Saturday, January 26, 2008

خاطرة


عندما كنا نتحدث نحن الخمسة أو الستة عن فيلم عمارة يعقوبيان قالت صديقة واحدة فقط من بين المجموعة أنها لا تحب فكرة أن كل شخصيات الفيلم نماذج سلبية سيئة ولا تحب خلو الفيلم من أية نموذج إيجابى فى المجتمع وهو من وجهة نظرها أمر مبالغ فيه

من يومين شاهدت مع مجموعة من الصديقات والأصدقاء المصريين فيلم فى شقة مصر الجديدة، غالبيتنا هذه المرة رأت أن هناك مبالغة الى حد ما فى إظهار شخصيات الفيلم كلها تقريبا بشكل إيجابى ومثالى

لانندهش من غلبة النماذج السلبية ونندهش من غلبة النماذج الايجابية

هل هذا يعنى شيئا؟ أعتقد أنه يعنى الكثير

5 comments:

kasber said...

قالي لي صديقا وكان مبتهجا علي غير عادته
تخيلي اليوم وقف الاتوبيس بالضبط امام المحطه وفتح الباب وانتظر صعودي وصعود الاخرين ثم سار
اليس عجيبا؟؟؟
فكرت طويلا كم ان في بلادي يصبح مجرد الالتزام بالعادي عجيبا
ربما لاننا أعتدنا ان المفروض عند الله وحده

Heart Beat said...

عزيزتي

عجائب الدنيا كثيرة و منها هذا المثال عن الاندهاش من الخطأ و اللامبالاة عند حدوث الصواب

اعتدنا ان نرى النماذج السلبية في كل شيء من حولنا ... اما النماذج الجيدة على الرغم من وجودها حولنا الا اننا لا نراها من كثرة تواجد السلبية

اننا تعودنا على هذا و اصبح اختفائه يقلقنا و ربما ستجدينا يوما نقول ... هي الدنيا جرى فيها ايه

أحساس لسه حى...كلام من جوه روح لكل روح said...

عزيزتى
طبعا اللى حصل ده طبيعى لان مفيش مجتمع مثالى وصعب نلااقى المجتمع ده وكلنا بنعمل اشياء سيئة وسلبيه وطبيعى لما الفليم يجيب كده هنشوفه طبيعى لاننا كلنا بنعمل كده بعض الوقت

بس بقه النماذج المثالية والايجابيه لما نشوفها فى كذا شخصية صعب يتصدق لانه صعب الحدوث لان مفيش حد مثالى وايجابى ولو لقينا نلاقى نموذج نادر واكيد برضوا فى جوانب سيئه مش لازم تظهرلنا

مش عارف فكرتى وضحت لو موضحتش قولى اعلق تانى

سلام

مثليه said...

أكيد لأن السلبية سائدة أما الايجابية فتكاد تكون معدومة

سمـــــــــا said...

الحقيقة انا مش هعلق على موضوع الايجابية والسلبية فى الحياة لان الاخوة اللى ردو قالوا الاجابة النموذجية للموضوع دا زي ما بيقول الكتاب يعنى .

ارجع انا بقى لفيلم يعقوبيان ، انا مش شايفة ان كل نماذج الفليم سلبية يعنى انا كنت معجبة بشخصية عادل (ذكى باشا ) وشايفاه راجل محترم ليه ؟ هقولك ليه :
اولا : الراجل دا كان بتاع ستات وعايش حياته بالطول والعرض ورغم انه حب يسرا ( كريستينا ) فى الماضى الا انه متجوزهاش لانه كان عارف انه لو اتجوزها ممكن يخونها ودا فى نظرة منتهى الاحترام للغير وللنفس لانه مش خاين .

ثانيا : موقفه مع اخته اللى مثلته بجدارة اسعاد يونس واللى من كتر ما ادته كويس بقيت نفسى اديها بأى حاجة على بوقها :) ومع ذلك فضل محترم معاها لاخر لحظة .

ثالثا : مع هند صبرى اللى مش فاكرة اسمها فى الفيلم كان محترم جدا معاها ومحاولش انه يستغل ظروفها وفقرها ويعمل معاها اى علاقة غير شريفة بالعكس هو وعدها انهم يبقوا اصدقاء ومع ذلك متخطاش حدود الصداقة دى غير برغبتها .

ودور هند صبرى انا برضه شايفاه ايجابى فى نقاط معينة :

اولا : وقت لما كانت فقيرة واصحابها فى الشغل كانو بيعملوا حركات مع صاحب المحل وهى راحت معاه برضه بعيدا عن ان اللقطة كانت تحفة من حيث التمثيل والاخراج والتصوير واتمنى تكونى شفتى الفيلم ( بدون قطع ) فهى صورت اد ايه حالة القرف والاستياء اللى كانت عليها رغم انه ادالها فلوس ويوم ما جت لها فرصة انها تبقى فى وظيفة محترمة اكتر سابت القرف دا ومحاولتش انها تستغل جمالها فى اغراء ذكى باشا علشان فلوس زيادة .

بس هى فى الحقيقة كانت هتبيعه فى الاخر علشان 5000 جنيه بس ربنا ستر ههههه

يالا المسامح كريم بقى دى هند صبرى وانا مقدرش ازعل منها

يمكن الشخصيات السلبية صرف فى فيلم دا واللى طمعهم وقرفهم ملوش مبرر كانو :
اسعاد يونس واحمد بدير ونور الشريف وخالد صالح والظابط اللى ضرب ابن عادل امام ( على فكرة انا بموت فى تمثيل الراجل دا وخصوصا فى فيلم مافيا )



فيلم فى شقة مصر الجديدة

كل اللى اقدر اقولهولك انى مكنتش قادرة اكمل اكتر من ربع الفيلم وبقيت هموت واطلع من القاعة

اجنن انا وانا بتكلم فى مواضيع ملهاش علاقة بأى حاجة :)