Wednesday, August 27, 2008

غنا ورقص

متهيألى صوتى حلو

عارفة هتقولوا ان كل الناس دلوقتى صوتها حلو

طيب خلونى اكون اكتر دقة، واوضح ان زمان كنت بقول ان صوتى مش وحش وبعدين بقيت أقول انه مش بطال، لكن فى السنين الاخيرة لما سمعت اصوات المغنيين قلت لنفسى ان صوتى على كده يبقى مش بس مش بطال لكنه حلو

من اول الناس اللى قالتلى ان صوتى مش بطال كان مدير سابق ليه، ولأ، مكناش بنشتغل فى روتانا ولا حاجة، كنا فى شركة كبيرة ومحترمة ، بس احيانا كتيرة انا وهو كنا بنحضر اجتماعات فى اوتيلات او اماكن مختلفة بعد الظهر وعموما كان فيه بينا كيميا جامدة ـ كيميا وبس ـ ومرة واحنا راجعين بعربيته كان مشغل البوم عمرو دياب تملى معاك ـ وهو احلى البوم لعمرو دياب فى رأيى ـ وجت اغنية عارف ليه أنا قلبى اختارك اللى بحبها جدا فلقيت نفسى بغنيها، ولقيت المدير بيقول ايه ده مكنتش عارف ان صوتك حلو، فرديت عليه بما يلزم وقلت فنانة شاملة حضرتك

وكمان من اللى كانوا بيحبوا انى اغنيلهم واحدة من اخواتى، وكانت ايامها طالعة من موضوع عاطفى كده ومكملش، واول ما تركب العربية معايا تقولى حطى بهاء سلطان وغنيلنا معاه، فكنت بغنى اغنية حلوة اسمها يومين وعدوا يومين وراحوا، ولحد دلوقتى بحب اسمع واغنى الاغنية دى

اليومين دول الاغنية اللى بحب اغنيها هى لرامى صبرى اسمها كلمة، رغم ان رامى صبرى نفسه بينرفزنى وعامل فيها مطرب الشباب بس الاغنية لطيفة، الفيديو اللى مخرجه طارق العريان مفيهوش حد ادنى من التجديد كالعادة

وعلى سيرة الاغانى ميلودى بتجيب مغنية لبنانية اسمها قمر، شكلها حاجة كده بين سلاف فواخرجى وهيفاء وهبى لكنها احلى من الاتنين فى رأيى، الاغنية اسمها آل يعنى، قطقوطة وبسيطة والاغنية مش محتاجة صوت خالص كل اللى محتجاه شوية دلع، برضه بحب أغنيها وبحب الرقص على رتمها الشرقى والهادى عكس الناس اللى بتحب الرقص على ايقاعات سريعة، الرتم الهادى لهواة الرقص زى ما قالولنا فى ابتدائى هو لزوم التقسيم ـ سامعه حد بيقول يا سيدى لول

بحب برضه أغنى لفيروز ولو أنه اجرام ان حد يحاول يغنى لفيروز، بس مقدرش اسمع اغنية علمونى هنى علمونى من غير ما أدندنها، فى واحد زمان قوى كان بيحب انى اغنيلو اغنية شادى وكان بيقول انى بغنيها حلو قوى، بس بعد كده كان عندى اسباب تخلينى اشك فى قواه السمعية والذهنية عموما

وبالمناسبة برنامج دندنة اللى على ميلودى، جابوا أصالة وهى بتحاول تغنى رائعة وردة لعبة الايام، طبعا اصالة من أجمل وأقوى الاصوات دلوقتى لكنها كانت بتنهج ومش قادرة تغنى لعبة الايام اللى محتاجة صوت ونفس جبارين زى اللى عند وردة، قلت أمال بقية المغنيات يعملوا أيه

سمعت أغنيات لطيفة الجديدة على النت، أولا صعب تعمل حاجة مؤثرة بعد أغانى زياد رحبانى فى رأيى، والفرق كبير،
الموسيقى فى الاغانى الجديدة شرقية وحلوة ولكن معظم الكلمات فى رأيى مكررة ومستهلكة
أغنية الكام يوم اللى فاتوا مش بطالة لكن التوزيع كريه لأقصى الدرجة وكان من الافضل لها توزيع شرقى يبرز جمال الاغنية وكلاسيكيتها زى نوعية أغنية لما يجيبوا سيرتك

33 comments:

مثليه said...

اول تعليق من حظي السعيد
عجبني اوي موضوع اني صوتك حلو هو انتي كده عمال بس تنحنسينا من بعيد لبعيد ولما نيجي نقولك غني تقولي معلش عندي برد ههههههههههههههههه
ولا نعرف نسمع صوتك ولا نتفرج عالرقص الراقي الهادي بس عموما ماشي هنقضيها حكايات اهه احسن من بلاش هههههههه
ياروز اظهري وباني وكفايه تشويق واثاره ههههههههههههه
نيجي بقى للاغاني
عمرو دياب فعلا شريط تملي معاك مميز جدا وانا شخصيا بحبه اوي لانه له ذكريات جميله عندي هو وقمرين
والمدير بقى بتاعك ده يا ستي بما اني لسه مسمعتش صوتك ومعرفش ا1ا كان حلو ولا لأ هقول انه يمكن يكون بيقول الحقيقه ويمكن يكون بيجامل ويمكن يكون بيغازل:)) مادام كان فيه بنكم كيميا
وليس احياءهههههههههههههه\
بهاء سلطان ممكن اسمعه بالصدفه واغني معاه مع ان صوتي فالغنا انا بشوفه وحش لكن فالكلام بيقولوليانه حلو:)
اما عن رامي صبري فأنا مبحبوش ومعتقدش انه مغني بس سمعتله اغنيه كلمتها كانت حلوه قوي و عجب
تني بس مش فاكره اسمها هي هاديه
اما قمر فهي قمر والله ههههههههههههه
انا اللي عاجبني فيها انها شبه هيفا على جديد بس هيفا طبعا تكسب
لكن النوعيه بتاعه هيفا وقمر والناس دي بصراحه بحب اتفرج على دلعهم مش اسمعهم
اما العملاقه فيروز فدي ست الكل واغنيه شادي من الاغاني اللي بعشقها وياريت نسمع منك حته كده فالسريع
اما لطيفه فأنا بعتبرها اعتزلت من زمان

تحياتي يا اجمل روز

Heart Beat said...

Dear Blackcairorose

طيب بما ان صوتك حلو ... يعني لو ممكن بقى تفكري في كليب غنائي نستمع فيه الى صوتك عشان بس نأيد كلام المدير بتاعك و لو انها مش محتاجه تأكيد مننا انا واثقة في كلامك عن صوتك

اغنية كلمة لرامي صبري جيدة و لحنها عجبني ... يا سلام بقى لو سمعناها منك اكيد هاتبقى احلى بكتير

اتفرجت على كليب المغنية قمر و لكن بصراحة ما كملتش لاني مش بحب هيفاء و لا اي حد يشبهها و ده طبعا رأي شخصي بحت و انا متمسكة به

لكن شوفتي انتي كليب لمغنية و لا مش عارفه اسميها ايه و اسم الكليب
"ايه"
و تقريبا هي بتقول فيه ان لو غنت هاتقلبها ضلمة و بالمرة هاتفرس اهل الديسكو و كله هايبقى بريسكو من جمال صوتها ... طبعا انا ماعرفش هو في حاجه اسمها بريسكو في اللغة العربية و لا لأ بس اهو كلام و خلاص
ياريت تبقي تسمعي المغنية دي و تشوفي الكليب

عشان كده انا متأكده ان صوتك حلو من غير ما تقولي كمان

نادرا اما الاقي مغني يقدر يقترب من طبقات الرائعة وردة و اذا حصل مش بيقدروا يكملوا اغنية كاملة عشان كده اجد ان كثير منهم بيغني اغاني وردة القصيرة زي حرمت احبك

اما عن لعبة الايام ماعتقدش ان اصالة تقدر توصل لمقدرة وردة في اداء اغنية جميلة زي دي على الرغم من ان اصالة زي ما قلتي بالفعل من اجمل و اقوى الاصوات دلوقتي

كان في مرة خلاف زمان بين نوال الزغبي و اصالة و كان بسبب ان نوال قالت ان صوت اصالة عامل زي زمور الخطر

فكرتيني بأغنية لما يجيبوا سيرتك يحلو الكلام

ايام ما كانت لطيفة بتغني من غير ما صوتها يكون عالي جدا لدرجة انه يغطي على موسيقى الاغنية الاساسية و مانبقاش قادرين نسمع نغمة واحدة فيها

انا رأي انك تتجهي للغناء كهواية بجانب شغلك عشان ننقي الاجواء بقى من الاصوات الرديئة الموجودة بقى لها كام سنة و نستمتع بصوتك اللي شهد له كل اللي سمعه انه حلو جدا

تحياتي

سمـــــــــا said...

ازيك يا قمر


انا على فكرة مطربة جامدة جدا من زماااااااان حتى قبل ما اتعلم الكلام كويس ، لاااااا اوعى تقولى عليا فشارة دى حقيقة يا فندم

ماما بتقولى انى وانا صغننة كانت بتيجى الفوازير بتاعة نيلى اسمها الخاطبة كنت انا نونو خالص مش بعرف اتكلم كويس فكنت اتفرج واقعد اقلدها واغنننننننى واندمج وبعدين تيجى الف ليلة وليلة بتاعة شريهان اللى كانت زوزو نبيل بتعمل بصوتها شهرزاد ويجيبو ست كرتون كده تقعد تتمايل وطبعا دى مكنتش اسيبها تطلع من تحت ايدى فكنت اقعد اقلد صوت زوزو نبيل مع حركات الكرتون ...

وبعدين لما كبرت شوية المواهب زادت وبقت مش غنا بقت رقص كمان ... وكانو بيتريقوا عليا فى العيلة و مسمينى سهير زكى ودا بمناسبة الرقص الشرقى الهادى

انا كمان بيستفزنى جدا الرتم السريع فى الرقص وبكرهه اوى


وبعدين لما بقيت فى المدرسة فى اعدادى كنا فى الحصص الفاضية وخصوصا الاخيرة وبناء على رغبة الجماهير من صديقاتى البنات يطلبوا منى انى اغنى وانا بقى اتشرط واحط رجل على رجل واقول اغنى لعبد الحيلم يا اما بلاش ، ودا كان لان عبد الحليم اكتر مطرب بحبه وما زال له عندى مكانه خاصة جدا غير اى مطرب تانى لانى بحس انه بيعبر بكل خلية فى جسمه عن احساسه وكنت بحب لمعة عينيه وعمقها واحساس انها دايما حزينة وفيها دموع حتى وهو بيضحك

المهم كنا نقفل باب الفصل وكله يوسع حواليا احسن مطربة الشعب تزهق ومتبدعش بصوتها الفتاك ، فكنت انا افضل اغنى وهما ساكتيييييييييين .. بس مش عارفة هو انا صوتى كان حلو واللا هما ساكتين من الصدمة !!!

وفضلوا يا عينى يسمعو وساكتين لغاية ما خلصت ثانوى .. حمالين آسية والله كانو

فى الجامعة كان فيه ولد صاحبى كان صوته حلو جدا وهو بقى مطرب دلوقتى

كنا انا وهو عاملين دويتو فى الغنا بس هو غاوى كاظم الساهر وانا برضه بحب كاظم اوى لكن مش زيه هو مدمنه لغاية ما كنت هكرهه بسببه


مرة حصل موقف مسخرة وانا بكلم ناردين زمان اول ما عرفتها فى التليفون قالت لى غنيلى غنوة فلسة هبدأ اغنى غنوة جواب بتاعة عبد الحليم وراح حصل زلزال ... تا تا تا

ومن ساعتها وهى بتذلنى بالموضوع دا كل شوية تقولى ارجوكى بلاش انتى تغنى بتحصل كوارث طبيعية احنا مش قدها : )))

فالحقيقة من ساعتها قلت اريح احبالى الصوتية وارحم البشرية من عواقب غنايا


ودى كانت النهاية لمشوارى الفنى العريق



انا كمان بحب شريط تملى معاك اوى اوى كان نزل وانا فى البكالوريوس وبرضه بحب زيك قلبى اختارك بس بحب كمان بعترف قدام عينيك اكتر وبحب غنوة كان طيب وادينى رجعتلك وحبيبى وايه بس اللى رماك وحاجات تانى كتييييير..

بصراحة عمرو دياب له اغانى وخصوصا القديمة حقيقى مميزة ومتتنسيش

وبحب غنوة بهاء سلطان يومين وعدو وبحب له غنوة انت واخدها معايا تحدى وكمان له غنوة حزينة بس الزهايمر مش ساعفنى انى افتكرها دلوقتى

رامى صبرى اغانيه فعلا مش بطالة بس المشكلة انه لابس عباية عمر دياب مع انها واسعة عليه اوى .. وغنوة كلمة برضع بسمعها كتير اليومين دول خصوصا فى نجوم اف ام :)

قمر اعتقد انها اخت هيفاء الصغننة كنت سمعت الاشاعة وقريتها من فترة بس الله اعلم حقيقة واللا لأ .. المهم انها قمر فعلا هى مش محتاجة تغنى وتتعب نفسها هى كفاية تقعد واحنا نتفرج عليها فى هدوء :)

هبقى اكمل لك القصة بتاعة الشغل بكرة :)

سلام يا قمر

Anonymous said...

saba7o ya 3am rose:
stec 7elw ya rose,sara7a el mafrood tenazelelna post feh sotec o enty bet3'any o 2e7na no7kom
bosy 3amr diab dah aslan el negm,dayma beyfakarny b alex mesh 3arfa leh,kona dayma o 2e7na fe alex yenzel el shereet beta3o,yaaah wala zaman bgad,7asan en masr wa7ashnay awy o eny ba2aly kteeeeeeeer saybaha mesh sanateen bas,shereet tamaly ma3ak ba2a belzat leh 7ekayah,kanet my sister wa2taha mesa7ba gozha o kanet deh el song beta3ethom f kol ama nenzel neshar bara fe 7eta 2ala2ehom 7ateenha fel 3arabeya,7ata howa 3'anaha l 2o7'ty fe fara7ya o 2a3taqed en mody ebn 2o7'ty zo el 3 a3wam bey7ebaha howa kaman,hehehe
bahaa soltan ba2a dah 7abeby,kont baroo7 coffe shop zaman esmo la mezo,wara el 7adeqah el dawleya keda o howa kan bey3'any henak,o ba3da bahaa geh yousry el sherief elly howa bey3'any hanady,bas ana kont re7'ma aslan kan kol ama yousry ye3'any 2a23od ana atfarag 3ala el tv elly henak o sa3at kont ba3aly el sot,aslo enetm awy sara7ah yousry
b monasbet bahaa soltan,2a3taqed en el song el 7azenah elly sama betetkalem 3aleha heya 2aly 2alby lak 2alu 3omry lak......,belnesba lel ra2s ana 2aslan mesh ba3raf 2ar2os balady 7'ales bas bar2os tango o cha cha o salsa,fast dance 3omoma2 laken el balady no ya mama no,ra3'm en mamty o my sister beyer2oso balady 7elw awy
mara kont ray7a sharm ma3a so7aby fel gam3a so omt wa7'da el mic o 2a3adt 2a3'any song esmaha betes2al leh 3alaya beta3et fayza ahmed o ana 3ala seqah en ana soty we7esh aslan ez fag2atan el kol bey3'any ba3d keda el mawdoo3 2et2alab mosab2ah o ana kesebt 2a7la soot o 2ada2 hahaha,mesh 3arfa bardo ana ba3'any l my gf all the time o heya shayfa en ana soty 7elw awy ma3a en 7ata mamy bet2oly en ana soty we7esh o 3ayzany 2a3'any fel 7amaaam
sa7e7 ya rose ana reseeet 3ala wa7da baz menhom o el tanya ana o heya as7ab la2eet sa3b a7eb etneen bgad bas sa7bety elly ma3aya now bgad rabena ye7'alehaly mafesh zqyaha o mesta7mela ra7'maty o shaky o 3'erty o 2arafy o kol 7aga,rabena ye7'alehly
belnesba l fayroz ana mesh ba7ebaha ba7ebelha actually sonhg wa7da esmaha sity o el song deh 3ereftaha mn kam shahr wana 2a3da ma3a sa7bety el lebnaneyah kanet betfaragny eala mis elreem o gat el song deh o ana 7abetha awy 3ashan fakaretny b gedety fe masr rabeya ye7'alehaly ya rab
latifa ba7eb 2a3'aneha el 2adema belzay el song beta3et met7akem o enta be3eed o akeed lama yegebo sertec,kol 2a3'aneha ma3a abd el wahab mohamed kanet 7elwa awy bgad
amar deh ba2a ana mesh 2a3rafha 7'ales,ana aslan monfasela 7'ales 3al el 3alam el 7'aregy belzat en ana mesh mn howta el tv 7'ales mesh bafta7o aslan tasawary,2a7'ry disney chanel 2abl ma anam
semo:
ba2a kont so3'ayara ayam el 7'atma,ana kent akbar menek wala 2eh ya bent,yalla salam ya gamiel
salam ya rosa ya sokaraaaaaaa

Anonymous said...

sa7e7 ya rose
ana bardo ma3rafsh meen howa ramy sabry :(

Anonymous said...

semooo o nardeeeeeeeeeeeeeen
mabrooooooooooooook ana far7analko awy bgad,walahy 2alby kan wage3ny 3ashnko
ento masaly el 2a3la aslan fel 7ob bgad
mashaa allah 3aleko
ento elly betedony amal bgad en el 3elaqat deh momken tetawel el nas kolaha bet2ol en 3elaqatna 2a7'erha sana
bgad raya7tonyyyyyyy
ba7ebokoooooooooo
ashoufko fe masr el next year ya 2orodddddddd
salamoz ya mozaz
sally el sawy

سمـــــــــا said...

سولا باشا

الله يبارك فيكى يا قمر بس انتى عرفتى منين ؟؟

انتى عارفة انا وناردين بنولع فى بعض وبعدين نرجع تانى دا الطبيعى :))

واهو غلطة عندى مرة وغلطة عندها مرة والمركب بتمشى ..

دا احنا عشرة 9 سنين يا بنتى يعنى مربياها على ايدي المفروض بعد كده تقولى يا ماما مش يا حبيبتى :)


وعقبالك يا قمر لما ربنا يبعتلك حد يحبك وتحبيه وتحسى باستقرار معاه

بس المهم ان مهما حصلت بينكم مشاكل طالما فيه حـــب بينكم واقتناع ان هو دا الشخص المناسب ليكى على كل المستويات وان هو دا الشخص اللى عايزاه يكمل باقى الحياة معاكى يبقى متتخليش عن العلاقة دى ومتخليش حاجة او حد يبوظها حتى لو حصل جرح او شرخ بينكم لان فيه حاجات كتير ممكن الزمن كفيل انه يصلحها

دا فى حالة ان الحب لسة موجود طبعا لكن لو الحب راح يبقى نادينى اقرالك علي روحه الفاتحة :))


المهم انى بشكرك على ذوقك دا يا جميل وانك ادتينى الفرصة انى اعلن لكل الناس

ان سمـــا ونارديـن لسة 1 + 1 = 1

تحياتى ليكى وللجميع

سلالالالالالام

Anonymous said...
This comment has been removed by the author.
Anonymous said...

sa7e7 ya semo enty o rose o kol elly beyego hena
ana ma3ady ma3a el immegration youm 5 september ya bashar
2ed3ooooooooooooly 2a7'alas om el wara2 ba2a 3ashan anzel maaaaaaaaaaasr
salamoz

سمـــــــــا said...

سولا يا قمر

الــــف مبــــروك على الارتباط بس انتى سيحتى للبنت جامد وقلتى اسمها كده ناقص تقولى الايميل بتاعها :))


بصى يا قمر فيه حتة برضه انا عايزة اوضحها فى تعليقى اللى فات لانى موضحتهاش كويس

فى العلاقات انا مؤمنة ان مفيش جرانتى لحاجة مش معنى ان الناس بيحبوا بعض ان لازم العلاقة تكمل فيه ناس كتير بيحبوا بعض والعلاقة بتفشل بس لاسباب تانية بعيدة عن الحب

وفيه علاقات بتفشل علشان الحب راح يعنى جت له سكتة قلبية او برد او بقى روتين وتعود ودا اللى بيخلى كتير من العلاقات المثلية بتنتهى بسرعة زي ما قلتى

انهم اول ما العلاقة تبرد والحب يبرد فكل واحدة فيهم تروح تدور على علاقة جديدة تنعش بيها قلبها

واللى بعده واللى بعده :)))

وفيه علاقات بيبقى الجوانب مكتملة بس حاسين ان فيه حاجة غلط فى العلاقة مش عارفين سببها فبرضه بتفشل

ومش معنى ان انا وناردين رجعنا دلوقتى اننا سوبرويمان لكن دا معناه اننا لسة محافظين على شكل العلاقة اللى بيننا من سنين

لكن بكرة فيه ايه اكيد الله اعلم

زي ما قلت مفيش جرانتى لأى حاجة


مرة تانية بقولك الف مبروك واتمنى بس تركزى شوية فى اختيارك لان كله فى الاخر محسوب عليكى

وبمناسبة شاين هى حبيبة قلبى من جوة واكتر حد انا متيمة بيه فى المسلسل رغم انهم مطلعينها زبالة وفليرتى لكن يمكن انا شايفاها من وجهة نظر غير كل الناس فبحبها من وجهة نظرى انا

سلام يا قطة

Anonymous said...
This comment has been removed by the author.
Anonymous said...

rose ya gamiel,ana shakly keda ha2fel el blog 3andy o afdal 2a3da hena,hehehe bas feen el frapetshino beta3y
anyway ma3lesh 7asal mistake fel comment so i retyped it
ya semo basha
ana smart ya fandem
\o ba3deen lama shoft soret shean ma3reftesh enek semo el gen
so ro7t 3al profile o 3ereft
2ay 7'edma ya basha
bgad ana mabsotah awy o mabsota aktar eny lama hanzel masr ha2abelko ento elly etneen ma3a ba3d,kont haz3al awy law 2abelt kol 2a7da mnko lewa7daha
ana el 7amdo lelah hedeet o 2estaqareet 2a7'era2 ma3a 7elm 3omry,feha kol 7agah o aham 7agah 3andy enaha 7elwa,hahaahah
yalla shofko fe masr o lan atanazel 3an 7a2y fe 3aseer el 2asab mara enty o mara nardeeen
salamoz
o ba3deen ba2a
s+m=1

Anonymous said...

asl 3ady ya basha en ana 2a2ol esmaha mesh ser ya3ny,ana o heya mesh 7'ayfeen mn 7agah ,belzat en wala ana wala heya lena da3wa b masr o mesh motashereen zay ba3d el nas ,sara7a ana ba7es fe masr en el 7ayah mashya kolo beynot 3ala kolo sorry fel kelma ya3ny,3ashan keda ana te3ebt 3ashan 2ala2y el ensana elly yenfa3 artabet beha o elly tekoon malhash da3wa b el 3ak o waga3 el dema3' dah elly fe om el donia,bas 7ader ana hashel esmana now o hanazel el comment tany,ana bardo ba7eb shean aslaha tayeba awy bas estandelet ma3a jenny fel 2a7'er bas ana mesh ba7eb jenny f fere7t feha,walahy el marady inshaa allah el 2a7'ra la7san ana 3ereft nas kteer awy o dayma kolohom mesh kano yenfa3 elly tab3aha 7elw shaklaha we7esh o el 3aks sa7e7 o ana el 3alaqah 3andy lazem tekoon mesaleyah ad ama 2a2dar,o bardo ana mabsota leky enty o nardeen awy awy awy,salemely 3aleha ya bent
bas ana mesh 2ayla 7ata esmaha kolo,hehe yalla em mara el gaya ba2a,hahaha

الحكمة ضالة المؤمن said...

صباح البلبل الشادي
وانا صوتي حلو
بنتي الي عمرها سنتين ونص صوتها حلو
و ابني الي عنده ثمان اشهر صوته حلو

المصيبه من الي يقدر الاصوات
عن نفسي اقدر صوتك
اكيد حلو

بس
لازم تقدرين
صوتي

اشكرك على الموضوع
شدني ورسم ابتسامه على الصبح
الف شكر

someone in life said...

بلاك كايرو روز

انتي ناقدة رائعة للأغاني و متعددة المواهب ايضا ,, رائع
انا احب الغناء في السيارة و الناس ينظرون لي و كأني مجنونه

تحياتي

Unknown said...

أول شي

انبسطت جدا و أنا بقرأ البوست مش عارفه ليه!!!

ثانيا:ليه هيك يا روزا؟؟ هلأ سلاف مش حلوه؟؟ حرام عليكي!!!

ثالثا: بالنسبه للي حكولك نزلينا صوتك نسمعو؛ والله فكره مش بطاله في حد عملها قبل هيك؛ رحاب بسام صاحبة مدونه حواديت نزلت قصه بصوتها و أنا سمعتها؛ الصراحه كانت فكره روعه!!!

رابعا: أنا دايمن عندي احساس انو انا كمان صوتي مش بطال؛بس دايمن بغني لحالي لبالي؛ يمكن مره غنيت لصاحباتي في السكن و كانت أغنيه أجنبيه مش متذكره شو هي بس بتذكر أنهم حكولي صوتك حلوه كتير!! مره و ما عدنهاش أساسا أنا ما اي نفس؛ أي شي في جهد تنفسي شوي بيتعبني

خامسا: نيجي لموضوع الرقص: انسي الموضوع؛ و لا بعرف أرقص و لا أظن أنو عمري رح أعرف؛ مره حاولت أتعلم شوي و اكتشفت انو اللي بدها ترقص صح لازم تكون مستمتعه بالموضوع؛ كل صاحباتي اللي بيرقص حلو كتير بيكونو جد مستمتعات فيه؛ أنا لأ

و بس هاي هيه !!

Anonymous said...

بوست جميل كله بهجة لانه عن الغنا

طبعا يابخت كل اللى سمعوكى طبعا .. على فكرة لسه عندى امل تيجى مصر ..

وآدى الجمل وآدى الجمّال

ممكن نسمع حاجة؟ من قضلك ؟

Desert cat said...

طيب بما انك من محبى فيروز وانا كمان مش هقولك اجرام تغنيها ولا حاجه
بس سمعينى ليها
بكتب اسمك
عارفه انه صعب بس غنى انتى بس وانا هتخيل انى بسمعها من صوتك الجميل
اغنية لطيفة سمعتها من قريب ونزلت الالبوم كله هو حلو حقيقى بس كانت محتاج دقة شوية فى التوزيع بصرفالنظر عن اغنية اللى كام يوم الى فاتو فى كمان اغنية سيبنى شوية

كل سنة وانتى طيبة
رمضان كريم عليكى

blackcairorose said...

مثلية تبحث عن ذاتها

انتى عارفة ان دى تانى مرة امر على موضوع فى بوست بشكل عابر رغم انى عايزه اكتب عنه بالتفصيل ، الاقيكى مسكتى طرف الخيط وسألتينى عنه؟

المرة دى عن المدير، انا كنت عايزة اكتب عنه بوست بس قلت بلاش لأنه لو اتكلمت عنه يبقى ضرورى اتكلم عن الدين وانا عموما مبحبش اتكلم فى موضوع الاديان لانى بحس انها مواضيع واخدة اكتر من حقها فى مجتمعنا ومش ناقصة كلام فيها

بس بما انك نكشتينى هاحكيلك حكايته

اولا عموما بالنسبة للعلاقات الاجتماعية فيه علاقات بحس انها قابلة للتغير وعلاقات من اولها بتاخد تراك معين ومبتبقاش قابلة انها تتغير

يعنى ساعات صداقة تتحول لحب، وساعات حب مع الوقت يفتر وتفضل صداقة، وساعات عدم استلطاف يقلب لعكسه وهكذا، بس احيانا علاقة ما تفضل ليها نفس الشكل ومبتتغيرش

المدير ده كان بينا كيميا زى ما قلت، والتعامل مكنش كأنه بين رئيس ومرؤوس لكنه بين زملاء، لهم نفس الاراء وعلى نفس الموجه حتى فى الهزار

بس مكنش ممكن العلاقة تقلب لشىء تانى لانى كنت مرتبطة وكذلك كان هو مرتبط

بس خلينى احكى عنه

هو كان فى آخر الثلاثينات او اوائل الاربعينات وبتسالى اذا كان شكله حلو ولا لا؟ غريبه سؤالك يا مثلية، لانه فعلا كان وسيم جدا ومتزوج وعنده اولاد

هو كان مسيحى الديانة، وكان فيه خلافات جامدة قوى وجوهرية بينه وبين مراته ادت للانفصال كل واحد فى بيت لوحده لانه طبعا مفيش طلاق فكان ده الحل، فوضعه كان تقريبا زى وضع الراجل اللى مش متزوج، حتى مرة قاللى ان مراته بتجهز اوراقها للهجرة عند اخواتها وهتاخد الاولاد معاها

من ناحية تانية انا فيه حاجة ساعات نادرة ومتباعدة بتحصل لى وهى ان خيالى احيانا بيشطح لبعيد، بس الخيال ده بيكون فى محله وبيطلع انه رغم غرابته ولكن فيه اساس من الصحة

كان فيه واحدة معانا فى الشغل بس سابته وانا ملحقتهاش غير اسبوع تقريبا، كانت بنت ظريفه وشكلها قمور لكن جسمها حلو جدا ولبسها حلو قوى فى رأيى، يعنى ليها ستايل، كان الزملاء بيقولولى انى انا وهى ننفع نكون شكلا اخوات، بس الشخصيات مختلفة لانها كانت اجتماعية وبشوفها من البنات المخلصه لو فهمتى قصدى

المهم البنت دى كانت بتيجى مرة كل شهرين كده تعدى تسلم احيانا، وهى فى شغلانة جديدة

حكاية بقى شطحات الخيال بتاعتى
مديرى كان عنده شاليه فى العين السخنة، ومرة البنت دى كانت معدية علينا وبنتكلم فى مواضيع مختلفة فقالت انها بتروح العين السخن كتير

معرفش ليه جالى هاجس ان مرواحها للعين السخنة ليه علاقة بمديرى، ومتسألنيش السبب لان بقولك فى الحالات المشابهة معنديش تفسير غير انه مجرد هاجس كده بيطلع، ولما حتى قلت لاختى وبحكيلها قالت لى ان عامله فيلم فى خيالى

المهم يا ستى البنت كانت مسلمة وعايشه مع مامتها بس ، واخواتها متجوزين

ولكن بعد فترة فعلا اتضح ان كلامى وتخمينى صح وفيه فعلا حاجة بينهم بقى لها فترة

مثلية

خلينى اكمل بعدين لحسن الموضوع طول

وعلى فكرة انا غيرت شوية فى التفاصيل لزوم الخصوصية

وسلام مؤقت

كتابة said...

black...

يعني حتى لو كنا حنقول الناس كلها صوتها حلو ..
ده إنتي أقنعتينا إن صوتك حلو بشهادة الجمع الغفير من الناس القريبة منك:)

صوتك حلو..مش بس بيتهيألك:)
____________

مابعرفش رامي صبري
بس في كتير بيغنوا و تلاقي أغنية
وحيدة و يتيمة تاخدك لنواحي تانية
كلها جمال
و كمان ماعرفش قمر
أصل متابعتي ضعيفة للفضائيات

اما الرقص...فمزاج
كل ما بروح النادي بشوف
class الرقص..
بحسهم بلا روح
مع غن بعضهم بيرقصوا كويس
في وحده بالذات
مدمنة رقص..مش لانها حابه تفقد وزنها
لا بس بتخاول تقول انا الأفضل
او ربما هي تخاريفي
و الحاجة دي..بتخليني ما بحبش أشوف رقصها
:)

__________________________

فيروز...مابعرفش ..
بس في حاجز بيتبني
بيني و بينها
من فترة قريبة جدا

_______________________

أصالة صوت رهيب..
هي عارفة ده..و بالتالي بتظلم نفسها لما تتعامل معاه بالطريقة دي

و دي هي المشكلة

من وجهة نظري
البسيطة
________________________

لطيفة
كمان ماعدتش بحبها
أصبح صوتها بينرفزني
فمش بتابعها
أما اغنية ..لما يجيبوا سيرتك..
فمن اعذب أغانيها
ومازالت موجوده بالذاكرة لجمالها
________________________

شكرا يا
عالبوست الجميل rose

مثليه said...

روز

انا مستنيه بقيت الحكايه حتى لو طولت بقى مليش دعوة
طبعا المشكوكات اللي الانسان بيحسها بتبقى ليها مدلول مبتبقاش اكثر الاحيان من فراغ
على فكره انا مكنتش بسأل عن شكل المدير لو حلو ولا لا انا كنت بقولك صوتك انا لسه مسمعتوش مفعرفش اذا كان حلو ولا لا
اما بالنسبه للشكل فالشخص اللي يعجبني
مهم اوي انه يكون جذاب اكتر من حلو يعني بتهتم بمظهرها وشكلها مش مهمله ومش لازم تكون بتلبس سينيه والامود اخر حاجه لكن عينيها بتفرق معايا اول حاجه لأن العين بتبين حاجات كتير وبعد كده ابتدي ابص عالباقي مش هعرف اخد راحتي فالشرح اوي بس اول انطباع عليه عامل ولو ان معظم اللي ارتبط بيهم كان اول انطباع غلاسه :)))))

blackcairorose said...

مثلية

انا جيت نورت البيت

اخ معلش افتكرتك بتسألى هو كان شكله حلو ولا ايه، قلت فى نفسى لا بقى دى مكشوف عنها الحجاب لول

المهم يا ستى طلعت فيه فعلا علاقة بس سرية جدا جدا وهو رغم ان علاقتى بيه زى ما انتى عارفة وانا من النوع الليبرالى يعنى مفيش منى قلق انى احكم ولا ادين لان فى النهاية بحترم الخصوصيات والقرارات الفردية الا انه مع ذلك مقليش ابدا على الموضوع ده، واكيد بفهم تخوفهم لان زى ما كلنا عارفين الحاجات دى بتعمل فى مصر قلبان، اى علاقات بين شخصين سواء مسلمة ومسيحى او مسيحية ومسلم

المهم بالصدفة البحته ومش هقدر اكتب بالتفصيل فى النقطة دى، الظاهر ان المدير غير ديانته علشان يقدر يتجوزها، يعنى راح الازهر وعمل الاجراءات فقط من اجل استخراج وثيقة تقول انه مسلم وبالتالى يقدروا يتجوزا، بس من غير ما اى حد من عائلته او مراته يعرفوا الموضوع ده، لان فى رأيى هو فقط وجد ان هذه الوسيلة للجواز من اللى بيحبها من غير الدخول فى موضوع الاقتناع بدين ما او ترك دين ما

هذا تقييمى ومع ذلك العلم عند الله، وفعلا تم الجواز برضه بشكل سرى

انا معرفش البنت ليه اصرت على الجواز لان كان ممكن يستمروا فى علاقتهم القوية مثلا ، يمكن تكون خافت يوم تخلف مثلا او عندها اسباب تانية، الله اعلم، وفى حدود علمى حتى عائلتها معندهاش علم بموضوع الجواز لانهم مش مقيمين مع بعض طول الوقت، يمكن مامتها بس الله اعلم، وهى على فكره موضوعات الدين عندها بتاخدها ببساطة

انا سبت الشغل فى مصر من زمان وسبت مصر كلها، ولكن لما بنزل من وقت للتانى بسأل عنه لانه انتقل لشغل تانى فى مدينة تانية فى مصر وفى موقع احسن، بسأل عنه ناس معارف مشتركة لان مفيش مجال للاتصال المباشر، اللى سألتهم قالولى اخباره كويسه، فلما سألت بشكل عام اذا كان اتجوز ولا حاجة، فالرد دايما يتجوز ازاى ما هو متجوز ومخلف

يعنى الموضوع التانى مش معروف ولسه محدش عرفه

ومعرفش اساسا اذا كانوا لسه متجوزين ولا الموضوع انتهى

شوفى يا مثلية الموضوع ده ضمن اربع حكايات اعرفها عن الجواز بين الديانات المختلفة وكنت احب اكتب عن تجربتى فى الموضوع ده، علشان كده فكرت فى بوست بس زى ما قلتلك تراجعت عن الكتابه فيه، العملية مش ناقصة لول

بس يا ستى دى الحكاية كلها

توته توته

blackcairorose said...

هارت بيت

ازيك وازى اخبارك

بقى عايزنى اغنى وانتى عندك اللى غنتلك على الهوى يا قمر؟ قوليلها لسه مش ناسيين!!

هى اصالة فى رأيى طريقة غناها اتغيرت عن البداية وبقت اقل حدة بكتير، كانت لها وقفات كده زى الصاروخ ولكن صوتها دلوقتى اصبح اكثر لينا

فى لعبة الايام اصالة مقدرتش تواصل، ده كمان من غير ما توصل للجزء الاخير فى المذهب اللى ورده بتقول فيه الايـــــــــــام

موضوع الموسيقى ودرجتها ودرجة الصوت، الى دايما بقول انها بتخلى الموسيقى اعلى من صوتها هى انغام، لو تلاحظى دايما صوتها اما فى علو الموسيقى او اوطى منها فى حين ان الصوت فى رأيى لازم يكون اعلى شوية من الموسيقى والنتيجة بحس ان صوتها دايما ضايع، غريبة معرفش ليه مبيخدوش بالهم من الحاجات دى، ولا انا اللى سمعى فى حاجة غلط؟ معرفش

blackcairorose said...

الى عاشقة حليم

أو الفنانة سما

يعنى انتى برضه عندك مواهب فنية اهوه

بقولك ايه تيجى نقدم فى سوبر ستار او ستار اكاديمى؟ ايه رأيك نقلبهالهم كب اقصد اكاديمية بجد

لا قمر مش اخت هيفا ولا غيره دى فنانة صاعدة، حتى اغنيتها الاولى حلوة وزى القمر برضه فيها بس فى آل يعنى بقت ناضجة

انا بغنى اغنيتها آل يعنى بطريقة حلوة قوى وبالذات فى الحتة اللى بتقول فيها نق نق نق فوق بغنيها بكل مشاعرى

ايوه كده بسطتنى الاخبار الحلوة، ومش بقوللك الصيف دايما مشاكله كتيره، وبالتوفيق دايما

ومستنيين الحكاية اياها لسه بتاعة الشغل

blackcairorose said...

سولا

ربنا يوفقك فى مشوار 5 سبتمبر بس هو ايه المفروض يتم بالضبط؟ هتجددى الاقامة ولا ايه

هتعدى على خير باذن الله

تنزلى مصر السنة الجاية بالسلامة وتقابلى كل الناس اللى واحشينك ، بس متنسيش كل ما تشوفى حاجة ساعتها قومى بصه كده بضيق وقولى ايه ده؟ دا احنا عندنا فى امريكا....لول

طبعا عارفة اغنية فايزة احمد بتسأل ليه عليه، انا بحب الطرب القديم قوى ومن عشاق فايزة احمد كمان

يللا بالتوفيق يا عزيزتى

blackcairorose said...

الحكمة

اهلا وسهلا بيك وشرفت المدونة

وجميل ان كل العائلة صوتها جميل

مثل عائلة بندلى اللبنانية كانوا كلهم من هواة العزف والغناء

اطيب تحية وفى انتظار مرورك الكريم

blackcairorose said...

Someone in life

وانا برضه بحب الغنا وانا بسوق وبسمع فعلا اغانى كتير من اقصى اليمين يعنى ام كلثوم وفيروز وعبد الوهاب وفريد الاطرش لحد مغنيين التيك اواى بتوع الايام دى وبستمتع بكل نوع فى حدود اللى بيقدمه

وخالص الود

blackcairorose said...

مياسى

سلاف طبعا حلوة جدا
وهيفا برضه حلوة جدا

بس قمر فى رأيى احلى منهم كمان

اتفرجى عليها وقوليلى

فعلا الرقص فيه متعة ومش بس حركات او تعليم، وكان فيه واحدة اعرفها والله تسمع الموسيقى فى اى موقف تلاقى جسمها ايتدا يتحرك لوحده

يعنى قابليلات استجابة الجسم للموسيقى بتختلف كتير من حد للتانى

blackcairorose said...

شريف

خلاص هتسمعونى فى سوبر ستار بس ابقول اتكلموا وصوتوا لول

blackcairorose said...

قطة

بكتب اسمك ولا ولا ولا

فيروز ليها الاف الاغنيات وبلاقى انه صعب اطلع اغنية او حتى خمس اغانى مفضلة بس

ايه رأيك نغنى مع بعض؟ مع مش على لول

blackcairorose said...

كتابة

يمكن لان دروس الرقص بتكون جماعية والمدربة بتعلم حركات معينة عشان كده يتحسى ان مفيهاش روح غير لو واحدة بترقص لوحدها بمزاج بدون مواعيد وعلى موسيقى حاسه بيها

حتى شوفى.....

Unknown said...

روزا

قمر بعرفها

هاب تاعت الواد القاسي الأناني مش هيك؟؟
الصراحه أنا عاجباني الأغنيه و عاجبني الواد أكتر:)

sara said...

علي فكرة يا روزا ..انا كمان صوتي مش بطال ._لزوم التواضع_.وكنت بغني زمان في حفلات المدرسه ..هو حاليا اتأثر شويه بفعل عوامل التعريه يعني ..بس مازال شغال بردو والله
واكتر الاغاني اللي بحب ادندن بيها لولا الملامه واكدب عليك ورده..وحيرت قلبي لام كلثوم .وليه ياقلبي وبتسأل ليه عليا لفايزة .فيروز معشوقتي انا اجبن من اني اجرب اغنيلها اغنيه الصراحه بس بحب اوي ايقاع انا عندي حنين ..وبحب جدا ارقص عليه ..وبمناسبة الرقص بقي .. في اغنيه لفضل شاكر اسمها لو علي قلبي ..دي بردو ايقاعها بحب ارقص عليه جدا ..وطبعا طبعا اغنية يونس بتاعت منير :)

لما يجيبوا سيرتك بالنسبه لي من اجمل ما غنت لطيفه واستحاله واغانيها القديمه عموما ..قمر مااعرفهاش ..بس يكفي انك بتقولي ان فيها شبه من سلاف اللي هي بالنسبه ليا احدي صور الجمال ..
بالمناسبه بقي ..قوليلي انتي برج ايه ..لاني حساكي هاتطلعي كدا والله اعلم جوزاء زيي