Wednesday, August 15, 2007

أسماء بلا أصحاب

فيروز لها أغنية بسيطة فى عبقريتها وعبقرية في بساطتها أسمها رجعت العصفورة، تتحدث فيها عن الذين غابوا ورحلوا بعيدا فتقول
.
بالدفاتر عندي أسامي الغياب
أصحابها تركوها، صارت بلا أصحاب

.
فعندما غادروا لم يتبق سوى أسماء هامدة بلا روح
.
هذا ما تذكرته حين وجدت بعد غيبتي القصيرة أن مدونتين عزيزتين قد غابتا لناردين وانتيجريتد فنكشن
ثم قرأت أيضا موضوع أجندا حمرا فى نفس الأمر وأتفق معها فى التمني لو كانوا قد تركوا ولو كلمة وداع
فكلمة الوداع ليست صعبة
.
توقف مدونة ما أقف أمامه يحتويني العجز، فمن ناحية أنا أفهم متعة الصمت والتي قد تفوق أحيانا متعة البوح، ومن ناحية أخرى أشعر بالشوق لكلمات من أحب قرائتهم واعتدت عليهم، ولكن يبقى قلقي على الأصدقاء مبعثه الرغبة فى الاطمئنان أنهم يتنفسون صحة وأن التوقف مجرد قرار شخصي
.
انتيجريتد فنكشن
اشتقت لكلماتك القليلة المتزنة والبليغة بلا ادعاء
.
ناردين
أين موضوعاتك التي تشعرني أنها من طفلة صغيرة متوهجة لها خبرة مائة عام؟
.
.

7 comments:

كتابة said...

black cairo rose

اتفق معك تماما
دخلت 4 مدونات جميعهن إختفوا أو أعلنوا الوداع

شعرت بحزن ممـض
فقد تقاطعت أرواحنا في عالم الإفتراض و تقاربت

الأهم أنهم بخير بإذن الله

تحياتي لهم ولك

kasber said...

وهناك أغنيه لفيروز أسمها مافي حدا
تقول كلمات الاغنيه
مافي حدا لا تندهي مافي حدا
عتم و طريق و طير طاير علي الهدا
باب مسكر..والعشب غطي الدراج
شو قولكم..شو قولكم صارو صدي

قالت لي واحده من أصحاب المدونات الغائبين
أغلق مدونتي لانها ليست أنا
لقد فرض علي الاخرين ان اكون بوجه غير وجهي
لذا أكتفي

Heart Beat said...

عزيزتي

اضم صوتي لصوتك و اسألهم اين انتم بجد
اشتقنا ليكم جدا

اتمنى انهم يعودوا قريب

Anonymous said...

عزيزتي بلاك كايرو روز
بضم صوتي برضه لصوتك في ان اللي بيختفوا فجأه فعلا بيوجعوا قلوبنا كلنا لأننا اتعودنا عليهم و بقينا كلنا عيله واحده
و فعلا زعلني اختفاء برضه مدونه انتيجراتيد فانشينز عشان هي اساسا صديقه ليا و كنا بنتواصل من خلال الايميل و بعت ليها ايميل بطمن عليها و مش عارفه ليه قفلت مدونتها فجأه بس كل اللي عايزه اقوله انها اخر ايميل بعتتهولي انها كانت مشغوله اوي في شغلها يمكن ده سبب لقفل المدونه
حبيت بس اطمنك عليها و اطمن كل الناس اللي بتسأل عنها و لو بعتتلي اي ايميلات حطمنك
تحياتي ليكي عزيزتي و يارب دايما منوره انتي و كل الناس الحلوه دي و دايما مطمننا عليكم كلكم
:)

blackcairorose said...

كلنا لدينا نفس الشعور تجاه من غابوا فجأة دون انذار

ربما تكون مرحلة ويعودوا يوما ما

يا رب

ناردين said...

مستحيل هتصدقي اد ايه أثر فيا انك تفتقدي مدونتنا وبرغم اعتراضي على موضوع طفلة صغيرة :) لاني خلاص ستة وعشرين سنة اهو .. يعني كبرنا خلاص
الا اني بجد فرحت ان انسانة جميلة زيك تقطر عذوبة وشعر تتواضع وتتكلم بهذه الحميمية عن بلوج عمره ميجيش شهرين تلاتة اد ايه كان شيئ حسسني بالاعتزاز واكيد في اقرب وقت تسمح بيه الظروف هنعمل مدونة جديدة ويكفي ان ليها اصدقاء في عذوبتك
تحياتي وشكراً للسعادة اللي منحتهالي كلماتك

blackcairorose said...

ناردين
بجد سعدتينى بردك وأطمنت عليكى ان شاء الله تكونوا دايما بخير انتى وسما

وفى انتظار مدونة جديدة

على فكرة موضوع طفلة ده هو احساس من قرائتى ليكى ان فيه جانب طفولى فى شخصيتك مقدرش احدد بالضبط معالمه، يمكن فيه عفوية أو براءة ما فى كتاباتك ادتنى الاحساس ده، أو يمكن انا اللى قرائتى غلط لشخصيتك

بس على كل فيكى حاجة هى بالتأكيد من اجمل الحاجات اللى فى الطفولة

وده مبيتناقضشى ان فيه برضه نضج وخبرة ولسه بفتكر قصتك عن الملك على تعليقى عن موضوع حكايات الاوتوبيس اللى كتبتيها

وخالص الود