Saturday, April 5, 2008

CVتفاصيل لا أذكرها فى الـ


ـ رنة موبايلى تقليدية، لم أضع أبدا أغاني
ـ أحب الجيبات القصيرة
ـ أكره ألوان الشعر وألوان ظلال العيون الفاقعة
ـ أحب ألوان الحوائط البيج، والستائر البيج السادة بنفس لون الحائط، مع ألوان الأثاث البيج والنبيتى والأزرق
ـ أحب أيضا النباتات داخل المنزل
ـ أوافق لو لي ابن أن يرتدى قرط (حلق) في أذنه أو يعمل ذيل حصان لشعره، ولكن سأبدى عدم ارتياحي لو عمل تاتو
ـ أوافق لو ابنتي أرادت ارتداء البكينى، ولكن سأعترض لو تأخرت خارج المنزل أو تحدثت طويلا فى التليفون
ـ أكره المسلسلات المصرية
ـ بموت فى فيروز، بس برضه مبعترضش على روبى
ـ أعشق الأكلات التقليدية البامية والملوخية والمحاشى بأنواعها، والأكلات الشعبية من طعمية وممبار وكوارع وكشرى
ـ ثلاث دول أتمنى زيارتها: المغرب واليونان وروسيا
ـ أصاب بالإحباط بسرعة
ـ أحب مصاحبة الشخصيات غير التقليدية، رغم أن جوانب كثيرة من شخصيتي أراها تقليدية
ـ أصعب الفروض الصيام، وأسهلها الزكاة
ـ عندى مشكلة فى التركيز منذ الصغر
ـ أحب البحر لكن أكره لزوجة رمال الشاطىء
ـ أعشق الكلاب (كان لدى فى فترة ما ثلاث كلاب فى المنزل) اما القطط فلا محبة كثيرا بيننا
ـ سعاد حسنى أروع من فاتن حمامة، وفيروز تمسنى أكثر من أم كلثوم
ـ هانى سلامة أكثر وسامة من أحمد عز
ـ أحب ملاءات السرير الفاتحة اللون
ـ شايى وقهوتى بدون سكر أو لبن، ولكن أحب قطعة شوكولا قبل القهوة
ـ أفضل الفضة أو البلاتين عن الذهب
ـ الأكل الحراق متعة!
ـ الزجاج النظيف للنوافذ دليل نظافة المنزل
ـ لا أرتاح عند التحدث مع مصريين بلغة أجنبية
ـ لا أحب البطيخ وأحب الكانتالوب
ـ أخلع الحذاء أو الشبشب قبل السير على السجادة فى منزلي
ـ أمسك مقابض أبواب الحمامات فى الأماكن العامة بورقة كلينيكس
ـ لا أصدق أغلب ما يقوله الفنانون فى أحاديثهم الإعلامية
ـ أعتقد أنى اقرأ معاني نظرات العيون جيدا، حتى لو كانت النظرة لجزء من الثانية
ـ أجد نفسي أحيانا (وبطريقة لا تصدق) أقع فى غرام أشخاص لا تنطبق عليهم معاييري السابقة للشكل والمظهر، وأحيانا يكونوا مناقضين تماما لهذه المعايير
ـ أجد صلع الرجل جذابا خاصة لو كان لديه شارب، ويأسرني الشعر الطويل للمرأة والعيون العميقة
ـ أغسل يدي مالا يقل عن ست أو سبع مرات يوميا
ـ الجلوس عند الكوافير يقتلني مللا، وكذلك الاسترخاء فى المياه الدافئة فى البانيو يصيبني بالملل ولا أجده متعة عكس ما يراه الكثيرون
ـ لا أحب السلام باليد
ـ لو أحسست بانجذاب نحو شخص أمامي، أحيانا كثيرة أعامل هذا الشخص بالذات ببرود (عقد!)
ـ حب بلا جنس متعة ناقصة، وجنس بلا حب متعة لحظية
ـ لو شاهدت فعلا شخصا يفرغ ما في معدته، أفرغ أنا أيضا لا إراديا ما في معدتي على الفور
ـ أنظر لنفسي فى مرايات الفاترينات والسيارات فى الشارع
ـ لا أحب العطور بشكل عام، وأضعها تحت اضطرار دون أن تكون نفاذة
ـ أول ما أرتديه من ملابسي الجوارب
ـ عندما أبدأ فى حكاية موضوع أدخل فى قصص فرعية كثيرة تشتت من يسمعنى
ـ حين أرتاح فى حذاء ما، أرتديه أغلب الوقت حتى لو لدى أحذية عديدة أخرى
ـ المنزل يجب أن يكون أفضل من السيارة، أندهش ممن ينفقون الكثير على شراء سيارة فى حين انه يمكن تحسين المنزل وشراء سيارة بسعر أقل
ـ أجمل قبلة تلك التي تحت الأذن
ـ لا أضع ملحا فى الاومليت، الجبن البيضاء مع البيض هى ما يعطيه الطعم
ـ أخلع حذائي تحت المكتب فى الشغل دون أن يراني أحد
ـ الزرافة أجمل الحيوانات
ـ البادى التايجر والجيب السوداء القصيرة والشعر الكيرلى المنسدل هو زيي الوطني
ـ لا أعطى نقودا لشحاتين الشوارع
)ـ أحب الغناء وأنا أقود السيارة (قبل زمن الموبايل كان الناس يظنون أنى أحدث نفسي
ـ أحيانا حين يعتذر لي شخص عن موقف، أدعى أنني لا أتذكر أصلا الموقف
ـ لا أستطيع تركيز النظر في عيون الأشخاص الذين أتحدث معهم
ـ رغم مرور سنين ولكن حتى الآن، لا أستمع لأغنية بتونس بيك دون إحساسي برغبة شديدة فى الرقص
.
.

56 comments:

Desert cat said...

تقريبا انا متشابهه معاكى فى نقطة عن الاعجاب بشخص اتعامل معاه ببرود ..
بقول انا لو اتعاملت معاه باهتمام هلفت انتباهه ههههههههه

مثليه said...

فيكي شبه كبير من ملامحي غير اني معنديش وسواس قهري فالنضافة يمكن كنت كدة بس الاحتكاك بمختلف الطبقات غير فيا ده
وموضوع البادي والزرافة كمان يمكن مش شبهي لكن الباقي قريب قوي لدرجة اني حسيت انك بتتكلمي عني

Anonymous said...

عاشقة فيروز
مغرمة السحر

موش هاقول باشبهك
لان عشاقها لا يختلفون فى حبها
بس اسمحى لى ان اهدى لك صوت ملائكى من مدرستها
لينا شماميان
http://www.mawaly.com/music/syria/lina_shamamian/albums/
منذر

someone in life said...

مرحبا
هذا سي في خاص جدا يوضح من هي بلاك كايرو روز و كيف تبدو و يزيح شئ من الغموض الذي يغلفك .. تحياتي

سمـــــــــا said...

ىاستحملى طول الرد يا روز بس انا شايفاه فرصة حلوة ان الناس تعرف بعض اكتر حتى ولو كان فقط من خلال كومينتات

-انا بعمل دايما اغانى للموبيل بس مش ماشية على الموضة يعنى دايما بقص انا الاغانى اللى بحبها ببرنامج لنفسى واعملها نغمات
- بحب الجيبات القصيرة والبلوزات اللى صدرها حرف 7 كبير :)
- بحب اغير لون شعرى واخرها النهاردة عملته لون غامق مايل للاسود وقبل كده كان احمر بس بكره برضه ظلال العيون الفاقعة وبفضل الكحل والمسكرة السودا
- بحب الوان الحوائط البيج والسيمون الفاتح بس يكون فيه ركن فى الحائط بلون تانى غامق واللون بيتوقف على شكل ولون الاثاث بس بتفق معاكى فى الالوان النبيتى والازرق لانها من الالوان المفضلة ليا فى كل حاجة بس البيج مش بحبه اوى عموما
- بحب النباتات والورود اوى ونفسى اسكن فى بيت يكون فيه جنينة انا اللى اهتم بيها بنفسى
- لو ابنى لبس حلق هولع فيه لكن ممكن يعمل ذيل حصان علشان ابقى اخد منه التواك البسهم انا اما بالنسبة للتاتو امممممممممم مفيش مانع بس ميكونش دائم علشان لو اتمسك تحرى محتاسش انا وراه فى الاقسام
- اوافق بنتى ترتدى البكينى لانى ارتديه شخصيا ولكن مقبلش انها تتأخر برة البيت مش بحب البنت اللى بتسهر برة لوحدها بس ممكن تتكلم فى التليفون براحتها لو هتدفع الفاتورة :)
- اموووت فى الفرجة على روبى بس احب اسمع عبد الحليم
- ذوقنا واحد فى الاكل وكده انا جوعت
- نفسى ازور لبنان وايطاليا وفرنسا
- بحبط بسرعة بس بفك بسرعة اكبر
- احب مصاحبة الشخصيات الغير تقليدية لكن بشرط تكون محترمة لانى مؤمنة بمبدأ المرأ على دين خليله
- زمان كانو بيسمونى رويتر لان ذاكرتى كانت حديدية دلوقتى بقيت مسز زهايمر
- من اجمل لحظات حياتى وانا نايمة على ضهرى فى البحر وباصة للسما .. بس من غير ما الشمس تخرم عينى
- مثلك اعشق الكلاب ولكن الاليفة مش المتوحشة ومش بحب القطط ابدا الا اذا كانت لسة نونو
- بعشق سعاد وفاتن وهند رستم وحاليا بموت فى منى زكى يمكن علشان بحس انها بتجمع شقاوة سعاد ورقة فاتن وجاذبية هند ودا من وجهة نظرى طبعا لان تقريبا محدش فى مصر بيحب منى زكى وشايفاها زي القمر غيرى
- والله انا سعيدة بيكى جدا لانى بموت فى هانى سلامة من اول لقطة ظهر فيها شايفة انه زي القمر واحلى راجل فى السينما حاليا ، ومبدأتش ابلع دم احمد عز الا فى فيلم ملاكى اسكندرية والرهينة
- ماما هى اللى بتتولى امر ملاءات السرير دا ومعتقدش انى عمرى ركزت فى لونهم حتى لو جداد ودا بيصيبها دايما باحباط منى .
- عمرى ما جربت اشرب القهوة من غير سكر ابدا ممكن اموت فيها وقهوتى سكر زيادة
- زيك بحب الفضة و لغاية ما خلصت ثانوى رافضة البس دهب كله كان فضة بس لما بدأت اشتغل حولت للبلاتين بس برضه جبت دهب وساعات بلبسه لكن مش بحبه
- الاكل الحراق قمة المتعة بس تأثيره على معدتى بعد كده بيكون نقمة :(
- مبحبش ابدا انضف البيت لكن بحب اطبخ ومش بزهق من وقفة المطبخ ابداااااااا
- برتبك وافقد تركيزى لو اتكلمت مع مصرين بالانجليزية وطبعا قلت الانجليزية لانها الوحيدة اللى ما زلت اجيدها لكن الالمانية والفرنسية انتقلو للرفيق الاعلى الفاتحة على روحهم :)
- اعشق البطيخ واكره الكنتالوب عماااااااااا
- اخلع الحذاء قبل السير على السجادة بأوامر عليا من الماما
- أقرا معانى العيون كويس واحب لغة العيون جدا
- ضحكنى اوى موضوع انك ممكن تقعى فى غرام اشخاص لا تنطبق عليهم معاييرك اطمنى مش لوحدك عملتها قبلك كتييييييير
- بنهار نفسيا من الرجالة ام شنب ولو لابد من شنب يبقى يربى دوجلاس لكن شنب طالع لوحده كده نووووو واكيد مش هستحمل صلع كمان يعنى كفاية عليا الشنب :) ، وكمان ذوقنا فى النساء واحد
- بغسل ايدى 500 الف مرة فى اليوم لدرجة انها بدأت تصغر :)
- مش بحب اروح للكوافير كتير بفضل اسرح شعرى فى البيت بس لو رحت الكوافير لازم اتعصب لكن بعد لما بيعمولولى واحد نسكافيه رشوة بقعد ريلاكس وارغى مع الولد ، مبحبش اقعد فى البانيو لكن بستمتع باحساس مية الدش على جسمى وافضل واقفة تحته لغاية ما المية تتلج عليا .
- مش بحب السلام بالايد علشان بيكون بارد بدخل ابوس على طول :)
- غالبا لا انجذب الى شخص اولا دايما الطرف الاخر ينجذب ليا وانا اخد بالى واكرهه فى عيشته انه اعجب بيا من الاساس :)
- طالما احببت الحب العذرى واراه صورة للنقاء بشكل او باخر ولكنى لم امانع فى ممارسة الجنس بلا حب
- انا كمان ببص فى اى مرايا تقابلنى طول الوقت سواء فاترينة او سيارة ودايما ناردين تقولى يا ستى قمر بصى قدامك بقى بدل ما تلبسى فى شجرة :)
- اعشق العطور واختارها بعناية شديدة واختار ما يشبهنى
- اخر ما ارتديه من ملابسى الجوارب الا اذا كانت كولون فارتديه اولا
- فيه ناس ربنا يكون فى عونهم بيقولو انى ممتعة وانا بحكى اى موضوع ، تقريبا بندمج اوى وببقى فاضل امثلهم الموسيقى التصويرية
- دايما بمسك شنطة واحدة رغم انى عندى شنط كتير منهم براندات وكذلك فى الاحذية لكن دايما حاجة تلاقينى بحبها ومسكاها طول الوقت بس انا عكس كده فى الملابس .
- القبلة تحت الاذن وفى الرقبة تقتلنى احساسا وهناك قبلة اخرى تقتلنى ضحكا :)
- اخلع حذائى تحت المكتب وخصوصا لو كان كعب
- اعطى نقود كتير لشحاتين الشوارع رغم علمى ان معظمهم مش هيكون محتاجاها بس انا للاسف بتأثر وبدفع برضه
- دايما بغنى بصوت عالى وانا سايقة ( الله يكون فى عون ناردين بس هى مقتنعة ان صوتى حلو مش عارفة ازاى وساعات تقفل الكاسيت فجأة علشان اكمل انا الغنوة وطبعا بشنف اذانها :)
- لما حد بيعتذر لى عن موقف افضل اناقشه فى الموقف لغاية ما يندم انه اعتذر اصلا ( الله انا بحب الدقة والتمحيص اعمل ايه )
- ببحلق فى عين اللى بيكلمنى بس دايما هما بيتكسفو ويقولو انى عينى صعب حد يبص فيها مش عارفة ليه تقريبا انا حولة
- موضوع بتونس بيك دا فعلا موتنى من الضحك قريتها ورحت ضاحكة بصوت عالى فجأة لانى متوقعتش رأيك دا بس عموما انا بحب الرقص الشرقى وبجيده

والله يا روز انتى سكر وانا ايدى وجعتنى من الكتابة

تحياتى يا قمر

جسور سرية said...

العزيزة بلاك روز
و الله ما عارفة اعلق اقول شنو هههههه
بس الحمد لله ان كل ده ما بيظهر علي السي في كان المدير بتاعك مات من الضحك و علي رأي سما انت سكر خالص
:)

الطائر الحزين said...

أوافق لو ابنتي أرادت ارتداء البكينى، ولكن سأعترض لو تأخرت خارج المنزل أو تحدثت طويلا فى التليفون

فقه الاولويات

هكذا نظرت فى معظم تفاصيل ال
C.V

تحياتى

kasber said...

وكأنك تقولين هذا انا بمنتهي الجرأه والوضوح..احييكي علي هذا الوضوح القريب للضوء المبهر
احييكي علي العيوب
قبل المميزات لان معظم الناس يعلقون لوحات امتيازتهم علي ابواب اي حديث
اكذب عليك لو قلت اننا نتشابه
اضحكني كم الاختلافات بيننا
اكيد في تشابه في بعض الاشياء اقربها فيروز ولكن الاختلافات قويه
لعلها ميزه
من يدري...احيييكي مره اخري

عين فى الجنة said...

هذا اشبه بدليل الفتاة المصرية فى الحياة العصرية
او دليل الفتاة الذكية فى الحياة اليومية
اعترافات لذيذة ومثيرة

ناردين said...

الصراحة لقيتني لازم اشكرك مرتين
مرة عشان بجد استمتعت بقراءة التفاصيل الجميلة واسلوبك مميز بجد في سردها
ومرة تانية لانك خليتي سما هي كمان تحكي وانا بعشق كلامها
لكِ خالص التحية والمودة

سمـــــــــا said...

العزيزة روز
اسمحيلى احتل كومينت تانى واكلم دودو

نونو يا حبى طبعا شفتينى وانا مندمجة واعتقد انك حضرت الساطور يا مسرور ترلم ترلم ، طيب أعمل ايه انا بذمتك بقى ينفع تيجى فرصة للرغى وانا مرغييش . بس مش المفروض انتى كمان تقولى شوية عن نفسك واللا انا اللى طول النهار رغى رغى كده ؟ طبعا بكلم نفسى لانى عارفة انك نايمة هخخخخ دلوقتى

سلام يا حبى

Anonymous said...

BCR

تعجبنى تماما افكارك المتنوعة

السؤال هو
؟CV الى من يا ترى تقدمين هذا ال

أو أنك تقدمين نفسك؟

واذا قال لك احدهم
You are my cup of tea

فكيف تردين ؟

أعتذر عن تعبيرى بالانجليزية فقد عرفت أنك لاتفضلين ذلك مع المصريين .. لكننى لم اجد ترجمة مناسبة لهذا التعبير

تهنئتى للفكرة الجميلة والصراحة ..اعتقد ان هناك الكثيرين ممن يحبون أن يزيلوا تلك الاقنعة حتى نتحرر من ريبة لالزوم لها.. أما أنا فاعتقد أن مدونتى قد قصت كل شئ عنى

Samraa said...

hey
silver...platin
those are my fav! ever!
i always think ppl who love gold who..
1- want to save thier money(thats already old fashioned idea but it happens)
2-who like to show up!...lol thats so judgemental,,,:)
enjoyed reading this post.
R_J

طارق هلال said...

بلاك روز
=========
ايه ده ؟؟ ايه حب النفس الجامد ده؟
مش وحش طبعا تحبى نفسك كده يعنى

يا ريت أتعلم منك
فأنا لا أحب نفسى كثيرا
رغم أن الكثيرين يحبوننى
==========
تحياتى لك

كتابة said...

BLACK CAIRO ROSE..

أتفق مع كل من رآه فضحا جميلا
قربت التفاصيل الصورة الغائمة
إذ هي منمنمات صغيرة لصورة
أكبر وأعمق بكثير

لا أعرف لكن الكثير من البوستات الاخيرة
كانت تحملنا إليك بموافقة منك و علم

أشعر أنك في هذه السنة
تشعرين بطمأنينة أكبر

و بعلاقة أو ثق مع متتبعيك

شكرا لك

Anonymous said...

أهلا مرة ثانية .. لاأدرى لماذا أعطيت نفسى الحق فى أن أقول رأيى فى هذا ال CV
ربما لانى
HR Manager
فقد تخيلت هذه السيرة على مكتبى .. فجاءت ملاحظاتى فى الهامش على النحو التالى:

رنة موبايلى تقليدية، لم أضع أبدا -
أغاني (جميل ومحبب إن لم يكن محترما أيضا
ـ أحب الجيبات القصيرة ( أحبها أيضا بشرط أن تليق على صاحبتها
ـ أكره ألوان الشعر وألوان ظلال العيون الفاقعة ( ماعدا التى تعطى عمقا للعيون فهذا يزيدها سحرا
ـ أحب ألوان الحوائط البيج، والستائر البيج السادة بنفس لون الحائط، مع ألوان الأثاث البيج والنبيتى والأزرق ( وأين الوان الخشب الانيقة على درجاتها .. فهى رائعة أيضا
ـ أحب أيضا النباتات داخل المنزل ( هذا طبعا يدل على ذوق هادئ
ـ أوافق لو لي ابن أن يرتدى قرط حلق في أذنه أو يعمل ذيل حصان لشعره، ولكن سأبدى عدم ارتياحي لو عمل تاتو ( أهم من هذا كله أن يكون جنتلمان حقيقى ورجل بمعنى الكلمة ، لابأس من التاتو إذا كان ممكن ازاتلته مستقبلا
ـ أوافق لو ابنتي أرادت ارتداء البكينى، ولكن سأعترض لو تأخرت خارج المنزل أو تحدثت طويلا فى التليفون ( اذا وافقت ابنتى على ارتداء البكينى فهى أهل لثقتى دون تدخل .. الا اذا دعتنى هى لذلك
ـ أكره المسلسلات المصرية ( هناك العظيم منها مثل ليالى الحلمية و رأفت الهجان و الملك فاروق .. هذا لايمنع اعجابى بالكثير من المسلسلات الغربية .. الا ان مصر ليست وطن نعيش فيه .. بل وطن يعيش فينا .. خذى رأى عمر الشريف
ـ بموت فى فيروز، بس برضه مبعترضش على روبى ( كل شئ جميل يجب ان نسميه بأسمه .. روبى لها أغانى جميلة .. تماما مثلما كان عبدالحليم حافظ يستمع الى احمد عدوية ..
ـ أعشق الأكلات التقليدية البامية والملوخية والمحاشى بأنواعها، والأكلات الشعبية من طعمية وممبار وكوارع وكشرى ( هذا يعنى انك مصرية أصيلة
ـ ثلاث دول أتمنى زيارتها: المغرب واليونان وروسيا ( ماليزيا وسانغفورة والبرازيل)
ـ أصاب بالإحباط بسرعة ( لابأس طالما أنك قادرة على القيام والسير مرة أخرى
ـ أحب مصاحبة الشخصيات غير التقليدية، رغم أن جوانب كثيرة من شخصيتي أراها تقليدية ( يجب أن تعترفى بأنك فعلا لست تقليدية .. أسألى من حولك
ـ أصعب الفروض الصيام، وأسهلها الزكاة (أنا مثلك تماما
ـ عندى مشكلة فى التركيز منذ الصغر ( ... )
ـ أحب البحر لكن أكره لزوجة رمال الشاطىء ( رمال الشاطئ تدغدغنا حين نسير ونتحاكى
ـ أعشق الكلاب (كان لدى فى فترة ما ثلاث كلاب فى المنزل) اما القطط فلا محبة كثيرا بيننا ( الاثنين عندى أقمل من بعض
ـ سعاد حسنى أروع من فاتن حمامة ، وفيروز تمسنى أكثر من أم كلثوم ( ربما لأن سعاد أكثر مصرية وتلقائية .. فاتن متكلفة قليلا .. لكن هذا لايقلل من عظمتها .. فيروز هى الأحلام .. أما أم كلثوم فهى الواقع
ـ هانى سلامة أكثر وسامة من أحمد عز ( دى بقى مسألة أذواق .. طب أنا مش شبه هانى سلامة .. أعمل ايه ؟
ـ أحب ملاءات السرير الفاتحة اللون ( أعتقد معظمنا يميل لهذا
ـ شايى وقهوتى بدون سكر أو لبن، ولكن أحب قطعة شوكولا قبل القهوة ( بدون لبن آه .. بدون سكر ؟؟؟ )
ـ أفضل الفضة أو البلاتين عن الذهب ( أفضل ذلك.. لكن ليس لسبب شرعى
ـ الأكل الحراق متعة! ( عمره ماكان متعة بالنسبة لى .. كان ابن عمتى يجعل طبق الفول مولع .. حتى يأكله وحده دوننا
ـ الزجاج النظيف للنوافذ دليل نظافة المنزل ( صحيح مائة فى المائة
ـ لا أرتاح عند التحدث مع مصريين بلغة أجنبية ( أحيانا لاتجدى التعبير المناسب بالعربية .. وأحيانا يكون التعبير أصله اجنبى .. وأنا أفضل استخدام الشئ كأصله .. فالانجليز يقولون
chef de parti
وهى فرنسية
ويقولون
Algebra
وهى عربية
كما يقول الفرنسيون
Le weekend ..
ولم يفكر أحد فى ترجمتها .. لأنهم يا سيدتى ليست لديهم عقد
ـ لا أحب البطيخ وأحب الكانتالوب ( أحب الأثنين
ـ أخلع الحذاء أو الشبشب قبل السير على السجادة فى منزلي ( يعتمد على ماذا زار هذا الحذاء قبل دخول البيت
ـ أمسك مقابض أبواب الحمامات فى الأماكن العامة بورقة كلينيكس ( لك حق .. وحنفيات الأحواض كذلك
ـ لا أصدق أغلب ما يقوله الفنانون فى أحاديثهم الإعلامية ( لأن المفروض أنهم فنانون فقط .. لا فلاسفة
ـ أعتقد أنى اقرأ معاني نظرات العيون جيدا، حتى لو كانت النظرة لجزء من الثانية ( تستطيعى أن تخدعى أى واحد بتلك النظرة
ـ أجد نفسي أحيانا (وبطريقة لا تصدق) أقع فى غرام أشخاص لا تنطبق عليهم معاييري السابقة للشكل والمظهر، وأحيانا يكونوا مناقضين تماما لهذه المعايير ( هذا لأنك تحبينهم بأحاسيسك ومشاعرك .. وهذه ليست لها معايير
ـ أجد صلع الرجل جذابا خاصة لو كان لديه شارب، ويأسرني الشعر الطويل للمرأة والعيون العميقة ( ليس هذا رأى كل البنات .. أنا احب الشعر الطويل الغامق .. والعيون الملونة .. زى اليزابيث تايلور
ـ أغسل يدي مالا يقل عن ست أو سبع مرات يوميا ( يعنى قبل الاكل وبعده .. وقبل مقابلة ضيوف مع بعض البرفان لزوم السلامات
ـ الجلوس عند الكوافير يقتلني مللا، وكذلك الاسترخاء فى المياه الدافئة فى البانيو يصيبني بالملل ولا أجده متعة عكس ما يراه الكثيرون (مليش فى الكوافير .. كما أحب الماء الجارى
ـ لا أحب السلام باليد ( مع انه دليل ثقة بالنفس
ـ لو أحسست بانجذاب نحو شخص أمامي، أحيانا كثيرة أعامل هذا الشخص بالذات ببرود (عقد !) ( حماية لنفسك ؟ أم دراسة قبل القفز بالباراشوت ؟

ـ حب بلا جنس متعة ناقصة، وجنس بلا حب متعة لحظية ( صحيح
ـ لو شاهدت فعلا شخصا يفرغ ما في معدته، أفرغ أنا أيضا لا إراديا ما في معدتي على الفور
( ... )
ـ أنظر لنفسي فى مرايات الفاترينات والسيارات فى الشارع ( كل بنت كده .. ومرايات الاسانسير والسيارة لتتأكد طول الوقت انها فى كامل اناقتها
ـ لا أحب العطور بشكل عام، وأضعها تحت اضطرار دون أن تكون نفاذة ( العطور أساسية فى الحياة .. ممكن تكون غير نفاذة .. لكنها جزء من شخصيتك تماما مثل الميك آب
ـ أول ما أرتديه من ملابسي الجوارب ( أنت هكذا أكثر اطمئنانا .. ودفئا
ـ عندما أبدأ فى حكاية موضوع أدخل فى قصص فرعية كثيرة تشتت من يسمعنى ( راجع لمشكلة التركيز ..
ـ حين أرتاح فى حذاء ما، أرتديه أغلب الوقت حتى لو لدى أحذية عديدة أخرى ( معظم البنات هكذا .. لأن معظم أحذية البنات .. ماعدا الكوتشى وماشابه غير مريحة .. فهم يشترون شكلها .. قبل كونها مريحة ولا لأ
ـ المنزل يجب أن يكون أفضل من السيارة، أندهش ممن ينفقون الكثير على شراء سيارة فى حين انه يمكن تحسين المنزل وشراء سيارة بسعر أقل ( صحيح
ـ أجمل قبلة تلك التي تحت الأذن ( يعنى الرقبة .. لكن كل قبلة لها بروتوكول ومناسبة .. على الجبين للاحترام .. على الخد لكل الناس والاطفال .. و
ـ لا أضع ملحا فى الاومليت، الجبن البيضاء مع البيض هى ما يعطيه الطعم ( صحيح تماما )
ـ أخلع حذائي تحت المكتب فى الشغل دون أن يراني أحد ( واذا ناداك احد فجأة .. اقصد وهو متواجد معك ؟
ـ الزرافة أجمل الحيوانات ( الحصان عندى هو أجمل مخلوقات الله
ـ البادى التايجر والجيب السوداء القصيرة والشعر الكيرلى المنسدل هو زيي الوطني ( أحب زيك الوطنى ماعدا ان يكون البادى .. تايجر
ـ لا أعطى نقودا لشحاتين الشوارع (عندك حق )
ـ أحب الغناء وأنا أقود السيارة قبل زمن الموبايل كان الناس يظنون أنى أحدث نفسي ( الغناء يجعل الانسان منتشيا .. فى السيارة يحتاج جرأة .. وحين يلاحظك أحد .. ابتسم
ـ أحيانا حين يعتذر لي شخص عن موقف، أدعى أنني لا أتذكر أصلا الموقف ( تصرف لبق يخفف من انفعاله
ـ لا أستطيع تركيز النظر في عيون الأشخاص الذين أتحدث معهم ( مهم جدا أن تنظرنى فى أعينهم والا فهموا انك لاتهتمين .. فى بعض الثقافات خصوصا الغربية يعتبرونها اهانة
ـ رغم مرور سنين ولكن حتى الآن، لا أستمع لأغنية بتونس بيك دون إحساسي برغبة شديدة فى الرقص ( بلدى يعنى ؟

Anonymous said...

بشكرك ياروز انك اتاحتي لينا الفرصه عشان نتعرف عليكي أكتر من خلال اللي قلتيه عن نفسك و عن اللي بتحبيه و اللي مابتحبيهوش

يمكن فيه حاجات بنشترك فيها و فيه حاجات مختلفه بينا بس اكيد استمتعت بقراءه كل اللي كتبتيه
تحياتي ليكي

روابط said...

روز الصديقة المختفية

هتصدقى الأول لو قلتلك ان انا دخلت عندك وانا بأسمع بتونس بيك لأنى من عشاق وردة

فكرة البوست جميلة وغير تقليدية وعجبتنى جدا, يشبه لعبة الأعتراف التى يمارسها البعض

من بعض ملاحظاتك أو تفاصيلك حددت بعض ملامح لشخصيتك أو تحليل مبسط نوعا ما لكن هأحتفظ بيه لنفسى
مش هأقول ان فيه شبه بينى وبينك لأن أصدقاء كتير قالوها وتكرار الكلام بيجعله مبتذل نوعا ما
لكن ممكن أقولك على بعض تفاصيل بنتشارك فيها وهى من البوست

رنة موبايلى تقليدية، لم أضع أبدا أغاني

أحب الجيبات القصيرة( أشوفها عالبنات طبعا )

أكره ألوان الشعر وألوان ظلال العيون الفاقعة( برضه عالبنات, الطبيعى يكسب )

أحب ألوان الحوائط البيج

أحب أيضا النباتات داخل المنزل( على الرغم من عدم وجود اى نباتات فى منزلى حاليا )

بموت فى فيروز، بس برضه مبعترضش على روبى

أعشق الأكلات التقليدية البامية والملوخية والمحاشى بأنواعها، والأكلات الشعبية من طعمية وممبار وكوارع وكشرى

أصاب بالإحباط بسرعة( جدا جدا جدا )

أحب مصاحبة الشخصيات غير التقليدية، رغم أن جوانب كثيرة من شخصيتي أراها تقليدية

أصعب الفروض الصيام، وأسهلها الزكاة

عندى مشكلة فى التركيز منذ الصغر

أحب البحر

أعشق الكلاب ..اما القطط فلا محبة كثيرا بيننا

سعاد حسنى أروع من فاتن حمامة

أفضل الفضة أو البلاتين عن الذهب

الزجاج النظيف للنوافذ دليل نظافة المنزل

لا أرتاح عند التحدث مع مصريين بلغة أجنبية(بعتبرها فذلكة بخلاف انها احدى علامات التغريب داخل المجتمع )

أمسك مقابض أبواب الحمامات فى الأماكن العامة بورقة كلينيكس( لو معايا )

لا أصدق أغلب ما يقوله الفنانون فى أحاديثهم الإعلامية( طبعا )

أعتقد أنى اقرأ معاني نظرات العيون جيدا، حتى لو كانت النظرة لجزء من الثانية

أجد نفسي أحيانا (وبطريقة لا تصدق) أقع فى غرام أشخاص لا تنطبق عليهم معاييري السابقة للشكل والمظهر، وأحيانا يكونوا مناقضين تماما لهذه المعايير

يأسرني الشعر الطويل للمرأة والعيون العميقة

أغسل يدي مالا يقل عن ست أو سبع مرات يوميا( موسوس نظافة زيك )


لو أحسست بانجذاب نحو شخص أمامي، أحيانا كثيرة أعامل هذا الشخص بالذات ببرود( ميكانزم دفاعى بستعمله كتير )

حب بلا جنس متعة ناقصة، وجنس بلا حب متعة لحظية


لا أحب العطور بشكل عام، وأضعها تحت اضطرار دون أن تكون نفاذة

عندما أبدأ فى حكاية موضوع أدخل فى قصص فرعية كثيرة تشتت من يسمعنى

حين أرتاح فى حذاء ما، أرتديه أغلب الوقت حتى لو لدى أحذية عديدة أخرى

المنزل يجب أن يكون أفضل من السيارة، أندهش ممن ينفقون الكثير على شراء سيارة فى حين انه يمكن تحسين المنزل وشراء سيارة بسعر أقل(فشخرة كدابة)

أجمل قبلة تلك التي تحت الأذن(والشفايف كمان)

البادى التايجر والجيب السوداء القصيرة والشعر الكيرلى المنسدل هو زيي الوطني(ممكن أجى أقابل عمى أمتى ؟)هههههههههه

أحب الغناء وأنا أقود السيارة

أحيانا حين يعتذر لي شخص عن موقف، أدعى أنني لا أتذكر أصلا الموقف(ميكانزم نفسى لتحقير الآخر)

لا أستطيع تركيز النظر في عيون الأشخاص الذين أتحدث معهم(بس بحاول)

طولت عليكى يا روز بس البوست جامد

تحياتى

blackcairorose said...
This comment has been removed by the author.
blackcairorose said...

مثلية

معتقدش انها وصلت لمرحلة الوسواس القهرى لول

بس بحس للاسف ان فيه ناس مبيراعوش قوى الخطوات الصحية وده بيخلينى ابقى اكتر حرصا على النظافة وعدم العدوى

ويسعدنى طبعا التشابه بيننا

blackcairorose said...

منذر

استمعت للينا شماميان من قبل

وشكرا على اللينك

فعلا اعشق فيروز بدرجة لا توصف ولكنى أفضل دائما فيروز القديمة، فيروز الأخوين رحبانى هى صديقة لى أكثر من فيروز زياد الرحبانى

نعن انا ممن يرون أن هناك فيروز وفيروز، رغم روعتها فى كلا الزمنين ولكن لا استطيع تحييد انجذابى وتأثرى بشكل أكبر تجاه فيروز الاخوين رغم بعض الومضات الرائعة والقليلة فى تعاونها مع زياد

blackcairorose said...

Someone in life

بعض منها أشياء صغيرة ربما كلنا نفعلها دون ان ننتبه لها

ومؤكد هناك أشياء أكثر وأكثر

تفصيلات عددها بعدد كل حركة ونفس يوميا

الا ترين ذلك؟

blackcairorose said...

سما

كلامك دايما بيفتح مواضيع

قبل ما اعلق على تعليقك أحب اقولك ان فى تعليق سابق ليكى انتى ذكرتى صديقة وكيف ساءت العلاقة بينكما وقلتى يمكن فى فرصة تانية هتقوليلنا التفاصيل

وانا بانتظار التفاصيل

احب قراءة العلاقات الانسانية وتشابكها والمعانى والخبرات اللى بنطلع بيها

فلما تحسى انك مستعدة تحكى، احكى واكيد هاسمعك كويس قوى

شوفى بقى

لو مزرتيش فرنسا، فركزى كل جهدك على زيارتها، أجمل مدينة حبيتها هى باريسن واللى بيقولوا انها رومانسية صح ميه بالميه، تمشى فى الشوارع تتمنى لو حاطة راسك على كتف حد، أى حد، لول، لان كل مكان بيحسسك انه اتعمل علشان حبيبة يشوفوه مش فرد واحد يشوفه
بجد روعة

الكلاب انا بحب انواع كتيرة منها الصغيرة او الكبيرة بس اللى بموت فيهم نوع اسمه البومرميم، كتكوت كده وصأنن ويقعدوا يتنططوا ويلفوا حواليكى لو شافوكى يعنى تحسى بجد بيحبوكى من قلبهم

انا زى اغلب الناس بقى بخصوص منى زكى، وبصراحة كده بتغاظ من اللى يقول عليها ملاك الشاشة لول هى فين ومريم فخر الدين فين، دى كانت فعلا ملاك الشاشة بغض النظر عن هبلها المستحكم بره الشاشة

منى زكى كنت بشوفها باستمرار فى جيم موجود فى منطقة فينى فى الدقى من حوالى 7 سنين، وشكلها فى الحقيقة عادى او اقل من العادى، ومكنتش اعرف هى مين اساس لولا ان المدربة هى اللى قالتلى ان دى منى زكى، طبعا كانت بتبقى من غير ميك اب ولمه شعرها الخ وكانت توقف لعب وتطلع بره تشرب سيجارة وترجع تلعب طبعا نفسها مقطوع

بصى ياسما خلينى احط الكومنت ده واكمل فى كومنت تانى لحسن عندى احساس ان النت هيفصل معرفش ليه

blackcairorose said...

سما

الجزء التانى هىهى

الاكل الحراق مش تاثيره بس على المعدة زى ما قلتى لول

شنب دوجلاس؟ يعنى ايه حضرتك؟
زين العشماوى كده ؟؟ يع!

لا انا اقصد شنب توم سيلك مثلا، او رشدى اباظة، او نور الشريف احيانا فى افلام قديمة

لا شنب يعنى شنب!!

ضحكت بقى انك زيى مبتحبيش السلام باليد وبتدخلى بوس على طول

احسن، جبتى من الآخر

ليه صديقة عسل كانت معايا فى باريس، مصرية وكنا قاعدين فى المدينة الجامعية وبعدين الواد بتاع الريسبشن للمبنى السكنى اللى كنا فيه كان عاجبها، اصلها كانت بتعجب بالاولاد اللى شكلهم مسمسم وشقر، المهم لقيتها بتقولى انها كانت بتسلم عليه فقال لها ان فى فرنسا بيبوسوا اربعة مرات بعد ما يسلموا بالايد، قالت لى انها قامت راده عليه وقايلاله لا احنا فى مصر بنبوس تمن 8 مرات مش بس اربعة لول

الشحاتين بقى كويس انك بتديهم انا لا مبديش ومرة حصل الموقف ده

كنت مع صاحبة والوقت متأخر فى دونتس المهندسين وطلع لنا عيل بتاع 10 سنين بالكتير بيشحت بعد ما خرجنا من دونتس ومستعجلين لان العربية راكنة فى الشارع

المهم انا قلت للواد ايه اللى مصحيك بتشحت لحد دلوقتى؟ انت فى سنك مفروض تكون نايم فى سريرك

طبعا مقولكيش الرد اللى اخدته، فراح رايح لصاحبتى وقالها ادينى جنيه، صاحيتى دورت فى شنطتها ملقتش غير شوكولاتايه فراحت مديهالو وقايلاله

خد دى تمنها جنيه

قالها لا دى بنص جنيه بس!! هاى نص جنيه باقى

لحد دلوقتى انا وصاحبتى لما نتقابل نفتكر الواد ده، وهو اكيد زمانه دلوقتى فى السجن متهم بقضية اعتداء على الاقل

انا عندى حكاية تانية عن الشحاتين معايا ومع ناس اجانب بس والله بفكر اكتبها فى المدونة موضوع منفصل خاص بالشحاتين والاهداء هيكون لمين ؟؟؟؟ لول

blackcairorose said...

مرسى جسور

معرفش كويس ولا مش كويس ان المدير هيحب يقرا السى فى دى!!

فيه حاجات متهيألى هيحب يقراها لول

blackcairorose said...

الطائر الحزين

فقه الأولويات؟

طبيعى

تختلف أولوياتنا باختلاف قناعاتنا

اليس كذلك

blackcairorose said...

العزيزة كاسبر

اشعر أن الاختلافات بين الشخصيات تعطى الطعم لكل شخصية، خاصة اذا ما كانت الخلافات فى التفاصيل

blackcairorose said...

قطة

يمكن هى زى ما حازم سويلم قال انها وسيلة دفاعية

يمكن بنحس ان الاعجاب يمكن يؤدى الى نوع من الضعف فبنحاول مقدما تلافيها بالمعاملة ببرود

يمكن

blackcairorose said...

راجى

شكرا على ذكية وعصرية

وعلى كل الكلام الحلو

blackcairorose said...

ناردين

الف نهار ابيض

سعدت جدا بمرورك وتعليقك

وبجد وحشتنى تدويناتك وكلماتك الأكثر من رائعة

تمنياتى بالتوفيق فى الامتحانات حقيقى فى انتظارك بكل شوق وود

blackcairorose said...

شريف

عندى برضه شوية تعليقات

التدوينه احسست بمتعة وانا اكتبها لان فيها الكثير من الاشياء التى لم اكن انتبه لها، كنت افعلها تلقائيا ولكن حين قررت الكتابة فى الموضوع وجدت انى بدات افكر فيما افعل، يعنى كانت بمثابة اكتشاف للنفس والتفاصيل الصغيرة اكتر منها رغبة فى تقديم نفسى

اذا قال لى احد الجملة الانجليزية سأجيب : شكرا

مصر وطن يعيش فينا؟ كنت أظن ان البابا شنودة وليس عمر الشريف هو اللى قال الجملة دى ، معلش من ضمن عدم التركيز لول

من بين البلاد التى ذكرتها انت، البرازيل امتعهم، زرتها حين كنا أعيش فى أوروبا منذ سنوات ليست بالقليلة، قبل السفر سمعت من الامريكان اللاتين ان امريكا الجنوبية شىء والبرازيل من تميزها تكاد تكون شيئا آخر أكثر جاذبية من بقية الدول اللاتينية

انا لم ازر اى دول أخرى فى امريكا الجنوبية ولكن البرازيل ممتعة بكل معنى الكلمة رغم الامن السىء جدا فى ريو دى جانيرو

فاتن حمامة عبقرية وبروفشنال جدا، لكن سعاد حسنى اكثر تنوعا فى ادوارها بكثير، ربما تكون اقل بروفشنال من فاتن حمامة ولكن تمثيلها ابسط كما قلت انت تمام

بالنسبة لاستخدام تعبيرات انجليزية او غيره ليس مشكلة فى رأيى لكن ما عنيته هو التواصل بالحوار والكلام بين شخصين بلغة غير الام هو ما أحسه غريب وغير مستساغ

اليزابيث تيلور؟
نعم
وماذا عن المبهرة فيفيان لى؟
اراها أجمل وجه ، ونفس المواصفات الشعر الاسود والعيون الزرقاء

رغم الاختلاف فى الشكل لكنى بحس ان سعاد حسنى هى النسخة المصرى من فيفيان لى، من حيث طبيعة جمال الوجة وليس تفاصيل الجمال، وايضا حياتهم الشخصية فى نهاية عمرهما متشابهة بشكل غريب

عدم التركيز على العين لا اقصد به تحويل الوجه باكمله عن الشخص الذى يحدثنى، انما فقط يعنى النظر للوجه ككل دون التركيز فى حدقة عين الشخص بتركيز

حماية للنفس او دراسة قبل القفز؟
لا أدرى
ربما لا أريد أن اعترف قبل ان يعترف الآخر

لا لما بسمع بتونس بيك بحب قوى ارقص تانجو

لول بهزر

طبعا بلدى

blackcairorose said...

Samarryj
Pleased that you enjoyed it.
Where have you been? Still busy?
Your readers are impatiently waiting for your blog's door to get reopened again.

blackcairorose said...

أرابيك ايد

لماذا حب النفس؟

انها مجرد تفاصيل صغيرة ليس بالضرورة لها دلالة

ولكن هذا لا يعنى التقليل من حبى لنفسى، دون فقد القدرة على عدم حب بعض جوانبها

blackcairorose said...

شكرا اجندا

ودائما بستنى مرورك وتعليقك رغم انشغالاتك يا عزيزتى

والف تحية منى

blackcairorose said...

شكرا حازم على كلماتك

وحلو انى تعرفت أيضا على بعض الجوانب فى شخصيتك

كما قلت لشريف أنا بدأت الكتابة فى هذه التفصيلات وفى ذهنى 3 او 4 حاجات فقط ثم اكتشفت انى بدأت انتبه لتفصيلات أخرى افعلها دون الانتباه

وربما هناك الكثير من التفصيلات الاخرى ايضا، أو أكيد هناك الكثير

blackcairorose said...

كتابة

لا أدرى لماذا أكتب فى هذا الموضوع أو ذاك

ولكن ما أعلمه أنى بعد كتابة درافت هذه التدوينة قمت بازالة تفصيلتين وجدت أنه من غير اللائق كتابتهما، ولم أنشرهما

أتمنى يوما كتابة كل ما أريد دون اللجوء الى تقييم هل يجب أم لا يجب

ربما ليس بعد

مثليه said...

فضولي هيموتني واعرف ايه اللي حزفتيه بعد الدرافت مممممممم اعمل ايه

Anonymous said...

BCR

أنا عارف ان البابا شنودة هو اللى قالها .. انا قصدى ان آخر حوار مع عمر الشريف أعتقد فى الدستور أوصى فيه ابنه انه يدفن فى مصر .. على كل اللف ده والشهرة العالمية

من هنا تذكرت المقولة

!! دايما البنات يحبوا يوقعوا الصبيان

:)))

بنت القمر said...

مررت من هنا واستمتعت بالقراءة
تحياتي

Unknown said...

ـ رنة موبايلى تقليدية، لم أضع أبدا أغاني (حسب لا بحط أغاني مره كنت حاطه سيمفونيه و لما كانت الميموري ضاربه كانت رنة نوكيا)
ـ أحب الجيبات القصيرة (أنا محجبه ما في قصير)
ـ أكره ألوان الشعر وألوان ظلال العيون الفاقعة (معك 100%)
ـ أحب ألوان الحوائط البيج، والستائر البيج السادة بنفس لون الحائط، مع ألوان الأثاث البيج والنبيتى والأزرق ( أوافق)
ـ أحب أيضا النباتات داخل المنزل (بحبهم بس مين بدو يدير بالو عليهم؟؟ أكيد مش أنا)
ـ أوافق لو لي ابن أن يرتدى قرط (حلق) في أذنه أو يعمل ذيل حصان لشعره، ولكن سأبدى عدم ارتياحي لو عمل تاتو ( لا حلق و لا تاتو)
ـ أوافق لو ابنتي أرادت ارتداء البكينى، ولكن سأعترض لو تأخرت خارج المنزل أو تحدثت طويلا فى التليفون(لا بكيني و لا تأخير)
ـ أكره المسلسلات المصرية(من غير زعل ما بحب المصري و أنا كمان بحب السوريه جدا)
ـ بموت فى فيروز، بس برضه مبعترضش على روبى(أوافق)
ـ أعشق الأكلات التقليدية البامية والملوخية والمحاشى بأنواعها، والأكلات الشعبية من طعمية وممبار وكوارع وكشرى(باميه لأ و كمان كوارع لأ)
ـ ثلاث دول أتمنى زيارتها: المغرب واليونان وروسيا(روسيا دايمن ف بالي تلج كتير و برد موووت)
ـ أصاب بالإحباط بسرعة( و أنا كمان)
ـ أحب مصاحبة الشخصيات غير التقليدية، رغم أن جوانب كثيرة من شخصيتي أراها تقليدية( أنا هادول قسمتي ف الحياه مش عارفه ليه؟؟)
ـ أصعب الفروض الصيام، وأسهلها الزكاة( الصيام بالنسبه الي مش مشكله أبدا الزكاه؟؟ ما بعرف والله)
ـ عندى مشكلة فى التركيز منذ الصغر( تركيزي كتير منيح بس مؤخرا صايره بشتت)
ـ أحب البحر لكن أكره لزوجة رمال الشاطىء(و أنا كمان)
ـ أعشق الكلاب (كان لدى فى فترة ما ثلاث كلاب فى المنزل) اما القطط فلا محبة كثيرا بيننا( الكلاب ؟؟!!)
ـ سعاد حسنى أروع من فاتن حمامة، وفيروز تمسنى أكثر من أم كلثوم( أم كلثوم عمري ما حبيتها)
ـ هانى سلامة أكثر وسامة من أحمد عز( هاني سلامه: يسعد ربو ما أطيبو!!)
ـ أحب ملاءات السرير الفاتحة اللون(مش مهم كتير)
ـ شايى وقهوتى بدون سكر أو لبن، ولكن أحب قطعة شوكولا قبل القهوة( بحب القهوه و الشاي بسكر صعب أشربها "سك" يعني من غير و لا شي)
ـ أفضل الفضة أو البلاتين عن الذهب( الذهب لا يعلى عليه)
ـ الأكل الحراق متعة!( زاكي)
ـ الزجاج النظيف للنوافذ دليل نظافة المنزل(بكره تلميع الشبابيك)
ـ لا أرتاح عند التحدث مع مصريين بلغة أجنبية( ما جربت قبل هيك)
ـ لا أحب البطيخ وأحب الكانتالوب( شو هاد الكانتالوب؟؟)
ـ أخلع الحذاء أو الشبشب قبل السير على السجادة فى منزلي
(في بيوت الناس اه)
ـ أمسك مقابض أبواب الحمامات فى الأماكن العامة بورقة كلينيكس( ممكن أعملها مرات)
ـ لا أصدق أغلب ما يقوله الفنانون فى أحاديثهم الإعلامية(صار لي عمر ما حضرت لقاءات)
ـ أعتقد أنى اقرأ معاني نظرات العيون جيدا، حتى لو كانت النظرة لجزء من الثانية( أوافق بشده)
ـ أجد نفسي أحيانا (وبطريقة لا تصدق) أقع فى غرام أشخاص لا تنطبق عليهم معاييري السابقة للشكل والمظهر، وأحيانا يكونوا مناقضين تماما لهذه المعايير
( ممكن جدا)
ـ أجد صلع الرجل جذابا خاصة لو كان لديه شارب، ويأسرني الشعر الطويل للمرأة والعيون العميقة( الصلع اذا كان كامل للمرأه: أنا كمان)
ـ أغسل يدي مالا يقل عن ست أو سبع مرات يوميا( وسواس نظافه؟؟)
ـ الجلوس عند الكوافير يقتلني مللا، وكذلك الاسترخاء فى المياه الدافئة فى البانيو يصيبني بالملل ولا أجده متعة عكس ما يراه الكثيرون( أوافق بشده)
ـ لا أحب السلام باليد( أنا كمان)
ـ لو أحسست بانجذاب نحو شخص أمامي، أحيانا كثيرة أعامل هذا الشخص بالذات ببرود (عقد!) ( نفس الشي!!)
ـ حب بلا جنس متعة ناقصة، وجنس بلا حب متعة لحظية(I agree)
ـ لو شاهدت فعلا شخصا يفرغ ما في معدته، أفرغ أنا أيضا لا إراديا ما في معدتي على الفور( مش لهالدرجه)
ـ أنظر لنفسي فى مرايات الفاترينات والسيارات فى الشارع( أوافق)
ـ لا أحب العطور بشكل عام، وأضعها تحت اضطرار دون أن تكون نفاذة( بحبها بس ما بستخدمها كتير)
ـ أول ما أرتديه من ملابسي الجوارب( اخر شي)
ـ عندما أبدأ فى حكاية موضوع أدخل فى قصص فرعية كثيرة تشتت من يسمعنى
( مش كتير بضلني محافظه عالخط الأصلي)
ـ حين أرتاح فى حذاء ما، أرتديه أغلب الوقت حتى لو لدى أحذية عديدة أخرى( أنا بهريه لبس)
ـ المنزل يجب أن يكون أفضل من السيارة، أندهش ممن ينفقون الكثير على شراء سيارة فى حين انه يمكن تحسين المنزل وشراء سيارة بسعر أقل( أوافق)
ـ أجمل قبلة تلك التي تحت الأذن( اللي عالجبين بالنسبه الي غير)
ـ لا أضع ملحا فى الاومليت، الجبن البيضاء مع البيض هى ما يعطيه الطعم(بحبها)
ـ أخلع حذائي تحت المكتب فى الشغل دون أن يراني أحد( أوافق هيك أريح)
ـ الزرافة أجمل الحيوانات( العصافير أكتر)
ـ البادى التايجر والجيب السوداء القصيرة والشعر الكيرلى المنسدل هو زيي الوطني
(نفس جواب الجيب القصيره)
ـ لا أعطى نقودا لشحاتين الشوارع( حسب مزاجي)
)ـ أحب الغناء وأنا أقود السيارة( ما عندي سياره)
(قبل زمن الموبايل كان الناس يظنون أنى أحدث نفسي
ـ أحيانا حين يعتذر لي شخص عن موقف، أدعى أنني لا أتذكر أصلا الموقف( أنا كمان)
ـ لا أستطيع تركيز النظر في عيون الأشخاص الذين أتحدث معهم( اللي بحبهم ما بتطلع ف عيونهم أبدا بخاف!!)
ـ رغم مرور سنين ولكن حتى الآن، لا أستمع لأغنية بتونس بيك دون إحساسي برغبة شديدة فى الرقص( هاي جديده!!)

و الله طلع في كتير أشياء مشتركه!!!!

غريب!!

سمـــــــــا said...

روزا

كلاكيت نميمة تانى مرة

بصى يا ستى حكاية صاحبتى امممممم تصدقى مش عارفة ابتديها منين بس انا هحاول اوصف واشرح وانتى ركزى معايا احتمال تفهمينى

هى صاحبتى كانت من اولى ثانوى ودخلت معايا الجامعة اللى انا دخلتها هى وواحدة تانية كانت معايا برضه فى المدرسة بس من فصل تانى وطبعا كانت مراجيح لما تبقى انتى الصديقة المشتركة بين اتنين مش بيطيقوا بعض اساسا وكل واحدة بتعاملك على انك صديقتها الوحيدة وانك المفروض تكونى انتى كمان بتعامليها بنفس الطريقة يعنى متصاحبيش ومتتكلميش مع حد غيرها فطبعا كنت عاملة زي جوز الاتنين :)

نحكى بقى فى الاخت الاولى دى علشان معملش زيك وادخل فى مواضيع فرعية :)
( دى اخرة اللى يقول اسراره قدام عيلة زي ههههههه )

قلت لك المرة اللى فاتت انى كنت ارتبطت بواحد وهى مكنتش مرتبطة وكانت بتضايق لما بقابل صاحبى او يتصل بيا على الموبيل وهى معايا بس انا معاملتى واهتمامى ليها متغيرش مللى واللى هى مكنتش تعرفه ان اى واحد كنت برتبط بيه كنت بقوله ان اصحابى تابوو وريد لاين غير قابل للنقاش فيه وانى عمرى ما هيحصل انى افقد واحدة صاحبتى علشان واحد لانى سهل انى اسيب واحد وارتبط بغيره لكن صعب انى اكون صداقة تانية وعشرة عمرها سنين علشان اى حد او اى سبب ، ودا كان رأى مع اى حد برتبط بيه لانى من الناس اللى كانو مؤمنين اوى بالصداقة وانى كنت ممكن اعمل اى حاجة علشان اسعد اصحابى وكنت برضه مؤمنة ان لو فيه حاجة انا عايزاها وصاحبتى عايزاها انا هتنازل لها عنها عن طيب خاطر وربنا يعلم انى مش بقول كلام افلام لكن دى كانت انا

المهم يا ستى بعد كده انا سيبت الولد اللى كنت مرتبطة بيه وهى ربنا انعم عليها وارتبطت بواحد وكانو لسة متخطبوش ولا حاجة يعنى كانت مجرد علاقة فى الهوا يا صابت يا خابت ، الولد دا بقى كان عايز يحطها فى قمقم مش لاى سبب سوا انه كان عايز يمشى رأيه ويثبت انه راجل والاخت طبعا كانت عايزة ترضيه بأى شكل لانه كان عريس لقطة من وجهة نظرها فكان دايما يتأمر ويتشرط عليها وهى حاضر ونعم زي الست أمينة

وطبعا سعادتى من الناس اللى ابقى فاهمة وشايفة كل حاجة بس اعمل فيها عبده العبيط واحط رجل على رجل واقعد اتفرج لغاية ما اللى قدامى يغلط وبعد كده بقى .......
طبعا كل اللى يعرفونى دلوقتى هتلاقيهم بيهزو راسهم ويضحكوووووا :)

فى يوم من ذات الايام البنت دى كان عندى ميعاد معاها وانا كنت فى شغلى واتفقنا فى التليفون على الزمان والمكان واذ فجأة لقيتها بتتصل بيا وهى صوتها مرتبك ومتضايق وبتقولى معلش انا تعبت فجأة ممكن نأجل ميعادنا يوم تانى فقلت لها اوكى نأجل بس هل انتى تعبانة فعلا واللا ........ قرر انك متخرجيش فجأة ؟ قالت لى لأ انا تعبانة ، قلت لها يعنى انتى مش هتخرجى النهاردة ؟؟ قالت لى لأ قلت لها اوكى وقفلت

ورحت واخدة تاكسى ورحت لها على البيت لقيتها بتلبس وبتتوضب وطبعا لما شافتنى جابت الوان الطيف كلها لانها عرفانى كويس رحت قعدت وحطيت بمنتهى البرود رجل على رجل وشاورت لها انها تتكلم نظام ها جيبى اللى عندك

قالت لى اصل ......... اتصل بيا واتخانق معايا وقالى انى لو مخرجتش معاه النهاردة هيسيبنى وانا مش عايزة اعمل مشكلة معاه

طبعا انا كنت قبلها من اول ما عرفته فهمتها حقيقة شخصيته وانه عاوز بس يفرض عليها رأيه ويدبح لها القطة وانها لو مسحت شخصيتها قدامه من دلوقتى يبقى لازم تقبل الاهانات والتحكم دا طول عمرها

المهم قلت لها فانتى قررتى انك تمثلى عليها التمثلية الخايبة دى علشان ترضيه ؟؟ فسكتت قلت لها طيب دلوقتى انا جيت وهو طلب خرجى معاه يا ترى هتعملى ايه ؟
فطبعا وشها جاب الوان اكتر لانها عارفة اى تصرف هتعمله هيتحسب عليها اوى قدامى وخصوصا بعد ما كسفتها قدام نفسها لانها كدبت عليا وهى عارفة يعنى ايه بالنسبة لى انى اكتشف ان حد كدب عليا .
فراحت تتصل بيه من برة وواضح انه كان بيهزأها كالعادة وبعد لما رجعت لى قلت لها قلتيله انى جيت قالت لى ايوة قلت لها وانا مش عايزة اعرف قالك ايه وعموما انا ماشية وتقدرى تتصلى تبوسى ايده علشان يرضى عنك ونزلت وطبعا هى حاولت تمسكنى وتصالحنى وانا على نغمة واحدة مخدوش يا بابا مخدوش يا بابا :)

وبعدها برضه حاولت تتصل بيا كتيييييييييير بس انا كنت خلاص قفلت

كل انسان هيعرف الموقف دا هيفكر فيه من وجهة نظره وممكن يفرض ان انا غلطانة بس انا حسبتها من وجهة نظرى والطريقة اللى كنت بعامل بيها اصحابى وهى انى ممكن افقد حد مرتبطة بيه فى مقابل انى مفقدش صاحبتى لانى كنت شايفة ان الصحاب مبيتعوضوش ( كنت مغفلة انا ها ؟ )

وكان ليا مبدأ تانى برضه بس لسة ماشية عليه لغاية دلوقتى هو مثل مش مبدأ الحقيقة بيقول : اللى ميحطنيش كحل فى عينيه ملبوس مداس فى رجلى

وفضلت مقاطعاها اكتر من سنة ونص وبعدين هى برضه حاولت توصلى وقالت لى انها هتتخطب له وطبعا انا مراعاة للواجب والعشرة رحت وجاملتها وتقريبا انا الوحيدة من صاحبتها اللى فضلت معاها طول اليوم من اول الكوافير لغاية سهرة الفرح بالليل وكذلك يوم زفافها وطول السنين دى ورغم انها مخلفة دلوقتى بنوتة زي العسل الا انها بتحاول تصلح الكسر القديم اللى بينى وبينها لكن انا لما بقفل مش بفتح تانى للاسف وخصوصا انى لما بصاحب حد ببقى فعلا صاحبة جدعة اوى ومينفعش يتعمل معايا حركات نص كم لانى اللى بيفقدنى مبيعرفش يكسبنى تانى


نرجع بقى لموضوعك انتى يا جميل

- بخصوص موضوع فرنسا هحاول جاهدة انى ازورها فى يوم من الايام بس مش هقدر احط راسى على كتف اى حد زي ما بتقولى لانى اكيد اكيد ساعتها راسى هتطير قبل ما توصل لاى كتف اساسا ههههههههه مسرور عندى مبيتكلمش ببوقه بيتكلم بالساطور على طول
- انا كمان بحب الكلاب النونو اللى هى مش بتكبر دى ونفسى اجيب واحد بس للاسف ناردين عندها بوبى اد الاسد اطول منى يعنى لو جبت النونو دا اكيد كلبة ناردين هتفتكره قطة وتاكله او اضعف الايمان هتلعب بيه وانا لا اسمح للبوبى بتاعى يتهزق ابداااااا :)

- منى زكى بقى يا ستى انا سمعت بلاووووووى عنها من ناس اعرفهم بس انا بموت فيها بدون مناسبة وانا شفتها فى الحقيقة كانت بتروح البيوتى سنتر اللى فى ميدان سفنكس انا كنت بروح الجيم بتاعه وهى وممثلات كتير كانو بيروحو يعملو باديكير وبيطلعو البخار ومنهم سمية الخشاب ووفاء عامر ومها ابو عوف وايناس النجار وبنات جداد معرفش اساميهم هى عادية اوى زي ما بتقولى وقزعة بس انا بحبها مش عارفة ليه وبموت فى نبرة صوتها وطريقة نطقها للكلام بموت فيها بصراحة حتى لو كانت قرد بصديرى :)

- بلاش موضوع الاكل الحراق وعمايله بعد كده وعلى رأى احمد بدير عديها بَجى بلاش احراج :)

- يا فندم يربى دوجلاس مش شنب دوجلاس يعنى زي هانى سلامة كده لما بيعمل شنب خفيف ودقن خفيفة بيبقى قمر وانا بحب اوى الراجل اللى يربى دقن خفيفة لكن شنب لوحده لا ممكن ابداااا لانى بفضل مش عارفة اركز فى اى حاجة فى وشه مهما كان حلو وافضل مركزة فى شنبه وفى الاخر اقول له شنبك دا واللا سالفه او شنبك دا واللا شنب اللى جنبك المهم ارخم وخلاص  وبرضه مستحيل تقنعينى مبحبوش يعنى مبحبوش :)

- تصدقى انا عمرى ما اسلم على ولد وابوسه ابداااااااااا ومرة كان واح صاحبى متعود انه يدخل يبوس صاحباته عادى وانا كنت لسة متعرفة عليه قريب وكنا اول مرة نتقابل لوحدنا وكنا تايهين من بعض فى شارع مصدق وانا بتصل بيه ولقيته فى وشى وهو جاى عليا وقرب منى رحت مادة ايدى اسلم وبعدين دورت وشى كنت بحط الموبيل فى الشنطة فحسيت بجنب عينى انه كان مقرب فمحطيتش فى دماغى بعدين واحنا بنتغدى مش عارفة ايه اللى فتح سيرة السلامات والبوس فقلت له انا عمرى ما اسلم على ولد وابوسه ابدا قالى ايه دا علشان كده دورتى وشك لما جيبت اسلم عليكى قلت له لأ انا كنت بحط الموبيل فى الشنطة وبعدين ركزت وقلت له ايه دا انت كنت داخل تبوسنى واللا اييييييييه ؟؟ لا انسى يا عمرو لست انا هذا الرجل :)

- هبقى برضه احكيلك على شوية قصص ليا مع الشحاتين والنصابين بس فى البوست بتاع الشحاتين اللى قلتى عليه علشان صوابعى وجعتنى وكمان زمانك نمتى وانتى بتقرى الكومينت بتاعى وذنبك هيبقى قى رقابتى :)

باااااااااى يا جميل

Anonymous said...

hola ya fandem:
tab ana 2a3mel 2eh wana mesh 3andy 3araby f om el labtop dah,bas ana mesh beykon asdy atkalem engelizy wala 7agah walahy
bosy ya gamiela ana ha7'od nap now 3ashan 3andy sho3'l o awel ama 2as7a mn el noum hakteb el comment el mateen
sa7ee7 ya rose ana inshaa allah hanzel masr agazah shahr november ha23od shahr wa7ed yareet 2ab2a ashoufek
salam ya gamial

blackcairorose said...

أهلا بنت القمر
سعدت بتشريفك للمدونة وكلماتك الرقيقة
وأطيب تحية

blackcairorose said...

شكرا مياسى
اتعرفت على جوانب لذيذة من شخصيتك
وبالنسبة للمسلسلات المصرية ولا يهمك، واحدة من اخواتى برضه بتحب وبتابع المسلسلات السورية جدا

بالنسبة لى بشكل عام ماليش طققان على الفرجة على مسلسل يوميا

المسلسلات الامريكى بتابع بعضها زى

desperate housewives

sexy dirty money

ugly betty

وفى السابق كنت بحب جدا

six feet under

وعموما المسلسلات الامريكية فيها حرفية عالية جدا جدا جدا وبهارات مش واقعية بس بتخلى المشاهدين قاعدين متسمرين وكلهم شوق لمعرفة نهاية الاحداث وده طبعا على حساب المنطق فى كتير من الاحوال، بس الاكيد انها جذابة فى رأيى بالاضافة انى بحب الحوار الـ

bitchy

لول

بستمتع بيه بس والله انما كلامى فى الحقيقة موزون وبحسب الكلمة قبل ما اقولها

زى كده لما يكون شخص ضعيف بس بيحب يتفرج على افلام رامبو!!!!

blackcairorose said...

سما

بصى فيه قناعة عندى وهى

الحبيب او الحبيبة والزوج او الزوجة دايما بيبقى ليهم عند الغالبية العظمى من الناس الاولوية فى العلاقات على اى نوع تانى من العلاقة بما فيها الصداقة حتى ولو كانت صداقة قوية

دا حتى عند عدد مش صغير من الناس فان الزوجة او الزوج او الحبيب الخ ليهم اولوية على علاقات القرابة، وياما بنشوف ناس قاطعوا اهاليهم او قللوا علاقاتهم باهاليهم لان طرفهم التانى عايز كده

مبقلش ده صح بس ده الواقع حسب ما بشوفه، وكنا عارفين واحدة وحيدة اهلها وقاطعتهم لما خيروها اما همه او حبيبهم اللى مكنوش موافقين عليه لاسباب برضه موضوعية وعندهم حق فيها، لكنها فضلت حبيبها وتخيلى حجم الالم اللى كان عند اهلها من تصرفها

وفعلا اتجوزت وقاطعتهم لسنين طويلة لحد ما الامور اتغيرت ودلوقتى رجعت العلاقة بينهم

يعنى تصرف صاحبتك مش غريب ابدا ولا استثنائى بس لانك انتى بتدى الصداقة حقها فمن الطبيعى انك تنتظرى نفس الحق من اصدقائك


بالمناسبة

هى ايناس النجار دى ايه، عملت فيلم واحد وشوفت لها مرة حديث عايشة فى الدور ولا كانها عملت ميت فيلم واخدت الاوسكار مرتين

هى مصرية؟

blackcairorose said...

سولا

شكرا يا عزيزتى وفى انتظار ردك الطويل

بالنسبة لمصر طبعا يسعدنى اشوفك واتعرف على شخصيتك اللذيذة، بس انا مش عايشة فى مصر ومفيش نية للنزول فى نوفمبر،

قدامى فرصة للنزول فى الصيف لكنى بصراحة بكره القاهرة فى الصيف، وكمان معنديش سبب قوى يدعونى للنزول

على فكرة انا بتابع موضوعك الانسانى فى مدونتك ولكن نظرا لعدم قدرتى فى الوقت الحالى على المساعدة فى موضوع كبار السن، عشان كده معلقتش على الموضوع

واطيب تحياتى وامنياتى

اخبار الموتوسيكل ايه؟؟؟؟؟

blackcairorose said...

مثلية

عارفة

الحاجات اللى بيعتبروها ميصحش تتقال!!!!

Samraa said...

Dear blackcairorose
well i was in a vacation in cairo n started work again.
so not that busy ,nah...
u make me feel like lots of ppl been reading my blog,tho there were only few....lol
i do want to reopen...but am still looking for my words.......well its complicated i guess,,,
but ill be there..
still ill be here following u up,n your cute posts like this one.
tc.
R_J

سمـــــــــا said...

بصى يا ستى

ايناس النجار دى ممثلة من اصل تونسى بس هى فى مصر من كذا سنة . انا كنت اعرفها من قبل ما تمثل بس مش معرفة شخصية كان ليا اصحاب ولاد عارضين أزياء وهى كانت صاحبتهم وكنت بشوفها معاهم فى عروض ديفيليه كرييشان
بعدها اختفت شوية وبدأت تظهر فى مسلسلات

بشوفها فى المهندسين كتير اوى فى الشارع عند شغلى تقريبا ساكنة هناك وبعدين بقيت اشوفها فى البيوتى سنتر زى ما قلت لك وكان ليها اخت مطربة اسمها سوار كنت بشوفها هناك برضه .


بينى وبينك البنت دى زي القمر فى الحقيقة بجد من غير مكياج واجمل ما بتظهر فى التليفزيون بكتير اوحش حاجة فيها شعرها مش ناعم بس باقى ملامحها وجسمها كله جميل اوى . ومقدرش اقول اذا كانت مغرورة او لأ لانى متكلمتش معاها بس هى أكيد حاسة بجمالها وبصراحة يبقى حقها هى قمر هههههه


انا شفت لها كذا حاجة :
زى مسلسل العصيان بتاع محمود ياسين كانت عاملة الجزئين وطلعت فى فيلم ميدو مشاكل وفيلم بحبك وانا كمان امممممم مش فاكرالها حاجة تانى حاليا

اعتقد دا تقرير وافى المفروض اخد عليه عمولة

سلام يا قمر

blackcairorose said...

Samarryj

Hope you enjoyed your stay in that big mess called Cairo!

I believe my dear that the number of readers of the blogs, in general, are much bigger than the number of those who comment. I, as example, read many blogs but only comment in a tiny fraction.

Your blog, which tends more to self reveal than to stirr discussions, invites its followers to read, think and enjoy. This needs from us to work up our minds and feelings, but not necessarily to provoke fingers to click.

blackcairorose said...

سما

والله؟ فعلا مش باين عليها انها حلوة قوى على الشاشة

فى مقابل كده، حد مرة قالى ان سمية الخشاب اللى ساكنه فى العمارة اللى قدامه فى المهندسين جنب نادى الصيد انها عادية جدا جدا وبتبان فى التليفزيون احلى كتير من حقيقتها، بس الشخص ده عموما بيحب الستات الفاتحين فيمكن رأيه فى سمية الخشاب مش موضوعى قوى لانها سمراء جدا على حسب ما فهمت منه

شكرا على التقرير والعمولة محفوظة يا كبير!

سمـــــــــا said...

التقرير التانى هههههههه

سمية الخشاب كمان كانت بتيجى البيوتى سنتر زي ما قلت لك بس حمام مغربى مش باديكير

فى يوم كنت خلصت الجيم وواقفة فى اوضة تغيير الملابس كنت لوحدى وكنت عارفة انها جاية فى الطريق اصل البنت بتاعة الحمام المغربى كانت بتحبنى اوى وتقعد تدينى تقرير شامل عن كل الستات اللى بيجولها وكانت بتحكيلى كتير عن سمية الخشاب لانها كانت بتروح تعمل لها حاجات حريمى فى البيت بس اللى اعرفه انه كان عندها فيلا فى مصر الجديدة وكمان سمعت ان جوزها الثرى العربى دا كان جايب لها قصر فى طريق مصر اسكندرية الصحراوى بس هى كانت عايشة فى فيلا مصر الجديدة لكن موضوع شقة نادى الصيد دا خبر جديد عليا .

المهم بقى انا كنت سامعة صوتها فى الكوريدور عمالة تعتذر للبنات انها اتأخرت عليهم وعطلتهم وهى كل اللى اتأخرته 10 دقايق فقلت والله ست ذوق اوى مش عايشة فى دور النجمة اللى واجب عليهم يخدموها .

بعدين فتحت الباب ودخلت عليا وراحت مبتسمة وقالت لى ازيك انتى عارفة محمد صبحى لما بيقول ولقت نزل علينا الخبر كالصاعقة ؟؟ انا بالظبط كنت كده :)

اول ما بصيت فى وشها فضلت باصة باصة ومذبهلة طبعا مفيش مكياج خااااالص بس كمان مفيش حواجب ولا رموش عينيها مش حلوين تماما من غير مكياج ولون بشرتها اسمر اوى بس انا فيه سمار بحبه لكن هى سمارها باهت فمش حلو تماما .

وفضلت ابص لها وانا عمالة العن فى سرى جدود جدود كل حد قالى انها شبهى فى يوم من الايام :)

بس لازم هنا من شهادة حق الست قبل ما تقلع هدومها جسمها بصراحة يجنن متناسق وطولها حلو كمان شعرها تحفة فنية طويل واسود وتقيل جدا وناعم مووووت عكس ما بيظهر فى التليفزيون تماما مش عارفة ليه بتلزقه كده الافلام والمسلسلات .

بعدين هى قلعت بقى وعاشت حياتها ولا كأنى قدامها ولبست البشكير وكل دا وانا واقفة طبعا قال يعنى باصة فى المرايا بعمل مكياج وانا عينى كانت زي كاميرا السينما فصصت الست من شعر راسها لغاية كعب رجليها بصراحة رجليها حلوين اوى وكمان كانت لابسة سابوه يجنن :)

وكمان هى ناعمة اوى فى طريقة كلامها وحركاتها يعنى انثى بجد

يعنى نقدر نقول انها شكلا من غير رتوش مش ولابد لكن جسم وانوثة فهى فعلا ست زي ما بيقول الكتاب اللى نفسى اعرف من زمان هو بيقول ايه :)

اللى اللقاء مع التقرير القادم :)

Samraa said...

hello
....self reveal ...
ur totally right about that.
i did that,coz somehow i got sick (just lil bored)of the subjects were people argue,n different opinions.and judgements..and all this headach coz i believe when its time to act 90% of us(am not taking my self out!)do things in a different way!
so i ignored the outside n concentrated on my own writings.
it was real mess over there ...lol
yet i enjoyed it...
and enjoyed being with my egyptian friends.
tc
R_J

blackcairorose said...

سما

حكاياتك مسلية وهسميكى ميكى ماوس زى الصحفى عبد الله احمد عبد الله اللى كان مشهور بحكاياته عن الممثلين

blackcairorose said...

Samaaryj

I hope that those "bloggers who act in 95% of cases in a different way" has nothing to do with meeting Egyptian bloggers during your visit! lol

soly88 said...

العزيزه روز اثارنى احد التعليقات (فأنا لا أحب نفسى كثيرا
رغم أن الكثيرين يحبوننى )فهل نستطيع فعلا معرفة كم يحبنا الآخرين ونكون بهذا التأكد وبعيدا عن ذلك بياناتك ينقصها الكثير مما بداخلك