Sunday, October 7, 2007

كمان وكمان

أحب أن أتكلم فى موضوع تناولته بعض المدونات العزيزات بمناسبة المسلسل الرمضاني، وإن كان الموضوع نفسه غير رمضاني
.
الاغتصاب
.
لاحظتم فى المسلسل أو بشكل عام حينما يأتى ذكر للاغتصاب بأنه دائما يتم تصوير الضحية بشكل ايجابي بل مثالي؟
.
السبب واضح جدا وهو أن مجتمعنا الذكورى والرجعى لحد كبير قد لا يدين الاغتصاب بشكل كبير إذا وجد أي سبب يمكن أن يمس الضحية اخلاقيا أو اجتماعيا، فعند وجود أى من هذه الأسباب يقوم المجتمع بتبرير قيام المعتدى بفعلته
.
يعنى ما لم تكن الضحية طيبة جدا وشريفة جدا ومظلومة جدا سيجد الكثيرون الأسباب لغض النظر عن جريمة الاغتصاب أو على أقل تقدير إيجاد مبررات للمعتدى لما قام به
.
هل يستطيع مثلا عمل درامى أن يصور المغتصبة صايعة حبتين أو متحررة شوية؟ أو لنذهب أبعد وأعقد ونقول أن الضحية ربما تكون قد ذهبت للمعتدى فى منزله بإرادتها لان الاتفاق بينهما كان على ممارسات جنسية معينة ولكن الرجل أخذ منها بالعنف أكثر مما أرادت هى منحه؟
.
سنجد عندئذ الرأى الشائع لدى الرجال وللأسف أيضا لدى الكثير من النساء أن الضحية تستحق ما جرى لها، رغم أن الجوهر فى الجريمة واحد وهو استخدام الرجل للعنف لنيل متعته الجنسية بالشكل الذى يريده دون مراعاة ما تريده المرأة أو موافقتها
.
تتذكرون حادثة فتاة العتبة منذ سنوات وماقيل وقتها فى تبرير الجريمة أو لتقليل مسئولية المغتصب من أن الفتاه تجاوبت معه جنسيا فى البداية؟
.
وحوادث التحرش فى وسط البلد العام الماضي حين كتبت بعض الأقلام أن الفتيات كن يسرن وحدهن فى مناطق يزدحم فيها الشبان أمام دور السينما؟
.
ومنذ أسابيع حين ذكرت الصحف أن فستان المغنية مروة والديكولتيه المكشوف ـ وهو فستان متواضع مقارنة بما ترتديه بعض المغنيات الأخريات ـ هو الذي يلقى عليها اللوم فى حادثة التحرش خلال حفل الساحل الشمالي، فهي يا حرام استثارت الشباب فلم يستطع سوى الانقضاض عليها
وهذا المذيع التليفزيوني المشهور بغبائه والذي أخذ يردد موضوع الفستان في حواره معها، ولا يدرى أن هذه الحجة إذا كانت تستخدم اليوم لأن الفستان مكشوف ستستخدم غدا إذا لم تكن الفتاه ترتدي ملابس طويلة، وبعد غد إذا لم تكن محجبة، والأسبوع القادم إذا لم تكن منقبة، والشهر القادم إذا تجرأت فتاة أصلا وخرجت من منزلها ففي كل هذه الحالات ستكون الضحية عندئذ قد سهلت وساهمت بشكل ما في جريمة اغتصابها، وهو منطق يسوده الجهل والشوفينية المتفشيين فى مجتمعنا
.
.

18 comments:

اجندا حمرا said...

صديقتي العزيزه بلاك كايرو روز

موضوعك متميز و طريقه تناولك له اكثر من رائعه

فكرتيني بفيلم شوفته اللي اخده قصته و عملوها عندنا فيلم اغتصاب فاكراه؟

الفيلم ده كان بتاع جودي فوستر
ليه افتكرت الفيلم ده لما قريت كلامك يمكن عشان متفق مع اللي قلتيه بخصوص انهم يصوروا الضحيه انها بنت ناس و لا غبار علي اخلاقها و بتلبس محتشم اما لو كانت عكس كده و قام اي حد بأغتصابها سواء ستات او رجاله يسمعوا عن الجريمه حيبتدوا يقولوا تستاهل

ده بالظبط اللي حصل في فيلم جودي فوستر كانت بتلبس محزق حبتين و في يوم الجريمه شربت شويه و رقصت بشكل مغري حبتين و ده دفع الرجاله اللي قاموا بأغتصابها بعمل كده عشان ده اثارهم جدا زي مابان في الفيلم و حتي المحاميه اللي كانت بتدافع عنها في الاول كانت بتهاجمها جدا و بتشكك في حتي اتاهمها للرجاله دول

المشكله ياروز ان حتي لو الجريمه دي بتحصل بتلاقي الناس بيربطوها بحاجات كتيره يااما المجرمين كانوا واقعين تحت تأثير المخدرات و بالتالي مفيش حرج عليهم
ياأما الضحيه قامت بأستثارتهم بشكل او بأخر يابلبسها يابطريقه كلامها زي مابنقعد نسمع علي الكليبات اللي بيطلقوا عليها كليبات العري و يقولولك انها سبب من اسباب الاغتصاب
الصراحه انا شخصيا مش عارفه احط ايدي علي سبب محدد لجريمه بشعه زي جريمه الاغتصاب بس الناس لازم فكرها يتغير ممكن زي ماذكرتي الضحيه تكون متفقه علي ممارسه معينه بشكل معين فلو تغيرت و بقت عنيفه حتتحول تبقي اغتصاب بس في نفس الوقت الفكره من الأول لما حيجوا يحاكموا المجرمين المجرمين نفسهم حيقولوك دي جاتلنا برجليها

اعتقد ان في بلاد بره بيهتموا اوي بالنقط الصغيره دي عن عندنا و لكن تظل المرأه برضه في كتير من الأوقات بتتظلم و عجبي

تحياتي ليكي مره تانيه علي البوست المميز و اسفه للأطاله

Heart Beat said...

اعتقد ان الاعمال الفنية اللي من النوع ده بيكون فيها المشاهد مافيش اودامه غير حاجه من الاتنين يا اما يتعاطف مع المعتدي يا اما يتعاطف مع المعتدى عليه و بالعافية كمان

يعني المشاهدين غصب عنهم يتعاطفوا مع الشخصية اللي عايزها اصحاب العمل تبان كده و تنور

زي بعض الممثلات اللي مستحيل تظهر في دور غير انها ذكية و لماحة و بتتصرف بسرعة البرق تيجي تطلع في دور معلمة شرانية برضه بقدرة قادر كده تلاقي الناس تعاطفت معاها في الآخر رغم شرها ده

يعني مثلا في مسلسل قضية راي عام و اللي تناول قضية الاغتصاب هاتلاقي شخصية المغتصب هشام ممكن يصعب عليكي مثلا عشان الصورة اللي بنشوف عليها اهله و تردده الدائم في مشاهد كتير و كأنه هاينطق يقول الحقيقة و يندم على اللي عمله

و برضه الحوار اللي عمال يدور في المسلسل من ان اهمال الاهل للاولاد في سن الشباب هو السبب في انحرافهم

و عبارة تانية برضه سمعتها بتتردد في المسلسل بتقول ان الانسان تحت تاثير المخدرات مابيكنش عارف هو بيعمل ايه

يعني شوية بشوية لاقيت العمل بيدي مبررات للمغتصبين انهم ناس تحت تأثير المخدرات و جذب انتباه المشاهد عشان يشفق على شخصية هشام و لا سيد اللي كان عايز يكمل تعليمه و يتجوز اللي بيحبها

هي لو حوادث الاغتصاب بتحصل في الشارع بس من خطف و اعتداء يبقى ممكن نقول اه يمكن عشان البنت كانت لابسه كذا و لا الولد كان تحت تأثير المخدرات

لكن في حوادث اغتصاب بتحصل في البيوت و اماكن العمل

كتير من الحوادث دي مابنسمعش عنها في مجتمعنا او يمكن بيداروها لكن ده مايمنعش انها مش موجودة في مجتمعات تانية لان الرجل و المرأة هما واحد في كل المجتمعات

انا سمعت مثلا عن جد اغتصب حفيدته اللي كانت بتودي له الاكل كل يوم في بيته

و طبعا سمعنا عن قصص الاباء اللي بيغتصبوا بناتهم او الخال و بنت اخته او العم ... الخ يعني

و على فكرة اعتقد كده ان لو العمل الدرامي صور المغتصبة على انها صايعة حبيتين تأكدي ان الدور لازم تمثله ناديه الجندي او ليلى علوي عشان ناديه هاتخلينا نقف جنبها و نشهد بذكائها في الانتقام من الجاني و ليلى هاتصعب علينا لما تعيط شوية و ننسى انهم صايعين حبتين

و بعدين ماتنسيش كمان ان مجتمعنا ماعندوش حاجه اسمها دي غلطة الرجل ابدا مهما حصل حتى لو الضحية كانت مش بتخرج من بيتها و اغتصبها مثلا الموظف اللي بيجي يكشف على عداد النور زي زمان هايقولوا انها قليلة الادب ازاي تفتح الباب لرجل غريب

هنا بقى في البلد اللي انا فيها دي حوادث الاغتصاب بتم لسيدة لابسه عباية سوداء مغطية كامل جسمها و مش باين حتى وشها و مابتمشيش في الشارع لوحدها كمان يعني لازم يكون معاها ابنها و لا اخوها او جوزها

اهي واحدة زي دي لا صايعة و لا لابسه لبس ضيق مثير مثلا و لا ماشية لوحدها في الشارع ولا حتى يعرفها من اصله و المغتصب لا تحت تاثير المخدر و لا الكحول حتى و مع ذلك برضه بيغتصبها

و في قضية شهيرة هنا السيدة قتلت الشخص اللي حاول اغتصابها حكموا عليها هي بالقتل حدا ... عشان السبب اللي قلتيه في موضوعك الفرق بس انها استقبلته في بيتها و لما بدا يقل ادبه و ايده طولت دافعت عن نفسها لدرجة انها قتلته

جاء حكم المحكمة بالقصاص لان مافيش حاجه هنا اسمها دفاع عن النفس

He & She said...

المغتصبة صايعة حبتين أو متحررة شوية؟ أو لنذهب أبعد وأعقد ونقول أن الضحية ربما تكون قد ذهبت للمعتدى فى منزله بإرادتها لان الاتفاق بينهما كان على ممارسات جنسية معينة ولكن الرجل أخذ منها بالعنف أكثر مماأرادت هى منحه؟-
I laughed at that piece. Anyways it gave me an idea about how you personally think of this matter. I guess you would like it one day to happen as once I posted in my blog

http://howawaheya-he-and-she.blogspot.com/2007/09/very-funny-consentual-sex.html

He & She said...

Black rose. Let me please use your blog to say something for Agenda 7amra and heart beat
Agenda 7amra, The predator attacks only the available prey. If the prey won't show off in front of the predator he won't attack her. If there is something called sexy clothes then there is something called non-sexy clothes
Hear beat, What you talk about is called " the tone of the narrator" The one who tells you the story surely can control your emotions, and you have to consider that before you judge. Read those two people talking about the same event. One says" Wa7da mashya nos 3eryana fe share3 dalma wa 3ammala tet2ssa3 we lamma 7d eghtasabha gaya teshteki"
The other said" El bent mashia fel 7alha, ray7a shoghlaha wa fe la7za tele3laha zay el 7ayawan el ga3an wa eghtasabha" Now see how you feel for each

اجندا حمرا said...

dear black cairo rose

allow me to respond to what he&she said addressing me

what u said that the predator attacks only the available prey ,if she didnt show up he wont attack her

we r not living in the jungle my dear,as i said before there r lots of reasons leading to this the sexual harrassment and as my beautiful heart beat said,not necessarily the prey wearing over sexy clothes
so they r sick minds those who impose attacks sexually over females whatsoever the reason

Heart Beat said...

عزيزتي

Blackcairorose

في سؤال طرح عليا من

he & she

امسحي لي بس استفسر عن السؤال ده لاني مش عارفه هو يقصد اي جزء بالظبط في تعليقي يمكن ان بس مش واخدة بالي اسمحي لي اسأله هو يقصد ايه بالظبط

He & she

I just want to know which part of my comment that you ment by your lines addressd to me

i would appreciate it if you quote which part of it so that we can disscuss it clearly

thank you

soso said...

للموضوع عدة محاور اساسية وكل محور لو تحدثنا فيه سيأخذ مجلدات ولكن ساحاول استيضاح فكرتي بأقل الكلام الممكن,,

أول محور : السؤال الذي يجب ان يطرح هو ماهو معني الاغتصاب ؟؟

هوأخذ شيء بالقوة من انسان , بغض النظر عن اي مغريات.
بغض النظر عن المغريات!!.

(( اتذكر قبل سنة ونصف قراءة في جريدة بريطانية ان رجل يناهز 33من العمر رفع قضية ضد امراءة متهما اياها بانها اغتصبته؟ الغريب في الموضوع عند قرائتي للخبر ضحكت جدا وفي قرارت نفسي قلت بلغ الغرب من السخف ومن تطور حقوق الانسان لديهم ان رجل يقدم شكوة لان امراءة اغتصبته؟ ولكن استوقفت نفسي كثير وفكرة (اعترف بانه جلست ايام اقنع نفسي بالفكرة:) مهما كنت اضل عربية :) ) بان اذا كان الاغتصاب معناه اخذ شيء بالقوة فلماذا استغر هذا الشيء فالرجل انسان في النهاية والمراءة انسان مثله ومااقوي البشر على بعضهم بغض النظر عن ماتحت حزامهم:)

اعتقد جزء من قرائتنا لقضايا الاغتصاب نقراءة بثقافة مجتمعنا بعيد عن انسانيتنا بعيد عن واقعنا

والاغتصاب انواع اغتصاب المحارم اغتصاب الاطفال .....ويطول الحديث,

ــــــــــــــــــــــــــــــــ

المحور الثاني :قراءة الاغتصاب من خلال ثقافتنا:

بختلاف مواقعنا في العالم دائما المراءة ضعيفة جسديا قوية في الشر والرجل قوي جسديا يقع بالخطاء بسبب وجود الشر

((احيانا اتسال يا ترى لو لم تكن هناك امراءة هل كان هناك اي خطاء))

طبعا كل هذة التساؤولات زرعها ضغط المجتمع واستسلامي قبل كل شيء لمايقدمه لي دون تساؤل دون وعي ولكن كل ماكبرت كبرت التساؤولات ورفضة الاستسلام الا لكل ماهو عقلاني وتقبلة نفسي ومبادئي قبل اي شيء,,

المراءة دائما مدانه.

في مجتماعتنا العربية ودائما الخطاء عليها قبل الرجل رغم ان فعل الزنا يتطلب شخصان لا شخص , والاسلام لم يفرق في اي شيء من هذا فاحكام الزنا للمراءة والرجل واحدة لا فرق بينهما ابدا,

ولان الإغتصاب يتطلب وجود ظالم ومظلوم وحدث مساعد فركز العالم كله على الحدث المساعد والظروف ولم يفكر بالفعل ذاته,

حينما نقع بالخطاء ونساق لرب كريم ويسألنا لم فعلت هذا او هذا ؟ ونخرس هل يتجراء احد فينا في لحظتها ويقول الشيطان اغواني؟؟؟؟؟؟؟

مهما كان فالله خلق الانسان بإرادة يختار الخير ويختار الشر بغض النظر عن المغريات ,,

ــــــــــــــــــــــــــــ

المحور الثالث:لماذا تحدث حالات الاغتصاب؟

ليس فسق الضحية هو السبب ,وحرمان الرجال واستثارتهم السبب؟

ولوكانت هذي هي الاسباب فلماذا تحدث حالات اغتصاب في امريكا مثلا بلد الحريات في العلاقات؟؟

اسباب الاغتصاب مازالت مجهولة وحتى الطب النفسي مازال يحاول الفهم والقياس ,


حينما كنت ذات مره في لاس فيقاس مررت قرب نادي ليلي غريب الشكل وحين سالة قالوا لي نادي ليلي لغريب الاطوار ؟ وسألة ماذا تقصدون بغريبي الاطوار ؟قالوا من محبي العنف الجسدي وبدا الشرح المفصل عن ان هناك اشخاص لا يحصلون على اللذة الا من خلال القوة بل ان داخل النادي يباع لهم افلام وبعض الادوات الخاصة ...الخ ,

الغريب ان اصبح لهم اماكن خاصة لا اعرف اذا كان هذا سيعالج مشكلة في مجتمعهم او سيزيدها ولكنها خطوة تستحق التوقف والتفكير فيها,

واتذكر انهم بعد ماتم شرح لي توجه النادي الليلي خضنا نقاش شرس بهل سيعالج ام سيأخر القضية, وحين كان الجميع ينظر لي لأخذ رائي خاصة وانا من بلاد لا يفهمون كيف تعيش المراءة فيها قلت لهم : لست في مجال اقول فيه هل هو حقا سيحل قضية ام سيزيدها بؤس ولكن في جنوب شرقي اسيا توجد نواد ليلية تستطيع فيها ممارسة الجنس مع الاطفال ولها ميزانيات وتوضخ فيها ملايين الدولارات ومكسبها اكثر من مليارات الدولارات هل هذا سيعالج القضية ام سيأخرها لا اعلم حقا ولكن ادرك ان مااقبله انا قد يرفضة غيري وما ارفضه انا يقبله غيري المهم ان اللتقي انا وغيري في بقعة نتفق فيها لا اكثر ولا اقل ...,, غضب البعض لربط بين المتعة عن طريق التعذيب وبين الاعتداء الجنسي على الاطفال ولكن اعتقد انهم فهموا قصدي جيدا,,,,

((نقطة للامانه يجب ان انقلها ان حين تذهب لنادي الليلي توجد غرف تستطيع ان تمارس فيها الجنس مع فتاة تمثل لك دور المغتصبة جيدا))


ويبقي في البال :
لـــله في خلقه شؤون
ـــــــــــــــــــــــــــــــــــــــــــ

*** الأخت هارت بيت
ذكرتي نقطة ذات انعكاس في نفسي عن امراءة دافعت عن نفسها بذات يدها حين تمادا معها رجل كان برفقتها ليل وبان المحكمة حكمت عليها قصاص,

نحن نعيش ظمن ايطار مجتمع ولسنا في ايطار غابة وان كان لك حق فالمحكمة تأخذة وليس بيدك,

وحكم القصاص شرعا واضح القاتل يقتل , ولكن من دافع عن نفسة وعن عرضة وعن ماله فهو دافع , والمغتصب شرعا له حد وهو يدخل في ايطار المفسدين في الارض وحده القتل,,

وانا متاكدة ان القضية التي تتحدثين عنها ابعد من ان تكون مجرد حالة دفاع عن النفس في وجة مغتصب والا لما حكمة المحكمة عليها بالقتل ,,

ـــــــــــــــــــــــــــــــ

في النهاية اقول الاغتصاب يحدث في كل زمان ومكان وليس محصور على امة معينه او في زمن معين والاغتصاب حصل في زمن النبي عليه الصلاة والسلام وهو اشرف الازمان على الاطلاق فما بالكم في زمننا نحن,,

اما في قضية كل ماتسترت المراءة فهي تحمي نفسها وان جلست في البيت افضل لها.......ألخ,

فأقول لكم في زمن الرسول عليه الصلاة والسلام كان يخرج النساء لصلوات كلها للمسجد منها صلاة الفجر ,وذات يوم خرجت امراءة من منزلة لتصلى الفجر وتعرض لها رجل وهرب لم يستطع احد معرفته او القبض عليه فوصل الخبر لرسول صلى الله عليه وسلم ومع ذلك صمت الرسول صلى الله عليه وسلم ولم يأمر بمنع النساء من الخروج للمسجد ولا على الاقل فجر بل امر بالبحث عن الرجل فقط,,,

ــــــــــــــــــــــــــــــــــــــــــــــــــــــــ

المحور الرابع والاخير:

نحن ننظر للفن كمتعه كأداة تسلية بينما الفن قبل ان يكون فن هو فكرة وثقافة وعلينا ايصال الفكرة بكل الفنون الممكنة من مسرح ومن رسم من كتابه من ...ومن .....ومن ....الخ,

وحين ننظر للفن كفكرة يريد شخص ايصالها لنا نستطيع ان نفسر بعض القضايا ((بالنسبة لي غالبا مااسال ماهو توجه كاتب النص او ماهو توجة المخرج او الكاتب او المغني او صاحب الفن مهما كان فنه )) ولكن عربيا اجد اني لا احاول السؤال لانه نادر ما اجد لشخص توجه معين او فكر معين بل كل التركيز على تسلية وتغذية الغرائز مهما كان موقعها داخل النفس البشرية ولو كان هناك جمهور يسأل ويستفسر فسيكون هناك احترام لعقلة ,,قوة رغبة الجمهور تتحكم في اكبر شركات الانتاج في دول العالم وهذي حقيقة,,

ولكن للامانه يجب ان اقول لولا لم يستفزكم مسلسل يسر لما كنا في نقاشنا هذا 

بعض الفنون بسخافتها ((اقصد تقديما)) تدفع الجمهور لنقاش :)

مع اني شخصيا اجد المسلسل جريء وجيد ولا اعرف لما هذا الهجوم الشرس عليه على الاقل لم يكن روتينيا :)


وللتغير توجة الاعلام يجب ان نبدا بأنفسنا ومن ثم بمن حولنا,,,

التغير ينطلق من الذات

لوكل شخص صادف فديو كليب ((كمايسميها البعض التعري)) فاشاح بصرة او غير القناة لما كان هناك انتاج لمثلها

لان الهدف مهما تغير يبقي الربح هو الهدف الألذ بالنسبة للمنتج ومن الصعب ان ينتج شيء ضد رغبة المشاهد لان ربحه سيكون خاسرا,

ـــــــــــــــــــــــــــــــــــــــ

أخير اعتذر عن الاطالة والدخول في كذا نقطة اتمني ان يكون كلامي مفهموم وان لا اكون أطلت :)

تحياتي للجميع
وأن نختلف ليس معناه أن نصبح اعداء

He & She said...

Hi Heart beat. All your comment is talking about the control of narrator on your decision. Here is the main part
اعتقد ان الاعمال الفنية اللي من النوع ده بيكون فيها المشاهد مافيش اودامه غير حاجه من الاتنين يا اما يتعاطف مع المعتدي يا اما يتعاطف مع المعتدى عليه و بالعافية كمان

يعني المشاهدين غصب عنهم يتعاطفوا مع الشخصية اللي عايزها اصحاب العمل تبان كده و تنور
and I absolutely agree with you. When somebody tells me a story of that kind the first thing I do is to figure out what messege he wants to deliver to me

He & She said...

Agenda 7amra,
Akh....I forgot we are not living in a jungle

Heart Beat said...

اسفه عزيزتي بلاك كايرو روز

هارد بس على

He & she

--------

Yeh Dear i got your idea now coz i was thinking which part it is about the narrator

most of the arts in all the fields are like that just the simple own vision of the narrator

and as you know here we have just one format for each actor or actress like the examples i gave Nadia Elgendy no way that she will act like an idiot in one of her roles, she is always the smart and the genuies all the way and at the end it is us the stupid ppl who believed such nonsence

even in the big crimes like our discussion here it is always based on the narrator vision unless we lived it by our own then this will be the truth about it

سمـــــــــــا said...

هى يسرا ورايا ورايا حتة هنا

بصراحة بعيدا عن يسرا ودوشتها موضوع الاغتصاب او حتى التحرش فى حد ذاته موضوع معقد وله ابعاد كتير وانا كنت عملت بوست بالتحرش بالمرأة فى البلوج القديم بتاعنا

لكن نيجى للى انتى ذاكراه ان لو الاغتصاب تناولوه فى مسلسل او فيلم لازم طبعا البطلة تبقى صاحبة القيم والمبادىء الرفيعة وياحبذا لو كانت أمرأة فوق العادة كمان علشان الناس تتعاطف وتهلل وتقول دى كانت محترمة وخدومة وفى حالها وولاد الحرام عملوا فيها ايه وطبعا الواقع عكس كده لان صعب تلاقى دلوقتى واحدة بالوصف دا كلنا فينا مميزات لكن مفيش حد مثالى اوى للدرجة دى .

وفى معظم القضايا اللى قريتها عن الاغتصاب لازم يتجاب فى المحكمة هى كانت لابسة ايه وضيق واللا محتشم ناقص يقولو شكل الملابس الداخلية ايه ومثيرة واللا لأ وطبعا لو البنت بتلبس عادى يعنى من غير حجاب او ضيق او قصير الدنيا كلها هتقوم وساعتها هى اللى هتبقى قضية رأى عام والكل هيعيش فى حدوتة ان البنات هما اللى بيشجعوا الولاد على التحرش بيهم بلبسهم وممكن جدا واحد يعتدى على بنت ويطلع براءة لو معاه محامى صايع زي ما شفنا احمد ذكى فى فيلم مش فاكرة اسمه تقريبا ضد الحكومة لما وقف وضرب مثل دواية الحبر والقلم ..

ولو القضية قضية لبس وحجاب طيب ما فيه ستات محجبات كتير وانا شفت بعينى ان ممكن تبقى واحدة محجبة ولابسة قمة الاحترام وواحد يعدى من جنبها يقولها كلمة فى منتهى القذارة لدرجة انى بستغرب واقول طب دى ليه دى محترمة اوى

نرجع ونقول المجتمع ومشاكله والهزة الموجودة فيه من جميع النواحى سواء الافكار او الثقافة او التربية او ظروف المعيشة مخلية كل السلوك داخلة فى بعضها عند الناس ومحدش فاهم حاجة ولا حد عايز يفهم طالما فيه قوت اليوم والسيجارة والمزاج يبقى الدنيا تولع مش فارقة .

تصدقى موضوعك عصبنى ولو اتفتحت مش هسكت دلوقتى
وانا شكلى رغيت 500 ساعة بس والله الموضوع تناولتيه بشكل جميل وانا دايما بتعجبنى ارائك وخصوصا لو ضد يسرا : ))

blackcairorose said...

اجندا
طبعا شفت فيلم جودى فوستر وهى اخدت اول اوسكار ليها عن دورها، ومشهد الاغتصاب كان جامد قوى فوق طرابيزة البلياردو، وفعلا ده اللى بقصده ان جريمة العنف واحدة سواء كانت الضحية متحفظة جدا او نص او ربع متحفظة

ومتهيألى فيه اختلاف كبير بين دوافع الاغتصاب فى بلادنا وفى الدول الغربية، فى الغرب دايما يحللوا الجريمة على انها ممارسة للعنف وللسيطرة على الضحية يعنى الدوافع فى سيكولوجية المعتدى وخاصة لما يكون سيريال رابيست اى شخص معتاد على ارتكاب جرائم الاغتصاب، لكن فى مصر متهيألى ان الكبت عادتا بيكون ابرز دوافع هذه الجريمة، وده طبعا مجرد انطباع من عندى من غير مايكون فيه دراسات معينة تأكده أو تنفيه

blackcairorose said...

هارت بيت
هو اغرب حادثة سمعتها فى المكان اللى انتى فيه هى حكاية البنت اللى كانت فى العربية مع صاحبها وطلع عليهم خمسة افراد واغتصبوهم هم الاتنين، قولى ده ممكن بس النكته بقى هى ان القاضى حكم على البنت باقامة الحد عليها لانها كانت مع الشاب لوحدها فى السيارة، يعنى تم اغتصابها واقامة الحد كمان عليها ، جريمتين واحدة باسم انعدام الدين والتانية باسم الدين

blackcairorose said...

He&she

I could not get it to the link, but what I like it to happen is to punish the aggressor and not to justify the crime for unfair and chauvinist reasons. It is extremely ridiculous that all superiority characteristics are always attributed to men, but when it comes to sex thousand reasons and justifications are given to portray men as helpless, uncontrollable and pampered children.

blackcairorose said...

سوسو
شكرا على الآراء المستفيضة والتحليل وانا بتفق مع اغلب ما ذكرتيه

يمكن انا ليه شوية تعليقات مخالفة فى تناولك لموضوع الحجاب فى ردك على ناردين سأعدها وارتبها وهاكتبها لاحقا ان شاء الله
وأكيد أن نختلف ليس معناه أن نصبح أعداء

وتسلمى

blackcairorose said...

سما
عندى تعليقات سريعة كده على ردك:

ـ المبررات بتبقى تلكيك لاعفاء الرجل من تهمة الاغتصاب أو تقليل من مسئوليته، مفيش قاضى هيخفف حكم على حرامى عربيات لو كان صاحب العربيه سايباها مش مسوجرة، لكن لو ثبت ان البنت لابسه معرفش ايه ولا ماشية ازاى بيبقى مبرر فى حالة الاغتصاب لتخفيف المسئولية

ـ المحامين ـ ربنا يجعل كلامنا خفيف عليهم وعليكى يا متر ـ دول عالم لوحده

ـ المعاكسات لو رسيت على كلمة اهى برضه ممكن تعدى، بس ترسى على كده

وخالص التحية

He & She said...

try it again Blackrose. so funny. you will love it

http://howawaheya-he-and-she.blogspot.com/2007/09/very-funny-consentual-sex.html

shreen said...

احسنت القول
يا وردة القاهره السوداء
نحن مجتمع يميل دائما ان يلقى اللوم دائما على الطرف الاضعف
على المرأه

ولانه مجتمع ذكورى
الرجل فيه دائما خطيئته مبرره

مهما كانت قسوتها

لقد مثلت المشكله بأكملها فى هذه الجمله

ولا يدرى أن هذه الحجة إذا كانت تستخدم اليوم لأن الفستان مكشوف ستستخدم غدا إذا لم تكن الفتاه ترتدي ملابس طويلة، وبعد غد إذا لم تكن محجبة، والأسبوع القادم إذا لم تكن منقبة، والشهر القادم إذا تجرأت فتاة أصلا وخرجت من منزلها

نحنفى مجتمع يضع حبل المشنقه دائما حول عنق الضحيه