Monday, October 20, 2008

كولون فيليه اسود

كولون فيليه أسود هو أول ما أرتديه

أمام مرآة الحمام بإضاءتها الفلوريسنت الساطعة أحملق فى وجهى وأتحسس بشرتى
نقطتان من كريم الأساس الخفيف على أصابعي وأبدأ فى إسالتهما على الوجه فى حركات دائرية منتظمة لا تترك مساحة من الوجه خالية، تعقبها بودرة خفيفة فأنا أكره وجه البلياتشو، وأكره أن يختلف لون الوجه عن لون العنق وبقية الجسم

أحمر خدود غير زاعق على جانبي الوجنتين من أعلى مع حرص ألا أبدو كعروسة المولد

والآن العينان، قلم كحل رفيع يحدد العين بشكل سموكى وبرفق حتى لا تدمعان، ثم ظلال الجفون وهو دائما غامق، ثقيل فى الركن الخارجي للعين ويخف تدريجيا كلما صعد للجفن أو كلما اقترب من الركن الداخلي

وأخيرا الماسكرا للكثافة والطول
أحمر الشفاه درجة من الطوبى دون تحديد للشفايف، وبعد أن انتهى أطبق الشفتين حتى يمتزج اللون، ثم أضع ورقة كلينيكس بينهما لثوان لامتصاص أية زوائد

انتهى الماكياج
ابتعد عن المرآة قليلا وأنظر لوجهي ككل
أبتسم لأرى كيف تنعكس الابتسامة على ملامحي
ثم أضحك كيف تبدو قسماتي وأنا أضحك
ثم أقطب لاستكشف ماذا يرى الآخرون في حين أقطب
ثم أعود لتعبير الوجه العادي
بروفيل يمين
بروفيل يسار
ثم تنهيدة
أجمل ما فى وجهي عيني
وأسوأه أنفى (عملية تجميل تبدو فكرة جذابة منذ مدة)
لكن لا بأس
نظرة رضا عامة

أسرع للغرفة وأرتدي الجيب السوداء، قصيرة تعلو فوق الركبة بعدة سنتيمترات
ثم بلوزة قطنية تايجر ضيقة تصل أكمامها إلى أسفل الكوع

أفك البوكلات فينزل شعرى الأسود للكتفين ، أمشطه بالفرشة ، ثم أقوم بالانحناء فيسقط شعرى كله للأمام ثم بحركة سريعة اعتدل ليعود الشعر لوضعه متموجا وغير مسطح

سلسلة فضية بسيطة يزينها حجر اسود صغير فى إطار فضة دائري، ثم حلق مشابه

رغم الحساسية لكن لا بأس بذرة بارفان

الصندل أسود ذو كعب صغير، والشنطة سوداء ذات يد قصيرة رغم عملية اليد الطويلة

انتهيت
ألقى نظرة عامة في مرآة غرفة النوم ثم في المرآة الكبيرة فى المدخل وأحمد الله على النحافة الطبيعية

أخرج وأغلق الباب بالمفتاح ونظرات لاكى المستعطفة تلاحقني
ــــــــــ

أسير باتجاه الباب الزجاجي للفندق
ألاحظ رجلا يهم بالخروج، يدفعني حب الاستطلاع العابر أن أنظر لمن يمرون حولي ولكنى أخاف دائما إساءة فهم أي نظره باتجاه الرجل ـ خاصة الشرقي ـ فأتعمد حتى عدم النظر فى الاتجاه

دخلت المقهى الذي كان أغلبه خاليا ما عدا عدد محدود من المناضد

اخترت منضدة جانبية ولكن غير منزوية، وعند مروري لاحظت رجلين أحدهما يرتدى تيشيرت أصفر والآخر يرتدى الملابس التقليدية، الأول حملق مثبتا نظرته وقال شيئا للثاني الذي استدار ليحملق بدوره
أتجاهل دائما النظرات

أجلس واضعة ساقي اليمنى فوق اليسرى، ولأن الجيب ازدادت قصرا بالجلوس أميل برجلي الاثنين قليلا جهة اليسار وأستدير كي لا أواجه الشابين

تأتى الجرسونة فأطلب عصير تفاح فريش

خمس دقائق وتأتى صديقتي، أراها وهى قادمة فى بنطلون ترواكار بيج قطنى وبلوزه نبيتى بورود بيضاء صغيرة بلا أكمام، شعرها أصفر مصبوغ وماكياجها خفيف، الشنطة بيج وكذلك الصندل عالى الكعب فهى قصيرة، ولنفس السبب لم أحب أن أرتدي كعبا طويلا، فأنا أحب التناسق فى الطول مع من أسير معها أو معه

صديقتى تترك دائما الانطباع بأنها مهندمة للغاية وكل شىء فى مظهرها فى محله دون زيادة أو نقصان، حتى شعرها قلما أجد خصلة متناثرة حتى ولو بعد ساعات ، عكسى فأنا عادتا ـ عادتا ـ أحب بعض من مظهري أن يكون ارتجاليا وعفويا حتى ولو كانت عفوية مقصودة

نتبادل التحية والقبلات بحساب حتى لا نلطخ مكياجنا

هى: روجك حلو ده جديد؟
أنا : آه جبته فى الاجازة، إستر لودر، خفيف قوى زى ما يكون مش حاطة حاجة
هى: لا حلو، انتى ازاى بتطيقى تلبسى شرابات فى الجو ده؟
أنا: اتعودت من الشغل
هى: هاقولك حاجة بس متبصيش، فيه ورانا واحد لابس تى شيرت اصفر
أنا: آه أخدت بالى
هى: دا صاحب عين اللى قبلناها مرة عند ميم من شهرين، السورية اللى بتشتغل فى
أنا: فاكراها، لطيفة وهو شكله مش بطال (أقصد حلو) مبروك عليها

الجرسونة تأتى فتنظر صديقتي لما أشرب ثم تقول
ـ فيه شاي أخضر؟ عايزة شاي أخضر

أسترخ فى مقعدي وتسترخ هي أيضا ونبدأ حوار فأسألها
ـ قوليلى بقى أخبارك أيه؟

46 comments:

مثليه said...

يبدو مظهر الكولون الاسود مع الجيب الاسود القصير انيق احب ايضا ان يكون الميكاب خفيف لكني لا اضع الفاونديشن والبودر باعتياد
معظم ملابسي كاجوال بحكم عملي لكن احب الاناقه

لا انظر في المرآة بهوس مرتان يكفيان
جميل ان تري كل ما تتوقعي ان يراه الآخرون لتبدي دائما متحكمه في البودي لانجوتج اعتقد انك تتعاملي بصوره مباشره مع العملاء

احب الاهتمام بمظهر العينان و طريقه رسمك لعينك تظهر جمالا طبيعيا

الطوبي ليس لوني المفضل فالروج لكني اعشقه لأسباب اخرى

واضح من عدم استعمالك لليب لاينر انك مش محتجاله :)

ما دخل التنهيدة فالموضوع؟ اكيد وراها سبب

ايه موضوع التيجر اللي بتلبسيه دايما هل من حبك فيه ولا ده يونيفورم؟
بحب الفضه جدا وبكره الدهب الاصفر

نسيتي تقوليلنا نوع البارفان اصلي بهتم اوي بالبرفانات

نظره الرجل العربي مقززة احيانا لأنها بتكون زي نظره لأكله و هو جعان
مقولتيش جنسيه صاحبتك؟
بحب الاستر لودر بس بفضل الريفلون
فالروجات

وانتي طلبتي ايه تشربيه؟

Happy Hope said...

جميل و بسيط وصفك

أسلوبك رائع استطعتى أن تحولى كلمات مكتوبة إلى صورة حية

واضح انك تهتمى بأدق التفاصيل

فى النهاية بحثت عن كلمة يتبع
لأنها تصلح أن تكون بداية قصة

خالص تحياتى

طارق هلال said...

احم...، معلش جيت غلط البوست ده

انا حره said...

معلش يعنى ممكن افهم ايه المقصود من البوست دا

اقصد ايه الغرض من سرد ادق التفاصيل وازاى بتلبسى وازاى باحطى الميك اب وطول الجيب والكلام دا كله

Desert cat said...

انا ايضا دائما اضع المكيب اب خفيف جدا ملابسى اممممم لا اتذكر انى لبست جيب قصير ولا طويل منذ ان تخرجت بل ان لبسى دائما البنطلون لانه عملى وبيساعدنى كتير فى الحركة
حاجه اخيرة علشان مش اطول عليكى وصفك دقيق ومنمق ويبدو انكى بسم الله ما شاء الله قمة الاناقة
دمتى بالف ود

someone in life said...

عزيزتي
هل ستغضبين لو قلت اني افضل بلاك كايرو روز الغامضه اكثر كنت اسرح بخيالي كيف هي ؟
فعلا كان الغموض يزيدك رونقا
هل انسقت وراء من يطالبون كيف تبدين و ترفعي الستار عن من تكون بلاك كايرو روز
انا واثقه ان التعليقات هاتكون نار و منتظرة تعليق واحد وواحدة بالذات ههههه بقيت لئيمة اخيرا

تحياتي

Unknown said...

من المرات القلائل التي نتلصلص فيها علي لحظات انثويه مثل هذه

Unknown said...

ابتسامه وايتسامه عريضة جدا تتسلل الى شفتي:)

هاي انتي "فايعه"؛ شعر أجعد أسود و "تنوره قصيره" فوق الركبه كمان؟ قمة الإثارة

الوصف التفصيلي أكثر من رائع؛لقد تخيلت حتى هزة الرأس

ولكن ما هو لونك؟ ممم أظنه قمحيا و أنا مقتنعه برأيي

أول مره أقابل شخصا يرتدي الجوارب في البدايه

الا صحيح؟ شو يعني كولون فيليه؟

هاي مش أول مره توصفي شكلك ع فكره؛ انا عندي صوره متخيله لك من بوست سابق؛ هاد البوست عزز الصوره :)

جلسات النميمه هاي؛ مررت بها كثيرا في الغربه؛ كل الجنسيات "بتنم" على كلو

الحقيقه استمتعت بوصفك جدا حتى أني قرأته أكثر من مره:)

kasber said...

وضعت لكِ صورا كثيره في مخيلتي..كحال كل من يرسم دائما يتساءل العقل في فضول عن الشكل
أشكرك إن أتحتي لي الفرصه لتكملة غموض صورتك في مخيلتي
ورغم ذلك أعتقد ان الحقيقه أفضل كثيرا
لجمال روحك
التي تنبعث من خلال سطورك

عين فى الجنة said...

this post is very very educational....thank you ....i love the way you write

karakib said...

طيب انت موهوبة جدا في السرد و ده واضح لكن النص ليه مفيهوش حركة حقيقية ؟؟ حدث ما !؟ يعني مفيش واحد من الاتنين عاكسوكي مثلا ؟ ليه النص ميت ؟؟ سردك جميل
لكن فين الاحداث ؟؟؟

Anonymous said...

كل مافيك رائع .. وينم عن ذوق دقيق ورقيق وأنيق فى الوق نفسه

أعتذر فقط عن أى شئ تايجر فأنا لا احبه ولاتغضبى

فى النهاية لماذا لانرى هذا الجمال حقيقة؟ وبالشكل الذى يروقك طبعا

أما أن تدعينا .. أو ندعوك .. لاتظلى مجهولة .. كثيرون يحبون التعرف على شخصية مثلك

وبالتأكيد أنا أولهم .. يشرفنى ذلك

emraamethlya said...

يا بلاك روز بلاش توصفي كده تاني وحياتك غحنا مش حمل كده :)
رائع أوي وصفك ده و جميلة أوي الحكاية ....

Anonymous said...

rose ya gamiela:
3arfa enty feh 7agat mesh 2olteha 3ashan tekoon el sora wad7a tamama2,konty labsa 2eh f 2edek,o el sa3a kanet f 2edek el yemien wala el shemal,o loon sha3rek 2eh...
lebsek dah fakarny awy b mamy abl ama tet7ageb ya3ny mn 8 senen keda kanet beta3mel nafs el steps beta3tek o heya nazla,o heya enaha telbes el sharab el voal el awel o ba3d keda el make up o ba3d keda ba2y el hedom,3ala 3aksy ana nader awy ama balbes jop aslan f el 3ady balbes jeans or bantalonat classic law fel sho3'l,o awel 7aga babda2 beha el bantaloon o 2a7'er 7aga balbesha el sharab o ba3d keda ba7ot make up,ana bardo shayfa en 3eny o shafayfy 2a7la 7aga feya o mene7'ery bardo kebera bas mesh awy ya3ny mashya ma3a weshy,maho dah elly 2a7'adnah mn dady ana o 2o7'ty ma3a en dady 3eno 7'adra 2e7na sebna 3eno o 7'adna mene7'ero,3arfa mamy aslan mene7;erha so3'ayara awy yemken 3ashan gedo turkey o dont know bas heya shabah posy awy aslan,posy elly heya kanet merat nour el sherief,o ana 3adatan ba7ot ko7l o lipstic brown.,that it,asl kteer bey2olo en ana weshy babe face awy o lama ba7ot make up beykabarny,aslan el nas kolaha 7ata hena f usa fakreny 21 or 22 max,:) ma3a en ana kam shahr o hakoon 27
tesada2y en ana mesh ba3raf a7ot maskara 7'ales 3ala toul betbahdel weshy,ana remoshy tawela aslan bas ana lama 7atetha f fara7 my siter 7'alet 3eny shaklaha gamiel awy,mas ana ba7eb max factor f kol 7aga 7ata el ko7l o el lip stick,zamaan awy kan 3andy jop princes style kan 7'alo gabhalo mn france o kanet tiger,kanet gamiela awy o ana kont ba7ebaha l3'ayet ama el wa7ed te7'en ba2a ba3d ama batalt seba7a so mesh ba2et ma2asy:(,bas 3omry ama lebest 7aga mn fo2 tiger,ana 3omry ama 7atet boklet bardo mesh betmsek f sha3ry 7'ales bas ana aktar 7aga ba7eaha 3alaya el sha3r el curly yemken 3ashan howa lease f el wa7ed bey7eb ye3'ayar,o 2eh lazem 2a3melo b el jel or b el fair 3ashan yegy curly el seshwar mesh nafe3 ma3aya 7'ales,ana ba3asha2 el fada 3ala fekra aktar mn el dahab ba7esaha monasba l sha7'seyety aktar mn 7ayso ell ta7aror,el dahab ba7eso l el sha7'seyat el hadya awy elly kol hamaha el gawaz o enaha tegeb atfal,laken el fada la2 7'ales,
aham 7aga 3andy el perfume that i am gonna dress i like it with spices and strong,belive or not but i love when i hold somebodies hands the smell of my perfume moved to her hand,the 1st one i knew she loves my perfume even she asked me to put some of it in a napken,it was boss intense,i love that perfume alot but now adays my fav one is adura my celivein kiline,nader awy ama balbes ka3b,mesh balbeso 3'eern law feh wedding o beykon 3adata 7 c.m,fel 2a3'lab balbess sport shoes specially nike,i dont like the other brands and it's not comfortable 4 me,se3eb 3alaya awy lucky leh ma7'adtehosh ma3aky ya benty badal ama howa 2a3ed l wa7do keda,3adatan wana meshya mesh babos 3ala 2ay 7ad mesh 3'oror bas met3aweda 3ala keda 7ata law 7ad nadahly mesh barod o mesh ba7eb 7ad yendahly b soot 3aly 2odam el nas,ya3ny 2eh el tany labes malabes taqledeya is this like a sute or what,tesada2y 3okmry ama sherbt 3aseer tofa7 fresh mesh 3arfa leh 3omro ama geh 3ala bally,basicly ana batlob strowbesyy juice or orange,o taba3a bema enek 3arafa en hena f usa mafesh 7aga frsh aslan so ana batlob orange bas,o lazem yekon ma3a el 3aser wa7da sheshah lozom el 2a3da
bgad post yeganen ya rose 7elw awy
sa7e7 b el monmasba,enty ro7ty new york before,asl ana yamken 2aro7 henak 3ashan ashta3'al bas ma3rafsh 7ad ra7ha...
salam ya gamiel

Anonymous said...

sa7e7 2eh ra2yek f sorty sanet 1953,to7fa sa7

سمـــــــــا said...

انا كمان بحب اسلوب سردك وتمكنك من رسم صورةعميقة لأى شىء بتتكلمى عنه حتى لو جماد من خلال بضع كلمات ، وانا برضه مع الرأى اللى قال ان الموضوع يصلح بداية لقصةكانت هتبقى حلوةاوى.


صحيح فكرتينى فين رسوماتك يا هانم انا مشفتلكيش غير رسمة واحدة بس تقريبا !

اوعى تكونى اعتزلتى امال مين هيبوظ وشى وهو بيرسمه انا مُتكلة عليكى فى الموضوع دا :))


وحيث انى مش بسير مع القافلة فرأى فيكى انتى كا........ مسيرى فى يوم من الايام هقولهولك لايف ، اصل انا عارفة ان فيه كذا حد مستني ردى على الموضوع دا وانتى عارفانى غياظة مش بحب أريح حد
( طول عمرى اقول الغلاسة ليها ناسها)

:))

باى يا رورو

someone in life said...

الظاهر ان فيه حد فهمني غلط لما قلت مستنيه تعليق اتنين
الاتنين انا عارفاهم شخصيا و عارفه رأيهم مقدما
عموما انا معتذرة عن التعليق و ما في داعي للغيظ او غيرة

تحياتي

سمـــــــــا said...

انا اعتقد يا روز ان فيه حد من زوارك أخد كلامى على نفسه مش عارفة ليه !!!

انا قلت ان فيه كذا حد مستنى ردى ودا كنت اقصد بيه اصحابى من البلوجرز اللى متابعين بلوجى وبلوجك وبيقعدوا يهرجوا معايا على ردودنا على بعض فى اننا بنقعد نرغى كأننا فى شات وبننسى ان باقى الناس بتقرا


فانا علشان اغلس عليهم قلت لهم طب مش هرد على الموضوع دا بقى غير بينى وبينها بعد عمر طويل وعلشان كده انا ذكرت جملة كذا حد مستنين ردى


سورى يا روز بس مكنتش واخدة بالى ان فيه حد متابع حوارنا غير اصحابى ودا بمناسبة ان انا انا مش اى حد تانى :))


بالمناسبة انا رديت على اسئلتك فى الموضوع القديم

ابقى شوفيها لوحدك مش لازم الوطن العربى كله يروح يشوفها معاكى :))

باى يا قمر

سمـــــــــا said...

نسيت اقتلك بسبب حاجة تانية يا روز

سولا لما قالت لك انها هتخلينى اقرا لها الفنجان لما تيجى مصر انتى قلتى لها مكنتش اعرف ان سما بتعرف تقرا الفنجان !!!

فحضرتك سولا عرفت انى بقرا الفنجان من عندك فى البلوج من تعليقى على الموضوع اللى فات

اخبار التركيز ايه اليومين دول يا فندم ؟؟

:))

Anonymous said...

2eh dah ba2a ya semo:
2as2elet 2eh ya hanem
o ba3deen ana bardo mestaneya radek 3an rose,hehe
fenek ya hanem ba2alek fatra mesh bashoufek online,sa7e7 hate2rely el fengan wala la2 ya bent enty...
salamoz

سمـــــــــا said...

سولا : ايه اللي عاملاه في شعرك دا انا معرفتكيش :)). بس انتي شاطرة ياسوسو مركزة في كلامي. معلش ياجميل الفترة اللي فاتت كنت مطحونة شغل وكمان عندي برد وسخونية فكنت يوم اروح الشغل ويوم افرفر في السرير زي النهاردة كده :)) بس غالبا هدخل بالليل ان شاء الله. ايه دا انتي كمان مستنية ردي? لا لا انا بقيت انترناشيونال عشان كده مش هقوله :)). و كمان هقرالك الفنجان ? طيب هاتي فنجانك في ايدك احنا اتفقنا هعزمك علي عصير قصب بسسس:)). يالا اشوفك بالليل بقي.سلام

Anonymous said...

ya semo:
feh web site esmo
www.yearbookyourself.com
bet7oty sora leky o howa beywareky shaklek f diffrent years,this pic of me is on 1953
yalla mestaneyaky beliel ya batta

soly88 said...

العزيزه بلاك روز
يوجد اعلان عن مركة تليفزيون يقول: شاهد المباراه وكأنك هناك
وانت جعلتنى اشاهد روز وكأنها أمامى
وصفك دقيق وكأنه عفوى . انه لايصف فقط مكياجك وملابسك بل اعتقد اسلوبك فى الحياه
ومن الواضح انك لاتتركين شيئا للصدفه فى حياتك

He and She said...

This post is really a great idea to give us an image of you. Next post, with the same degree of detailing please give us idea about you when you take your shower.........................................................................................................................................................................................................I'm just kidding

blackcairorose said...

مثلية
ازيك واخبارك ايه؟

ايه الاسباب التانية اللى بتخليكى تحبى الطوبى؟

الكحل بيبقى بديل عن الاي لاينر ولو انى ساعان بغير، بس الكحل بحب شكل عينى فيه اكتر

التنهيدة يا ستى بسبب المناخير وربنا امر بالستر، مبحبش مناخيرى ومتهيأىل هعمل عملية تجميل فيها يوم ما مش بعيد

واحدة اعرفها عملت العملية وشكلها احسن كتير، بس الواحدة دى كانت فعلا مناخيرها وحشة جدا جدا

ومسالة العلميات انا معاها جدا لان فائدتها نفسية بالدرجة الاولى قبل ما تكون فايدتها مظهرية

لا التايجر مش يونيفورم لكنى بحب شكله وعندى بلوزات كتيرة منه وساعات الناس بخاف يفتكروا ان هى بلوزة واحدة مبتتغيرش، بس طبعا لا

انا مش بلبسه يعنى كل يوم ولا حاجة بس بلبسه مرتين او مرة اسبوعيا كده تقدرى تقولى

معرفش بحبه رغم ان فيه ناس مبيعجبهاش زى شريف مثلا!! وزى واحده كنت بعمل معاها شوبنج فى الاجازة وهى معرفهاش كويس ودخلنا محل لقيت فستان تايجر تحفه تحفه فبقول لها هقيسه، فقالت لى لا بلاش التايجر ده بلدى لول

البارفانات عندى حساسية منها لدرجة لو مشيت فى قسم العطارة فى السوبر ماركت ممكن بسهولة اعطس، علشان كده بحط ذرة فقط لزوم الضرورة

جنسية الصديقة لبنانية

زى ما قلت يا عزيزتى كنت بشرب عصير تفاح، بحب عصير البرتقال بس ساعات بخاف لو فرش حاجة من قلب البرتقال تعلق فى اسنانى علشان كده طلبت تفاح لانه مفيهوش زوائد او بواقى

واخدة بالك؟

ان شاء الله يكون الموود تمام دلوقتى

blackcairorose said...

هابى هوب

مرسى على كلماتك الظريفة بجد

هى حقيقى مش قصة ولكن جزء من يوم مضى

بحب التفاصيل فعلا سواء فى حياتى او فى نظرتى للاشخاص او المواقف

اطيب تحية

blackcairorose said...

ارابيك اد

طيب مش تخبط الاول؟؟

لول

blackcairorose said...

انا حرة

تعليقك فتح لى مائة باب وباب يا عزيزتى

الهدف؟؟

لا هدف بالمرة

ولم يكن ابدا هناك هدف سواء من فتح المدونة أساسا او من كتابة البوستات، انا مجرد اكتب ما اشعر انى اريد أن اكتبه بلا سبب واضح

اذا حدث ووجد من يقرأ ان هناك هدف من تدوينة ما، كويس

واذا لم يجد هدفا، ايضا لا يعنينى كثيرا

مثلما اذا وجد قارىء أن التدوينة مسلية او غير مسلية

او دمها خفيف او دمها ثقيل

او هامة او تافهة

كلها تصنيفات يا عزيزتى يراها القارىء ولكن قد لا يراها صاحب او صاحبة المدونة

وحين افكر فيما اكتبه لا اجد له هدفا

فما هدف ان احكى عن ارائى او مشاكلى او قصص حبى او ماكياجى او سماعى لجيرانى وهم يمارسون الجنس او رأيى فى الممثلات والاغانى او عن واحدة عملت فصل بايخ تجاهى او عن مشاعرى تجاه والدتى بعد ما توفت او قصة حب قديمة عرفتها بالصدفة عن أبى قبل زواجه من والدتى؟؟؟

ترين

كلها اشياء خاصة جدا احب فقط ان اضعها مجسمة أمامى وقد لا تعنى أى شىء لأى شخص آخر

فمن يهتم بمعرفة كل هذه الاشياء عن انسانة لا يعرفون اسمها ولا أين تعيش ولا ماذا تفعل ؟؟ فانا اكتب لنفسى بالدرجة الاولى واتمنى أن اظل اكتب لنفسى بالدرجة الاولى دون ان يقلل هذا ابدا من احساسى بالمعزة والتقدير والشكر والود الشديد لمن يقرأ ومن يجد وقتا ليعلق بأى تعليق يخطر لها او له

والف تحية يا عزيزتى

blackcairorose said...

قطة

البنطلونات عملية جدا وبالذات فى مصر

لكنى احيانا بزهق منهم معرفش ليه وبشوف شكلى فى الجيبات احسن يمكن الفساتين اللى منقرضة بالنسبه لى اكتر من الجيبات

مرسى يا قمر على كلامك واطيب اطيب تحية

blackcairorose said...

Someone in life

لا والله ياعزيزتى مش رد على حد معين ولا طلب معين، لكن زى ما قلت بحب اكتب اللى بييجى على بالى ويمكن مبفكرش كتير ايه يتكتب او ايه لا

اما الغموض مفيش مشكله نرجع له لول

اطيب تحية قلبية

blackcairorose said...

شمعون

شكرا وشرفت وآمل فى مرورك دائما

blackcairorose said...

مياسى

شكرا على كلماتك الرقيقة جدا

كولون فيليه هو كلمة نسائية مستخدمة فى مصر أصلها كلمة فرنسية وتعنى الجوارب النسائية التى نرتديها لتصل الى وسط الجسم

وفيليه تعنى ان الجوارب ليست سميكة ولكنها شفافة والكلمة ايضا فرنسية

الجوارب البسها اولا وهو أمر غير معتاد فعلا فصديقاتى كلهن يقلن ان الجوارب هى آخر ما يرتدوه

نعم انا سمراء كما تخيلتى

خالص تحياتى يا مياسى ولى مدة لم ازورك بس النهاردة ان شاء الله سوف أمر

blackcairorose said...

كاسبر



شكرا على حسن الظن وأتمنى أن أكون عند حسن ظنك

blackcairorose said...

Ragi

Thanks.

Educational? well..big sigh!! We are meant to educate men a lot of things!

blackcairorose said...

كراكيب

هذا هو كل ما أردت كتابته

هل تعلم اننى فكرت فى تسمية التدوينة

60 دقيقة فى حياة إمرأة

والتدوينة انعكاس لستين دقيقة وليس أكثر دون نية ان تتحول لأكثر من ذلك

blackcairorose said...

شريف

شكرا على كلماتك التى هى دائما جميلة واجمل ما فيها أنها تشعرنا أن وراءها مشاعر وشخصية جميلة أصيلة دون تزييف

ان شاء الله تجمعنا الظروف، من يدرى؟

الذوق لا يسبب غضبا يا عزيزى، فالذوق أحيانا كثيرة وحتى فى ابسط الاشياء هو كالقدر لا نستطيع تغييره

الذوق الشخصى لا يغضب ويجب الا نعتذر عنه يا شريفى!

blackcairorose said...

امرأة مثلية

شكرا

ودائما كلماتك ومواقفك كالسهم يا عزيزتى

blackcairorose said...

سولا

كلامك مسلى جدا وعايز تعليق على كل حاجة جبتى سيرتها بس هحاول اختصر علشان موجعش دماغك المتكلفة لول

حكاية انه بيفكرك بمامتك ليه الشرف طبعا، بس اوعى تكونى تقصدى انه موضة قديمة لحسن ازعل قوى لول

واحدة صاحبتى كانت انتيم كانت برضه عندها مشكلة فى ماكياج العين عامة وفى الماسكرا خصوصا لانها كانت فى العادة ومن غير ما تدرة دايما بتمسح عينها بايديها كل عشر دقائق او ربع ساعة، وكانت بتعمل بكده بشكل لا ارادى فطبعا تخيلى الماسكرا بالذات ايه اللى كان بيحصل فيها

العصاير عندكو فعلا حلوة جدا وانا كنت بدوق تروبيكانا فى امريكا وبقارنها بنفس تروبيكانا فى دول تانية بلاقى الفرق كبير جدا

بس العصير البرتقال الفرش فى فلوريدا كان حاجة من السما وهمه بيعملوه هناك فرش دايما علشان اكبر مزارع برتقال موجوده هناك ولسه فاكرة زمان مرة اتنقلنا بين ديزنى لاند لمدينة اسمها تامبا فى ولاية فلوريدا وكنا بنشم ريحة البرتقال من الهاى وى كأنك جوه عصارة برتقال!!

blackcairorose said...

وسماه ونجومه وقمره

لا انا حطيت تلات صور فى المدونة هنا اقصد تلات لوحات زيت

خلينى اشوفهم فين وابعت لك اللينك عن كل تدوينة

موضوع الفنجان انتى قلتيه فى ملحوظة مرة آه، بس سولا بتتكلم كما لو كان حاجة مشهورة عالميا وافتركت انكوا اتقابلتوا قبل كده وفعلا قريتيه ليها

انا رديت على تعليقك فى التدوينة السابقة على فكرة

سلام مؤقت ونتقابل عندك

blackcairorose said...

سولى

لا اترك شيئا للصدفة؟

تصدق لم أفكر مسبقا فى هذا الموضوع او هذا الاحتمال؟

عموما اعتقد أننى لست من النوع الذى تلعب الصدفة دورا كبيرا فى حياتهم، فلا أكاد تقريبا أتذكر أن صدفة ما لعبت دورا مؤثرا او حتى نصف مؤثر فى أى من أمورى

ولكن لا اقصد فى نفس الوقت أن كل خطوة كانت معدة ومعروفة مسبقا ، فهذا أيضا لم يكن واقعا معى

ولكن لى صديقة عكسى أشعر دائما أن الصدفة تصافحها دائما وفى أماكن ومواقف مختلفة

أوحيت لى الآن بكتابة تدوينة عن الصدف، الا ترى أنه موضوع شيق؟

blackcairorose said...

He&she

But it is there. The post about taking shower.

Anonymous said...

BCR

Ok then, would you please tell us where the shower post is !!

blackcairorose said...

Sherif

Gosh, I didn't know that you would be the one falling in the trap!

He and She said...

You wanted me to fell in that trap hah?

Anonymous said...

tdz, ngxlv wt xujipwrq r crlae.
xpqb dirvekzx j fw r!
myl hard sex tube
, plyj ae mn w rqof m.
kekcle zsgqpp qwtr o syha. iei, teen xxx
, cnow u rhffxyhm z hywwhl ic tbfd myo.

qhv tu coj.

Anonymous said...

sidldlyui www.louisvuittonreplicbagsonline.com aiairmigl [url=http://www.louisvuittonreplicbagsonline.com]discount louis vuitton bags[/url] jfbkkvsbk
qawnfsxwz www.newdiscountlouisvuittonhandbag.com eftskktub [url=http://www.newdiscountlouisvuittonhandbag.com]cheap louis vuitton purses[/url] uxqseqkbb
ebfdmaleb www.newdiscountlouisvuittonhandbags.com ahaskxzwy [url=http://www.newdiscountlouisvuittonhandbags.com]louis vuitton wallets[/url] fdvkmytcm
upuotdwkv www.louisvuittononsaleshoes.com xxgmnthln [url=http://www.louisvuittononsaleshoes.com]louis vuitton wallets[/url] pttjosiyu
bptsemhjd www.louisvuittonhandbagson-sale.com vurktokiu [url=http://www.louisvuittonhandbagson-sale.com]discount louis vuitton handbags[/url] fxfvqmyeb