Monday, November 26, 2007

فنانات

أم كلثوم: ظللت لسنوات طويلة لا أفهم سرها وما يرى الكثيرون فيها، فذوقي فيروزي الهوى والإحساس، ولكن مؤخرا بدأت أدخل مملكتها شيئا فشيئا، فهل تذوق أم كلثوم مرتبط بالسن؟ ربما
.
نادية حمزة: لم تكن أول مخرجة مصرية ولكنها أول مخرجة تقوم بإخراج العديد من الأفلام وليس فيلما أو فيلمين، قدمت فى الثمانينات أفلامها ذات الصبغة التجارية الكبيرة ثم اختفت لم أعد أقرأ أو اسمع عنها
.
سماح أنور: حين قدمت بيت القاصرات تنبأ لها الجميع بمستقبل فني كبير وشبهوها بالممثلة الايطالية المتمردة آنا مانيانى، لكن لاحقا انطفأ التوهج لعوامل بعضها شخصية وظل بيت القاصرات أبرز أعمالها، شاهدتها مؤخرا فى مشاهد من إحدى المسلسلات وكان إنطباعى أنها لم تعد تعرف تمثل مع الأسف
.
ريما رحبانى: ابنة فيروز، وهل هناك أقسى من أن يظل إنسان يعرف فقط على أنه أبن أو أبنة فلان؟ ريما مديرة أعمال ومخرجة بعض أعمال فيروز
.
صفوة: راقصة وممثلة كنت أظنها من سنوات ستكون راقصة مصر الأولى كما يقولون، لها حادثة طريفة مع إحدى صديقاتي ولكن ..
.
!ليلى علوي: مبروك الزواج
.
.

30 comments:

kasber said...

الممثلات اللائي اعمل مع
هن ممثلات من ورق
اجمل ما فيهم انهن يتحركن وفق خيالاتي عنهن
هل عرفتي ماذا اعمل؟
لا تحتاري
لا يهم
ولكن
ما اروع ان تعملين مع من لايتغيرن ولا يتبدلن من حال لحال
مثل حال الناس
انا ايضا فيروزية المزاج حتي العصب

كتابة said...

أم كلثوم
حين شبت بدأت أستسيغ بعض أغانيها
ربما هو حنين لأيام مضت..
فيروز أحبها ثم بدأت ..أفكر بعيدا عنها
____

نادية حمزة:
سمعت عنها إشاعة حب للفنانات لا أعرف مدى صدق الإشاعة
عموما التجاري لايلبث أن تصفعة موجة تجارية أخرى
فهو غالبا هراء يمضي للهواء
_________
سماح أنور
من تخبط إلى أكبر
هي إستردت عافيتها الجسدية دون التمثيلية
ندعو لها بالرحمة
______________
ريما رحباني
ليست ذات أهمية للمعجبين بل لأمها
ما يحزنني هو صوت جميل إنضوى في شهرة فيروز..أختها هدى حداد
______________________

صفوة...عفوا؟!
___________________________

ليلى علوي: ومبروك المليارات، و أتمنى أن تجد الشجاعة يوما لتخبرنا حول الطفل خالد الذي تربيه..وتجيبنا كسماح أنور بعد سنوات النفي و التدليس حول إبنها
فتخبرنا ليلى حقيقة من أين لكِ هذا الطفل؟
___________________________________


بوست جميل كالعادة يا
BLACKCAIRO ROSE

Anonymous said...

اختلاف الأذواق سواء في الغناء او التمثيل امر حتمي
صعب اوي ان يجتمع كل الناس علي مطرب واحد او ممثل واحد الا فيما ندر
قد نتوقع لناس النجاح و لكن تأتي الأيام بعكس ماتوقعناه

طريق الفن مش سهل و البقاء فيه بيكون لموهبه حقيقيه و دعم قوي
موهبه بلا دعم قد تضيع وسط الزحام و قد تبرز شخصيات فنيه ليست بالموهبه الكافيه و لكن وراها بروباجندا قويه

تحياتي علي البوست المميز ياجميله

سمـــــــــا said...

أم كلثوم : اكتر اوقات سماعى كان وقت المذاكرة على محطة راديو ام كلثوم كنت اقعد اذاكر وانا رامية ودنى لام كلثوم وفريد الاطرش ونجاة وبعدين عبد الحليم حبيب قلبى لكن دلوقتى ممكن من وقت للتانى وانا بشتغل اشغل الف ليلة وليلة او هجرتك والاخيرة من اكتر الاغانى اللى بعشقها لام كلثوم
هجرتك يمكن انسى قساك
وأودع قلبك القاسى
وقلت اقدر فى يوم انساك
وافضى من الهوا كاسى
لقيت روحى فى عز جفاك
بفكر فيك وانا ناسى
عظمة على عظمة يا سما : )))


نادية حمزة : كانت مساعدة مخرج لكبار من المخرجين تبنت قضايا المرأة كمخرجة ولكن افلامها لم يكتب لها النجاح الكبير
شاهدت لها منذ ايام فيلم همس الجوارى جالى شلل رعاش من ضعف السيناريو والاخراج والحبكة الدرامية بجد بجد فيلم ملوش اى طعم ولا لون وبصراحة لو كانت هتفضل مخرجة فالحمد لله انها اختفت هى السينما ناقصة بلاوى


سماح أنور : بحب فيلم بيت القاصرات جدا واحبها فى الفيلم اللى كانت طالعة فيه ظابط واخوها مات بسبب الهروين وضحكتنى فى راقصة قطاع عام واولاد الشوارع وكان فيه مسلسل من كام سنة اسمه رجل فى زمن العولمة كانت جاية بنيو لوك مش بطال وكمان فيلم امرأة واحدة لا تكفى لحبيبة قلبى ايناس الدغيدى وكمان لها برنامج كنت شفت حلقتين منه وحسيته ظريف لانها تحسى انها قاعدة على الشلتة وعمالة تنم مع الناس فكان عاجبنى اسلوبها وبعدين فقدت الذاكرة ونسيت البرنامج بيجى امتى وفين ولغاية دلوقتى ناسية ، ينوبك ثواب متعرفيش بيجى امتى ؟: )
من الاخر انا بحبها من غير مناسبة بس فى مسلسل ازهار كان شكلها صعب مش عارفة ليه فجأة شكلها اتحول وبقت وحشة كده بس ادائها كان مش بطال وخصوصا فى الحلقات اللى اتجننت فيها ركبتنى انا الخفيف : ))

ريما رحبانى : معرفهاش بس طالما بنت فيروز تبقى على عينى وراسى

صفوة : كانت بترقص حلو اوى اوى وهى رفيعة قبل ما تشتهر اوى
شفت مرة حلقة من برنامج سمير صبرى بتاع المنوعات دا وكانت فيفى عبده قاعده وسمير صبرى قال لصفوة قومى ارقصى والناس كانو معجبين بيها اوى راحت فيفى عبده قالت لها يالا قومى يا صفوة فرجى الناس وانتى بتقلدى فيفى عبده : )))) انا قلت ايه شغل الحريم دا ؟؟ والغريب ان صفوة طنشتها ومرضيتش عليها وقامت هز يا وز بس بصراحة كانت استاذة ورئيسة قسم بس دلوقتى بقت زي السم بعد ما بقت قلبوزة

ليلى علوى : لولا دى حبيبى قلبى من جوة بمووووووووووت فيها ربنا يسعدها بس عايزة اعرف هى وصديقتها سابوا بعض واللا لسة مع بعض بعد الجواز
وياترى ليه قررت فجأة انها تتجوز رغم انى اعرف انها وصديقتها بقالهم سنين مع بعض ؟ ممممممم سؤال يطرح نفسه


انا بقيت رغاية اوى مع انه مش طبعى ( كدابة سامحنى يا رب ) :) )

i love you said...

ام كلثوم
نتعلم
اقصد
اتعلم
منها
الحب

فيروز
غنت
لريما
عندما
كانت
طفلة
في
فيلم
بنت الحارس
هذه
الاغنية
الرائعة
يللا تنام ريما يللا يجيها النوم
يللا تحب الصلاة يللا تحب الصوم
يللا تجيها العوافي كل يوم بيوم
يللا تنام يللا تنام لادبحلا طير الحمام
روح يا حمام لا تصدق بضحك عا ريما تتنام
ريما ريما الحندقا شعرك أشقر و منقى
و اللي حبك بيبوسك اللي بغضك شو بيترقى
يا بياع العنب و العنابية قولو لأمي قولو لبيي
خطفوني الغجر من تحت خيمة مجدليي
و التشتشي التشتشي و الخوخ تحت المشمشي
و كل ما هب الهوا لأقطف لريما مشمشي
هاي و هاي و هاي لينا دستك لكنك عيرينا
تنغسل تياب ريما و ننشرهن عاليسمينا


ليلى علوي
عسل
شفتها
مؤخرا
في
فيلم
حب
البنات

روابط said...

أظن فعلا ان سماع أم كلثوم مرتبط بمراحل عمرية معينة , ولا أعرف لما يعتقد البعض أن هناك تعارض بين سماعها وسماع فيروز .. شخصيا بدأت أستمع الى فيروز مؤخرا وأكتشفت ان ما فاتنى كثير

اسامة يس said...

انا ايضاً فيروزي الهوى .. تلك الساحرة التي تغني بروح عذبه تأتيك من زمن بعيد حالم...

وحدث لي بالفعل ان بت اتأثر بأم كلثوم واجد فيها عملقة مختلفة عن غيرها ... خصوصا حين سمعت بانصات لقصيدة ثورة الشك..
واغار من نسمه الجنوب
اما الباقيات
فعذري اني لم اتابعهن...
دمت بكل ود..
خالص تحياتي

Loving Anabel said...

ام كلثوم
بحب ذكرياتها ايام الشتا الساعة خمسة على الراديو و انا قاعدة بذاكر و استني يا ترى هيجيبو ايه النهاردة و افرح قوي لو جابوا فات المعاد او بعيد عنك او ياسلام على فكروني وانسى كل المذاكرة و اي حاجة حواليا و اسرح مع روعة ألف ليلة أو أمل حياتي و انبسط لو حطوا يا مسهرني او اسأل روحك او هجرتك و اعتقد دول اكتر اغاني كانت بتسعدني وانا مدفية كدة وانطرش قصدي انطرب من كلمات الأغاني و اللحن اكتر من صوتها و برضه كنت اقول الست دي صوتها الناس بتتجنن عليه ليه دي لولا الناس اللي بتكتبلها و تلحن لها و لا كنت افرك اسمعها بس بالتعود حبيتها أما جارة الوادي اه ه ه ه ه منها و من صوتها اللي بيهز كياني في شادي و اعطني الناي و مش فاكرة اي حاجة سمعتها لفيروز مقولتش عليها الله

نادية حمزة
معلقش معايا اي فيلم ليها

سماح
طبعا دي حبيبتي و كنت بحبلها اوي من اول ما طلعت الحراملك و بعدين ابدعت في بيت القاصرات و فيلم تاني كان رائع كانت اخت هشام سليم و كانوا اهلهم مسافرين و سيبينهم على طول و هشام ادمن المخدرات المهم كان فيلم رائع و طبعا كانت هايلة في اولاد الشوارع و ليها بصمة كبيره فالفن و عجبني انها بدات تعمل برامج تناقش فيها موضوعات مفيدة و تحاول تحل مشاكل مع الناس
ريما رحباني و صفوة معرفهمش و لا سمعت عنهم قبل كدة
اما الست ليلي هانم علوي
طبعا دي حلم كل شب و فتاة ههههههه زعلت قوي لما عرفت بانفصالها عن حبيبتها بعد اكتر من 18 سنة و قلت لنفسي ازاي بعد كل الحب ده و المدة الطويلة دي يسيبوا بعض ببساطة كدة دي صاحبتها كانت زي ضلها لكن فالنميمة و على جنب انا اعرف ان ام كلثوم و ليلي و نادية حمزة و سماح انور مثليات لكن باقي المذكورات دول ياترى مثليات برضه و لو انتي بتتكلمي عن الفنانات المثليات ماتنسيش بقى المخرجة ايناس الدغيدي و حنان ترك برضه كانت ليها قصة حب قوية و الفت امام و غيرهم كتييير فنانات و مبدعات و كاتبات بوستات فالبلوجات هههههههههه

Anonymous said...

ليه مش قايلة بصريح العبارة ان كل الفنانات دول مثليات حتى المتجوزين منهم معروف انهم مثليات او على الاقل ليهم قصص حب مثلية

الصراحة احسن من اللف والدوران

stranger said...

اعتقد ان مستقبل المهني لايمكن التنبأ بيه وخصوصا عالم الفن والشهرة

ولا يعتمد علي مهارة الفنان فقط بل قد يحتاج لوسط ملائم للنجاح حوله
واذا في لحظات قد تظهر شخصية جديدة في ساحة الفن تخطف جميع الاضواء اليها
شكرا لموضوعك
"Wild"

blackcairorose said...

كاسبر

وأنا أقول ما أروع أن يكون عملك المثير للاهتمام وغير التقليدى هو فى نفس الوقت هوايتك

blackcairorose said...

كتابة

الشجاعة من أين الاطفال والشجاعة لقبول الواقع والشجاعة للحديث بأمانة عن الحياة دون تزييف وافتعال مثالية وووووو

كلنا نخفى شيئا ما وهو ما أراه مبررا من تجربتى فى الحياة

ولكن أن ندعى العكس تماما هو بجد ما أكرهه، على الاقل اذا اخفيت شيئا فانا لا اتحدث عنه بالمرة ولكن لا ادعى عكسه تماما

هل ابرر لنفسى شيئا بهذا المنطق؟

ربما

blackcairorose said...

كلامك صح أكيد يا أجندة

سألتينى عن سبب غيبتى عندك فى المدونة وسأكتب حالا عن الرحلة القصيرة التى قمت بها

وأجمل صباح يا عزيزتى

blackcairorose said...

سما

اختى الصغيرة كانت بالضبط بتذاكر زيك على محطة ام كلثوم وكنت دايما بقول لها ازاى تعرفى تركزى قابلينى لو فلحتى

وطبعا فلحت لول

سماح انور زادت فى الوزن وشكلها أوحش فعلا معرفش برضه ليه

ليلى علوى
كنت بفتكر ان موضوعها مع صاحبتها واللى بتقدمها على انها سكرتيرتها مش معروف للناس لكن الظاهر ان الكل عارفه لول وانا لولا حد عارفهم شخصيا كنت هعتبر الموضوع مجرد شائعات فقط

على فكرة صاحبتها بتلبس بنطلون وقميص وكرافته اغلب الوقت

blackcairorose said...

سيجارا

نورتى المدونة ويعيشك

وفى انتظار زيارات اخرى

blackcairorose said...

اهلا اسامه ومرحبا بيك

فيروز مهما قيل عنها اقل مما تستحق فهى اول فنانة/فنان علمتنى كيف يكون وما معنى الفن

رغم أن انجازاتها فى العشرين عام الاخيرة فى رأيى اقل بكثير من روعة انجازاتها السابقة

blackcairorose said...

حازم

ربما لأن الاسلوب الفنى مختلف تماما فللوهلة الاولى نشعر صعوبة أن يضم مزاج فنى واحد الاسلوبين معا

وهو رأى قد يكون له وجاهته ولكنه من التجربة رأى خاطىء

blackcairorose said...
This comment has been removed by the author.
blackcairorose said...

لفنج انابيل

شكرا على التعليق واسمحيلى اعلق على الاسماء اللى قلتيها

ايناس الدغيدى؟
حنان ترك؟
الفت امام؟

رأيى الشخصى:

ايناس الدغيدى تدور حولها الاشاعات نظرا لانها جريئة بلا حدود ولا تخشى اراء المجتمع ولكن لا شىء أكثر من ذلك

حنان ترك؟ ربما وهو ما يفسر طبيعة زواجها والذى كنت اندهش له

الفت امام؟ اول مرة اسمع بهذا وان كنت لا استغربه، وهى لذيذة جدا فى تمثيلها واصبحت الان اكثر جمالا وشياكه عن بداية ظهورها

ولا ايه رأيك

blackcairorose said...

انونيمس

اكيد فيه رابط بين الاسماء اللى اخترت للكتابة عنها لانهم ببساطة لا يجمعهم حتى مجال فنى واحد

واذا كان السؤال ايه هو الرابط ده فانا بحب اسيبه لذكاء اللى بيقرأ

هذا ردى ببساطة

blackcairorose said...

شكرا فانيلا على المرور والتعليق

واكيد بتفق معاكى فى الرأى خاصة لان الوسط ده بريقه كبير قوى وبالتالى المنافسة وتمن النجاح برضه مش هين

وخالص الود وفى انتظار زيارات اخرى

وتسلمى

نهى جمال said...

معاكي ام كلثوم مرتبطة بالسن

والحالة

بس أنا حبيتها من أيام الثانوي

فيروز مش فاكرة لأنها من زمان أوي
ساعات بحس إي اتولدت بسمعها
:)

ريما الرحباني أعتقد ان سبب عدم شهرتها هي سبب عدم شهرة هدى حداد أخت فيروز برده
يمكن ارتباطهم القدري بفيروز ستر شعاع ظهورهم كنجوم

تحياتي ياجميلة بوست منعش للذاكرة

إحساسي كده

سمـــــــــا said...
This comment has been removed by the author.
سمـــــــــا said...

سورى يا باشا هنجت وكنت بعمل كومينت والنت فصل وجيت انشره لقيتنى نشرته عندك ازاى معرفش : ))))

العتب على النظر بقى

بس عجبنى اوى موضوع بنطلون وقميص وجرفاتة : ))) رغم انها ليلى علوى وتستاهل الواحد يلبس لها سموكن مش قميص وبنطلون بس لكن انا مبعترفش بالستات اللى عايشالى فى دور السبع رجالة وناقص تربى دقنها لازم الست تبقى ست مش كده واللا ايه ؟

blackcairorose said...

نهى

اهلا بيكى وشرفتى

وانا من قراء مدونتك على فكرة بس يمكن مجتش الفرصة انى اعلق عندك

وخالص الود

blackcairorose said...

اى نعم يا سما بنطلون وقميص وكرافته زى ما بقولك كده

والناس فيما يعشقون مذاهب

ناردين said...

اوجزتي فأنجزتي فكعادتك ابدعتي
..
لفت انتباهي اوي جملتك : هل تذوق أم كلثوم مرتبط بالسن؟
لسه فاكرة من حوالي اتناشر سنة
صديق مقدرش انسى كلامه كان متأثر جداً باغنية لام كلثوم كانت شغالة ، فقلت له انا مستغربة انسان بيفهم زيك ازاي معجب بدي ومعتبرها مطربة اصلاً ، دي صوتها وحش جداً وحش بجد انت ازاي مستحملة وبعدين ملل ، تعيد الجملة سبع مرات ، هي بتحفّظنا؟
فابتسم بمنتهى الثقة قالي بكرةهتحبيها
قلت له مستحيل بقولك صوتها وحش
ومن حوالي تمن سنين
لقيتني بشغل ام كلثوم واهدّي النور واقعد على الكرسي لمدة الاغنيةمبعملش غير اني بس بسمعها او بالاصح
بحسها
هل مسألة سن .. ولا مسألة مشاعر وقدرة على تذوّق والاستمتاع باحساس الحب مش عارفة
...
ونظراً لان سمعت صوت سما بتغني هنا
فين يا سما
اللي شفته؟
اللي شفته؟
...
بجد بجد
وحشني اني اعلّق هنا
بس موحشتنيش بوستاتك
لاني مهما كان انشغالي لازم اعدي اشوف بنفسي او سما تحكيلي بالتفصيل الممل
..
خالص مودتي

blackcairorose said...

ناردين

انا دايما بقول انتى رحتى فين بس لما بلاقى سما علقت بقول خلاص واحد!

وحشتنا بوستاتك الرومانسية

مش ببالغ لو قلتلك ان ليكى تعبيرات يمكن اتكتبت من شهور لكنى مازلت احفظها واتذكرها

وخالص الود

Hayam said...

انا فيروزية من الطراز الأول وزيك بالزبط معرفش ايه سبب شهرة ام كلثوم حتى اني دايماً بقول لأمي هي توجدت بس عشان ازمة الفنانية وقتها

فيروز صوت وتنهيد ونفس يرجع الروح


اما سماح انور فكان ليها حاجات معلقة معايا فطوفولتي وكنت من شدة تأثري بتمثيلها كنت اوقات بحلم بالمشهد وانا نايمة

طفلة بقى

اما عن الباقيين فمليش رأي محدد

وقعت على مدونتك بالصدفة وانا بعمل سيرش على اسم اخت فيروز لي كانت بتمثل في مسلسل للأطفال كنت عايزة انزل حلقات منه المسلسل ده لبناني وفيه اغاني للأطفال وكانت بتغني فيه اخت فيروز وبدور احداثه في مدرسة ياريت لو تعرف اسمه تنجدني اسم اخت فيروز في المسلسل كان ابلة نائلة او نايلا على حسب نطق البناني

سلامي وتحياتي

Damien Riley said...

ام كلثوم بحب ذكرياتها ايام الشتا الساعة خمسة على الراديو و انا قاعدة بذاكر و استني يا ترى هيجيبو ايه النهاردة و افرح قوي لو جابوا فات المعاد او بعيد عنك او ياسلام على فكروني وانسى كل المذاكرة و اي حاجة حواليا و اسرح مع روعة ألف ليلة أو أمل حياتي و انبسط لو حطوا يا مسهرني او اسأل روحك او هجرتك و اعتقد دول اكتر اغاني كانت بتسعدني وانا مدفية كدة وانطرش قصدي انطرب من كلمات الأغاني و اللحن اكتر من صوتها و برضه كنت اقول الست دي صوتها الناس بتتجنن عليه ليه دي لولا الناس اللي بتكتبلها و تلحن لها و لا كنت افرك اسمعها بس بالتعود حبيتها أما جارة الوادي اه ه ه ه ه منها و من صوتها اللي بيهز كياني في شادي و اعطني الناي و مش فاكرة اي حاجة سمعتها لفيروز مقولتش عليها الله نادية حمزة معلقش معايا اي فيلم ليها سماح طبعا دي حبيبتي و كنت بحبلها اوي من اول ما طلعت الحراملك و بعدين ابدعت في بيت القاصرات و فيلم تاني كان رائع كانت اخت هشام سليم و كانوا اهلهم مسافرين و سيبينهم على طول و هشام ادمن المخدرات المهم كان فيلم رائع و طبعا كانت هايلة في اولاد الشوارع و ليها بصمة كبيره فالفن و عجبني انها بدات تعمل برامج تناقش فيها موضوعات مفيدة و تحاول تحل مشاكل مع الناس ريما رحباني و صفوة معرفهمش و لا سمعت عنهم قبل كدة اما الست ليلي هانم علوي طبعا دي حلم كل شب و فتاة ههههههه زعلت قوي لما عرفت بانفصالها عن حبيبتها بعد اكتر من 18 سنة و قلت لنفسي ازاي بعد كل الحب ده و المدة الطويلة دي يسيبوا بعض ببساطة كدة دي صاحبتها كانت زي ضلها لكن فالنميمة و على جنب انا اعرف ان ام كلثوم و ليلي و نادية حمزة و سماح انور مثليات لكن باقي المذكورات دول ياترى مثليات برضه و لو انتي بتتكلمي عن الفنانات المثليات ماتنسيش بقى المخرجة ايناس الدغيدي و حنان ترك برضه كانت ليها قصة حب قوية و الفت امام و غيرهم كتييير فنانات و مبدعات و كاتبات بوستات فالبلوجات هههههههههه