Tuesday, January 13, 2009

سلالم حلزونية ملونة


الأبيض
يهزمني بمجرد أن أراه، فهو لون يجردني مقدما من أي سلاح لدي ضده
أول هاجس لي مع الأبيض هو خوفي من أن يصاب بما يعكر نقاؤه

الأسود
تدخل محرابه فى خشوع لا تنبس بكلمة
وتخرج من محرابه أيضا فى خشوع دون أن تجرؤ أن تتحدث عنه بسوء

الأحمر
دنس
مشاعر مؤججة انتقام وشبق وغيرة
وأفعال مؤججة كالقتل والجنس والعنف
حتى الآن ما إن أراه حتى استرجع لثوان الذكريات الأولى المرتبكة لأيامي الحمراء

الأزرق
يبتلعني
لون الأسرار والعمق
أحب الألوان ولا أملك سوى التحيز لمن يحبونه
فاتحه اللبني صفاء، وغامقه الكحلى أشد سوادا من الأسود
اللون الوحيد اللامتناهي، هل هناك نهاية للسماء أو للبحر أو لعمق العيون الزرقاء؟

الأصفر
براق ومبتسم بلا هوية

البمبى
مراهق فى انتظار البلوغ
هو الأحمر قبل أن يتلطخ

الأخضر
كان لوني المفضل فى الطفولة
أحبه فى الطبيعة، عدا ذلك أقف منه على حياد، فهو فى منتصف المسافة بين الرغبة وبين الهدف
مبهج دون اسراف ومنتشي بلا رعونة

البنفسجي
قال عنه حسن طلب:
"الأزرق والأحمر توهج
صار بنفسج "
لون أقوى مما أحتمل، فلا أقترب منه إلا بحذر، ولا أبتعد عنه إلا بمقدار

البرتقالي
رغبة فى فجور
مجرد رغبة
لكن إذا خطوت تكون قد وطأت مملكة الأحمر

النبيتي
أحمر تقدم به العمر ففقد ألقه، ولكن تحت العينين الذابلتين جذوة مجون قديم مشوبة بالشجن

الذهبي والفضي
قد يوجدان فى الطبيعة، ولكني أحسهما مع ذلك صناعيين
تغمرني دائما معهما الرغبة لكشط اللون لأصل للون الحقيقة تحت كل منهما

الألوان
كلما حدقت بها شعرت كما لو كنت أهبط في سلالم حلزونية ضيقة وملونة

40 comments:

Anonymous said...

yaaaaaaaaaaaaaaaaaaaaah
wa7shany moooooooooooooot ya bent
ana hal7a2 awel commecnt o ha2ra el post wagy tany
ana ba7ebek awy ya black bgaad ba7esek my sister walay
salam b el meraba ya gamiela

Anonymous said...

i read el post o ana mesh ha3raf 2a2ol 2ay 7agah 3ashan enty 2olty kol 7aga bas ana aktar loon ba7ebo howa el blue b kol daragatoh,o el 3'areba en 2a3'alb el nas o borg el kaws belzat bey7ebo el blue
........
happy new year ba2a ya amar o inshaa allah this year will be the best year for you and u ain all ur dreams
o ba3deen law enty ray7a el east coast this year tell me as i got a job and i promised gosor sereya 2 visit her and she lives in the east coast
salam b meraba bardo

Enbee said...

تماماً على عهدي بك من الوهلة الأولى يا أميرة.. إحساسك يحاكي في دقته أكبر الرادارات قطراً على وجه البسيطة.. وعمق يسبر الأغوار وقدرة على التبصر في المعنى والمضمون

كان من الممكن أن تصبحي كاتبة بكل يسر .. فلديك القدرة على بلورة المفاهيم

تحياتي العطرة
وعود أحمد

محمد

مثليه said...

يا حبيبه قلبي يا سكره والله وحشاااااااااااااااني موووووووووووووت طبعا انا لما برحب كده الناس بتظن سوء لكن انتي عارفه انك غاليه عندي وربنا يعلم كنت مفتقداكي قد ايه واللي يظن يظن
انا لسه مقريتش البوست
بس انا بفتح بالصدفه بعد ما سما عملت عملتها و طفشت من غير حتى ما تسيبلي كوبايه ميه ابل بيها ريقي و خدت كل البوستات و قالي يا فكيك و لسه كنت هاجر عربيه كررو و ابدأ انزل اقف على العربيه بالميكروفونات عشان انده عليكي و عليها ليه تسيبوني لوحدي كده اهئ اهئ اهئ
على العموم الحمد لله على رجوعك يا ست الكل بالسلامه و ننزل سوا بقى على ضهر الكاررو ندور علي السما اللي ضلمت دي
عندي حكي كتير وكلام كتير و نفسي نقعد نرغي كتيييييييير و اختنا سما تعمل القهوة عالسبرتايه و تجيب الكنبه بتاعتها و نقعد نحكي و ننمً النميمه الكبيره
انا مفحوته شغل اليومين دول و دلوقتي حالا لازم اجري عشان فيه شغل لما ارجع هقرا و اعلق وربنا يرجعك يااختي يا سما بالسلامه زي ما رجعتي يا روز و تملوا عليا الدار قصدي البلوج

قلب امراه said...

عزيزتي
انا سمعتي كتير عنك وعن مدونتك وكلام الحلو وانا من زمامن متابعه لمدونتك بس بصمت ودلوقتي مع هالبوست ما قدرت افضل ساكته لاني كتير حبيت هالكلام والوصف الدقيق جدا للالوان وما تعنيه اول مره بعيد قراءة البوست كذا مره لاعرف عن معنى عشقي للون ما دون عن غيره اول مره اكتشف ان لوني المفضل ( الاخضر ) يعني الوقوف بالوسط بين الرغبه والهدف فعلا لما اتعمق بهالمعنى هو صحيح
اما الاحمر فهو وصف اكثر من رائع لما يعنيه هاللون
ومش حاطول تعليقي بس فعلا كل ما قلتيه هو صحيح ودقيق وجميل
اتمنالك السعاده والاستمرار

qwert anime said...

اول مره الاحظ اللون النبيتى
:)

مثليه said...

رقيقه و محيره في بوستاتك اتفق معك في بعض الالوان بلا جدال كال

كالأحمر و البمبس و الأسود الذي هو عشقي

أماالأبيض فهو الهدوء النفسي و الراحه اشعر وانا ارتديه انني سوف احلق في السماء
اماالأزرق فهو احد الواني المفضله اعشقه لأنه يمثلني فأنا من عشاق البحر و احد اسماكه:) و احب السماء بصفائها و غضبها احيانا واحب الداكن منه لتشابهه مع الأسود وطبعا العيون الزرق بحبها بس في الرجال اما العيود السود قلبي و روحي

الأصفر
غل و غيره و كراهيع و اكره هذا اللون بكل درجاته

الأخضر
ايضا احب منه الطبيعي حين انظر الى مساحه كبيره منه بس واحب درجه الزيتي

البنفسجي
احب منه الغامق و اشعر ببهجه حين اراه ولا استعمله

لا احب البرتقالي لتشابهه مع الأصفر وحتى البرتقال مبحبوش:)

النبيتي
النبيتي نضوج وليس شيخوخه فهو كأمرأه شهيه في منتصف الثلاثينات بجمالها و نضوجها و شهوتها الناضجه

نسيتي البنى و الرصاصي بس هقول انا :)

البنى والرصاصي الغامق بحبهم فالشتا واشعر بدفا حين اراهم و يشعراني وبقوه غريبه

الذهبي لون مبهج لكنه مصطنع اكره لأنه اللامع للأصفر:)
واعشق الفضي واشعر انه مني
انتي بقى كنتي فين و ليه غيبتي كل ده؟ اقولك لو هايضيقك تحكي بلاش المهم انك رجعتي و متمشيش تاني و تشحتطيني وراكي
على فكره اجاباتي عالبوست ده سريعه و كان نفسي اتعمق و اتمخمخ اكتر عشان فيه اكتر لكن للأسف ذهني شحنه خلص اليومين دول و مش لاقيه الشاحن

Desert cat said...

يااااااااه
الف حمد الله على سلامتك
بجد كنتى وحشانى جدا
وواحشنى احساسك الراقى ومشاعرك الجميلة يارب تكونى بخير وظروفك انتهت على خير

someone in life said...

روز يا روز

انا فرحانه قوي انك رجعتي
و شكرا لزيارتك للمدونه و هارجع اعلق تاني علي مهلي لاني في الشغل
من فضلك مش تغيبي تاني الدنيا كانت وحشه
كل سنه و انت طيبه و انشالله تكون سنه حلوة عليكي

احلي ورد لاجمل وردة ... باي

انا حره said...

حمد الله عالسلالالالالالامه

فرحت جدا والله لما لقيتك رجعتى

البوست حلو اوى بجد ويستحق انه يكون اول بوست بعد غياب طويل

كتابة said...

BLACK CAIRO ROSE>>

يا أهلا
و يا سهلا
فعلا ..رجعتي بشكل...جذاااااااب جدا
بوست جميل جداااا يا روز

تعرفي..
كمان فسّر لنا ليه مدونتك بتحمل اللون ده

تحياتي
وكوني دايما قريبة و بخير
يا رب
و حياتك بألوان حلزونية رايقة

someone in life said...

روز اللي وحشانا

انا رجعت تاني اعلق اولا شفت تعليقاتك في المدونات التانيه وواضح ماشاءالله تاتش وود مودك حلو

بالنسبه للبوست حلو و عميق لان باعتقادي ان الالوان في الدنيا مثلما تجملها ايضا تؤثر في شخصياتنا و مزاجتنا
هو تفسيرك غريب شويه للالوان يمكن من وجهة نظرك و كيفيه احساسك باللون

يعني انا لو قلت لك الالوان المفضله ليه بتهيألي هتبقي فضيحه ههههه
اولا الابيض بيليق علي جدا و بحب الاسود في المساء و في اوقات معينه لكنه الغير مفضل
باحب الاحمر جدا لانه بيليق مع بشرتي و باحب الازرق الغامق و باحب البرتقالي و خاصه لو ماتشنج مع الاحمر بدون تحديد بينهم

ممكن اميل للفضي اكثر من الدهبي باحسه ارقي
و لالوان الطبيعه باحب الوان البحر اكثر من الزرع

و اخيرا ربنا يلون حياتك بكل البهجة و الحب

تحياتي

Samraa said...

Dear Black Cairo Rose

dark blue is my fav,
black as well
...........
welcome back!
and may the new year bring you,all you were waiting for.
............

Regards

ناردين said...

المتميزة دوماً
بلاك كايرو روز
العنوان حسيت اني شايفاه قدامي .. سلالم حلزونية ملونة
افتقدت كلماتِك وافتقدت التواجد ولو بصمت تحت مظلة حروفك الغنية
..
دُمتي بالف خير

hanan khorshid said...

woooooooooow

7amdella 3ala elsalama

بجدددد نورتى جدااااا مدونتك
وفعلا الجميع كان منتظرك بفروغ الصبر
افتقدنا قلمك جداااا
ونرجو ان الاجازة دى تكون فعلا أسعدتك
وتكونى عيشتيها بالعمق اللى انتظرتيه

انا جايز علقت عندك متاخر بس من فترة طويلة وانا من مدمني البلوج ده
وبجد أول مرة احس ان بلوج عاجبنى لدرجة مخلتنيش قادرة اعلق فى
رغم انتظارى الدائم لكل بوست
والسعادة اللى بتحققهالى قرائته
وشغفى وفرحتى وانا بحاول آكل الاسطر ببنهم
:)

البوست ده حلو اوى
واعتدنا منك الغوص بعمق التفاصيل وربطها بأحلى وباقسى ما نشعر
ومامررنا به

أكتر تفسير عجبنى للون الروز
--------
البمبى
مراهق فى انتظار البلوغ
هو الأحمر قبل أن يتلطخ
---------

انا برضه دايما احس ان الروز رغم رقته "الكاملة" لكنه حاجة لسة محصلتش
او مشروع انفجار مؤجل

بس بختلف معاكى فى الأحمر
لانه قد يعبر عن الأنوثة الصارخة احيانا
أو أنه نوع من عشق الحياة

او الصراخ فى عالم تعود كبت الآهات
و التزام المالوف حتى فى الحزن

شكرا على كل البوستات الحلوة اللى نزلتيها
وعلى كل جملة كانت بتشبه حد من القراء
وشكرا لتشريفك البلوج عندى
وأخيراشكرا لعودتك
حمد لله عالسلامة
:))

سمـــــــــا said...

روروووو

حمد الله على سلامتك يا قمر وحشتينى اوى اوى اوى

ايه يا بنتى الغيبة دى ؟ مش ممكن حد يقعد مكتئب اكتر من شهر ونص !! دا انتى بالك طويل اوى فى النكد :))

تعالى هنا صحيح

ازاى تقولى ان ميراج او سما هانم سابقا تنام تحت الكوبرى ؟؟ انتى مش عارفة انى اخدت سطوح تمليك وطلعت اطير عليه طياراتى من فوق ؟؟

....................


فكرة الالوان دى عجبتنى موت بس انا عندى احساس قاتل بانى جعانة فانا هروح اتغدى ومتبصيش فى الساعة هى 9 يا فندم

هاكل وارجعلك نشوف ايه موضوع الالوان دا

...................

انتى كنتى هتقولى ايه على الملأ يا متهورة ؟ :)))

حمد الله على سلامتك مرة تانية يا قمر ورجعااااالك

باااااااى

FOrty said...

يا جماعه اللون الرمادى راح فين ده اهم لون لانه لون اغلب الناس مفيش حد ابيض و اخر اسود كل واحد منا درجه من الرمادى لو زاد السواد جواه بقى لونه الرمادى اغمق ربنا ما يوريكم و يخلى رماديكم افتح ما يكون

احساس لسه حى said...

عزيزى

تعليقك عندى غير واضح

انا احب اعرف موقفك بوضوح وبصراحه

رجاء الرد على البوست ده

لان دخولك عند قطة الصحراء

شئ غير ايجابى

لان التعال مع الخونه واعداء المقاومة

زى التعامل مع اسرائيل

وخليك ايجابى

ووابدأ بنفسك

قبل ما تطالب الحكام

اللينك اهو

ومستنى رائيك

http://mshmuwafk.blogspot.com/


رائيك تانى بوضوح
سلام

soly88 said...

العزيزه بلاك روز
اهلا بيكىوالبوست اكثر من رائع
اتفق معك تماما فى مشاعرك تجاه الذهبى والفضى
اعشق الأزرق بجميع درجاته عدا اللبنى
اما الأحمر فيعبر عن نزوه او حاله مزاجيه وقتيهواعتقد ان الموف يشترك مع البرتقالى فى نفس وصفك المدهش
اما البمبى فيذكرنى براقصات الدرجه التالته
والنبيتى كما كتبتى وقار يخفى وراءه شىء ما
الألون عالم يعبر بوضوح عن هويتنا
حتى لو ادعينا غير ذلك
ملاحظه
=====
اعجبتى تعليق ناردين الذى تقول فيه(التواجد ولو بصمت تحت مظلة حروفك)

سمـــــــــا said...

رجعت تانى لالوانك اللى عايزة اقولك انها فعلا مميزة عندى واكاد اكون بحبهم كلهم


فالابيض
احبه فى الملابس ولكن نادرا ما ارتديه ولذلك عندما اردتيه اشعر ان اليوم مميز ويعكس تميزه علي
واحبه ايضا فى الزهور الصغيرة البيضاء


الاسود
اشعر معه بالقوة والحزم ومنتهى الجدية والكثير من الغموض و لا يرتبط معى كالبعض بالحزن او الكئابة

الاحمر
لون التيوليب والقرنفل الاحمر وصندلي السواريه
اعشق هذا اللون واشعر معه بالحياة والدفىء والحميمية والنعومة ، هو رمز للحيوية والنشاط والبهجة لدى فعندما اراه فى اى شىء لابد ان ابتسم واشعر ان اليوم سيصبح جميلا ودافىء



الازرق
هو البحر والسماء وهما جزء لا يتجزأ منى ولهذا أعتبره فى حياتى لون مسلم به فهو انا ببساطة :)


الاصفر
عندما اراه اتذكر دائما الصيف والشواطىء ولعب الراكيت


البمبى

هو درجة من درجات الموف وهو لون اعشقه وله معى سحر غريب ولهذا احب اى درجة منه بداية من الموف الغامق وحتى البمبى


الاخضر

على فكرة انتى فطستينى من الضحك علشان انا مقيرتش وصفك انتى للالوان وحبيت انى اعبر عن رأى انا وبعد لما انشر اقرا كلامك فاكتشفت ان عينى جت على اللون الازرق والاسود والاخضر فلقيتنى كاتبة نفس كلامك تقريبا

عيب اوى كده بجد انا مش عارفة ابعبر ، شكلى فى الاخر هعمل لك كومينت اهز لك راسى واقولك انا موافقة موافقة :))

انا كمان بحب اوى الاخضر فى الطبيعة وبكرهه اوى فى الملابس ، لكن احب ان استغله كديكور فى المنزل سواء لون لبعض الوان الحائط او السيراميك فهو يعطى كونتراست جميل ويظهر باقى الالوان كاستخدام الازرق مع الديكور الفاتح ايضا احبه كثيرا


البنفسجى
هو لون زهرة البنفسج الحبيبة ولون الشتاء الحزين الدافىء والغامض فى نفس الوقت

اكثر الالوان حميمة الى قلبى هو الموف والبنفسجى والازرق كما قلت مسلم به فى حياتى ولكن الموف والبنفسجى اقرب الى روحى ونفسى


البرتقالى
لون جرىء وحار لا تقترب منه الا من لديها القدرة على التحدى وتتسم بالقوة والتميز والثقة فى النفس فهو اما يزيد الشىء جمالا او يظهر كل عيوبه


النبيتى
اتذكر دائما اننى ارتديه او اضعه كاحمر شفاة عندما يكون وجهى حزين فاضعه ليعكس قليلا من البهجة فيعكس مزيدا من الحزن لا اعرف لماذا !!!


الذهبى والفضى

الا اميل لهما كثيرا لانى اشعر عندما اراهم اننى فى كوكب فضائى مصطنع وانا اميل للطبيعة بكل اشكالها واكره التصنع

..........

بجد موضوع جميل اوى يا روز وانتى وحشتينا كتييييير بجد

ومن فضلك بقى بطلى اكتئابك وغيبتك الطويلة دى احسن انا كمان اتهور واختفى وشوفى بقى هتلاقينى فين :))

واللا اقولك تعالى نختفى ونسيب مثلية بعربيتها الكارو تدور علينا :))

سلام يا سكرة

سمـــــــــا said...

اسمحيلى اسيب لصديقتى مثلية الرد هنا علشان بلوجها بيعاكسنى ومش راضى يفتح صفحة الكومينتات

..............

صاحبتى مثلية اللى مشرفانى وفضحانى على طول بعربيتها الكارووووو

بجد انا مضطرة ابلغ عنك واسحب لك نمرها واشحططك فى المرور :))

هو انا كل لما اختفى فى هدوء الاقيكى ورايا بالميكروفون بتاعك ؟؟ انا مش عارفة حتى استخبى بين عيدان الدرة منك

طول النهار يا سما يا سما يا سما بتفكرينى بولاد اختى كل لما يشوفو وشى يفضلوا ماشيين ورايا زي البطة وولادها وحتى لو داخلة الحمام الاقيهم جايين ورايا فاضطر ابص لهم واقول ما تتفضلوا معايا والنبى انا مش غريبة :))

ادينى يا ستى غيرت الاسم بعد كده هتقولى يا ميراج هقولك روحى دورى على الميراج بقى معاكى ربنا واتنين ملايكة :))

...............

لأ بجد ميرسى على اهتمامك يا قمر وميرسى على ذوقك وطيبتك يا اجدع صديقة وربنا ميحرمنيش منك ولا من ميكرفونك ولا عربيتك الكارو ولا الحمارين اللى اكيد جارينها :))

سلام يا قمرة

..............

لو سمحتى شيلى موضوع الفيريفيكشن بتاع الارقام دا علشان على طول عاملى مشاكل لانى غالبا مش بشوفه :))

عييييب هو اللى مش واضح مش انا اللى مبشوفش لا سمح الله :))

باااااااااى

جسور سرية said...

العزيزة بلاك روز
كل سنة و انتي طيبة يا جميل
الالوان معجزة الله في خلقه
لكل منها معني و رسالة مختلفة باختلاف الزمان و المكان و كذلك الدرجة
و لكن دوما يبقي بيني و بين اللون الاخضر الفه و محبة سرية

blackcairorose said...

Sola
I still have an invitation to visit my friends in MD this year. I would like to go but haven't make up my mind yet. I promise if I go this summer I will call you.
Regards

blackcairorose said...

باراكودا

شكرا على الكلمات

ويبدو ان لدينا نوع من توارد الخواطر لأني كنت افكر أمس أن اكتب تدوينة عن أني فى المواقف الشخصية الصعبة عادتا ما أخاطب من أمامي بالرسائل وليس شفاهة، وهو أمر قد يكون له مزاياه من القدرة على بلورة الافكار ولكنه أيضا له عيوبه بكل تأكيد

أطيب تحية

blackcairorose said...

مثلية

شكرا على كلماتك واللى تأكدى انا بستقبلها بنفس الروح اللى اتبعتت بيها

مشاغل عملية ونفسية، ومقدرش اقول انها انتهت ولكن حبيت ارجع للكتابة لانها بتديني وقت حلو فى التدوين وفى التواصل مع الاصدقاء هنا، يمكن التدوين فى مرحلة ما بيبقى عامل زى الموسيقى بيديكى دفعة معنوية وده اللى انا حساه دلوقتي

ان شاء الله امورك ومشاغلك انتى برضه تكون عامل ايجابي ومش سلبي لانه احيانا حلو اننا نبقى مشغولين قوي او بدرجة اكبر من المعتاد

بس ده ميمنعش انه ميشغلكيش عن التدوين برضه

خالص الود والمعزة

blackcairorose said...

ريم

اهلا بك وشرفت المدونة بمرورك وتعليقك وشكرا كثيرا على الكلمات الحلوة

وانتظريني فى مدونتك التي سيسعدني التعرف عليها

اطيب تحية

blackcairorose said...

qwert anime

أحيانا نلاحظ شيئا لأول مرة غير أنه يمكن جدا أن نكون قد أدركناه قبل ذلك بزمن

blackcairorose said...

قطة الصحراء

شكرا ويسعدني دائما مرورك وقرائتك والتحاور معك

وانتظريني دائما فى مدونتك كقارئة قبل أن أكون أو لا أكون معلقة

blackcairorose said...

someone in life

ويلون حياتك ايضا يا عزيزتي بالبهجة والالوان المفرحة

والملاحظ فى الالوان انها مع الوقت بتفتح الباب لخيالات وتنويعات لم نكن نظنها ممكنة فى السابق

يعنى زمان لم يكن احد يعتقد ان الازرق والاخضر يمكن ان يكونا مزيج متناسق، وهناك قصة ايام القرن الثامن عشر فى فرنسا فى وسط الاميرات وسيدات المجتمع أن سيدة مجتمع علمت ان منافستها ستحضر حفلة ستقيمها الاولى فى منزلها وسترتدي فستان اخضر، فقامت السيدة الاولى وهى صاحبة الدعوة والمنزل بطلاء حائط المنزل باللون الازرق حتى يظهر فستان غريمتها الاخضر نشاز خلال الحفلة

أما الان فالازرق والخضرا يمكن جدا ان يرتديا كمزيج متداخل فى فساتين السهرة بالذات وايضا الاخضر والبنفسجي ،والاحمر والبرتقالى ايضا كما قلتى انتى وهكذا

خالص الود والمحبة دائما

blackcairorose said...

أنا حرة

سعادتى اكثر بالتواصل معاكى يا عزيزتى وكل عام وانت دائما فى انسجام وحب

blackcairorose said...

كتابة يا كتابة

تشغلين دائما فى عقلى مساحة أكبر من مساحة كلماتك، ربما هى مساحة المعاني الرحبة التى تتضمنها هذه الكلمات

blackcairorose said...

Samra

And I hope your new year will be filled with what last year lacked. And will lack what your last year hated.

blackcairorose said...

ناردين

وأنا دائما افتقد كلماتك وتعبيراتك المدهشة والبليغة، لعل مدونتك الجديدة تذكرك أن لك قراءا مازلوا يترقبون جديدك وينتظرونه

صدقيني أنا منهم

blackcairorose said...

حنان

كلماتك أجمل من أن أرد عليها واطراءك بصراحة سيجعلني مغرورة!

شرفتي واهلا بك دائما

blackcairorose said...

ميراج

بصي لما بكتب تدوينة بلاقي نفسى احيانا بفكر طيب ميراج هتعلق وهتقول ايه على الموضوع ده او ده، دايما بجد اراءك بعمل لها حساب مسبق

وزى ما شفتى بعتلك مسبقا اعرف رأيك فى موضوع عايزه اكتب فيه، ومستنية ردك لأن فيه حاجات بحس ان رأيك فيها موزون وبنبقى كتير على نفس الموجه

معلش انا ظروفى زى ما كتبتلك كانت ولا زالت ملخبطة بس الحمد لله عدنا وواصلنا بعد فاصلنا

blackcairorose said...

اوفر فورتى

بتفق معاك جدا ودايما اقول ان مفيش ابيض واسود ولكن هناك مائة درجة من الرمادي، وده خصوصا لما بتكلم عن الاشخاص وشخصياتهم

blackcairorose said...

احساس لسه حى

مررت عندك للتحية والتهنئة ولكنى لم أدخل من اجل الحوار، فاحيانا لا أريد ولا أرغب ولا أنصح بالحوار سواء فى مدونتك أو فى بعض المدونات الاخرى

فارجو ان تتقبلنى زائرة خفيفة مثلما اتقبل أنا ايضا زواري بمختلف اتجاهاتهم دون أن انتظر منهم شيئا محددا الا مايرغب هم فى كتابته

وشكرا

blackcairorose said...

سولي

شكرا على الاطراء

اما عن ناردين، فانتظر كتاباتها، كانت لها مدونة قديمة منذ حوالى العامين كانت أكثر من رائعة باسلوبها وتعبيراتها التي وصفتها يوما بأنها مزيج من براءة تعبيرات الطفلة وعمق تعبيرات النضج

blackcairorose said...

جسور

مرحبا بك وكل عام وايامك كلها سعيدة
واذا كانت 2008 كان لها بريقها ـ كما أرى ـ فى حياتك فاتمنى أن تزداد 2009 بريقا ومحبة

ودمتى

أحمد.... said...

ياااااااه
بجد بجد و الله انا فرحان اوي اوي اوي

نورتينا من تاني

في البداية اعتذر على التأخر في الرد
و لكن بداية عام جديد و مشاغل جديدة لابد من الانتهاء منها قبل الانخراط في حياتي الجميلة

اولا عودا حميدا

ثانيا اشكرك على زيارتك الجميلة للمدونة و كلماتك الرقيقة كعادتك التي زادتني فرحة اكثر مما تتصوري

هل تعلمين انني في كل مرة ازرو مدونتك العزيزة و اقرأ كلماتك اكتش لها معاني جديدة

تحياتي