Wednesday, August 13, 2008

!أنا مش بس مزة

لفتت انتباهي الحملة التي أطلقتها عدد من المدونات بعنوان أنا مش مزة والتي ترفض هذا الوصف لأنه إهانة للمرأة وتأكيد على موروث ذكوري ينظر لها على أنها وسيلة متعة

رأيي يختلف إلى حد ما عن صاحبات هذه الحملة، فالكلمة كما أراها ببساطة هي المقابل العامي المصري لكلمة
Sexy/hot

من ناحية المعنى لا أرى ضررا من أن يتم وصف امرأة أو رجل بأنهما مثيران، وإن كنت أفهم اعتراض البعض على هذا التوصيف انطلاقا من كوننا مجتمع محافظ لا يسمح علنيا بهذه التوصيفات التى تتعدى مفاهيم الجمال أو الجاذبية.

أما من الناحية اللغوية، فالكلمة بدأ استخدامها فى أوساط اجتماعية معينة، وبالتالي اتسمت في بداياتها بمدلول سوقي شعبي، ولكنها مع الوقت أصبحت تستخدم من قبل فئات اجتماعية مختلفة، وهو ما جعلها في نظري تفقد هذا الطابع السوقي الى حد كبير، لأن الكلمات واللغة بشكل عام تفقد مدلولاتها أو وقعها الأصلي بكثرة الاستخدام والانتشار

هناك بالطبع توصيفات أخرى يتم استخدامها بين الرجال فقط أو بين النساء فقط كمرادف لكلمة مثير أو جنسى، ولكنها تبقى محصورة ولا يمكن استخدامها فى مجال عام أو فى جلسة مختلطة، ولكن كلمة مزة بدأت تأخذ شكلا مقبولا ومستعملا من عدد كبير من الناس كما ألاحظ، إذا فجزء من الاعتراض على الكلمة هو عدم قبول المجتمع المحافظ التوصيف الحسى، وليس لأن الكلمة فى حد ذاتها معيبة أو خطأ

اعتراضي على الكلمة ينبع فقط حين تكون هى كل ما يمكن أن تتصف به المرأة، فإذا وصف رجل امرأة معه فى العمل أو فى الجامعة قائلا مثلا أنها ناضجة وطيبة وبالإضافة إلى ذلك مزة
هل هذا التوصيف مهين أو سلبي؟؟ لا أعتقد، الوصف أرى شخصيا فيه نوع من الإطراء، ولكنى أشعر فقط بسلبية الكلمة إذا وصف رجل امرأة على أنها فقط مزة، أي أنه لم ير في هذه المرأة سوى البعد الحسي، وإن كان هذا أيضا ليس عيبا فأحيانا أول صفة تشد المرأة للرجل هى الوسامة أو الكرم أو خفة الدم، فما الخطأ لو كان أول ما يشد الرجل للمرأة أنها مثيرة؟ إذا شاهد رجل فتاه فى الشارع وقال لصديقه أنها مزة، أو قال أنها جميلة أو رقيقة أو أنيقة أو أو، أليست كلها معاني تعكس أوجه مختلفة للمظهر الخارجي؟ لماذا نقبل أن يقال شيك أو جميلة ولا نقبل مزة؟ السبب هو أن كل ما له صلة بالجنس لا يجب أن يقال أو لا يصح أن يتم التعبير عنه علانية

واحدة معرفة أبدت اندهاشها أن يصدر هذا الرأي منى، وقالت أنها على العكس ترى الكلمة وقحة، فأجبتها أن عدم اعتراضي على الكلمة لا يعنى أن يقولها الرجل للمرأة مباشرة، لأنها مثل أي كلمة أو وصف آخر يجب أن تقال بين شخصين تسمح علاقاتهما بمثل هذه الكلمات وفى الظروف المناسبة، لأنه حتى كلمة بريئة مثل جميلة أو أنيقة لن تتقبلها المرأة اذا قيلت لها من الموظف فى البنك مثلا

الظريف أن نفس الكلمة بصيغة المذكر بدأت مؤخرا فى الاستخدام لوصف الشاب، واعتقد أن شبابا كثر سيسعدون بلقب مز إذا ما تم وصفهم به، وهو استخدام من قبل السيدات أيضا يعكس الحاجة لكلمة تفيد معنى أن الشاب مثير أو هوت كما يقال بالانجليزية دون أن يكون المقصود منها الإهانة أو التقليل من شأن الرجل

43 comments:

Anonymous said...
This comment has been removed by the author.
Anonymous said...

hi ya rose:
2a2olek 7agah 3'areba,ana mesh 3ereft kelmet mozza deh 3'eer mn el internet o emta kaman ba3d ama geet usa hahaha
la2et aslan en el banat bet2oly ezayek ya moza,o beltaly ana ba2et 2a2olhom feh mozaz fe masr wala la2 o ba2et basta3mel el kelma deh 3ady geda2,l3'ayet ama 2ektashaft 7agah,ana 2a7eb artabet b wa7da mozza,la2et en ana 3ashan 2a7eb wa7da lazem tekoon bent nas,mo7tarama,mosaqafa,o 7elwa ya3ny moza,so ana shayfa en dah 3ady bas akeeed ana mesh ha7eb wa7da law bas mozza
yyallas salam ya gameil
ana hanam ba2a3 3ashan ha2abel el mozza el sa3a 7am inshaa allah'
byes

sorry masa7t el commmet el awalany,asl la2t tale3 feh el password beta3ty hahahaha

Unknown said...

الصراحه هو رأي مثير

هاي مدونة فانتازيا مش هيك؟؟اللي بتحارب كون المرأه مزه فقط

المهم؛ شوفي يا روزا؛ بما أنو الحسنه بتخص و السيئه بتعم؛ فأكيد مزه حتضل تنحكى دايمن عالجانب الجنسي بس

بمعنى؛
معظم الوقت تفكير العالم حيكون بهديك الناحيه

أنا شخصيا ما بحس انها كلمه بتزعل؛ يعني وين الغلط انو الوحده تكون جذابه بهذا الشكل؟؟ بالعكس بشوفها ميزه و شي لازم تنبسط فيه مش تزعل!!!!

بس هو زي ما حكيتي؛السياق اللي بتنحكي فيه الكلمه هو اللي بيفرق زي اي حكي تاني

أنا مثلا عمري ما عرفت انو كلمة "مره" عند المصريين عيب كتير غير لما قرأت عن فيلم حين ميسره انو مستخدم مصطلحات جريئة مثل "مره" و لحد هلأ مش فاهمه شو المشكله في الكلمه؛ هون بالأردن بنحكيها عادي جدا و من غير أي عيب

و يا ستي؛ صدقيني نص البنات بتمثل أنها زعلانه من الكلمه مش أكتر؛ بس عشان المجتمع يحكي عنها مؤدبه و محترمه؛ بس أنا متأكده انو من جواهم بيكونو مبسوطين

أحلى سلام لأحلى روزا و ما بدنا نحكي يا أحلى مزه أحسن لا تزعلي:؛ لوول :)

مثليه said...

والله يا روز مواضيعك سكر جدا
هاتي ودنك اقولك نمايه
كان فيه بنت اتعرفت عليها من فتره طويله عن طريق النت
وكنت بتكلم معاها ومعجبه جدا بشخصيتها لانها كانت انسانه مثقفه و عاقله و محترمه و ناضجه جدا قعدنا نتكلم فتره عالنت و بعدين فيوم كنا بنتكلم اننا منعرفش شكل بعض فهي والله لواحدها حطت صورتها فلقيتها مزة والمفروض اننا بنتكلم بدرجه عاليا جدا من الاحترام والثقافه والبنت شايفه اني بعاملها بكل ادب و مش في دماغي غير اننا اصدقاء المهم لما شفت صورتها تلقائيا و بابداء اعجاب انها بنت اموره و ملامحها جميله سالتني هي ايه رأيك فقلتلها مزة وعينك ماتشوف الا النور حضرتك
اتحولت بقدره قادر لدكتور جامعه جاي من الصعيد الجواني ولاقيتها بتقوللي ايه الاسلوب ده و ازاي تقوليلي كلمه زي دي انتي مش بنت انتي شكلك ولد الولاد بس اللي بيقولو الكلمه السوقيه دي فالشوارع والله لا يوريكي يا عزيزتي
طبعا انا ماسكتش
رحت غسلاها بالماء والصابون بأدب طبعا و قولتلها مضمون بوستك بس على توسع و قولتلها انا كنت فكراكي مخك اكبر من كده اعتقد اني كنت في غايه الاحترام معاكي و مصدرش مني اي تلميح من اي نوع بالتالي انتي انسانه اللي بتقوليه مابتعمليش بيه وانا مش ناقصه اتعامل مع معقدين و شكرا و قفشت قفشه كوتش ماشي على الطريق الصحراوي في عز الصيف بعد الكلمتين اللي قولتهم هديت شويه ولكن برضه مصره انه ما يجبش ان الكلمه دي تطلع من بنت مهذبه ودي بس الولاد الوحشين اللي بيقولوها حاولت اهدى وافهمهاان الكلمه مجرد تعبير ملوش علاقه بالشباب الصايع اللي فالشارع وانها مجرد مصطلح تعبيري عن ابداء اعجاب بس بيني وبينك بعدها فهمت ان مخها اللي كنت معجبه بيه ده مصدي و بطلت اتكلم معاها تماما
فكرتيني والله و اول ما بدات اقرى البوست موت من الضحك عشان افتكرت الكلام اللي قالتهولي و ازبهلالي قدام الشاشه وبقرأه

Anonymous said...

BCR

ربما كانت المشكلة الحقيقية للكلمة هى مصدرها

فلأن مصدرها بدأ سوقيا أصبحت مستهجنة .. لأنها أنتشرت أولا على ألسنة السوقة ولا تزال تعطى انطباع بلدى الى الآن

نعم .. لازلنا .. كما فى أى مكان فى العالم بما فيه انجلترا أم البروتوكول طبقات ثقافية مختلفة ولاتندمج بسهولة

لابأس طبعا من مجاملات هنا وهناك بين الرجل والمرأة بما تسمح الظروف

بس مش ضرورى مزة ولا مزّ يعنى



وربما لو كانت هناك كلمة مرادفة بدأت فى صالون محترم لكنا قبلناها

AHMED SAMIR said...

وجهة نظر جديرة بالاحترام
انا كمان مؤيد لها بشدة
فعلا انا لا ارى اي غضاضة في الكلمة دي
الكلمة دي بقى ممكن الولد الصغير يوصف بيها بنت لمامته او باباه
بس هي حملة وموضة ليس اكثر
ثم ان في اغنية بتقول
مش اي حاجة بيضة حلوة تبقى وزة
ولا اي بنت لابسة كت تبقى موزة
فالكلمة بقت كلمة عادية ومصطلح شبه دارج اللهم الا بعض الاسر الغارقة في الانغلاق
تحياااتي

سمـــــــــا said...

ينفع كده برضه يا مززة ؟؟ ههههههههههه

بصى هى الكلمة اول ما طلعت زمان وكان اى حد يقولهالى كنت اقلب شفايفى بامتعاض ولا فردة الشراب

بس بعد سنين ومع الوقت بقت عادى ومش بس كده دا بقى فيه مززة وجامدة وفرس وحِتة وحرف ومش فاكرة ايه تانى : ))

وهو اكيد مش عيب ان الناس تشوف الست سكسى بالعكس دا احساس يسعد اى واحدة لكن اللى مش لطيف انهم يفضلوا شايفينها سكسى وبس على رأى الست ماجدة الرومى :

لماذا تهتم بشكلى ولا تدرك عقلى ؟

والمقولة دى فعلا حقيقية جدا وتجرح اى ست ذكية وعندها شخصية لو كان ربنا اداها شوية جمال او جاذبية يخلوها ملفتة للنظر لكن كمان عندها ذكاء وشخصية ممكن يكونو بيطغوا على الجمال دا ، ومع ذلك تلاقى اللى حواليها مش مركزين فى اى حاجة غير معرفش ايه حلو فيها .... بتبقى حاجة تفرس بصراحة


انا من وجهة نظرى شايفة ان الجمال مطلوب لكن مش الاساس يعنى انا بكون مبسوطة اوى لما يتقال عليا انى جذابة وعندى حضور فى المكان اللى بدخله حتى لو متكلمتش خالص اكتر ما يتقال عليا انى ست جميلة او مززة

لان الحلوين كتير والمزز اكتر لكن ان الست تبقى جذابة وليها حضور دا مش متوافر فى ستات كتير اليومين دول

يعنى ان الست تبقى جذابة وذكية ودمها خفيف وتفهمها كده وهى طايرة احسن مليون مرة ما تبقى ست جميلة ودمها تقيل ويوقف الترماى ، ساعتها اكيد هعلقها من حواجبها فى النجفة وتاخدها وتقع علشان تبقى عِبرة للحلوين اللى زيها : ))

هو دا بقى اللى اسمه حقد زي ما انتى شايفة ، هقضى على الحلوين اللى فى البلد كلهم تحت نفس ذات النجفة

بمناسبة موضوعك دا :

النهاردة كنت فى المكان اللى بدرس فيه ورحت متأخرة فلقيت الكرسى اللى بقعد عليه جنب البنتين اصحابى حد قاعد عليه فقعدت جنب ولد

هو شكله امور كده وكوكو خالص

فمن اول ما قعدت وهو عايز يقول اى كلام ويفتح اى مواضيع

المهم بقى انا عارفة انه اكيد صغير وهو مش عارف انى اكيد اكبر منه بكتير بس مش باين عليا

فقلت له انت فى سنة كام صحيح ؟ فقالى فى ....... وطبعا هو لسة فى الجامعة

فقالى وانتى ؟ قلت له لأ انا تقدر تقولى بعد كده يا طنط

فقالى ليه ؟ قلت له تدينى كام سنة ؟؟ قالى مش اكتر من 24

قلت له لأ فوق شوية قالى 25 ؟

قلت له لأ 29 ونص

قالى مش باين عليكى خااااالص

انتى مش متجوزة مش كده ؟؟ قلت له لأ

قالى ازاى يعنى ؟ قلت له ايه عيب ؟؟ قالى لأ بس يعنى انتى ازاى مش متجوزة ؟

فكان لازم اقفل الحوار دا وخصوصا ان شكله مسبل لوحده وانا طبعا قد مامته فقلت له معنديش وقت اتجوز الحقيقة وبصيت قدامى

فهو فضل باصص فى وشى عايز يشوف بتكلم جد واللا بهرج بس انا طبعا مدتلوش اى رد فعل يفهم منه حاجة فارتبك وسكت

واحنا ماشيين فلقيته بيقولى ثانية واخد الاجندة بتاعتى وراح كتب لى الايميل بتاعه هههههههههه

الكوميدى فى الموضوع ان المدرس اللى ذات الــ 940 ربيعا هو كمان شكله معجب بس انا كنت فاكراه بيستظرفنى عادى يعنى فلما كان الولد بيكلمنى كان عمال يزغر لنا انا قلت يمكن علشان بنتكلم بس الكل كان بيتكلم عادى

انا قلت دى تهيآت وانا نيتى وحشة كالعادة

فطبعا صاحباتى السوسات قالو لى ايه الحكاية الولد اغمى عليه فى ايدك والراجل التانى قاعد مش طايق نفسه وعمال يبص عليكى وطبعا موتنا من الضحك وقلت لهم طب الصغنن ماشى لكن العجوز دا ماله ؟

قلت لهم بس يمكن عادى علشان بنتكلم قالولى ما كلنا كنا بنتكلم بس هو كان قاعد باصص لك انتى ومش طايق الولد ههههههه

على رأى هنيدى الرجالة لما بتكبر بتتهطل

المهم ان موضوع الاعجاب دا ميجيش على دماغى وقت الامتحان )):

شفتى بقى ان الست لما بتبقى مززة احيانا بتيجى على دماغها ؟

Sara said...

عليكي نووووووووووووووووووووور بجد قلتى كل حاجة ورايي زي رايك تماااااااام
وعلى فكرة بجد البنات كلهم بقى لما يشوفوا ولد امور او وسيم على طول تطلع كلمة الواد ده مزة :)

صباح الخير يا مصر said...

blackcairorose
***************
اتفق معكى تماما...و اقول ان اللى بترفض تبقى مزه يبقى المشكله فيها هى اما لو كانت بترفض انها تكون مجرد مزه و بس فانا معها ان ترفض ذلك
يارب اكون نورت المحكمه

تحياتى يافندم

someone in life said...

بلاك كايرو روز
طبعا نظرا للانحلال الثقافي و انتشار ثقافة اهل المهن و لغتهم فكلمة مزة و غيرها اصبحت السائدة و ان كان المعني اشتهاء جنسي بحت و ليس به اي اعجاب بجمال او رقة
فاكرة زمان المعاكسة من الشباب كانت رقيقة و كانت الفتاه تفرح و لو بداخلها لسماعها طبعا نفسي تشوفي عينين راجل و ملامحة و هو بيقول الكلمة دي لست ماشية علشان كدة بقت تنرفز و تحرق الدم
ايضا هل يحترم الرجل الشرقي المرأة في اي شئ ,,, اشك دائما الشهوة تطغي عليه و لا يغازل الا في حالة الاشتهاء
فمن تقبل ان يكون جسدها فقط هو محل الاعجاب .. طبعا المناهضين للحملة قالوا ان مرودي الحمله فيمينست و مسترجلين بينما هم رافضين النظر للمرأة عل انها وعاء لشهوة سي السيد المبجل الرجل اللي ما حصلش .. فاكرة البوست اللي كتبتيه عن الرجل اللي فاكر ان فتيات الغرب هاتموت علية لانه اسمر و لا عضلاته منفوخة ازاي ده اللي بيبص للست كدة و ما بيعرفش يقول لفظ معبر و راقي .. كلمة مستفزة

تحياتي

عين فى الجنة said...

الانثى طول الوقت تبعث رسائل الى من حولها ليس بالكلمات ولكن بالايحاء
فعطر ما او كعب عال وجوب قصير وحمالة صدر تظهر من البلوز الشفاف مع التثنى والضحك المغناج هى رسالة واضحة لا تقبل اللبس ان الانثى تعلن عن نفسها كـأنثى فقط وليس هناك ابعادا اخرى
قد تكون دميمة وقد تكون غير انيقة ولكنها تستحق وصف مزة او اوصاف اخرى لا يجوز كتابتها
واخرى لها تكشيرة ونظرة جادة الى الامام وثوب فضفاض فوقه معطف وقد تكون جميلة ومثيرة ولكن الرسالة التى تبثها الى من حولها هى انا غير مهتمة انا لرجل اخر او انتظر زوج اسمع منه وحده كل الكلمات المباحة وغير المباحة
هكذا العيب فى الرسول وليس العيب فى الرسالة

Desert cat said...

صديقتى الجميلة
من وجهة نظرى المتواضعة جدا ان المشكلة اصبحت ان الكلمة دارجة وعلشان العامة والخاصة
بمعنى ان اى حد واقف فى اشلارع بينادى بيها اى وادة ماشية قدامه
حتى لو طفل ومنتشرة اوى بين فئة السواقين وده معناه نظرته المرأة ايه مش فى انهى مثيرة انما نظرة ليها بتكون بمفهوم وقصد تانى وده اللى اساء فهم الكلمة
تحياتى يا جميله

emraamethlya said...

أنا كمان بستخدم كلمة "مزة" و شايفة أنها معبرة و مش سوقية و لا حاجة لو في ست حلوة تبقى مزة و لو في راجل حلو يبقى مز و الجمع في الحالتين مزز


سما عندي سؤال إزاي ممكن أقرا البلوج بتاعك

Anonymous said...

seorry ya rose"
ana 3ayza 2as2al semo 3ala 7aga:
semo ya gen ya qaheret el blogat,fenek ya bent o feen nardeen ba2aly kteer mesh 3arfa 7aga 3anko,guys,invite me to ur blog as i am sure its as good as the old one
o ba3deen betzakry 2eh ya 3afreta/........
salamoz

سمـــــــــا said...

معلش يا روزا كلاكيت تانى مرة

انتى عارفة بقى لازم اجى ازعجك كل شوية انتى بتحبينى اعلق وانا بزهقك انتى والناس كمان

اسمحيلى ارد على العزيزتين امرأة مثلية وسولا العفريتة


اولا العزيزة امرأة مثلية

مبدئيا اسمحيلى احييكى على البلوج بتاعك واللى كان اول مرة ادخله من كام يوم وكانت اديتنى اللينك بتاعك واحدة صاحبتى فدخلت قريت الموضوع اغمن عليا فملحقتش اعلق هههههههه

طبعا انا بهرج الموضوع هايل وجرىء وعجبنى وضحكنى ، وفى نفس الوقت خلانى افكر كتير اوى فى حال الفئة دى من البنات وليه اخدو القرار دا وحاجات تانية كتير المهم يعنى ان الموضوع قوى جدا

بالنسبة يا قمر لموضوع سؤالك عن البلوج فانا حاليا معنديش بلوج بس كان فيه مع الانسانة اللى كنت مرتبطة بيها قبل كده والحقيقة البلوج كنا قفلناه من فترة ودلوقتى سيبنا بعض خلاص فممكن فى يوم من الايام اعمل بلوج لوحدى مع انى بستمتع برضه بالتعليق عند الناس وانى ازهقهم فى عيشتهم زي روز كده :))

تحياتى يا جميل واشكرك على السؤال



ثانيا : العزيزة اللذيذة سولا

يا باشا احنا مش قلنا انى سيبت ناردين خلاص ؟؟ لازم اعزفها على الربابة واللا ايه ؟؟ :))

يا جميل البلوج دا كان حاجة تجريبية هى عملتها علشان لو هنعمل بلوج بس انا مكنتش عايزة اعمل بلوج دلوقتى فمفتحناهوش بس تقريبا هى فضلت سايباه على البروفايل

بس انشاء الله هتلاقيها عاملة دويتو مع صاحبتها الجديدة تابعيها بس الله اعلم هتغير اسمها واللا هتفضل بنفس الاسم :)

ميرسى على سؤالك يا قمر وربنا يخليكى لمصر

______________


معلش يا روز بقى انا مزهقاكى انا عارفة بس قدرك هتعملى ايه

Anonymous said...

semo ya 3afreta:
ooooops walah i dont know,sorry for that,but inshaa allah she will back to you soon.
if not kol she2 ya semo esma o naseeb o mesh tez3aly,bas keda ya3ny lama anzel masr hashoufek wala no,.....
yalla ya semo donia
sa7e7,eskoty mesh ana mezabata mozzeten now o el 3'areba en ana ba7eb el etneen o me7taga el etneen fe 7ayaty,they are 2 diffrent personalities,teftekry yenfa3 keda wala no............,o betzakary 2eh now ya semo ya gen
el so2al dah mowagah l rose bardo,yenfa3 2a7eb 2 o akoon ma3a el etneen wala no
asl ana 2alby kbeeeeeeeeeeeeeeeer awy
salamoz ya mozaz

سمـــــــــا said...

سورى يا روز انتى عارفة هواية سولا فى الرغى :))


بصى يا قمر


موضوع صديقتى السابقة خلاص انا محبش اتكلم فيه لانه انتهى للابد وبدون
رجعة وكمان هى مرتبطة دلوقتى فمينفعش اى نقاش فى الموضوع دا . أووووفر


لما تيجى مصر بقى ابقى بلغينى انتى معاكى ايميلى ونبقى نتقابل ان شاء الله


انا يا ستى بعمل بدايات دراسة تسويق فى الجامعة الامريكية ادعيلى ربنا يدينى الصحة وينفخ فى صورتى :))

موضوع الارتباط انا مش بفكر فيه دلوقتى على الاقل الا اذا قابلت واحدة تخطف قلبى وعقلى مع بعض واعتقد دا مش سهل معايا لانى دايما اللى بتعجبنى بتخطف اما قلبى او عقلى لكن الاتنين لسة مقابلتهاش او يمكن موجودة وانا اللى مش مركزة ههههههههه


موضوع الاتنين اللى فى حياتك فيا بختك بيهم انا بحسدك ناس هايصة وناس لايصة هههههه طيب ممكن تسلفينى واحدة مؤقتا؟؟ هرجعهالك تانى واوعدك هتبقى استخدام طبيب

لاااااااااااااااااااا انا بهرج اوعى تفهمينى غلط انا على فكرة من محبذى الاستقرار دايما لانى بكره التوتر والمشاكل وانى ابقى كل كام شهر مع حد وعلشان انا مش بحب بسهولة فمش بسيب بسهولة الا اذا مبقاش ينفع حل غير الانفصال

فاكيد انا لو فكرت ارتبط تانى هيكون مع حد اكون واثقة مليون فى المية انه هيبقى الاخير ولو حسيت لحظة انه مش الاخير يبقى عمرى ما هرتبط ولا هعلن ارتباطى

بطلى زن باسئلتك بقى هههههههه

سلام يا قمر

Anonymous said...

semo ya 3afreta;
ezayek ya geneya,3aw
mashy ya sety inshaa allah hat7'alasy el master elly enty beta3meleh dah,ana feh wa7da sa7ebety 2a7'adeto bardo mn el AUC if u wanna her to help u she is a very nice person 3ala fekjra o sakna fe nasr city zay 7adretec
asl 3arfa ya semo el teneen bgad fehom 7agah shadany ,3omoma2 kolo hayban lama anzel masr next year inshaa allah
bas ya bent hate3zemeny 3ala asab wala no
about nardeen rabena yewafa2ha bgad o yekeremek enty kaman,rakezy bas fel mozakrah beta3tec 3ashan tela2y job with better money 3ashan lama aznel masr 2ala2y 7ad yedfa3ly taman el 2asaba
yalla salama ya mozza

سمـــــــــا said...

يا روز ابوس ايديكى هاتى رباط حطيه على ايدين سولا علشان هتشلنى خلاص هههههههه


يا سولا هتموتينى ناقصة طول وانا قصيرة لوحدى ، الكلام دا ابقى قوليه فى الايميل ، انتى ناقص تقولى فى انو شارع وتليفون البيت !!!!

ارحمينى واسكتى بققققققققى

:))

يا حبيبتى بتحبى اتنين ؟؟ والاتنين اصلا متعرفيهومش ؟؟؟

سولا اسكتتتتتتتتتتتتتى

القصب مقدور عليه لكن اوعى تكونى راسمة على كوكتيل واللا حاجة هتبقى حطيتى نفسك فى مأزق

:)))


سولا اسكتتتتتتتتتتتتتى

مترديتش تانى هموتك

:))

Anonymous said...
This comment has been removed by the author.
Anonymous said...

hahahahahahha
rose rabatet 2edy bas ana faketha tany,dana sola el gen ya benty
sorry walahy ya semo i didnt mean meantion these things bas ana bat3amel 3ady ya fandem,bas 3omoma2 law 3ayzany 2a7ot telephone el beet o esm el share3 7otehoom enty bas o dont worry :)
asl ya semo ana 7'las bgad nazla masr next year inshaa allah f lazem yekoon feh mozza mestaneyany wala 2eh ra2y 7adretec,o bgad homa el etneen welad nas menhom wa7da famous awy o dah elly me7'awefny mnha sara7ah
dnt worry howa 2asab o yemken sandwich mn abo ramy
yalla study well ya bent o law 3ayza any books mn hena ana ta7t amrek aslohom hena cheaper aslan,i know en homa fe masr expeinsive
salam ya gamiela

Yasmine said...

هى المشكلة مش فى الكلمة اللى حتى البنات بقوا بيقولوها لبعض..المشكلة فى العقول القاصرة على انها تستوعب ان الست عندها حاجات تانية تستحق انها تتعرف غير جسمها و شكلها.. ما يمنعش انها كلمة مستفزة و ساعات كتير بحسها مهينة اوى للبنت..بس ما جاتش على دى مفيش اكتر من الكلام اللى بيدل على النظرة الدونية للست فى مجتمع سطحى ما بيشوفش غير اللى بره

blackcairorose said...

سولا

الكلمة عرفتها اول مرة من حوالى عشر سنوات، بس كنت بفتكر ان معناها واحدة صايعة، وطبعا كانت الكلمة وقتها توحى تماما انها كلمة لا تستخدمها سوى طبقات دنيا من المجتمع، وكنت لا يمكن انى استخدمها أو حتى ارتاح عند سماعها

ولكن مع مرور الوقت اختلف الموضوع، ولقيت ناس من مستويات مختلفة بدأوا يستخدموها، وفهمت معناها الصحيح، وبدأت شوية بشوية أجد أنها فقدت الانطباع السلبى للغاية الذى كانت تتركه لدى

وبالتالى بدأت اجدها اقل قبحا شوية بشوية ودلوقت بشوفها الى حد ما كلمة عادية

اما بالنسبة لموضوع الاتنين فرأيى انه ممكن جدا ان نعجب بشخصين، ونحس بميل او انجذاب أو حتى حب فى نفس الوقت تجاه شخصين لان كل منهما يثير اعجابنا فى جوانب معينة، بس فى نفس الوقت من الخطأ الاستمرار فى العلاقة مع الشخصين، يعنى ضرورى نفكر ونقرر ونسيب عقلنا وقلبنا يوجهونا للاستمرار فى علاقة واحدة منهم ، بس الاستمرار فى علاقتين هيحكم بالفشل على العلاقتين فى رأيى

ولا انتى شايفه ايه؟

blackcairorose said...

مياسى

كلمة مرة هى كلمة ليست سبة ولكنها كلمة ليست مهذبة فى المجتمع المصرى

ولكنها ايضا تستخدم من قبل الفئات الدنيا فى المجتمع من غير مشكلة مثلها مثل كلمة أخرى تصف المرأة وهى كلمة وليه بالشدة على الياء

ولكن بما ان لغة التخاطب واللغة المسموحة والمقبولة فى الاعلام فى المجتمع المصرى هى عادتا لغة الطبقة المتوسطة فى المجتمع، فبالتالى لغة الطبقات الدنيا أو حتى اللغة الريفية ومفرداتها تعد غير مقبولة والامثلة كثيرة بين كلمات تقال فى بعض الطبقات الادنى فى المدن او فى الريف لكن لا يمكن استخدامها ابدا فى لغة التخاطب فى الطبقة المتوسطة وما فوق او فى وسائل الاعلام

يعنى تستطيعى ان تقولى أن الامر مرتبط باللغة من ناحية وعلاقتها بعلم الاجتماع من ناحية ثانية

هذا الموضوع على فكره أراه شيق جدا وشكرا لأنك فتحتى الباب لنتحدث فيه

طبعا أعلم أن فى سوريا ولبنان والاردن كلمة مرة كلمة عادية، كفاية أن فيروز فى أغنية ضاق خلقى بتقول

مين قالك تضحك ع مرة!

اليس كذلك؟

blackcairorose said...

مثلية

إنها ترفض الكلمة مفهوم، فهناك من يرفضها، ولكن انها تقفش بالشكل ده ، فى قاموسى يعد نوع من التزمت أو ضيق الافق

وعموما أرى البساطة وتناول الامور بسهولة حتى الامور التى أرفضها أو لا أوافق عليها علامة على نضج الشخصية

اعلم ان كثيرين قد يختلفون مع هذا الرأى ولكن شخصيتى هكذا، اكره التزمت او الحدة حتى ولوكانت فى الجانب الايجابى

ومرسى ياعزيزتى على تعليقاتك اللى دايما بتكون لذيذة وفى محلها

blackcairorose said...

شريف

ولكن لا يمكن أن تخرج كلمة مثل مزة او حتى شبيهة بها من حيث المعنى من صالون محترم

وذلك لأن الفئات الدنيا فى المجتمع هى عادتا اكثر الفئات التصاقا وقدرة عن التعبير عن غرائزها دون قيود

الفئات الدنيا ستكون اكثر حرية فى التعبير عن الغرائز، فى حين أن الفئات العليا ستكون اكثر قدرة على التعبير عن جوانب اكثر كمالية أو مادية أو أكثر بعد ثقافيا

لذا فكلمة مثل موبايل أو كلمة مثل ستايل مثلا ستنتشر من اعلى الى الاسفل ولكن كلمة مثل مزة تصعد من اسفل الى الاعلى

وعلى فكرة

هناك فى فرنسا لغة شارع موازية للغة الفرنسية المعروفى اسمها

argot

هى لغة تكاد تكون متكاملة بمفرداتها وتعبيراتها ابتدعها الحرفيون والعمال والمهاجرين والشباب فى الشارع وتوصف بأنها لغة كما يقال بالانجليزية

rough

ومقابلها عندنا فى مصر التعبيرات الجديدة مثل مزة وطحن الى اخره ولكنها فى فرنسا اكثر تكاملا وانتشارا، ورغم اجادتى للفرنسية الا انى لا استطيع باى حال متابعة حوار بهذه اللغة

blackcairorose said...

أ . سمير

بجد؟ من يغنى هذه الاغنية؟ لم اكن اعلم انها وصلت للاغانى لول

blackcairorose said...

سما

اكتبى براحتك على الاخر يا قمر البيت بيتك

ظريف موضوع الطالب والاستاذ بس الاستاذ برضه ينفع وقت الامتحانات على الرغم من انه تسعمائة سنة ربيعا زى ما قلتى لول

ابقى تابعينا باخبار الطالب الكوكو وبقترح مبدئيا انك المرة الجاية تقوليله انك كنتى بتهزرى فى موضوع سنك وان عمرك اقل من عمره بسنه ونص

واجهزى بقى!!

blackcairorose said...

سارة

أهلا بيكى وشرفتى المدونة

فى انتظار مرورك وانتظرينى فى مدونتك أكيد

وخالص التحية

blackcairorose said...

صباح الخير يا ايجيبت

طبعا نورت المحكمة

والمدونة كمان كالعادة

blackcairorose said...

Someone in life

الجرآة فى التعبير عن الاعجاب مؤكد أنها مظهر من مظاهر التغيير فى سلوكنا بشكل عام والتى تشمل مظاهر متناقضة لاقصى درجة، وفى رأيى أن مزة ربما هى كلمة من عشرات الكلمات التى لم تكن موجودة فى قاموسنا من عشرين سنة ولكن مع التغييرات فى المجتمع كان لابد من كلمات تعكس هذه التغييرات بما فيها طريقة تعبيرنا عن البعد الجنسى او الحسى للاعجاب

وبالنسبة للمعاكسات فى الشارع فخلينى اقول انها غير مقبولة، ولكن مع ذلك الكلمات الجارحة والجريئة تسبب أذى نفسى أكثر من كلمات الاعجاب العادية
والامر حتى بدون كلمات فنظرة مؤذية وجارحة تكفى

blackcairorose said...

راجى

الرسالة تصل ولكن رد فعل المتلقى هو أيضا امر هام جدا

أرجو الا يفهم دفاعى عن الكلمة بأنها دعوة لتأكيد البعد الحسى فى نظرة الرجل للمرأة، ولكنى اقول ببساطة ان الكلمة لم تعد بالسؤ الذى كانت عليه فى بدايتها، كذلك فهى تعكس معنى لم يكن المجتمع يستطيع من قبل التعبير عنه بسبب الطابع المحافظ للمجتمع

blackcairorose said...

قطة الصحراء

بالضبط يا عزيزتى اتفق معك

الكلمة مجرد الان اصبحت تقال علانية وكانت من قبل لا تقال علانية ولكن الرجال كانوا يشعرون بها دون وجود لفظ ـ مقبول الى حد ما ـ يمكن ان يعكس هذا المعنى

ولا تناقض بين مثيرة وبين قصد تانى؟

الا ترى ذلك؟

blackcairorose said...

امرأة مثلية

اللفظ حتى الاوساط العليا من المجتمع يقال الان، ولا ادعى انه مقبول من الجميع ولكن فعلا فيه طبقات مختلفة تستعمله وهو الامر الذى اثار اهتمامى وملاحظتى

خالص التحية

blackcairorose said...

بنوتة مصرية

اهلا بيكى واسعدنى مرورك وتعليقك

والحكم المظهرى اصبح هو العادى الان ربما لوجود اشكال ومظاهر مختلفة لافراد المجتمع

يمكن فى الماضى لما كانت الناس سلوكياتها الخارجية متشابهة الى حد كبير، كان من الصعب الحكم خارجيا على الناس، ولكن الان مع وجود اشكال من اقصى اليمين الى اقصى اليسار اصبح الشكل لدى الكثير من افراد المجتمع دلالة على امور اكثر عمقا سواء كان هذا الانعكاس حقيقى ام لا

مرض من ضمن عشرات الامراض التى اصابت مجتمعنا فى العقود الاخيرة

طارق هلال said...

حمد الله على السلامة روز
أنا لا أرى داعى لأن ينادى أو يصف رجلا أمرأة بالمزة لأن مدلولها غير طيب ، حتى وإن كانت الإطراء على جمالها أو شخصيتها المنفتحة أو حتى على ضحكتها
الوصف سطحى ... ودى مشكلة
زى اللى بيحكم على الناس من جزمتهم أو عربيتهم
وحتى لو قال للمرأة انها ذكية ورقيقة ومزة فإنه يتدخل فى منطقة ووصف لم يكن له التحدث فيه

اذن ما أراه هو أنه بدلا من الاستعداد لقبول الوصف أو حتى محاربته هو معرفة أن الذوق العام هو الذى اعتل باعتياده ألفاظ مثل هذه

والمشكلة لو حاولنا نعممها أكتر ممكن نقول ان كل تصرفاتنا أصبحت عدوانية حتى لو كنا نريد البوح بحبنا أو المجاملة فنختارالكلام الروش وخفة الدم وهى تجعل الشعور بالمسئولية غير موجود وتفقد الكلمة قيمتها

----
تحياتى لك

He and She said...
This comment has been removed by the author.
He and She said...

I am so amazed Rosa. This is one of your best posts ever. I read it once because I like to read to you ( You know that hah!). Then I read it another time slowly, lick by lick to enjoy it like a delicious ice cream in a hot day. Then I read it a third time with a critical eye. Finally I developed that mental and emtional reaction " Well Said My Lady" I am also so impressed by many of the comments. You confirmed my belief that whatever irrational fiminists try to brain wash the world against the nature there would always be women who enjoy being treated as feminine. I do not know why after I read your post I went to listen to Aretha Franklin top song " You make me feel like a natural woman"

Anonymous said...

rose ya rose:
ya3ny enty shayfa en ana lazm a7'tar wa7da fehom,tab law 2oltelek en ana mesh 2adra o bgad me7taga el etneen awy fe 7ayaty,wa7da menhom mosaqafah awy o 3asola awy o bgad ana ba7ebaha awy,o el tanya ra2e2ah awy o tayeba awy o 7enayena awy 3alaya
2a7'tar meen fehom ana ba2a
mmmmmmm
salam ya gamiela

blackcairorose said...

ارابيك ايد

الله يسلمك

اسمح لى اختلف معاك لأنى أرى ان هناك رأى فى مظهر الانسان ورأى فى جوهره، يعنى من حقى أن اقول على شخص أنه قبيح او جميل او شيك أو مبهدل أو مثير أو منفر الخ

ليس هناك خطأ فى اعطاء رأينا فى كيفية نرى الاشخاص خارجيا قد يكون سطحيا كما قلت ولكن ذلك لا يعنى انه غير حقيقى

ويمكن أيضا اعطاء رأينا فى شخصياتهم وهو الامر الذى يحتاج لوقت وتعامل واحتكاك

الرأى طبقا للمظهر ليس خطأ ولكن الخطأ أن تترك المظهر يتحكم بطريقة لا موضوعية فى رأيك فى الشخصية، كأن تتأثر بعدم جمال الوجه فلا ترى جمال الشخصية، او تتأثر بجمال الخارج فتظن تلقائيا أن الشخصية على نفس الدرجة من الجمال

وكل حكم ورأى له وقته، لا استطيع الحكم على شخصية انسان الا بعد التعامل ولكن ممكن ان اعطى رأيا فى شياكة الشخص من مجرد النظر اليه

كلا الرأيين الظاهرى والداخلى لهما صحتهما طالما لم يؤثر كلا منهما على الاخر

اسعدنى مرورك واطيب التحية

blackcairorose said...

He&she

Thanks for your nice words.

Feminist? hmmm I do not know how would I exactly qualify myself but as you see even lesbians, who are usually viewed as the epitome of feminisim, do not frown upon the word.

By the way your blog is so heavily loaded with videos etc, I tried many times to comment but there was always error feedback page.

I will try to log on to your blog again.

Best regards

blackcairorose said...

سولا

شوفى ايه رأيك فى حادى بادى؟

لول

maxbeta3zaman said...

يانهاراللو دانا كاتب فى البلوج بتاععى قصيدة زجليه فيها كلمة مزه ولم أكن اعنى بها سوى البنت الحلوة فقط دون علمى انها تحمل معنى سلبى لدى الجنس اللطيف ...كنت فقط سعيدا بالجى ميل وحييته بتلك الأبيات الركيكة -بالكاف وليس القاف
كمان فيه تمثيلية كانو قالو فيها:- الواد المز عمرو دياب
يعنى الحكاية ماشيه على النوعين " "