Saturday, February 14, 2009

نصف ساعة على المخدة



أشعر هذه الفترة أنني لا أيمكن إلا أن أضع قناعا أمام الآخرين

عملي يحتم علي مظهر وسلوك معين، ابتداءا بارتداء نوعية معينة من الملابس مع شعر مهندم وماكياج على الوجه، ثم هناك الابتسامة وابداء التفهم لما يقوله الآخرون، ومحاولة جذب العملاء، بغض النظر عن مزاجي الشخصي أو عما يجري أمامي وما يجب أن يكون رد فعلي إزاءه
أعلم طبعا أن العمل بشكل عام يتطلب تحييد مشاعرنا وظروفنا الشخصية، ولكن أيضا هناك درجات للتحييد المطلوب باختلاف طبيعة العمل، وعملي يتطلب أقصى درجات التحييد

إضافة لذلك أنا لست ممن يتحدثون كثيرا عن أمورهم الشخصية، حتى فى إطار العائلة، ماما كانت دائما تقول أنني ابو الهول كمثال لعدم تحدثي عن أموري، فما بالي مع الزملاء؟
لذا كان من السخرية أنني خلال الاسابيع الماضية ـ والتي كانت حالتي النفسية فى إحدى أدنى مستوياتها ـ أن أجد أثنين من زملائي يشيدون بي فى العمل ويطرون استقراري وهدوئي النفسي والابتسامة التي لا تفارقني ويقولون أنهم يحسدونني على هذا، القول بالنسبة لي وفي ظل إحباطي الداخلي وقتها كان كالمزحة، ولثوان فكرت لو قلت لهم أني لست بالهدوء والاستقرار الذي أبدو عليه في كثير من الأحيان وأنني بالذات في تلك الفترة مكتئبة وغاضبة وحزينة، ولكن طبعا لم أقل هذا وإنما اكتفيت بابتسامة مصطنعة وبلهاء وأجبت بصوت هادىء: شكرا للمجاملة اللطيفة، وكان ردهم: لا ليست مجاملة بجد نحسدك على هدوءك واستقرارك

وهكذا تمضى أيامي الحالية بين عمل مكثف فى الصباح وأنشطة مسائية تابعة للعمل وكلها تتطلب ملابس مهندمة وابتسامة وبساطة فى الحديث وألفة فى الحوار وانصات للآخرين يجب أن تبدو عليه مظاهر الاخلاص!

بصراحة لا اشعر أنني أزيل هذا الماسك إلا حين أعود ليلا للمنزل وأغير ملابسي وأرتدي قميص النوم وأزيل المساحيق تماما من على وجهي ثم أغسله بصابون الكبريت كالمعتاد وأمشط شعري وأرفعه لأعلى بالبنسه وأنظف أسناني، ثم أمدد جسمي على السرير وأطفأ ضوء الاباجورة وأريح رأسي على الوسادة، وكعادتي لا أعبر من بوابة النوم قبل نصف ساعة على الأقل من دخولي السرير
عندئذ خلال تلك الثلاثين دقيقة، وعندئذ فقط ورأسي على المخدة أشعر أنني أنا بدون الحاجة الى ماسك

32 comments:

V.Hayat said...

والله الحين كل انسان فى حاجة الى ماسك للعبور من منطقة الاكتئاب والمزاج الشخصى الغير مستقر ولكن هل الانسان فعلا يقدر على خلع الماسك فى المساء لا اعتقد فالمسك ملازم للانسان حتى فى الاحلام

تحياتى

محمد حمدي said...

ما أحلى الحياه بدون ماسك

لكن هل تسمح لنا الحياه بهذا الترف؟

karakib said...

:(((
مفهوم جدا

Anonymous said...

hi ya rose:
kol el nas labsa masks on her face
there is a song by el masreyeen they r saing on it
maho 2e7na kolena resoom mota7areka 3asyheen ma3a ba3dena f 7ekaya mod7eka
o dah el waqe3 kolo maskes o kolo beyersem el sa3ada o howa mesh sa3eed bas mesh option
yala allah ye3een
salam
sa7e7
happy valantine

مثليه said...

افهم جيدا ما تقولين عن طبيعه عملك واؤكد لك ان كل من يتعامل من خلال عمله مع عملاء لابد له من التحكم في الزراير يعني ماسك نهار و ليل وانا عارفه ان الانسان احيانا بيفيض بع=ه الكيل خاصهة ان كان مضغوط او مكتئب ولكن على رأي سما سي لا في
لازم الماسك وصدقيني ده بيثقلك بخبره جيده و بيميزك عن ناس كتير كونك ليدر والناس بتشوفك قدوة

تحياتي و ارجو ان تختفي تلك الغمامه السوداء عنك و عني و عن كل من هو مكتئب
و كل عيد حب و انت بخير يا قمره

رئيس جمهوريه نفسى said...

بصورة او باخري كلنا كذلك

:(((

Anonymous said...

تعجبني جدا لغتك في السرد ... تقدميين السهل الممتنع

دمتي بخير

leeno said...

It is life .......

كتير ساعات بتلاقي الناس بتمدح في حياتك و فجمالها و سهولتها و المشكلة انهم مش شايفين غير قشرة انتي بتظهريها قدامهم عشان مش من السهل على كرامتك انك توريهم انهزامك قدام العالم و قدام نفسك بتبقي نفسك تقولي مش معنى اني مش بشتكي اني سعيدة في حاجة اسمها الخزن بصمت

لكن الظاهر ميعرفوهاش

FOrty said...

رغم تفهمى الكامل لكل ما تقولين و على الرغم من انى احسدك على قدرتك فى التحكم فى انفعالاتك فانا على العكس تماما وجهى يعكس انفعالاتى فورا دون اى تاخير او تحكم

الا اننى توقفت كثيرا عند صابونه الكبريت صعبه قوى الكلمه خرمت عينى
كبريت يا مفتريه

تحياتى

Unknown said...

طيب إذا بيصحلك شي نص ساعه ممتاز

مرات بحس حتى بيني وبين حالي اني بمثل يمكن عشان ما أنساش أو حتى أواجه نفسي بالحقيقة

بالآخر الناس ملهاش إلا الظاهر

مرات بحس الواحد كلما صار وضعه النفسي أسوأ صارت قدرته على وضع الماسك أفضل بكثير

يعني قمة المأساة مع قمة التناقض

Desert cat said...

قلقتينى عليكى
من فضلك لما تبقى هتغيبى تانى عرفينا
بالنسبة لحياديتك فى العمل والفصل بين الامور الشخصية ان دل فانما يدل على شخصية متزنة حيادية بطبعها
وهذا فى حد ذاته جهد جهيد على النفس العصبية زى كدا
:))
تحياتى ليكى

Ice Queer said...

U r a scorpio, right?
Very expressive post i loved it!

Miso soup said...

اللوح الزيتية رائعة الجمال ... لكن لما نشوفها من قريب تبان تشققات الزيت

مثلية فقط said...

لا أحد يعرف الآخر بشكل كاف
ربما هذا ما دفع زملائك للتعليق


قد نضطر الى الإلتزام بمظهر اجتماعي و مهني معين لكن اكيد ما في أحلى من ان تكوني نفسك و على راحتك دون رقابة و دون حذر ..... خصوصا وقت تفوتي عالتخت

تمنياتي لك براحة البال

ragel keber said...

فيه حد يقول كده في عيد الحب ، تفاءلى كلنا كده ، والحياة ماشية وبكره يوم جديد

Yasmine said...

كانك بتوصفى يومى بالظبط :)
من كا يوم لقيت واحدة فى الشغل بتقولى انى بشوشة اوى و دى اول مرة اسمع فيها التعليق ده من حد و خصوصا ان الايام اللى كانت بتقول عليها دى كانت من اصعب الايام اللى مرت عليا
اقتنعت جدا انى كان لازم اطلع ممثلة بما انى بعرف ابين كويس اللى عايزاه يبان

kasber said...

دائما يرتاح الآخرين للملامح الثابته والشخص الذي يعكس حلم الراحه والاستقرار والهدوء ولكن برغم ذلك يظل موضوع تساءلهم ماذا يخفي وراء كل هذا الهدوء ولو أظهرو عكس ذلك..بل بعد فتره يصبح الهدوء غموض والابتسامه ستار
لا تعتقدين ان الماسك خفي
ولكن
الذي يقال كمدح لذلك الماسك هو مدح نابع من ماسك الآخرين
كأنهم يقولون الماسك الخاص بك متقن ربما صناعه يابانيه
أما أنا
فكسرت تمثال الجبس من زمن
وأتبعت طريق
أكل ما يعجبني
والبس ما يعجبني
وأقول ما يعجبني
وعلي المتضرر اللجوء للقضاء
فكان ردهم
ليس علي المجنون حرج

محاولة لكسر الصمت said...

سيدتي أتمنى ألا تحملي نفسك اكثر من طاقتك, فكلنا نرتدي أقنعة......

soly88 said...

يبدو اننا كممثل المسرح الذى عليه ان يضع مكياجه ويرتدى ملابس الدور
ثم يراجع النص سريعا قبل ان يعتلى خشبة المسرح وكلما كان موهوبا فى ادائه زاده ذلك شعبيه لدى الجماهير التى لن تلتمس له اية اعذار لو كان الأداء باهتا يوما او دون المستوى يوما آخر
وعليه بعد انتهاء عرضه ان يزيل مكياجه ويتذكر ما وراءه من هموم الحياه كباقى البشر

طارق هلال said...

فى ترقب وتعب
هل من متربص أخر
مالكم تنظرون فى عينى
لن تجدوا فيها إلا أفخاخى
قلبى وراء تلك الجبال
وحيدا تحت ظلها
على شاطئ بحر متسع
بعيد حتى عن نفسى
أناديه ربما سيجيب
ولكنه طالما تجاهلنى
يعلم أنى أعذبه
وأنى أشقى فى أحضانه
فيتركنى ويرحل عن عالمى
فقلبى ليس من أعمالى
قلبى كله شجن
وأنا أعيش لأحلامى

emad.algendy said...

اكثر ما اعجبني اني اقرا مواضيعك بشغف واستمتاع من اول حرف حتى اخر نقطة
اعتقد اننا جميعا نضع ذلك الماسك

Migo Mishmish said...

روز
انا بطبيعه عملى انى مدرس .. بحس انى تلميذ فى المدرسه طول عمرى ودا اسوأ احساس فى الدنيا انك تفضلى فى نفس المكان
انا بنام بالليل بحلم بالتحضير ودفاتر الدرجات والملزمه بتاعه المراجعه و والسبورة والطباشير والموجه بتاع الماده
بس انا بعرف اخرج نفسي برة الكلام دا وبنام قتيل ..بس عشان اخرج من المود ده لازم اكون بتفرج على التليفزيون او اقرا كتاب او اى حاجه عشان انام ..بس المشكله ان مشمش بتحب الهدووووء
تحياتى
ميجوووووو

ĆòĆĂ said...
This comment has been removed by the author.
ĆòĆĂ said...

اعذريني بس كده يبقي منفرقش عن الالات في حاجه غير اننا بنغضب ونحزن دون ان نحرك ساكنا يمكن المكنه لما بتتعب بتقف علشان حد يساعدها من تاني تشتغل ويصلحها في حالتنا بنحتاج تغيير تغيير دم الحياه اللي عايشنها بروتينها وكل ما هو مصطنع فيها
الروتين +الماسكات= دائره مغلقه من الاكتئاب

فكرتيني بأغنيه بقالي فتره بسمعها

يمكن ملهاش علاقه بيكي ويمكن ..اه

هقولك جزء منها
When you get what you want, but not what you need
When you feel so tired, but you
can't sleep
Stuck in reverse

someone in life said...

يمكن طبيعه عمللك بتفرض عليكي دة لكن لو كنتي في عمل مختلف ممكن تتصرفي بطريقه مختلفه
انا عكسك انا انفعاليه جدا يعني لو هاطق من جوة لازم دموعي هاتنزل فين ما اكون و بيبان في نبرة صوتي و لو فرحانه بيظهر في عينيه علي طول و في ضحكتي

بتهيألي ما أعرفش احط ماسك .. هو الماسك مش عيب لان بيني وبينك بيحمي كتير من تطفل الاخرين بس مرهق للاعصاب

اتمني لك نوم هادئ وسعيد

blue-wave said...

ياااااااااااااااة
وكأنك تتحدثين عنى سيدتى
فأنا بطبيعة عملى كطبيب مطالب ان اضع ماسك على وجهى
وان استمع للشكاوى طوال اليوم
وابحث لهم عن الحلول
بدون لحظة تجهم واحدة

سمـــــــــا said...

في الشغل الي حد ما بيقي فيه ماسك وخصوصا لو بنتعامل مع عملاء بشكل مباشر بس دا مش ماسك زيف او خداع لكن ماسك طبيعة عمل لان مينفعش ابقي طالع روحي في البيت واروح الشغل اطلعه علي الناس فوقتها مش بنلبس ماسك لكن بنحاول ننفصل عن حياتنا الشخصية ونسيبها في البيت ونروح الشغل بأحساس الشغل لان في الاخر اي حد بنتعامل معاه ملوش ذنب في حالتنا أيا كانت ودا انا بوصفه تحكم في الاعصاب علشان طبيعة شغلنا يعني انا من الناس اللي دايما بضحك وبهرج وبدي مود جميل لكل اللي حواليا من اول العميل لغاية الاوفيس بوي لكن مزاجي انا ايه فدا ميخصش ولا يهم غيري و محبش انه يظهر غير للناس اللي يفرقوا معايا لكن عامة الشعب احبهم يشوفوا البنت الحبوبة اللي مش بتبطل هزار . من فترة كده كنت مكتئبة وكنت بكلم واحدة صاحبتي وفي اول المكالمة قلت لها انا متضايقة اوي وطول المكالمة هي فطسانة من الضحك مني وفي الأخر سألتني سما انتي فعلا متضايقة? قلت لها آه بجد متضايقة اوي قالت لي والله ياريت كل المتضايقين يبقوا زيك كده. وهو دا اللي اقصده ان اللي احنا بنختلط بيهم ملهومش ذنب يشوفوا وش البوبي لان مش هما السبب فيه. لكن اللي انا بعتبره ماسك هو الناس المخادعة اللي في الحياة جواهم غير براهم واللي لابسين وش الملايكة وهما جواهم مقلب زبالة وعفن . هما دول اللي نقول عليهم لابسين ماسكات وانا بقي متعتي في الحياة اني اقلعهم ماسكاتهم دي واوقفهم في المرايا افرجهم شكل وشهم الحقيقي وبعدين اسيبهم بقي واروح أشيش .. هو انا فضيالهم واللا ايه ? :))

جسور سرية said...

العزيزة بلاك روز
و كأنك تصفين يومي كما هو بلا اضافة او نقصان
انا كمان اعمل في وظيفة تحتم عليا التواصل اليومي و المباشر مع الاخرين و غض النظر عن مشاعرك الداخلية و احوالك لابد ان ترسم تلك الابتسامة البلهاء و التي لابد ان تكون صناعة جيدة كمان
God Bless You !!!

اقصوصه said...

اممممممممم

ذكرتيني فالعياده اللي اتعالج فيها

الممرضه اللي هناك دائمة الابتسام

كل ما اشوفها اتسائل بيني وبين نفسي

يا ترى انا ممكن اسوي جيه

احسها تحاول تكون بسيطه وعفويه

وتتعامل بشكل راقي وجميل مع المرضى

وتنجح فعلا باللي تسويه

بس كل ما اشوفها افكر

انها اكيد تبذل جهد كبير

عشان تظهر جدامنا بهالصوره

تدومينه جميله :)

Fatma said...

صعب اوي اللي انتي بتقوليه دا

ضغط رهيب على الاعصاب

انا الحقيقة مابعرفش اداري ابدا وبيبان عليا بشكل ممل

ربنا يكون في عونك

nudy said...

حاسة بيك قوي واد ايه بيكون صعب جدا ومرهق لاعصابنا ولجسمنا الماسك ده قلبي معك واعلم ان الاخرون لا يرون ما خلف الماسك الا نادرا من الاشخاص من يستطيع

كتابة said...

حقيقي
ليا زمن كل لما باجي أعلق
أكتشف إن الجميع قالوا كل الافكار...

مش عاوزة أضيف حاجة مكررة
لكن بجد
وظيفتك مرهقة جداااااا

بالنسبة ليا أنا صريحة بس بضطر احيانا
للماسك
ومع ذلك بيتعبني
للوقت القصيّر ده

اتمنى الحالة التعبانة غابت
و أن النص الساعةاللي قبل النوم بتديكي قوة


كوني بخير