Wednesday, September 19, 2007

اللى بيتبطل واللى بيتعمل

الروج
البارفان
الشغل
التركيز
سيرة الخلق
الجيبات القصيرة والفتحات الطويلة
اللبس الضيق والديكولتيه الواسع
الرجيم
الدلع بتاع اوقاته
أى كلام مبطن
بعض مواقع الانترنت
السرحان
الكدب الأبيض، الاسود أساسا مرفوض
الشتايم لزوم السواقة وحرقة الدم
ــــــــــــــــــ
ــــــــــــــــــ
ــــــــــــــــــ
قراية القرآن
المواظبة على الصلاة
الفرجة على التليفزيون
السهر للصبح
استنشاق جرعات مكثفة من دخان الشيشة كتدخين درجة تانية
اخراج الصدقات
التردد قبل سهرة السحور بين اللبس العادى واللبس لزوم الشهر
سماع حكايات اختى الكبيرة عن مائدتها السنوية
الكلام عن المسلسلات
قفل قزاز العربية قبل الاشارة علشان مظاهرات الكناسين/الشحاتين
جريان الريق على أى سيرة او منظر للأكل
النظر فى الساعة بشكل اكتر من العاده
التحسر على مرور الشهر بسرعة
.
.

17 comments:

david santos said...

Thanks for posting, blackcairorose!
Vey good
Have a good day

احساس لسه حى said...

عزيزتى
مش عارف ليه الناس بتهاجم انسان انه يغير بعض عاداتة فى الشهر الكريم ده
مع اننا بنغير عادتنا طول الوقت وسلوكنا يعنى مع الاب مش زى مع الاخ ومع الاخ مش زى مع الصديق ومع زميلى فى العمل مش رزى رئيسى فى العمل ومع ابوا صحبى مش زى مع اخوه
وده مش تقليل مش الشخص اللى بنكون على رحتنا معاه عن التانى بالعكس لازم لكل انسان اسلوب معين نراعى فيه سنه وشخصيتة وقدره
وده مش نفاق وازدواجيه
والشهر ده كده من حقنا نوقره غير اى شهر وده مش نفاق لاننا باللى نعمله ده بنهعامل ربنا بس
واى انسان بيغير شئ كان بيعمله علشان الشهر ده اظن انه بياخد عليه حسنات بحسب نيته
تحياتى
سلام

كتابة said...

BLACK ROSE CAIRO....

الأهم أن يكون الخلق الحسن هو
في كل وقت و في كل حين
علما أن هناك أمور من الممكن ألا تقتصر على الشهر
لكن هذا الشهر المميز
كل حسنة به تتضاعف كثيرا في ثوابها
متى ماكانت حقيقية و صادقة...

تحياتي لك
:)

Heart Beat said...

انا بس اللي دايما بسأل و بستغرب منه ان في ناس مس بتواظب على الصلاة او قراءة القرآن غير بس في رمضان

و بعد ما ينتهي الشهر لا صلاة و لا قراءة قرآن و لا اي حاجه

يعني هنا مثلا تلاقي المساجد زحمة بشكل رهيب اوقات الصلوات الخمس يوميا في رمضان

اللي بسأله بقى يعني هي الصلوات الخمس دي في رمضان بس ليه مش بشوف الزحام الشديد ده في بقية شهور السنة

يعني الناس دي مابتكنش بتصلي من اصله و يجي رمضان يبدأوا يعرفوا طريق المسجد فين دي ناس انا مش بأيد اللي بيعملوه لان واضح جدا ان في شوية نفاق في اعمالهم دي طبعا ربنا سبحانه و تعالى هو وحده اللي اعلم باللي في قلوبهم

لكن الناس اللي يعني مش مواظبة اوي لكن بتصلي من وقت للتاني و يجي رمضان و ربنا يهديهم و يلتزموا بالصلاة فدول ربنا يهديهم على طول و يكملوا لبعد رمضان كمان

بس برضه زي ما قالت كتابة ان الأهم أن يكون الخلق الحسن هو في كل وقت و في كل حين

لان اعتقد ان الخلق الحسن مش بيتجزء

نارديــــــن said...

دا واقع فعلاً
بس فيه حاجة تانية بلاحظها وبحس انها بتزيد ف رمضان .. ان الناس مكشرة جداً
مش عارفة ليه مع ان كل حاجة ف الحياة متوافرة وسهلة وجميلة
..
رمضان كريم

kasber said...

أهي قراءه في كتاب حواراتك
وسرحات بين متناقضات البشر
قراءة بلد
تحفظ طقوسها بين الخرافه والعاده
بين الصدق
بين التخبط
بين الراحه
وبين الجنون
السنا كلنا نفس الشخص

اجندا حمرا said...

موضوع في الجون بلاك كايرو روز

احب اضيف كمان للي مابيعملوهوش سماع الاغاني
بيفضلوا يقعدوا في البيت عشان مايرتكبوش ذنوب لو نزلوا يعني مقتنعين ننام احسن
و بالنسبه للشتايم و السواقه بصي هي في النص لانهم برضه بيعملوها في رمضان بس بعد مايقول السواق كل اللي في نفسه و يقول استغفر الله اللهم اني صايم

تحيه كبيره علي بوست في الجون عزيزتي
شكرا ليكي

elharam said...

عاجبانى أوى قوة الملاحظة بتاعتك ومش عارف ليه كل ما أقرا المدونة بتاعتك أحس بجو ستيناتى أرجو نك المواظبة على الكتابة وألا تحرمينا من موضوعاتك الجميلة

كلام من القلب said...

كل سنة وانتي طيبة ورمضان كريم

في رمضان الواحد بيحاول الواحد انه يقلل ذنوبه ده على اساس ان الشياطيين بتسلسل فى الشهر ده فطبعا اي خطأ احنا بنعمله بيبقى مننا احنا بقى يعني ماينفعش نتمحك فى الشيطان ونقوله هو اللى وسوسلي

فالناس عارفة انها فى الأيام العادية بتعمل غلطات كتير اوي اوي بتيجي على الشهر الكريم ده بقى وتقول احاول اققل شوية من اخطائي فى اللى بيتحجب (وطبعا انا من الناس اللى برفض اللى بيبلبس طرحة فى مضان ويقلعها بعد مايخلص رمضان) لو استمر فى الحجاب وربنا هداه لبعض الشهر كمان يبقى خير وبركة لكن اللى بيقلعها بعد مارمضان مايخلص يبقى كان بيستهبل بصراحة

ربنا موجود على طول عايزين نرضيه نرضيه دايما مش نرضيه فى الشهر ده وبس
والناس بترضيه عشان نفسها وبس يعني ايه فىناس بتفكر وتقول منظري وحش اوي لما ماصليش فى الجامع فى الشهر ده الناس تقول عليا طيب على الأقل التزم فى الشهر ده وبس عشان منظري بس

وكل حاجة بتتعمل بتتعمل منظرة وبس فىالشهر ده عشان الناس تصقف للشخص ده وتقوله برافو
بقى بذمتك ده كلام

شكرا ليكي على الموضوع الجميل ده
واتشرفت بدخولي مدونتك

blackcairorose said...

بتفق معك يا احساس بان تغيير بعض العادات أمر مطلوب ومستحب فى رمضان ولا أجد عيبا فى ذلك طالما نقوم به بنية صحيحة وليس حبا فى الظهور أو ليقول عنا الأخرون هذا أو ذاك

وكل عام وانت بخير

blackcairorose said...

الخلق الحسن هو الأساس يا كتابة بالنسبة لى، وهو مسار خلاف فى الرأى بين كثير ممن أعرفهم الذين يصرون على أن الجوهر والمظهر يجب أن يسيرا جنبا بجنب دون افضلية لاحدهما عن الآخر

blackcairorose said...

عزيزتى هارت بيت

أنا بشوف ان اللى مش بيقوم بالواجبات الدينية غير فى شهر رمضان شىء برضه مش وحش، يعنى اى تحسين فى الاخلاق والسلوك ولولفترة محدودة تحت أى مسميات مثل رمضان أو غيره برضه شىء ايجابى طالما كان الشخص بيقوم بيه فى محاولة لترويض نفسه لعمل الصح أو تجربة نفسه فى امكانية الاستمرار على نفس الطريق من عدمه

اما من يقوم بهذه الاشياء فقط للمظهر فده موضوع اكيد خاطىء ونفاق

blackcairorose said...

على رأيك يا ناردين

كله متوفر وسهل وجميل

سيبك انتى دى ناس كشرية بطبعها

لول

blackcairorose said...

اتفق معك ياكاسبر

كلنا نفس الشخص بدرجات متفاوتة

وربما ما لم يعلق عليه او ربما ما لم يدركه البعض من البوست انى أقوم بكثير من هذه المتناقضات وان كنت لا أراها متناقضات من وجهة نظرى لأنى لا أعمل أيا منها بتطرف

blackcairorose said...

شكرا اجندا
وموضوعك فى مدونتك بخصوص رمضان أيضا صحيح ميه فى الميه

وتسلمى

blackcairorose said...

شكرا الهرم على المرور والتعليق

واحنا بس نيجى ايه جنب الحوارات الممتعة بجد اللى بتحطها فى مدونتك المميزة جدا

موضوع ستيناتى دى ضحكتنى شوية، انت عارف ان آخر عشر سنين او اكتر لم اعش فى مصر الا فترة محدودة يمكن ده السبب ان بحس احيانا ان تعبيراتى ومفرداتى قديمة حبتين

blackcairorose said...

الشرف ليه يا كلام فى القلب على مرورك وهاجى ازورك قريب

وفى انتظار زيارات تانية