Saturday, October 11, 2008

الأوله آه


أول مرة سافرت للخارج كانت أول ملاحظاتي أن الجو رائق وصافى ويمكن رؤية المسافات البعيدة بوضوح، ولم استوعب وقتها أن السبب انعدام الثلوث والغبار والدخان

أول مسرحية شاهدتها وأنا طفلة كانت إحدى مسرحيات التليفزيون بطولة ليلى طاهر وعبد الله غيث وكان أكثر ما أعجبني أنني أشاهد الممثلين حقيقة وليس من خلال شاشة

أول مشكلة كبيرة وحقيقية في حياتي لم اعرف كيف التصرف فيها لولا تكاتف ودعم أخوتي لي

أول كتاب اشتريته من فلوسي كان 200 يوم حول العالم لأنيس منصور

أول قبلة قلت بعدها فى سرى: الله أطعم من الشوكولاته

أول مدير عملت معه كان عصبي وسليط اللسان إلى حد ما ولكنه طيب للغاية ولا أنسى فضله على

أول شريط اشتريته لفيروز كان البعلبكية من مكتبة مدبولى

أول مرة قيلت لي كلمة أحبك، أحسست بالإحراج ولم أدر كيف الرد، فلم يكن الشعور متبادلا

أول سيارة اشتريتها كانت بالطبع 128

أول مرة أرى الكعبة وكانت مضاءة ليلا شعرت لثوان أنى في حلم

أول حفلة ـ والوحيدة ـ التي حضرتها لفيروز لم أكن أصدق قبل رفع الستار أنها واقع

أول مرتب قبضته دعوت صديقاتي الأربعة القدامى لعشاء بمطعم في كورنيش المعادى

أول مرة أشاهد شخصا أعرفه تنتابه حالة صرع أثر المنظر في كثيرا، لدرجة أنني ظللت لفترة طويلة أعطى الشحاذين نقودا إذا كانوا واضعين ورقة بجانبهم تقول أنهم يعانون من الصرع حيث أن الشحاذين فى الخارج يكتبون أحيانا كثيرة ورقة أمامهم بأوضاعهم أو أمراضهم التي أدت بهم إلى الاستجداء

أول مسرحية ميوزيكال شاهدتها كان أسمها
Oh Calcutta
ولم أدر قبل دخولي أن بعض المشاهد و الحوارات العادية كان الممثلون والممثلات يؤدونها عراة

أول مرة قلت لصديقتي وطبيبتي فى نفس الوقت سرا كبيرا خاصا بى ـ وكنا في لحظة صراحة وبوح ـ أحسست بعدها بالندم، رغم أنها قالت لي أيضا أسرارا خاصة جدا

أول ثلاث مدونات تابعتها بانتظام كانت مدونة أحلام مبعثرة والمدونة الأولى القديمة لأجندا حمرا ومدونة توقفت كان اسمها مزة مصرية، المدونات الثلاث كانت تختلف فى مضمونها جدا ولكن كل منهم شدتني لأسباب مختلفة ربما أكتبه فى بوست منفصل

أول طبخة تعلمت صنعها كانت المسقعة

أول مرة تموت صديقة مقربة ونحن فى صيف ثانية جامعة انتابتني حالة عدم تصديق وظننت أن من يخبرني يمزح معي، وأخذت "أفرك" كفى الاثنين ببعضهما

أول مرة سألني أحدهم ـ منذ سنوات قبل فورة الأنترنت ـ عما إذا كان لدي ايميل وعنوانه، لم افهم ماذا يعنى بهذه الكلمة وأحسست بالخجل أن أسأله عن المعنى، فأجبته باقتضاب لا ليس عندي

أول مرة تقرأ لي سيدة الفنجان ذكرت خمسة أرقام وقالت أنها تعنى لي شيئا، وكانت الأرقام الخمسة هي أرقام بطاقتي الشخصية ولكن دون ترتيب

أول قصة حب فاشلة سببت لي بوادر قرحة في المعدة

أول وأقدم ذاكرة لدى هى صورة ضبابية لى مع سيدة سمراء كبيرة على سلالم ضخمة بجوار البحر، وبسؤال أخواتي بعد ذلك عرفت أننا كنا في رأس البر والسيدة كانت تعمل لدينا وكان عمري أقل من أربع سنوات أو ربما ثلاث أعوام ونصف

أول مرة ـ من مرتين ـ علقت أنونيموس فى إحدى المدونات أحسست بالندم وبعد ثاني مرة كان عندى قناعة بعدم صحة ما فعلته، وقررت عدم التعليق انونيموس بعد ذلك مهما كان السبب، وللعلم لم يكن التعليقان هجوميين بل على العكس كانا دفاعا عن إحدى المدونات التي وجدتها تتعرض لسباب وهجوم غير موضوعي وغير مبرر من أنونيموس أيضا

58 comments:

الطائر الحزين said...

ياليتنى اتذكر اوائل الاشياء

انا حره said...

اول مره ازور مدونتك حسيت انك انسانه بسيطه وقريبه ههههههههه

بس تعالى هنا يانهار ابيض بجد اتفرجتى على مسرحيه بيمثل فيها ناس عريانين ياقلللللللبك

جميل انك تكونى فكره اوائل الاشياء اللى اتكررت معاكى والاجمل انك تلاقيها سايبه اثر حلو وذكرى جميله جواكى

سمـــــــــا said...

ياااااه كل الكلام الكبير دا ولسه ف الاوله :)) انا الحمد لله عمري ما سافرت برة عشان معملش المقارنات المحبطة دي ... أول مسرحية حضرتها وانا صغننة كانت علشان خاطر عيونك بتاعة شريهان وكنت قاعدة مستغربة ان حجمها صغير أوي بس عندها لياقة بدنية عالية جدا ... أول كتاب من فلوسي كان حكايات حارتنا ولسة محتفظة بيه لغاية دلوقتي ... أول قبلة في حياتي كان بعدها قلم لانها بدون موافقتي بس انك تقارني البوسة بالشيكولاتة معناه انك كنتي صغيرة اوي أو انك بتحبي الشيكولاتة أوي امممم... أهم الشرايط اللي كانت مطيرة مصروفي كانت شرايط حنان ماضي وميادة الحناوي وبعد كده ليلي غفران وعمرو دياب وايهاب توفيق وعامر منيب وهشام عباس وحميد الشاعري ... أول مرة اتقالت لي بحبك كنت ف تانية ابتدائي وكانت مكتوبة علي ورقة صغيرة مقطوعة من كراسة :)) ... أول سيارة في حياتي كانت سيات ولما اتعلمت السواقة وقلت عايزة ابيعها بقي كل الناس كانو بيقولولي لأ اصلها شبهك أوي ومجنونة زيك ! مش فاهمة شبهي ازاي يعني !!! ... مقتنعة ان السر لو طلع من جوايا عمره ماهيبقي سر يعني اذا كنت انا مقدرتش احفظه جوايا يبقي هطلب ازاي من حد انه يحفظه ? ... أول مرة اعرف معني مدونات كان من خلال ناردين ومدونتها الأولي من 3 سنين واول مدونة قريتها كانت يوميات إمرأة مثلية ومعتقدش اني عمري علقت عندها حتي الآن ! ... أول صديقة لي تموت فضلت اسبوع رافضة اصدق ومش بعيط وبعدين جالي انهيار ... أول مرة سمعت عن الشات وسمعت ناس بيتكلموا مايك كان عن طريق زميلي وقتها كنت 19 سنة بس كنت أعرف النت طبعا ففضلت بصاله وباصة للشاشة والسماعات في ذهول تاااام كأني جاية من ورا الجاموسة :)) ... غاوية قراية الفنجان والي حد ما بعرف اقراه وزبايني الاساسين إخوات ناردين وناس جيران قدام وماما طبعا :) ... كل الامراض ومشاكلي الصحية للآن بسبب الحب ... علي فكرة محدش بيطلع المواهب في الرغي دي مني غيرك . بجد انتي مبدعة .. تحياتي يا جميلة

Happy Hope said...

بمناسبة الأوله آه

دى أول مرة أعلق بمدونتك
لكن مش أول مرة أزورها
أنا بتابعها من وقت بدأت أنا التدوين
لكن مش عارفة ليه معلقتش ولا مرة
:)
أنا أفتكر أول بوست قريته هنا كان
إهتزازات سرير
ضحكت كتير عليه

أسلوب سردك جميل جداً بحييكى عليه

هقولك على شوية من أول حاجات فى حياتى

مش فاكرة أول كتاب بالظبط كان ايه لكن أنا من صغرى بحب القراءة لكن بعدت عنها شوية من فترة

أول سيارة اتعلمت عليها و سوقتها كانت برضه 128

أول طبخة اتعلمتها كانت الرز بالشعرية

أول فيلم هندى شوفتو كان اسمو مرد
حبيتو أوى و من بعده أدمنت الأفلام الهندى بس خلاص الادمان انتهى الحمد لله

أول حب و أول قبلة مش عايزة أفتكرهم
:)
أول مرة افقد انسانة و تأثر فيا كانت جدتى كنت تقريبا فى سنة رابعة ابتدائى

أول مرتب ليا أخدت أختى و خرجنا

كفاية لحد كده مش عايزة أصدعك
:)
تحياتى

Desert cat said...

ياربى على الاسلوب الشيق فى الكتابة
احاول اعصر الذاكرة واتذكر الاولاه آآه
اول صورة ليا كان عمرى سنة
اول مرة حد قالى فيها بحبك كنت فى 2 اعدادى
اول بوسه اممممممم من قريب بس والحق يقال كان اطعم الف مرة من الشكولاته هههههههه
اول مدونة ادخلها واعلق فيها تمر حنة ( ايوا خدامه )
اول مرة اتعلمت فيها السواقة خلاص هعتمد على نفسى دخلت فى حيط وكانت عربية خالو بس لسه لحد دلوقتى مش اشتريت عربية
اول مرة دخلت نت قعدت يجى ساعتين اعمل ايميل ومش عايزة اطلب مساعده من حد وكل شوية اقول هعمله يعنى هعمله
ده اللى انا فاكراه الحقيقة دلوقتى

Anonymous said...

مرحبا
عجبني كتير البوست ده وفضلت افكر واعمل مقارنات بين اول مره عندك واول مره حصلت عندي طبعا هاك اشياء حصلت معك لم تحدث معي
والادهى من ذلك انني احاول التذكر ولا استطيع
هناك امور تبقى في ذاكرتنا واخرى تمحى وكانها لم تكن
لكني اذكر اول مره اتعرف فيها على المدونات كانت لمدونه بعنةان اخترت امومتي وقد تعرفت ايضا على صاحبتها
ومن بعد ذلك دخلت الى عالم المدوناتفوصلت لمدونة مياسي ومدونتك ايضا
انا سعيده بكم جميعا لاني اجد متعه في متابعة ما تكتبوه

Samraa said...

Dear BCR
musicals are my fav,i would have to say films,dont know how it would be to watch a play.....emmm
i always loved to watch oliver twist,many times n everytime at certain point i cry n cry,
wish if i had a good memory as you do,you should be writing and documenting things n a professional way.
cause i really enjoy my self reading your posts.
nice post.
have a good day

بنت القمر said...

مش قادرة اقولك بس في كميه متناقضات كبيره في الاوائل دي وطبعا ممكن اخمن حكايه الانونيموس دي كانت فين
وممكن اسألك
لكن مش عاوزة اعمل ده مش عاوزة انتهك الستار الحديدي اللي انتي فارضاه حواليكي الغموض من حقك وكميه المعلومات اللي بتسرسبيها عنك برضه من حقك تتحكمي فيها
لكن برضه البازل شبه كامل!!للاسف انتي بتخلي الاخرين يكملوة بمعرفتهم ومن غير اجابات
بتظلمي نفسك ممكن تكوني شيئ اخر
فهمتي حاجه؟؟

مثليه said...

أول مرة سافرت للخارج كان لبلد عربي وأول ما خرجت من المطار حسيت ان مبلوله فجأه وكنت شمه رائحه غاز فالجو غريبه قلت يمكن دي الريحه الطبيعيه للجو من غير عوادم وانا اللي ما شميتهاش قبل كده لأن البلد دي كانت نضيفه و مفيهاش تلوث بيئي زي اللي عندنا

أول مسرحية شاهدتها وأنا طفلة كانت أهلا يا دكتور لسمير وجورج وكنت سعيده جدا اني شايفاهم بالالوان لأن التليفزيون كان لسه ابيض و اسود وانا كان عندي قناعه ان الممثلين كلهم ده لونهم

أول مشكلة كبيرة وحقيقية في حياتي مكنتش سببها لكن بسببها حاجات كتير باظت في حياتي و كان عمري 7 سنين

أول كتاب اشتريته كان بعد مجلات سمير و ماجد طبعا والروايات بتاعه ماما اللي في مكتبتها الخاصه وده كان من اول مرتب استلمه هو الأفيون لمصطفى محمود وتاني كتاب كان العنكبوت.

أول قبلة قلت كانت من ابن الجيران في سن المراهقه و كان طعمها بالنسبالي غريب بس اكيد مكنش شوكولاته والا مكنتش بقيت مثليه و اول قبله بيني و بين بنت كان عمري تقريبا 25 سنه و فهمت اني اكيد مثليه
وكان تأثيرها تأثير ازازه تكيلا و احساسها احساس لا متناهي من السعاده

أول مدير عملت معه كان برضه عصبي لحد الجنان الرسمي لكن برضه قلبه الطيب وعطائه خلاني اتحمله ولغاية ما أموت انا بدينله بأي نجاح بحققه

أول شريط اشتريته لفيروز كان نخبه من اجمل اغاني فيروز و كان بيضم شادي و اعطني الناي و شايف البحر و حبيتك والقدس و والدي هو اللى رباني على صوت فيروز و علقني بيه وشريط النخبه ده مكنش متوفر غير في شارع الشواربي

أول مرة قيلت لي كلمة أحبك، كان عمري 8 سنين من ابن الجيران عند خالي وكنت بعشق اللعب معاه و بموت فيه بس مش عاطفيا اكيد و فضلت علاقتي بيه قويه برغم اني قلتله وانا كمان بحبك و لما نكبر نتجوز وكنا دايما نلعب عروسه و عريس بس بعد سن عشر سنين هو سافر وانا حزنت جدا لسفره لكن فضل في قلبي لكن لما كبرت ادركت اني مكنتش فاهمه علاقتي بيه لأني مكنتش بفرق بين حب الاخوات والحب التاني بس اقدر اقولك اني لسه بكلمه و يكلمني لغايه دلوقتي من خلال النت و مؤخرا خلف ولد قمر زيه ولما بروح مصر و هو هناك اول حاجه بعملها اني ازور خالي :)

أول سيارة كانت برضه بالطبع 128

لم احضر الى الآن حفله لفيروز لكنه حلم اتمنى تحقيقه

أول مرتب قبضته اشتريت منه كتب زي ما قلتلك و احتفظت بجنيه وحد من المرتب كا سوفنير لكن بعد فتره المحفظه اللي فيها الجنيه اتسرقت

أول مرة أشاهد شخصا مصرع كان عمري 14 سنه و دي كانت المربيه الجديده عندنا و كان اول مره اشوفها و مفهمتش انه صرع تخيلت انها بتهزر ولما ادركت الحقيقه الموضوع اثر فيا بشكل هستيري، لا أعطي نقود لشاحاذين الا ان كان عجوز فقط

لم ارى مسرحية ميوزيكال ممثليها عراه من قبل بس عايزة اسألك شوفتيها في اي بلد؟

السر هو الشيئ اللي مبيطلعش منى لأي حد مهما كانت ثقتي فيه لكن ممكن يطلع بس للانسانه اللي بعتبرها انا و أكيد ندمت قبل كده مش لأنها فتشته لكن لسبب تاني

أول مدونه تابعتها كانت لمزكرات امرأة مثليه مغربيه و التانيه لبرنسيس دودو والتالته كانت لمزكرات امرأة مثليه

أول طبخة تعلمت صنعها كانت الرز والملوخيه

أول مرة تموت صديقة مقربة كان سنه تقريبا و من كتر ما انا مش مستوعبه نسيت ولما نزلت مصر سألت عنها

أول مرة شفت انترنت اول حاجه حسيتها اني ممكن الف العالم و اشوف كل مكان فيه واي حاجه بس معرفش طبعا الطريقه لكن كنت سعيده ومبهورة جدا وأول مره أعمل تشات كان احساس غريب كنت اقعد اقول بقى الجهاز ده يخليني اكلم حد تاني فأي مكان في الدنيا ده سحر والله سذاجه:)
والاحساس الفظيع الرهيب بقى يوم لما شفت بيتنا من جوجل ارث وكان متهيألي اطلع البلكونه اتأكد العربيات دي ماشيه فالشارع فعلا اصلي كنت فاكره انهم بيصوروه لايف

أول مرة تقرأ لي سيدة الفنجان كانت كفيفه وقالولي انها بتقول كلام غريب ولما سمعتها عرفت انها دجاله وتاني مره كانت مامه واحده صديقتي وبدأت تقول كلام و احداث خوفتني لدرجه اني كنت عايزة اقوم قبل ما تكتشف من الفنجان اني مثليه وتبقى فضيحه

أول قصة حب فاشلة سببت لي أمراض كتير اقلها هو القرحه

أول وأقدم ذاكرة لدى هى لي وانا طفله شايلني واحد قريب جيرانا المقربين نا كنت بحبه يشيلني اوي ومنمش لما يبقى موجود غير على كتفه وكان اسمه حسام و كان سني تقريبا 3 سنين والجيران ماتوا و تقريبا معرفش حاجه عن حسام ده من سن 6 سنين كل اللي فاراه انه كان ضخم و طويل ويمكن مايكنش طويل بس ده احساسي عشان كنت صغيره و كان دايما يشيلني على كتفه واحس ان الارض بعيده
اما عن اقدم ذاكره لصورة هي لصورتي في الجنينه اللي جنب ملاهي المعموره واللي بتوصل للكباين وانا بالمايوه و عمري كان 3 سنين برضه لما حكيتي عن صورتك اللي جنب سلم ضخم عالبحر استغربت جدا لأن عندي صوره زيها بالضبط مع الدادا بتاعتي بس هي كانت بيضاء و طويله لكن السلم ده برضه كان سلم الكباين في المعموره جنب البحر بس كان عمري سنتين زي ما مكتوب على ضهر الصوره

لم اعلقت أنونيموس من قبل بس اموت واعرف علقتي قلتي ايه:)وعند مين

أعترف انك الوحيده من المدونات اللي بتخرجني من حاله الاكتئاب لما بسرح مع ذكريات انتي بتوديني فيها و اقر اني لما بكون متضايقه جدا اول حاجه بعملها اني افتح مدونتك على امل اقرا حاجه جديده تنسيني همومي وتاخدني لمكان تاني انا بحب الماضي وذكريات الطفوله وانتي بتعشيها كل فتره وبحس بحنبن للأيام دي
انا فعلا برتاح هنا
تحياتي لدماغك

Anonymous said...

Dear BCR
========
تعشقين الغموض وهذا مايزيد مدونتك تشويقا وجاذبية

ماهى اول مشكلة؟ تلك التى لم تستطيعى التصرف فيها؟
لمن أو - عفوا - ممن كانت تلك الاطعم من الشيكولاتة؟

أوافقك أن رؤية الكعبة مضاءة كأنك فى حلم جميل .. وليلا بالذات

Oh Cullcutta
كيف كان شعورك وقتها؟ .. وهل غادرتى المسرحية ولم تكمليها؟
;)))

أول شئ .. عندك حق .. يحفر فى ذاكرتنا

زمان الوصل said...

أوّل مرّه سافرت خارج "مصر" كانت على سفينه و وجدتنى أوّل ما خرجت من الميناء أنظر للأرض تحت قدمى كأنّى أتوقّع أن أجدها مختلفه عن أرض بلدنا !!

أوّل مسرحيه شاهدتها كانت "الهمجى" ل "محمد صبحى" و كنت منبهره بشدّه و فاجأنى انبهارى لأنّى كنت قبلها أستثقل المسرح مقارنة بالسينما !!

أوّل مرتّب عزمت بيه أقاربى و نفسى على الملاهى و كان نفسى جدّا أزورها من زمان

أوّل مدير عملت معه كان مركّب ميكروفونات -حسبما قيل لى- فى الغرفه التى كنّا نعمل بها !!

أوّل شريط كان ل "عمر فتحى" -الله يرحمه- و كان اسمه "على فكره" :)

أوّل حفل حضرته للموسيقى العربيه كان لا ينسى و شعورى وقتها كان إنّى ممكن أمشى من المسرح القريب من قصر "عابدين" لحد بيتنا فى المهندسين

أوّل كوبّاية شاى باشربها فى اليوم بتكون الأروع لدرجة تخصيصى تدوينه عن هذا :)

He and She said...

Oh my Goodness. Now you remind everybody with his/her " first times"
After my first mouth kiss I went immediately to brush my teeth. It was a mouth kiss from our teenage servant, I was around 7.

emraamethlya said...

أفكارك بتحرك فيه حاجات يا روز
اول مرة سافرت و اول مرة إندلقت و حبيت و أول قبلة و أول عربية و أول مرتب حجات مجتش على بالي إني حفتكرها
أنا اول قبلة في حياتي برضة كانت مقرفة عشان كانت غصب عني و من راجل مش حالق إعذروني بس دس اكتر حاجة سابت أثر منيل بنيلة قي نفسي :)

soly88 said...

العزيزه بلاك روز
انت فتحتى نفس ناس كتير انها تفتكر حاجات كانت فاهمه انها اتنست
بس انا لفت نظرى تعليق بيقول انك عامله ستار حديدى على نفسك
هل ده صحيح بعد كل البوستات اللى كتبتيها

Anonymous said...

hi ya rose:
bosy ya gamiela,ana awel mara safert feha bara masr kanet sanet 92 o ro7na feha jordon l 3ameto,o 7aseet el donia henak fadya o ray2a o zourt feha garash o el batra o el ba7r el mayet,ana 7eta nezelt to swim fel ba7r el mayet :)
awel masra7eya ba2a kanet wana kebera f sanawy o kanet masra7eyet keda okeh,bas zaman awy kanet mamy lama tegy te2akelna to7etlna shereet video o wa2taha kan el sheret el so3'ayar elly esmo bita max wala 7agah keda,o kanet mesagelalna 3 masra7eyat,raya o sekena,el 3eyal kebret,sok 3ala banatak,o l3'ayet delwa2ty el masra7eyat deh betda7akny geda2 b el edafa l 3a2ela sa3eda geda,o enaha 7aqa2 3a2elah mo7tarama,o madraset el msoha3'beeen,o elly faze3a shahed mashafsh 7agah beta3et 3adel emam lama bey2ol gattly fatoret el telephone b 20 geneh mokalmat zeyadah ma3a en ana feen o feen lama bamsek el telephone,soma ana ma3andesh telephone,hahahaha :)
awel moshkela 7a2e2eya f 7ayaty lama ahly taradouny mn el beet,bas el 7amdo lelah dady mn kam youm sale7ny o kolo ba2a tamam ma3a ahly el 7amdo lelah
kont kol youm 7'ames bashtery meky,o le3'ayet now batlob mn mamy teb3athaly 7ata heya lesa gaybaly 3 mogaladat mn ma3rad el ketab elly fat o ba3atethomly,o ba3d keda ba2et bageb zohor o ma wara2 el tabe3a,o flash o smash bas awel ketab bgad kan l anees mansour o kan el 3ozama2 100 o 2a3zamhom el rasoul sala ellah 3aleyh w salam,asl mamy 3andaha maktaba faze3a ya3ny mafseh ketab l 3abd el wahab metawe3 wala 2e7san 3abd el qodos wala yousef el seba3y o yousef edreed wala............,3omoma2 mamy 3andaha kol el kotob elly momken tegy 3ala bal ensan f raya7etny mn el shera o heya elly kanet beteshtery
awel kiss ana 27tast feha 3ashan la2et fag2a lesan gowa bo2y o ana mesh 3erft 2a3mel feh 2eh:)
el modereen elly 2eshta3'aly ma3ahom kano very nice o el nas kolaha bet3amelny 3ala en ana babe o 3omr ama 7ad 2aly kelma toul 3omry ba3mel elly ana 3ayzah wa2t ama ana 3ayza 7ata hena f usa,el 7amdo lelah bgad en el nas bet7ebeny o deh akeed da3awat mamy o gedety leya
awel shereet mn feloosy mesh fakrah 3ashan bardo mamy heya elly kanet betgeeb kol sheriet yenzel so ana 3omry ama 2eshtareet sharayet:),mamy kanet medala3ana sa7,hehe
awel mara 7ad ye2oly ba7ebek kont f 3 2e3dady o kan mn walad esmo mohamed 3omran delwa2ty ba2a tayaar,bas wa2taha ana 2oltelo ma3lesh o tayeb,o kabart dema3'y,asly ana aslan mesh kan fe baly,kont wa2taha bal3ab seba7a fel nady o hamy en ana akoon f faree2 el nady f mesh kan f baly el 7ob 7'ales
mesh 2eshtareet wala 3arabeya untill now,ana 7'abat 3arabeyat dady bas
nefsy rabena yereed o 2aro7 ksa o 2a7eg,amien
malesh f fayrouz 7'ales,so aked mesh hro7laha wala 7aflah,bas ba2y el nas mafesh 7aflah mesh 7edertaha...
awel mara 2abadt mesh fakra 3amalt 2eh f el floos,asl ana feya 3eeb we7esh awy,3omry ma ba3raf ana ma3aya kam wala saraft kam,ba7ot aslan el floos f geby el warany 7ata mn 3'eer ama awadabhom,o ana arfa en dah 3'alat mesh sa7,7ata lama baroo7 el market 3omry ama ba3ed el floos elly howa edahaly ba7ot f geby o 7'alas,o el zareef en ana ma3aya ma7faza bas ba7ot feha wara2y o bas 3omry ama ba7ot feha floos,
3omry ama shouft 7ad 3ando sara3 untill now,el 7amdo lelah
hahaha,shoufty nas naked ya rose wenty mesh 3arfa en feh nas naked hatshoufehom,ana ba2a da7'alt strip clup o mesh 2adra 2a2olek kanet 7alty 3amla ezay aslan wa7da 3eryana gaya te2arab meny 3ashan te7ot sedraha 3ala weshy ana omt o sebt el korsy o rege3t wara,asl ana wa2taha kont 2a3da odamhom b el zabt wana mn el noo3 elly beyetkesef geda2 aslan eny ahouf 7ad mesh labes odamy keda,bas el nas elly kano ma3aya enbasatoo mot,la2 o 2eh sa7by elly wadany dah bey2oly kol ama te2la3 7agah 7otelha dollar 3al table,omt ana sayba el floos kolaha o 2omt,hehe
ma3andesh asrar 3ashan 2a2olha aw 2a7'abeha so kolon 3ady belnesbaly
awel modawanat tabe3taha kanet sama o nardeen el adema,kalam mn el alb,agenda 7amra,emy o coca,
awel tab7'a 3amaltaha kan el roz bas mesh el abyad,la ya mama la dah kan b el sha3reya
el 7amdo lelah so7aby kolohom 3ayeshen,rabena yedehom el se7ah ya rab o yes3edhom kolhom,
awel email 3amalto kont f 2ola sanawy o kan howa howa nafs el email elly basta3melo now,o awel mara 2a3mesl chat kont f 2 gam3a o kan 3ala masrawy
ama ba2a b el nesba l el fengaan,ana feh wa7da hena 3alatoul lama bashrab coffe ba7'aleha te2raly el fengan el el 3'areba enaha bet2ol en ana hatgawez o ana nefsy 2a2olaha en ana lesbian bas mesh yenfa3,bas ro7t l wa7da tanya 2aretly el cards o deh bardo 2alelty kalam sa7 bas 2al bet2oly adfa3laha 600 dollar 3ashan tesahely 2egra2at el green card wana taba3a2 wala 3abartaha el nasaba deh,heya from greece aslan bas mor3eba
belmonasba,sama ana lama anzel masr ha7'aley te2rely el fengan bas 2ew3y te2oly en ana hatgawez 3asahn keda feha ta2te3 re2ab mn maha,
7ekayat el 7ob el fashla mesh bet2asar feya bansa besor3a o ba2ol homa elly 7'asranen,ama b el nesba el el qor7ah f ana 3andy qur7ah ba2aly sanateen,mn sa3et ama geet usa,o lama mara sherebt vodka etbahdelt aslan o kont baraga3 dam b sabab el ulcer deh,
3omry ama 3ala2y anonymous,asl ana beg7a o mesh beyhemeny wala ba7'af

salamoz ya rose
bgad ana tele3t raghaya,mamy lama kane bet2oly keda mesh kont basada2ha now o belive in that,hehe

someone in life said...

روز

ذكرياتك دايما جميله
بتاخدنا لزمن جميل ايضا بتشد قرائك انهم يحكوا ذكرياتهم و بتزيد المتعه
احلي حاجة كمان الصراحة و عدم التزييف
تعيشي و تكتبي و تاخدينا للعالم الحلو

تحياتي

sara said...

افكارك جميله يا روز بجد واخدتني لذكريات بعيده اوي

اول مشكله كبيرة وحقيقيه في حياتي كان عندي 16 سنه تقريبا ومحدش حلهالي اتحلت لوحدها ..بس اللي كانت واقفه معايا اوي فيها واحده من اعز اصدقائي لحد النهارده

اول كتاب اشتريته بفلوسي كان في صالون العقاد كانت لنا ايام لانيس منصور بردو ..والتاني كان حول العالم في 200 يوم

اول قبله اصبت بعدها بحاله من التتنيح والتوهان وعدم القدرة علي التمييز وفضلت كدا باقي اليوم

اول شريط اشتريته لفيروز كان مختارات من اجمل ماغنت فيروز وكان من محل في وسط البلد

اول مرة اتقالت لي كلمة بحبك بردو معرفتش ارد لانه كان شعور غير متبادل بردو..واول مرة قولتها كانت في الشارع وعند محطة مصر وبصوت عالي سمع اللي في المحطة كلهم تقريبا

واول طبخه اتعلمت صنعها بردو كانت المسقعه (الاسكندراني )عشان اكتشفت بعد كدا ان لها اكتر من نوع وبالمناسبه هي اكتر اكله بحبها

اول مرة تموت لي صديقه كان عمري 10 سنين ولحد النهارده لما بفتكر بحس بنفس القبضه اللي حسيت بيها لما قالولي انها ماتت

اقدم صورة في ذاكرتي صورة ليا مع بابا في معرض الكتاب كان عمري 3 سنين وفكراها كويس وفاكره كنت لابسه ايه وهو كان لابس ايه ..مع ملاحظة اني نسايه جدا وعندي مشكله في التركيز وتذكر التفاصيل

اول مسرحيه اتفرجت عليها كانت مسرحية دبدوب الكسلان وكنت مع بابا بردو وكان عمري تقريبا 6 او 8 سنين

مفتكرش اني قولت سر كبير لحد وندمت في وقتها مباشرة بعد ما قولته ..يمكن بعدها بفترة وكانت واحده صاحبتي وندمت لما عرفت انها قالته للشخص اللي كان المفروض مايعرفوش ..واتكرر الموقف مرة تانيه مع حد كان المفروض صديق بردو وندمت بردو لاني عرفت انه قاله لناس تانيه

اول قصة حب فاشله سببتلي صدمه عصبيه دخلت بسببها المستشفي لاول مرة وقعدت فيها شهر

اول مرة حد يقرالي الفنجان قالتلي علي حجات حصلت تاني يوم بالنص ..
واول مرة حد يقرالي الكف كان صديق مشترك في الكليه بيني وبين شخص مرتبطه بيه كان اسمه مصطفي ..لما قراله الكف قاله هاتجوز واحده اول حرف منها a
وهاتخلف ولدين ..وقالي انا هاتتجوزي واحد اول حرف من اسمه w
وهاتخلفي تلات بنات!!

اول تلات مدونات تابعتها بانتظام كانت الكتابه تنين اخضر محمد علاء الدين وطبعا قلبي ياطير انكومبليت وحكاوي اخر الليل احمد شقير

عمري ماعلقت بمجهول وسواء كنت بدافع عن حد او بختلف مع حد في رأي ايا كانت لهجتي في الخلاف بعلق باسمي

Unknown said...

والله العظيم إنك خطيييييييييره!!!

أول بوسه:لوول يا روز يا "زعره" ؛ أنا شخصيا ما في بوسه لحد هلأ لا قبل و لا بعد
أول مره سافرت:يا عزيزتي انا كنا دايمن مكوك بين الامارات و الاردن فبس الفرق في الرطوبه؛ بس سبحان الله الجو اول ما توصلي حدود الاردن من السعوديه فرق فعلا؛ والله هوا الاردن خطير

ما شريت سياره لحد هلأ؛ مع انو عندي رخصه من شي خمس سنين؛ اول سياره سقتها؛ سياره عمي مرسيدس موديل 82 بس شو سودا كانت و بتجنن؛جديده طخ

ممم؛ اول حد شفته معاه صرع: بنت جيرانا الصراحه كتير كنت صغيره لدرجه اني ما كنت مميزه شو عم بصير

أول شريط لفيروز:كان فيه اغنية"كيفك انتا؟" من احلى الاغاني والله فيروز روعه

أول كتاب: اتوقع انو مجله ماجد؛ وبعدين بلشت اشتري كل شي؛ و هلأ كلو من النت -الكتروني يعني

حفله موسيقيه: حضرت وحده في الجامعه قبل سنه؛ وكانو عاملينها طلاب بس كتير استمتعت فيها؛ مسرحيه حقيقيه؟؟ ما اظن في

اول راتب؟؟ ممكن عزمت صاحبتي؛ الصراحه مش متزكره

أول مدير:كل المدرا اللي اشتغلت معهم بس مجانين؛ و كلهم صغار و كلهم جايين من امريكا ما بعرف ليه!!!


كلمه بحبك ما انحكت لي بس حسيتها؛ واحد من اولاد عمومتي كان يبعت مراسيل دايمن؛وانا كنت اطنش ؛واخر مره من شهرين؛ كان حب من طرف واحد؛ مش من طرفي

امراض المعده؟؟ انا اما ازعل معدتي اول شي بيوجعني؛كل سنه بالشتا بتلتهب من الزعل؛ بس قرحه؟ يمكن مستقبليا ليش لأ!!!

اول ايميل الي كان عالياهو ايام المدرسه؛ و نسيت شو هو؛ بعد عملت ايميل لما صرت في الجامعه وبعده معي

اول مره عملت شات كان في المدرسه برضو عالMIRC

الاسرار:انا ما بعرف عن حالي؛ و مش هالاسرار الي يعني خطيره؛ بس اسراري المهمه بعرف مع مين احطها

اول مره سمعت عن صاحبتي انو ماتت؛ كان من 4 سنين؛ هي ع فكره مصريه؛ انا لحد هلأ مش مصدقه ع فكره؛بس اتذكرها بزعل:(

الفنجان؛ بعرف ناس بيفتحو منيح؛ وناس بيطبشو؛ بس اجمالا "فتاحة" الفنجان اللي بتزبط معي هي اللي بتخص المصاري؛ بس ينحكالي في فلوس بيجو فعلا سبحان الله!!

اول طبخه انسي؛ يمكن صينيه جاج ما بحب اطبخ اساسا

اول صوره في ذهني؛ اه عرس عمتي و انا في السياره مع امي من قدام؛ واول صوره و انا بيبي؛ كل حارتنا عندهم منها نسخ؛ اشي فضيحه!!

أول مدونه؛بلا و نيله؛ و كانت مدونه كويتيه كوميديه و ليبراليه؛ عرفني عليها اخوي؛ بعدين اجت مدونه "قبيلة ساره" والثالثه و يا للعجب" مذكرات إمرأه مثليه مغربيه" منها تعرف ع مدونة سما و بعدين ع مدونتك؛ شفتي الصدفه الغريبه؟؟!!!

علقت "مجهول" كتير؛ لأنو ما كنت أعرف اعلق و لا كان عندي مدونه؛ و عندك علقت باسم "ميزو" ز كنت تفكريني سب لوول!!!

أول مره شفت الكعبه؛ كانت الساعه 10 الصبح؛ و شعوري كان العظمه و بس

ما علينا؛ بدي اروح انام هلأ بيكفي؛ حكيت كتير؛ و تحياتي لأحلى روزا سلام يا قمر

سمـــــــــا said...

يا سلام علي الناس اللي بيشتغلوني حتي انتي يا روز ? انا بقيت زبونة يا رجالة :( انا هعمل مؤدبة واقولك ربنا يسامحك :)). - مسمعتش انا عن ان بسمة اصلها يهودي ابدا انا كنت متابعاها من ايام ما كانت مذيعة في النيل للمنوعات هي وخالد ابو النجا قبل ما يحترف التمثيل ويسيب الموديلينج . احتمال تكون اشاعة لان اكيد مش كل اهلها هيسلموا يعني وخصوصا لو يهود بس هي قالت اصلا انها مسلمة ? انا عمري ما عرفت ديانتها لكن اوعدك اعس في الموضوع دا واعرف أراره انا مخبر سري قديم... انا بحب بسمة اوي من اول ماشفتها. في الاول عشان كنت بحس انها شبه بنت اختي وبعدين بقيت احبها وبس ليها طلة وبتشدني وخصوصا في ليلة سقوط بغداد وحريم كريم .. نيجي لسؤالك انتي .. بقي تفتكري يا رورو لو دي صورة بسمة هحط نصها بس ? دا كلام برضه يا راجل ? بس هي عموما مش بسمة ( سسبينس ههههه )... علي فكرة قاعدة ارغي كل دا من الموبيل عشان مكسلة افتح الكمبيوتر وقربت انام وانا بكتب . يالا بون ووي ياقمر

طارق هلال said...

الأول ... الأكثر عفوية

إيمان قنديل said...

كان البوست جميلا في البداية، به فرح وحنين لذكريات جميلة للبدايات الأولي لكل شيء اكتشفناه في حياتنا ولكن لا أدري لماذا أكتئبت فجأه في

النهاية
==================
بوست جعلني أستعيد أنا الآخري كل البدايات الجميلة في حياتي

Anonymous said...

الجميله روز

طبعا يسعدني و يشرفني ان مدونتي القديمه تكون من اوائل المدونات اللي كنتي بتزوريها
بس قوليلي اصل الذاكره عندي مش ولابد هو انتي عرفتي منين ان كان ليا مدونه قديمه قبل اجندا؟اكونش انا اللي قلت؟

شوفي ياستي بخصوص الأوله بنسبه ليا

اول مره طلعت شرم كنت مبهوره جدا بيها و بجمالها و بالجو و بناسها و قلت استحاله نكون في مصر و كان نفسي اعيش هناك من كتر جمال المكان

اول مسرحيه شوفتها و انا طفله اعتقد كانت مسرحيه شاهد ماشافش حاجه و اكتر حته كنت بحبها فيها بتاعت المحاكمه و مازالت كل اما اشوفها اضحك علي نفس المواقف اللي فيها
من المسرحيات المفضله عندي هي و مدرسه المشاغبين و ريا و سكينه و المتزوجون

اول مشكله في حياتي شوفي انا مريت بحاجات كتيره في رأيي كانت مشاكل جامده و كانت بتعيشني في قلق كبير لكن بفضل ربنا الحمدلله تجاوزتها و بفضل شخصيات جميله وقفت معايا الحمدلله قدرت اني اتخطي المواقف الصعبه دي

اول كتاب اشتريته كان اعتقد كتاب لسيجموند فرويد كان التحليل النفسي للمثليه الجنسيه

أول و أحلي قبله ماكانتش عايزاها تخلص لأني حسيت انها اد ايه بتحبني و بتحتويني بقبلتها

أول مدير اشتغلت معاه كان نص نص و انا بطبعي ماحبش ادخل في مشاكل مع حد و مسالمه و في اغلب الاوقات بعمل شغلي في هدوء فالحمدلله عدي الوقت ده بسلام

اول شريط اشتريته كان شريط لمحمد فؤاد اعتقد اللي كان فيه الشمس تجمعنا

اول مره قيلت لي بحبك ,برضه ماكنتش عارفه اقول ايه لأن الشعور ماكانش متبادل خالص

اول سياره اشتريتها كان 128 بس كانت سواقتي سيئه و بعتها بعد فتره قصيره

اول حفله حضرتها كانت في مهرجان القاهره السنيمائي الدولي وقت اما عرضوا فيلم ايفيتا و كنت مبهوره جدا بيه و انبسطت ليلتها جدا

اول مرتب قبضته اعتقد عزمت عيلتي بس علي ايه مش فاكره

اول مره اكون قرب شخص عزيز عليا يعاني من مرض الاكتئاب و الأحاسيس المصاحبه له و اد ايه كا بيأثر فيا الموضوع ده

بخصوص اول مره اقول سر خاص بيا
من عادتي اني مابخبيش اسراري عن الاشخاص اللي بثق فيهم لكن بيجرحني لما اسراري بتبتدي تطلع لبره و برجع اندم علي صراحتي معاهم

اول مدونه تابعتها بانتظام كان مدونه امرأه مثليه و كنت مبهوره جدا بفكره المدونات و صممت في ساعتها اني اعمل مدونه خاصه بيا

اول طبخه اتعلمت صنعها كانت خلطه المحشي

اول مره تموت فهيا صديقه عزيزه علي ألبي كان في تانيه او تالته جامعه ولما سمعت ماصدقتش و قعدت فتره مكتئبه بسبب الموضوع ده

اول مره اتسأل فيها حاجه ليها علاقه بالانترنت و ماعرفهاش مش فاكره ايه هي بس عموما انا لما بتسأل حاجه او بكون عايزه حاجه بحاول اوصلها بأي طريقه و مابستريحش الا لما بعرفها

اول قصه حب فاشله كادت تؤدي بيا للانتحار

بخصوص اول و اقدم ذاكره ليا كانت برضه ضبابيه و كنت لوحدي فيها و لما سألت ماما قالتلي لني كنت في الحضانه و كان وقتها عمري حوالي 4 سني

اسفه لو كنت طولت عليكي
تحياتي ليكي روز علي نجاحك في انعاش ذاكرتي

Coca said...

blackcairorose
متابعه للبلوج من سنه تقريبا ولكن كنت استمتع بالقرائه اكثر كانني اقرأ كتاب ممتع

الاوله في حياتي تركت في ذاكرتي علامات كثيره ولكن بالتاكيد ليست الاوله في كل شئ هي ما تترك ذلك الانطباع
بالرغم من كده لا اعرف لماذا الاوله هو شعور مختلف اعتقد انه شعور فطري بحت

تماما كشخص عاش طيله حياته في عتمه ورأي النور لاول مره فلن ينسي النور حتي لو اكمل بقيه حياته في ذات العتمه

تحيـــــاتي

blackcairorose said...

الطائر الحزين

اهلا بك

قد نتذكر أوائل الاشياء ولكن قلما تسنح لنا الحياة أن نتذكر آخرها

blackcairorose said...

أنا رحة

شرفت المدونة وسعدت بمرورك وتعليقك

أحيانا تترك أثرا جميلا وأحيانا سيئا ولكنه عادتا ما يكون أثرا لا ينسى

blackcairorose said...

سما

أول مرة اتقالتلك وانتى فى تانية ابتدائى؟؟؟ ايه ده يا بنتى انتى ابتديتى مشوارك بدرى قوى

لا لسه بحب الشوكولاته قوى لحد دلوقتى، بعنى مكنتش وانا طفلة ولا حاجة!

بسمه برضه بتعجبنى خصوصا جسمها والاستايل بتاعها، هى يمكن عيبها الواضح هو بشرتها بس عموما لذيذة قوى

هاقولك سؤال بس مكسوفه منه لانه هينم عن التخلف التكنولوجى بتاعى
انت بتكتبى التعليق على الموبايل ازاى؟

يعنى بتدخلى على النت من الموبايل وتجيبى البلوج وتردى زى الكومبيوتر؟ بس ده مش متعب قوى مع شاشة الموبيل الصغيرة ومع الحروف اللى بيضغط عليها اكتر من مرة لحد ما توصلى للحرف؟

انا بكتب رساة من كلمتين على الموبايل وبتكون روحى طلعت من كتر الدوس على ازرار الحروف فانى اكتب تعليق كبير او حتى صغير انسى

على فكرة صورتك انا انا مش حد تانى حلوة وبجد فيها من بسمة زى ما قلتلك

طيب انا هركب النص ده مع العين قبل كدة وتبقى العملية وضحت لول

سلام لناردين كتير واستنينى عندك النهاردة باذن اللة بس ربنا يدينا الصحة والوقت

سلام يا قمر

blackcairorose said...

هابى هوب

سعدت بجد بمرورك وتعليق

وصدقينى انا برضه بعدى بانتظام عندك ولكن برضه محصلش انى علقت على حسب ما افتكر معرفش ليه

فيه فعلا مدونات بنقراها وبنحبها ومع ذلك مش ضرورى اننا بنعلق فيها، يمكن متعتنا الاكبر بتبقى مجرد القراية من غير تدخل من ناحيتنا

ارجو انك تستمرى فى المرور يا عزيزتى وبالتأكيد انا مش هبطل اعدى عندك

خالص الود

blackcairorose said...

قطة الصحراء

شكرا على كلامك الحلو واللى اكيد بيعنى الكتير لأنك وانتى صاحبة الاسلوب المميز جدا خاصة فى كتاباتك العاطفية والشخصية، اذا اعجبتى باسلوب حد تانى فده معناه كبير قوى

اطيب تحية

blackcairorose said...

ريما

شكرا على كلامك الجميل

بعض الناس ينعمون بنعمة او ملعنون بنقمة اسمها عدم النسيان

انا إحدى هذه الشخصيات

شرفتنى وطالما أنت صديقة لمياسى فبالتأكيد أيضا صديقة لى

وأطيب تحية

blackcairorose said...

Samraa

I love musicals. Every few months I watch Moulin Rouge and you mightn't belive that everytime I get touched by it and Nicole Kidman's role. I just adore it.

The producers is another favourit of mine. Uma Thurman is wonderful. Whenever working hours are mentioned I remember her funny dialogue with the producers about her working hours. That if you watched it!

Chicago is also great.

It is a shame that Egyptian cinema does nnot/can not produce such kind of musical movies.

Thanks for you nice words my dear

Warmest regards

blackcairorose said...

بنت القمر

عندى كلام كتير عايزة اكتبه تعليقا على تعليقك، بس هحاول اكون مختصرة بقدر ما يستطيع الموضوع

اولا بالنسبة للمتناقضات
انا معاكى انه ممكن حد يشوف تناقضات فى الشخصية بسبب ما كتبته، وده برضه خطر لى فى بالى قبل ما اكتب التدوينه بس لما فكرت لقيت ان التناقضات بتبرز اكتر لما تكون عندنا اطر او قوالب جاهزة للشخصيات والتصرفات

يعنى

الشخص المتدين طبقا لمفهومنا مفروض يعمل كذا وميعملش كذا والا يبقى خرج من اطار التدين المتعارف عليه فى المجتمع ووفقا لتعريفات المجتمع

والبنت برضه نظرتنا ان تصرفاتها كذا وعادتا مبتعملش كذا ولو عملت كذا تبقى كذا

والشخص الوطنى ضرورى تكون اراءه كذا مش كذا

يعنى عندنا كده مسلمات بس هى بصراحة مش عندى

انا مثلا اعتبر نفسى متدينة ولكن الدين ليس مرجعى الوحيد فى الحياة، لكن بؤمن برضه جدا بالحرية الشخصية وتساورنى اسئلة دائمة بشأن الدين قد لا اجد لها اجابات ولكنها لا تنتقص ما اراه فى نفسى من تدين

باعتبر نفسى متعاطفة مع القضية الفلسطينية ولكن لا يمنع هذا أن تكون ارائى فى السياسة تختلف كتير عن اراء الاغلبية فى مصر ازاء اليهود واسرائيل

برضه اعتبر نفسى وطنية دون اخفاء اعجابى الشديد جدا بالغرب والعديد العديد من مفاهيمة فى نفس الوقت الذى لا ابرر او اقلل من شأن حجم القبح والخطأ الموجود فى مجتمعنا وفينا كافراد مصريين

لو فضلت اكتب امثال مش هخلص بس يمكن ده يديكى فكرة عن اللى عايزة اقوله

اما بخصوص ان البازل متروك للحل من قبل الى بيقرا فده صح، وانا بفضله كاسلوب ادبى عن مجرد كتابة كل شىء بوضوح وبحروف من ضوء الشمس، حتى لو ادى البازل للخطأ فى الحكم على او على شخصيتى او بالادق الى تصور تصور مخالف لى فبصراحة لا يهمنى كثيرا، لانه ارى من المهم ان لا اسعى الى اكتساب شرعية او قبول من احد بقدر ما أنى اكتب للكتابة ذاتها يا عزيزتى

بالنسبة لموضوع المدونة اللى علقت عندها انونيموس

معنديش مشكلة انى اقول متى واين ولكن احتراما للكلام السخيف اللى اتكتب فى حق هذه المدونة خاصة وانه كلام جارح فلا افضل الحديث عنه

وعموما ليست هناك مشكلة ان يختلف الناس فى الاراء ولكن ان اختلف معاكى فى الرأى فالجأ الى انتقاد طريقة ملابسك مثلا، هو ما ينرفزنى ويجعل الحوار كله يتسم بسخافة لا نظير لها، وهو ما دعانى ساعتها للرد، وردى كانونيموس كان خطأ منى كما اراه الآن رغم أنى حافظت حتى كانونيموس على الفاظى وكلماتى



تسألينى فى النهاية اذا كنت فهمت حاجة من تعليقك؟

وبصراحة مش متأكدة

انتى شايفة من ردى انى فهمت حاجة؟ لول

blackcairorose said...

مثلية تبحث عن ذاتها

ايه حكايتك انتى وسما هى اول مرة حد يقولها بحبك كان عندها سبع سنين وانتى اول مرة كان عندك ثمان سنين، ايه يا جماعة بتهزروا ولا ايه؟ انا كده بقى عنست خالص فى موضوع كلمة أحبك دى، كلكوا بجد ابتديتو بدرى قوى قوى عنى!!

رائحة غاز؟ هل كنتى فى دولة خليجية ولا ايه لول، بس ساعات الرطوبة والبحر فى رأيى بيدوا ريحة تشبه الغاز

تأثير ازازة تكيلا؟؟؟؟؟ يا سيدى

المسرحية كانت فى نمامورك

بخصوص تعليق انونيموس انا رديت على بنت القمر يا مثلية فيه، وهو على كل مش صعب تخمينه

مرسى بجد على الكلام الظريف جدا اللى مستحقش نصه يا مثلية وبيسعدنى بحقيقى انك بتلاقى حاجة فى المدونة بتسمع معاكى
ودمتى دايما

blackcairorose said...

شريف

يمكن مكنش همى اكتب تفاصيل بقدر ما انى اكتب وقع وتأثير الذكريات على نفسى

او يمكن وقت كتابة التفاصيل مجاش لسه، معرفش

اما بالنسبة للسؤال عن المسرحية فليه بس الاحراج ده؟؟

وبما انى بحب الغموض زى ما بتقول فهرد على سؤالك بلغز اوكيه؟؟
ممكن تحل له وممكن تقراه وتضحك من غير اجابة، يعنى زى ما تحب

بس بداية احب اوضح ان المسرحية كانت غنائية تجريبية وليست مسرحية تقليدية بحدوته، وكمان كانت بعض المشاهد عراة ولكن مفيش اى اشتباك يعنى

المهم الفزورة هى

اننا كنا تلات بنات ولما لقينا المسرحية كده، واحدة بس محبتش تتفرج عليها وقامت واتنين فضلوا يتفرجوا

تفتكر انا الواحدة اللى قامت ولا من الاتنين اللى كملوا؟؟؟؟؟؟

لو قلت انى اللى قامت هاقول فى نفسى

شريف يعتقد انى اكثر تزمتا مما انا عليه

ولو قلت انى من اللى كملوا هاقول لنفسى

شريف فاكرنى اكثر جراءة مما انا عليه

فايه الاحسن انى اكون اكثر تزمتا او اكثر جراءة؟؟؟؟

blackcairorose said...

زمان الوصل

على قد ما سافرت عمرى ما سافرت بسفينة، أخرتها ركبت مرة عبارة لمدة كام ساعة، وواحد من احلامى فعلا انى اسافر فى سفينة

مدير مركب سماعات فى المكتب؟ لو حقيقى دا يبقى مريض نفسيا من غير شك

انا كذا مرة قلت انى نفسى اكتب تدوينة عن المديرين اللى اشتغلت معاهم لان فيهم اشخصيات متتنسيش سواء ايجابا او سلبا ولكن موضوع السماعات دى بتدى لشخصية المدير بعد تانى خالص لول

blackcairorose said...

He&she

A mouth kiss from the maid when you were 7 years old??!! Don't you think you started it all too early?
And she was older but then you washed your mouth??!! Talk about some unhygenic sort of abusement lol.

blackcairorose said...

إمرأة مثلية

كلنا بنفكر بعض بمواقف وذكريات

ساعات مجرد كلمة فى مدونة أخرى بتوحى لى بموضوع او بتعمل فلاش عندى بذكرى

طبعا انتى قريتى فى التعليقات هنا مدونتك كانت ليها تأثير قد ايه على مدونات أخريات، وانا برضه مدونتك كانت من اوائل المدونات اللى جذبت انتباهى رغم انك مريتى بفترة كمون طويلة بعد بداياتك النشيطة

لسه بقرالك ومتابعاكى دايما

واطيب تحية

blackcairorose said...

سولى

فتحت نفسك ولكن مفيش اى ذكريات قريناها!!!

ايه الحكاية

blackcairorose said...

سولا

رغيك ظريف يا سولا بس لما انتى مش قد بارات الشو دى بتروحى ليها يابنتى

هى سما بتقرا الفنجان كويس؟ اول مرة اعرف المعلومة دى طيب هسالها تقرالى بالمراسلة

اغرب حاجة سمعتها فى الموضوع ده واحدة لبنانية كانت بتقرا طبق المكرونى بالصلصة الحمرا

والله مش بهزر ولكن فعلا واحدة لبنانية بره كانت بتقرا علامات الصلصة بعد ما الناس بتاكل طبق المكرونة

انا لما سمعتهم بيقولوا كده فى الاول افتكرتهم بيتريقوا طبعا بس طلع حقيقى، لكن محصلشى انها قريتلى ولا حاجة

سمعتى حاجة اغرب من كده؟

blackcairorose said...

Someone in life

شكرا على الكلام الحلو

ودمتى دايما

blackcairorose said...

نون

تصدقى ساعات بحس بخوف لما حد يقولى ان اللى اتقاله فى الفنجان او الكف حصل بالضبط زى ما حصل معاكى

غريبة ان المرتين يصدقوا بالضبط

من القصص الغريبة واحدة اعرفها كانت بتعمل شوبنج فى الشارع واحدة عجوزة وقفتها وقالت لها انتى اشتريتى النهاردة حاجات بمبلغ كذا

المبلغ قالته بالدولار والسنت، وفعلا كان اجمالى المبلغ اللى الست صرفته طول اليوم

الست اللى قالت لها كده كانت كبيرة فى السن وشكلها مش طبيعى قوى ووقفت البنت اللى اعرفها فى الشارع من غير سابق معرفة ولا اى شىء مجرد قالت لها الكلمتين دول وكملت سيرها

الموقف ده حصل فى لندن والبنت لحد دلوقتى عمرها ما بتنساه وبتقولى لو كانت استوعبته ساعتها وحسبت اجمالى مشترواتها من محلات مختلفة ولقت الرقم صح، كانت هتكلم الست دى اكتر او تسألها تشوفلها البخت او غيره بس الموضوع كله حصل بسرعة ومن غير استيعاب فى البداية

ـــــــــ

بالمناسبة ايه المسقعة الاسكندرانى دى؟

blackcairorose said...

مياسى

"لحد هلأ ولا قبل ولا بعد؟"

طيب مش هعلق على كلامك ده لول

اشمعنى لما بتزعلى فى الشتا يا مياسى ، ليه مش فى الصيف كمان؟

طبعا فاكرة لما كنتى بتعلقى ميزو

على فكرة

كان فيه بلوج مدونة اعتقد انها اردنية كانت موجودة من اكتر من سنتين بس نسيت اسمها، وبعدين توقفت

معرفش ليه اول ما قريت مدونتك افتكرتها المدونة القديمة وانك غيرتى اسمك واسم المدونة، بس كان فيكو شبه فى الاسلوب والموضوعات الى حد كبير
كان اسلوبها جميل كاسلوبك يا مياسى

بس دلوقتى بقول انها مش انتى ، صحيح؟

Unknown said...

روزا

لوول انتبهتيلها اه؟ انا بعد ما كتبتها انتبهتلها وبعدين حكيت ما رح امسح و ارجع اكتب كمان مره

بس ما تدقيش "على بعد" كتير:) يعني الساعه كانت 2 بالليل و انا نعسانه و مرشحه يعني قلة تركيز مش أكتر لوول:)

الشتا؛ مم ما بحبه خلاص من الله يمكن لأني مواليد الصيف في حزيران؛ما بعرف والله بس الشتا خصوصا في القريه قاسي يا روزا؛ لما تشتي الدنيا عنا الكل بيروح يتفرج و أنا بكون بس بكتئب ولا بعمل شي تاني:(

ما عندي فكره عن المدونه اللي بتحكي عنها يا روزا؛ و لو أنو صار عندي فضول أعرفها؛ بس بأكد لك انو أنا أنا مش حد تاني لوول

يسلمو عالإطراء يا حلوه:)

emad.algendy said...

اول مرة احس بكلام من القلب وبالبساطة دي
وممكن اول مرة اعلق بعامية
العربي الفصيح مش هيوصل حاجة
اول مرة اقابل حد حضر حفلة لفيروز
بحاول احضر لمارسيل ومش عارف
فيروز مرة واحدة؟؟؟؟؟

لا ادرك كم اثر موضوعك في الان
لكنه حتما اضاف لي عمقا لم اتجاوزه الى الان
ربما اقضي ليلتي افتش عن اوائل الاشياء بحياتي الصغيرة
الاولة دائما ما تكون بسيطة طفولية بريئة
اعتقد هذا ما يجمع كل ما كتبتي
البساطة البراءة والطفولية

دمت بالف خير
تحياتي

Anonymous said...

BCR عزيزتى
==========
اعتقد .. وارجو الا تفهمينى خطأ انك اكملتى المسرحية

My impression is that you can't be easily intimidated .. simply because you're very thoughtful ..

وفى هذا الشأن لاارى غضاضة .. لانى لست من انصار الوصاية ولم اتعامل بها فى حياتى مع اولادى وهن بنات .. لهن ان يختاروا مايتراءى لهن بحريتهم المطلقة

أنا سؤالى وفضولى كان حول تلك الاطعم من الشيكولاتة .. وكان سؤالى البرئ هو .. ممن؟ أو لمن؟

من فضلك يعنى

blackcairorose said...

ارابيك ايد

بالتأكيد الاكثر عفوية والاكثر ثباتا فى الذاكرة على الاقل بالنسبة لى

blackcairorose said...

كلام على بلاطة

وأنت بكل خير

blackcairorose said...

كباريه

اهلا بيكى فى المدونة

مثل أشياء كثيرة جدا فى الحياة ـ ان لم أقل أغلب ما فى الحياة ـ تبدأ جميلة وتنتهى بشىء بعيد عن بداياتها

blackcairorose said...

اجندا

على ما اتذكر انتى اتوقفتى مرتين وكل مرة فيهم رجعتى بمدونة جديدة، يمكن مرة قلتى انك رجعتى باسم جديد ومرة تانية كان واضح انها انتى لكن مش فاكرة اذا كنتى قلتى كده ولا لأ

مدونتك الاولى كانت جميلة ومختلفة عن مدونتك الحالية ـ اللى هى طبعا برضه جميلة وليها شعبية كبيرة ـ بس الاولى كانت زى دايما ما بقول فيها جمال البدايات، لاننا فى البداية عادتا بنكون مش حاسبنها كويس فبنكتب الاول من غير ما نحط عيننا على الشخص اللى بيقرا وممكن يعجبه ايه او ميعجبوش ايه وفى رأيى ان مدونتك الاولى كانت مجرد بوح دون انتظار لرد الفعل من القارىء

ونفس الملح ده كان فى مدونة مزة مصرية وهى كانت مدونة صادمة ولحد دلوقتى مشفتش مدونة زيها

هاكتب تدوينة خاصة عن المدونات التلاتة اللى همه اول مدونات كنت باتابعها بشكل منتظم واللى بينهم مدونتك الاولى بعد اذنك

وهكتب ليه كنت بحبهم واتابعهم

تحياتى وسلامى كتير لهارت بيت وقوليلها تشد حيلها

blackcairorose said...

نور

شكرا على كلماتك

وعلى فكرة ذكرياتى فى هذه التدوينة لم تأت كلها بعفوية او بسهولة ، بل احيانا كنت افتش فى ذاكرتى للرجوع الى البدايات، واحيانا كانت الذاكرة موجوده وسهلة ولكنى لم أكن قد ربطت بينها وبين البدايات

أى كنت اتذكر الموقف ولكن لم اكن اعى أنها كانت البداية، ومن ثم فالامر احتاج بحث وتنقيب وانعاش لهاليز الذاكرة

وأطيب تحية

blackcairorose said...

شريف

10/10

Anonymous said...

الجميله روز

كويس و الله انك فكرتيني ياروز بالذي مضي اصل الذاكره عندي مش ولابد عشان كده بشجعك انك تكتبي طبعا عن المدونات التلاته اللي منهم مدونتي الأولي

انا معاكي ان المدونه الأولي مختلفه وفعلا واحده صاحبتي قبل كده قالتلي الموضوع ده انها كانت مختلفه كنت بكتب و مش في بالي مين حيقرالي فكان اللي بيجي علي بالي هو اللي بكتب عنه عشان كده انا بحييكي انك خدتي بالك من النقطه دي
اشكرك علي كلامك الجميل في حق مدونتي سواء القديمه او الجديده و طبعا انتي بتشرفيني دايما و ماتتصوريش اد ايه بكون سعيده اما بشوف مدونتك ناجحه و متألقه انتي عارفه من زمان و انا متبعاكي و كنت واثقه ان مدونتك حتكون ناجحه و متألقه دايما
هارت بتسلم عليكي اوي و دعواتكي معانا هي بس مشغوله حبتين في الشغل ربنا يسهل و تفضي
تحياتي ليكي ياجميل وسلامي انا و هارت ليكي

Anonymous said...

أولا تحياتى
ثانيا أنا اسمى لبنى شكرى باحثة بالجامعة الأمريكية بالقاهرة أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك

شكرا لتعاونك
lobnabona@yahoo.com

احساس لسه حى said...

عزيزتى

البوست حلو بس انا مش بفتكر اول شئ عملته فى شئ معين انا ممكن افتكر احلا حاجه فى الشئ مش اول

هو الغبار والتلوث والدخان فى كل محافظات مصر ولا ايه انا كنت فاكر فى القاهرة وممكن الاسكندرية بس


مقولتيش اسم المسرحية ايه اصل عبد غيث مفتكرهوش مسرحيات خالص

اكيد كل مشاكلنا مش اول مشكلة بس بنحتاج اللى يقف جنبيا فيها


اول كتاب انيس منصور مره واحده مبتدتيش ليه بميكى والشياطين ال13 والمغامرين بكل انواعهم يلا بداية قوية


اه اطعم من الشوكولاته واحلا من العسل


ساعات العصبية بتخيلنا نقول حاجات وحشه بس اكيد لما بنقرب من اى عصبى بنعرف طبيعته وحقيقه قلبه


ايه ده مش معنى اول شريط لفيروز مقولتيش ليه اول شريط لام كلثوم ل عبد الحليم ل وردة لمحمد منير لاى مطرب تانى


اول سيارة 128 من فلوسك ولا بمساعدة حد


يا بختك لسه مشفتهاش بس اكيد النظر ليها متعه


فيروز تانى فهمت يبقا انتى من عشقها وانا احبها فقط ولا اعشقها


كويس انك افتكرتى صديقاتك مع اول مرتب
مع انى افضل افرح بيه الاهل حتى لو مش محتاجين
بس الاحساس حلو ليهم


اكيد اى انسان شكله وهو مريض او فى حالة مرضه يصعب على اى انسان ليه قلب والصرع مرض يألم الناظر والمريض جدااا وفكرة حلوة ان الشحات يحط ورقه بحالة بس المهم الصدق


وايه كان رد فعلك لما لقيتيهم عراة مسألتكيش عن احساسك لان يخصك اكتر


يا ترى السر ده كان صعب تقوليه لاقرب صديقه ليكى


تقريبا مش مهم اول مدونات شوفنها الاهم احلا مدونات شوفتيها


المسقعه بموت فيها بالذات لو اتعملت حراقه شوية


موت اى حد قريب مننا بالذات لو صغير فى السن بيجعلنا نفكر كثيرا لاكن الدنيا تجلعنا فى وقت قصير ننسا ما كنا نفكر فيه


خسارة ان الثورة دى مكنتش من زمان كانت هتفرق معالانا كتير تفكيرا وحياة
ثورة النت مش ثورة تانى متودنيش فى داهية


ساعات بتوع الجلا جلا دول يحصل منهم حاجات غريبه مش عارف صدفه ولا احتمال يكون فى شئ تانى

بس على العموم الجلا جلا مش بصدق فيه


يا لهوى هو الحب ممكن يجيب قرحة فى المعدة الله يطمنك طيب القولون العصبى بيتاثر بالحب اكيد ليه توابع مستقبليه ولا لأ

على العموم فى قصص حب بتفشل لانها مش حب حقيقى ولا حب بجد


اه حلوة الصور القديمة دى وليها طعم الشوكولاته برضوا مش علشان احنا بس اللى فيها وكنا اطفال لاكن بنحس بروقان فيها وهدؤء الناس اللى فيها


عارفه بحس اللى بيعلق انونيموس عنده نوع من الجبن والخوف وانا عملتها مره واحده ومش هجوم برضوا بس كان لانسانه مش زعلان منها وحبيت اقول راى فى موضوع كتبته بس قررت معملش كده بعد كده حتى لو بشتم حد بشتمه باسمى وطظ فى اى حد قصاد راى لو شايفه صح


معلش طولت بس حبيت اعلق على البوست كله من طقطق لسلام عليكم

تحياتى

سلام

blackcairorose said...

أهلا لبنى

شكرا على اختيارك الذى أراه إطراءا فى حق المدونة

ولكن أرجو قبول اعتذارى عن المشاركة فى البحث

وأطيب أمنياتى بالتوفيق فى الاعداد للماجستير

blackcairorose said...

احساس لسه حى

عندك حق

بفكر فى عمل بوست جديد بعنوان أحلى مرة!!

مش فاكرة اسم المسرحية، كانت بدوية وهى مسرحية تليفزيونية يعنى اتعرضت ليلة واحدة واتصورت للتليفزيون وبس وليست مسرحية تجارية

المغامرين وتان تان وسمير كانت بتدفع من اهلى ولكن كتاب انيس منصور انا اشتريته من فلوس حد اداهالى يمكن عيدية او هدية عيد ميلاد

العربية كانت نص من البيت ونص من فلوسى

التعليف انونيوموس خوف وجبن؟
شكرررررررررررررررررا

انا زى ما قلت كانت غلطة منى، لكن بشكل عام انا مش ضد التعليق انونيموس بشكل عام، انا بس ضد انى انا شخصيا اعلق انونيموس

وفى رأيى هناك فرق بين الرأيين

سمـــــــــا said...

على فكرة دى المرة التانية اللى اكتب فيها التعليق دا والمرة الاولى كانت من اليوم اللى انتى رديتى فيه على التعليقات ، ويومها بالليل قلت ارد عليكى قبل ما انام من على الموبيل

بس علشان التكنولوجيا سلاح ذو حدين زي ما حضرتك عارفة فبعد ما كتبت تعليق طويل عريض راحت الشبكة واقعة من الموبيل والنت فصل والتعليق طاااار :(((((((

بجد بقى هاين عليا اعيط : ))

ومن ساعتها كل لما اجى ارد انشغل لغاية ما الحمد لله جيت من الكمبيوتر بس على الله الكهربا متقطعتش بعد ما كتبت التعليق انا حظى نار طول عمرى :))

__________________________

موضوع تانية ابتدائى دا حصل بجد وكان على ورقة كراسة واديت الورقة للمدرسة اصل الولد كان رخم لكن لو كان ظريف كنت اكيد هحتفظ بيها ذكرى : ))

وعلى فكرة انا ياما اتكتب لى جوابات واغانى وقصايد حب بس الغريب بقى انى كنت رافضة تمااااااااما موضوع الارتباط او انى اتعرف على ولد طول فترة المدرسة حتى لو معجبة بيه والكلام دا فضل لغاية ما دخلت الجامعة يعنى اول ارتباط ليا كان وانا فى الجامعة وقبل كده عمرى ما عملت علاقة من اي نووووع

طبعا هتستغربى بس دا حقيقة مش عارفة ليه كنت بقرف من منظر بنات المدارس وهما لابسين لبس المدرسة وماشيين جنب ولاد سناكيح فى الشارع كنت بحسه منظر مراهق ومتخلف وعمرى ما تخيلت نفسى فيه ، انتى عارفة انا طول عمرى هانم مش بتاعة تمشية فى الشوارع : ))

دايما كان ليا وجهة نظر فى الراجل اللى هرتبط بيه انه يكون راجل مش عيل لسة بياخد المصروف من اهله ويقف يشربنى حاجة ساقعة عند كشك المدرسة : )) وفعلا اول واحد ارتبط بيه كنت 17 سنة وهو 28 سنة .

________________________

بسمة طبعا عسولة وطريقة كلامها وحركات شفايفها وحواجبها مع عينيها وهى بتتكلم بموت فيها ، وانا فى تعليقى الاولانى كنت هعلق على موضوع بشرتها دا بس نسيت هى فعلا محتاجة تتظبط بس هى احتمال تكون مرحلة عمرية او اضطراب هرمونات

_______________________

بصى يا ستى بخصوص النت من الموبيل طبعا ربنا يخليلنا شركات الموبيلات فتحت موضوع النت عن طريق الموبيل عادى وفيه زي سوفت وير بتنزليه على الموبيل مساوى لانترنت اكسبلورر كده فبتدخلى تكتبى لينك السايت اللى عايزاه سواء سيرش او بلوجات او اى حاجة عايزة ادور عليها او اقراها ومنها بدخل اتابع مواضيعك وادخل أعلق عادى وكل حاجة زي الكمبيوتر ، وكمان بتقدرى تدخلى على الايميلات بتاعتك وتبعتى وتستقبلى ايميلات عادى جدا وكذلك برامج الشات بس دى بقى بصراحة اللى بتخنق منها، يعنى مثلا ابقى لسة بفتح المسنجر بتاعى ورغم انه ظاهر للناس انى داخلة الموبيل لكن برضه انتى عارفة المصريين تلاقى كله بيكلمك وبيرغى ومنتظر انك تردى بسرعة ازاى معرفش : ))

ومتقلقيش من الكتابة انا احيانا بيكون بالى طويل بس ساعات بقفش وصبرى بيخلص : ))
_____________________

على فكرة يا هانم انا انا مش اى حد تانى دى كتباها علشان البروفايل مش الصورة فبطلى تعملى ناصحة عليا : )) وعلشان كده مش هقولك دى صورة مين
( وش مطلع لسانه )

وبالمناسبة انا عمرى ما اتصورت صورة وطلعت فيها شبه الصورة التانية يعنى لو حطيت لك كل صورىجنب بعض هتقولى ان فيهم شبه من بعض لكن مش لنفس الشخص ولما تشوفينى لايف هتلاقينى مش شبه الصور اصلا : )))

يعنى انا فيه ناس بلوجرز او غيره اتعرفنا وشافو صورى على المسنجر ولما اتقابلنا قالو ان شكلى مختلف عن الصور تماما بس الحمد لله قالو انى لايف احسن

على فكرة انا كنت دلوقتى كاتبة كلام كتير واسئلة ليكى بس مسحتها كلها وطبعا دا بسبب ان مصر والعالم العربى والاوربى كلهم بيقروا كلامنا وفيه ناس بتيجى من بلوجى مخصوص علشان تشوف ردى عندك والعكس شفتى البروووود : )))

يالا سلام يا قمر

blackcairorose said...

سما

معلشى انا اتأخرت فى الرد لان الايام دى مشحونة قوى ورغم انى عندى كلام كتير عايزه اكتبه سواء فى التعليقات او كبوستات بس حقيقى الوقت مفيش

تصدقى ان موضوع الرجالة الكبار السن دى برضه كانت عندى، ويمكن لسه لول، تقدرى بقى تضيفى الموضوع ده على رأيى بانى بشوف ان الصلع مظهر مش وحش للراجل على حبى للشنب فيديكى فى الاخر كده صورة تشبه حسن عابدين لووووول

صورك اللى مش شبه بعضها بتفكرنى بواحدة من اخواتى برضه الكل بيقول ان صورها مختلفة وهى بتغير اللووك باستمرار يمكن ده السبب

لا والله مكنتش اقصد اتلائم لما بقولك انا انا مقصود بها الصورة، انا فعلا كنت فاكره التعليق مقصود بيه

بالنسبة للكتابة ولا يهمك اكتبى ، انا بكتب ولو حد اقرا مفيش مانع الناس تتسلى برضه وتقرا!!!

عايزة الحق الرد على تعليقات البوست بتاع الكولون واكتب بوست جديد واعدى عليكى وعلى بقية الحبايب

يا مسهل

سلام يا نجومه وقمره

أسما عواد said...

تعرفي انك فتحت شهيتي للكتابة بالبوست بتاعك ده
اناا كمان هقتبس منك الفكرة واعملها ان شاء الله في مدونتي
انتظر منك قراءتها عما قريب