yalla happy ramadan
take care
la elaha ela allah ya gamiela
byes

Sola said...
This comment has been removed by the author.
Sola said...
This comment has been removed by the author.
اجندا حمرا said...

العزيزه بلاك كايرو روز

اولا كل سنه و انتي طيبه و رمضان كريم ياجميل

بخصوص العصايه و الله فكره ياروز هي صحيح فكره شريره بس فيه ناس رزله تستاهلها
:)
رمضان كريم مره تانيه

Desert cat said...

تصدقى ان موضوع العصاية ده فكره
ده الناس يا حبيبتى فى رمضان المفروض يصوموا ويتقوا ربنا وابدا مش فى فايده تلاقيه موجع نفسع ولسانه مترين يرمى فى اى كلام وخلاص
فضحونا المصريين
كل سنة وانتى طيبة
رمضان كريم

Abdou Basha said...

أيوه
وتخيلي لو فيه عصايا توجهيها للي مش عاجبك فيختفي
أو يتحول ضفدع
دي احسن

He and She said...

Ekhs 3aliki, da ana kont men el mo3gabeen. Keda bardo. 3ayza tekawwemini ba 3asaytek?

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

سمـــــــــــا said...

نبأ عاجل وهام :

حيث ان سعادة رورو هانم من الصديقات المميزات لمدونتنا القديمة

فاحب اخبارك باننا قصينا شريط مدوناتنا الجديدة وهى ليست واحدة ولا اثنان بل ثلاث علشان نبقى التوكسفيد كله وتقعدى معانا براحتك

على فكرة فى رمضان اللى فات كانت اول مرة اشوف البلوج بتاعك واول تعليق ليا كان فى الحوار السادس وكنا يومها فى سلينترو .. ومن ساعتها مفيش حاجة كتبتيها مقريتهاش

لا متتغريش الله يخليكى مش اوى كده :)))

بس بجد انتى بلوجك مميز اوى عندى وانتى كمان شخصية مميزة عندى .

مثلية فقط said...

رمضان كريم

ينعاد عليكي

خالص التحيات

سمراء said...
This comment has been removed by the author.
سمراء said...

هو انت لية اتخيلتي ان الموضوع واقف عند عصايا كهربائية الموضوع متهيألى ان اهالينا لازم يطوعوا في مكان الوسطةعلشان نتفشخر بيهم وساعتها اساميهم لوحدها كفاية
ومش محتاجين للعصايا السحرية

كل سنة وانت طيبة ويعود عليك الايام بخير

سمرا

blackcairorose said...

مثلية تبحث عن ذاتها

وانتىطيبة
بصى هو الموضوع بيعتمد على تعرفى مين عشان يكون فيه حساب من عدمه، مش كده ولا ايه؟


رئيس جمهورية نفسى

وانت طيب ورمضان مبارك
بس كده انت صعبتها اكتر يا ريس، لو الحل هو عودة الاحترام


شريف
مش كل الرجالة، انا حددت ناس معينة
بقالى فترة فى انشغال بس جايالك حالا يا شريف


حازم
حاضر، عندك عدد اتنين عصاية وصلحوا!!


بنت القمر
هى البلطجة هى فعلا الحل دلوقتى يعنى مش جديد يا قمر


واحدة فى الحياة
هتلاقى انا بقوللك هتلاقى لول

blackcairorose said...

ماكس
اهلا بيك فى المدونة وشرفت، واكيد هعدى عليك قريبا جدا
وخالص التحية


صباح الخير يا ايجيبت
خلاص مش هعيط، طيب ممكن تجبهالى على العيد يا اونكل؟


سولى
بصراحة الموضوع ده رأيى فيه مذبذب شوية لو جينا للكلام الجد
فى البداية قلت ان اللى عملته صعب قوى، بس برضه لما قريت وجهة نظر جبهة التهييس الشعبية لقيت ان الرأى له الى حد ما وجاهته، وانه مش صح اننا ندين تصرف فرد واحد اذا كان السلوك العام يدعو الى مثل هذا التصرف
يعنى مجرد رأى


مياسى
من اللى بيتشاف فى الشوارع عندنا يطلع أسوأ ما فينا مع الاسف


جودمان
جاية بس كنت مشغولة جدا الفترة اللى فاتت، واطيب تحية


راجى
طيب، ليلة القدر آهى جاية!!!


جسور
وانتى بالف خير ونصك التانى بالف خير ايضا يا عزيزتى

blackcairorose said...

سما

معلش اتأخرت على التهنئة بس الايام دى مشحونة بجد، هاجى واجيب الخشاف معايا واجهزوا انتى وناردين


سولا
كل سنة وانتى طيبة، وليه متكتبيش فى مدونتك ، بعدى عليها الاقيها من غير جديد، وعملتى ايه فى المقابلة؟ ان شاء الله خير


اجندا
وانتى وهارت بيت بالف خير وحمد لله على سلامتك يا عزيزتى، واطيب تحية



قطة الصحرا
على سيرة الناس فى رمضان مش بيتقوا، عندى حكاية نفسى احكيها حصلت قدامى فى رمضان بس مينفعش تتحكى، من باب الذوق العام يعنى لول
بعد رمضان يمكن اتجرأ واحكيهالك
وحشتنى مدونتك معلش للغياب بتاعى وضرورى هعدى اتسحر عندك


ابو باشا
فكرة، وحلوة ضفدع دى
كل سنة وانت طيب وبخير


He&she
زى ما قلت لشريف، انا حددت رجاله معينة، بس معرفش اذا كنت انت منهم ولا لا لول


مثلية فقط
وانتى بخير وكل احبابك أيضا بالف خير

blackcairorose said...

سمرا

حتى من غير ما يكون اهالينا حاجة، اديكى شايفه البنت كلتهم بمجرد الكلام والادعاء

يعنى اكتر من كده سخرية مرة؟

مثلية تبحث عن ذاتها said...

مفهمتش ردك ولا فهمت انتي فهمتي ردي ولا لا

لولا said...

اولا كل عاموانت بخير
ثانيا بحي خفة دمك وعرضك لموضوع زي ده
لمل شفت الخناقه على النت اتصدمت قد ايه ناس زيها ميسوش ولا حاجه محدش قادر يصدهم حاجه فعلا توجع

None said...

اولا وحشتيني جدا جدا
ثانيا اسمحيلي اعلق هنا _بعد ماقريت البوستات كلها طبعا يعني _لان موضوع العصايه الكهربيه دا داخل دماغي جدا انا كمان .. بس للأسف مش لقياها ومش عارفه بتتباع فيين:(
هو الحل اننا نتنازل شويه عن متعة التمشيه لحد ما العصايه دي تبقي متاحه في الاسواق ..الشوارع للأسف مابقاش ينفع تمشي فيها علي رجليك